Eat HK Girls

Eat HK Girls 我要食好西，最愛西柚汁😍💦
推介所有有關飲食嘅嘢

喺銅鑼灣搵火鍋食，最後都係返嚟「方叔叔」。今次試咗佢哋嘅二人套餐，份量比想像中更豐富，而且依家價錢更大眾化，午市仲免加一，人均大約200都好豐富，以呢個質素嚟講算係幾抵。湯底二話不說揀咗鴛鴦鍋：重慶麻辣鍋配蕃茄鍋。麻辣夠香夠辣，蕃茄鍋就夠鮮...
05/05/2026

喺銅鑼灣搵火鍋食，最後都係返嚟「方叔叔」。今次試咗佢哋嘅二人套餐，份量比想像中更豐富，而且依家價錢更大眾化，午市仲免加一，人均大約200都好豐富，以呢個質素嚟講算係幾抵。

湯底二話不說揀咗鴛鴦鍋：重慶麻辣鍋配蕃茄鍋。麻辣夠香夠辣，蕃茄鍋就夠鮮甜。肉質一如以往咁高質，美國 Prime 牛胸腹油花好靚，黑豚腩肉亦喺水準之上，輕輕燙一燙就食得，個餐仲有午餐肉嗰啲就唔特別講。

必試推薦：
• 鮮切清遠雞： 呢個好驚喜，三十幾蚊完全唔貴，而且已經細心起晒肉，啖啖肉食落好方便。

• 卜卜脆貢菜： 平時比較少地方食到咁新鮮嘅貢菜，口感脆卜卜，吸晒麻辣汁超惹味。

• 水仙烏龍檸檬茶： 份量好誇張！難得甜度控制得幾好，清爽解膩，係配火鍋嘅完美拍檔。

最後一定要留肚食紅糖糍粑，外脆內軟仲有流心效果，甜甜哋正好平衡返麻辣嘅後勁。

總括嚟講，嘢食依然維持到高質素，午市嚟食性價比真係無得輸，希望呢份高質同實惠可以一直維持落去。

—————————————
𖠿𖥣 方叔叔重慶老火鍋 Uncle Fong Hotpot
〒 銅鑼灣渣甸街50號渣甸中心1樓
—————————————
#銅鑼灣美食 #方叔叔 #重慶火鍋

04/05/2026

今次東京之旅，專程嚟咗人形町朝聖呢間歷史悠久嘅「日山」。通常喺東京食壽喜燒，大家都會喺「日山」同「今半」之間掙扎，我今次揀咗前者，主要係想感受嗰份更傳統嘅氛圍。

預訂與價錢：
我係用 Pocket Concierge 預約兼俾埋錢，非假期提早一個星期就 book 到。有幾款套餐可以選擇，最平有黑毛和牛，今次揀咗最高級別-米澤牛套餐 (18,480 yen)。老實講，喺香港呢個價錢真係食唔到呢個級別嘅和牛，食材質素確實係日本嘅優勢。

用餐體驗：
全包廂加埋1:1席前料理，儀式感同私隱度都做得好好。米澤牛嘅油花分布極靚，配埋溫潤嘅醬汁同蛋液，嗰種入口即化嘅感覺係水準之內。

食後感：
不過對我嚟講，唔算好深刻～
雖然性價比係高，再嚟東京，我下次會想試吓其他更具特色或者更有驚喜嘅壽喜燒店。

呢度係一個唔錯嘅「體驗」，特別係體驗和風建築嗰份寧靜感嘅朋友，但如果想發掘更多可能性，東京其實仲有好多選擇！

—————————————
𖠿𖥣 日山 Hiyama
〒 東京都中央区日本橋人形町2丁目5-1
—————————————
#日山 #人形町美食 #東京壽喜燒

數碼港一向被戲稱為「美食沙漠」，要在這區搵間坐得舒服、質素穩定的餐廳確實不易。這家日本料理開了很久，久不時都會過來吃頓飯，貪其環境夠靜。這次叫了幾款，食物穩紮穩打• 刺身盛合（上）與壽司盛合（特上）：比起壽司，個人覺得刺身的表現更出色一點。...
01/05/2026

