31/12/2023
茶墨係尖沙咀不經不覺咁就五年。呢五年我地一齊經歷左香港呢十幾年最大既變化，感激一眾支持我地既顧客，茶墨先可以撐到咁耐。但呢一年既狀況有目共睹，人流已經今非昔比，奈何我哋唔係大集團，已經再冇彈藥可以去守。
只能忍痛說再見。
我係開茶墨之前，好想開一間有座位既飲品店，好似Tea Cafe咁，比人坐低食個茶點飲杯嘢。原本係諗住franchise人地既品牌黎做，但當揀品牌嘅時候發現全部都係「過江龍」所以就決心創立一個本地品牌出黎。一路營運、一路學習，方向亦都不斷修正。曾經有海外公司搵我哋合作去東南亞地區發展，能夠畀人睇中將本地嘅品牌向外推真係非常之開心！
但傾到簽約前一刻，疫情就將所有嘢煞停。茶墨走出海外嘅計劃只能惋惜。茶墨對於我黎講係一個精神，就好似我哋嘅格言咁「茶墨視茶如墨 視杯如紙」有著視每件作品為藝術品般的堅持。
有時我會落鋪收下銀同啲客人傾下計，聽到「有啲熟客講”你哋啲嘢好特別，快啲開分店啦」，「我出親尖沙咀都會搵你哋」呢啲好似閑聊嘅說話，其實係對我哋好大嘅鼓勵，好多謝一眾欣賞我地飲品既客人；同埋曾經喺茶墨工作過嘅所有同事與合作伙伴。
茶墨呢個品牌會保留，終有一日會再開番，我地有緣再會，珍重。
店主泰利字