數碼港一向被戲稱為「美食沙漠」，要在這區搵間坐得舒服、質素穩定的餐廳確實不易。這家日本料理開了很久，久不時都會過來吃頓飯，貪其環境夠靜。

這次叫了幾款，食物穩紮穩打
• 刺身盛合（上）與壽司盛合（特上）：比起壽司，個人覺得刺身的表現更出色一點。刺身拼盤內的食材如海膽、拖羅等，油脂與鮮甜度都對得起價錢。建議來這裡可以多專注在刺身類。
• 鮮牛肉泡菜豆腐鍋：屬於暖冬系列或火鍋類的選擇，熱辣辣的泡菜湯底酸辣開胃，配上滑嫩豆腐，在冷氣足的商場裡食確實幾暖胃。
• 小驚喜：除了大路款式，菜單上還有像 Tapas 鵝肝脆方或灸燒刺身這類日式小食，幾適合想多試幾款不同口味的人。

性價比在區內算是不錯，見到登記成為會員就可以領取一份「晚市燒烤套餐：雞三樣品」，去之前可以先入會。

奧壽司 / 涩谷洋洋
SHIBUYA TREAT By Oh Sushi
香港數碼港商場3樓307店

如果搵緊地方同朋友或同事聚餐，可以參考下。見到官網買一送一 。平日自助晚餐 - 成人 (2位用) HK $585.6 已包加一😮 人均二百幾平時真係比較少食 Buffet，但今次同幾位朋友聚會揀咗喺黃竹坑 I-O-N。去到發現星期五晚竟然全...
26/04/2026

如果搵緊地方同朋友或同事聚餐，可以參考下。見到官網買一送一 。平日自助晚餐 - 成人 (2位用) HK $585.6 已包加一😮 人均二百幾

平時真係比較少食 Buffet，但今次同幾位朋友聚會揀咗喺黃竹坑 I-O-N。去到發現星期五晚竟然全場6-7成滿，好彩我哋訂咗間半透明嘅廂房，有私隱度得嚟又唔會覺得同出面完全隔絕，呢種空間感喺一般自助餐幾少見，好啱同朋友圍爐吹水

而家佢哋做緊東南亞主題，每位會送半隻蒜茸蒸龍蝦，蒜香味幾出。雖然我呢餐主力攻蛋白質，瘋狂掃松葉蟹腳、凍蝦同埋估唔到咁有水準嘅中式蒸魚，但呢度嘅食物種類真係幾多元化，見到隔離枱有公司聚餐，亦有一家大細，大家都搵到自己鍾意食嘅嘢。

最令我失守嘅係甜品區——竟然有成個木桶上嘅豆腐花，加埋部 Pancake 機同埋熱辣辣嘅葡撻，最後都係忍唔住食咗少少。聽嗰度啲同事講，佢哋會定期轉主題，次次嚟都有啲新鮮感，呢點幾好。

23/04/2026

呢間喺太古廣場 「䭘jing」 真係幾有意思！
平時去 PP (太古廣場) 都係覺得行奢侈高級路線，點知喺呢個咁型格、復古得嚟又有格調嘅環境入面，竟然可以食到好有鑊氣嘅港式小炒，呢種反差感真係好正。

呢度係 wellwellwell 旗下品牌，雖然開喺太古廣場，但定位其實幾大眾化，人均大約 $250 至 $400 左右。最特別係你可以豪邁咁用「戰鬥碗」飲啤酒，喺舒服嘅環境感受大牌檔嗰份快意。

幾款重點推薦菜式：

• 蝦醬爆魚膘： 呢道菜係全場焦點！魚膘（我以前叫魚pok）已經唔係好多地方食到，厚身魚膘配埋大澳蝦醬爆炒，起菜前仲會淋上茅台。高溫令酒香瞬間爆發，將蝦醬嘅鮮味再昇華，未食已經聞到好香，魚膘吸晒啲汁真係好惹味。

• 鹽焗本灣馬友： 馬友魚本身油脂就重，用古法鹽焗可以鎖住魚肉嘅鮮甜。敲開鹽層嗰陣魚油香四溢，肉質細嫩，火候控制得好好，推薦！

• 芝麻糖脆皮雞： 呢道係手工懷舊菜，雞皮薄到好似紙咁，上面鋪滿芝麻炸到好香脆。擺盤特意復刻咗以前嘅鳳凰形態，同餐廳嗰種復古未來感嘅裝修幾夾，唔單止好食，打卡一流。

• 乾窩粉絲蝦球： 鍾意食辣嘅一定要試，四川師傅用咗成二十幾種辛香料整嘅乾窩醬，麻辣層次好豐富。大虎蝦球肉質彈牙，底層嘅粉絲吸晒蝦鮮同醬汁，非常開胃。
呢度除咗「䭘jing」，仲有 Remedy Me 同 TEAHOUSE/BARHOUSE，將時令飲品、茶餐廳同雞尾酒文化結合。想喺金鐘搵個地方食得有鑊氣、環境又型格嘅話，呢度係一個好選擇。

—————————————
𖠿𖥣 䭘 jing
〒 金鐘太古廣場LG1樓002號舖
—————————————
#太古廣場 #型格大牌檔

星園 Sing Garden 🏮 最近去咗銅鑼灣試佢哋個「聚」嘗味套餐。環境幾開揚，望到鬧市景，坐得舒服，幾適合同朋友或者屋企人聚餐。套餐 $628/位，由前菜、湯羹到主菜、主食同甜品都有齊，配搭算均衡，喺銅鑼灣嚟講性價比唔錯前菜淮揚三秀做...
21/04/2026

星園 Sing Garden 🏮

最近去咗銅鑼灣試佢哋個「聚」嘗味套餐。環境幾開揚，望到鬧市景，坐得舒服，幾適合同朋友或者屋企人聚餐。套餐 $628/位，由前菜、湯羹到主菜、主食同甜品都有齊，配搭算均衡，喺銅鑼灣嚟講性價比唔錯

前菜淮揚三秀做得幾精緻，味道清爽；順德脆魚粒拆魚羹夠滑，加咗脆魚粒多咗口感，幾暖胃。主菜入面印象比較深係燒椒醬日本元貝配鍋巴，帶子嫩、鍋巴脆，幾有層次；香茅乳鴿就炸得香口又帶少少香茅味。最後和牛崧脆米炒飯都有鑊氣，口感豐富，食完都幾滿足。

另外餐廳有包廂同KTV，可以按預算調整菜單，適合多人聚會；加上免開瓶費，對會帶酒嘅人都幾方便。

📍銅鑼灣軒尼詩道500號希慎廣場14樓

這間位於上環的 和緣 Wa-En Kappo，位置確實無得輸。坐擁 270 度維港海景，每次望住呢個世界級嘅山海景色，真係會感慨香港嘅美景真係百看不厭。呢度主打割烹料理，菜單大約每兩個月就跟住時令食材更新一次，每次嚟都有新鮮感。今次試咗佢哋...
20/04/2026

這間位於上環的 和緣 Wa-En Kappo，位置確實無得輸。坐擁 270 度維港海景，每次望住呢個世界級嘅山海景色，真係會感慨香港嘅美景真係百看不厭。呢度主打割烹料理，菜單大約每兩個月就跟住時令食材更新一次，每次嚟都有新鮮感。

今次試咗佢哋嘅六道菜午市套餐，仲額外追加咗名物，水準依然穩定：

• 螢光魷魚茶碗蒸：作為開胃菜，螢光魷魚嘅鮮味融入滑嫩蘭王蛋液，好有季節感。

• 北海道蝦夷鮑天婦羅：呢道炸物非常費功夫，鮑魚要先慢煮足足 8 個鐘，做到煙韌彈牙嘅口感再炸。外層天婦羅皮輕薄香脆，入面鮑魚肉質結實，處理得幾精緻。

• 追加名物：呢款組合好豪華！有吞拿魚腩、海膽、牡丹蝦，最特別係加咗粉紅色嘅紅菜頭泡沫。入口嗰陣，泡沫同海膽嘅甜味融合，配埋天婦羅紫菜嘅脆感，幾種口感喺口入面爆發，視覺同味覺都好滿足。

• 和牛壽喜燒：配埋燒豆腐同舞茸，和牛油脂香氣十足，配埋蛋黃食落去非常順滑。

壽司方面：
由肉質細膩的間八魚開始，到油脂豐厚、經過炙燒後香氣提升嘅鰆魚；仲有口感緊緻嘅金目鯛同配上海苔醬油嘅深海池魚。最後以入口即溶、油脂感最強嘅大腹作結，轉承轉合做得唔錯。

最後嘅甜品係焙茶布甸配自家製焦糖脆脆。焙茶味濃郁，配埋超級脆口嘅焦糖碎，為呢餐海景 Lunch 畫上完美句號。

喺呢個環境對住咁靚嘅維港食 Kappo，無論係紀念日定係想獎勵吓自己，都係一個幾好嘅選擇～


—————————————
𖠿𖥣 和緣 Wa-En Kappo
〒 上環干諾道西48號干諾中心29樓
—————————————
#和緣 #上環美食

住喺薄扶林咁耐，如果唔係教職員朋友帶路，完全唔知醫學院入面原來有間咁高質嘅餐廳。環境時尚得嚟又夠靜，最正係對住個無遮擋全海景，望住藍天白雲食嘢空氣都好啲（平時附近冇咩好野食🙈)平時唔算多人，坐得好舒服，慢慢坐都冇人趕 。明白呢個位置對大部分...
06/04/2026

住喺薄扶林咁耐，如果唔係教職員朋友帶路，完全唔知醫學院入面原來有間咁高質嘅餐廳。環境時尚得嚟又夠靜，最正係對住個無遮擋全海景，望住藍天白雲食嘢空氣都好啲（平時附近冇咩好野食🙈)

平時唔算多人，坐得好舒服，慢慢坐都冇人趕 。明白呢個位置對大部分人嚟講未必算方便，我哋住附近就最開心，每次食完行返屋企當散步消化吓

餐點同服務方面都幾好，下午茶勝在幾抵食，一份滑蛋奄列拼多士 $35，西多士套餐 $36，早排仲有炸雞髀薯條 。望住個海景慢慢食真係幾chill 。上次同朋友試埋晚市，人均大約 $150 至 $180，炸子雞做得幾出色，性價比極高。好啱同屋企人或者朋友過嚟聚餐

—

𖠿𖥣 The 1887
薄扶林沙宣道21號醫學院7樓

—
#薄扶林美食 #香港海景餐廳 #沙宣道

復活節五連假，如果唔打算外遊，喺香港遊走其實都有好多好去處。行完西九龍公園睇海景，行過嚟戲曲中心的餐廳-遊園呢度環境幾特別，裝潢靈感來自《遊園驚夢》，木構件屋頂配埋古色古香嘅「牡丹亭」，古雅得嚟幾典雅。最緊要係喺尖沙咀呢帶，咁嘅出品同環境，...
04/04/2026

復活節五連假，如果唔打算外遊，喺香港遊走其實都有好多好去處。行完西九龍公園睇海景，行過嚟戲曲中心的餐廳-遊園

呢度環境幾特別，裝潢靈感來自《遊園驚夢》，木構件屋頂配埋古色古香嘅「牡丹亭」，古雅得嚟幾典雅。最緊要係喺尖沙咀呢帶，咁嘅出品同環境，性價比真係算幾高，感覺得出大廚對食材同做法都好有誠意。

幾款私心推薦嘅誠意之作：
• 焦糖菠蘿黑毛豬叉燒： 選用黑毛豬腩肉，油花分布平均，入口鬆化嫩滑。最特別係表面烤到微脆，再配埋酸甜嘅焦糖菠蘿同菠蘿蓉，平衡咗肉膩感，層次感幾強。

• 海南文昌雞： 皮薄肉嫩，最驚喜係配咗成六款醬料！由自家製芫荽薑蓉到文昌綠色酸橘子醬都有，將經典嘅海南雞提升咗唔少

• 台山手工黃鱔砂鍋飯： 呢道係手工功夫菜，黃鱔要拆肉起骨，再加埋十五年陳皮炒熟。砂鍋飯粒粒分明，熱辣辣食落去黃鱔肉爽口彈牙，底層仲有啲脆口，份量都幾大，百零蚊幾抵食

• 拍薑蔥油蒸馬友魚： 馬友魚肉質本身就厚實鮮甜，大廚淋上熱蔥油同拍薑，香氣即刻昇華，食得出魚肉原始嘅鮮味，重點係已經開邊略為去骨，呢個位置加分！

除了中式小菜之外，仲有啲街頭情懷，好似用「戰鬥碗」裝嘅懷舊碗仔翅，雞湯底清甜順喉。最值得一提係佢用咗日本素翅，響應環保之餘，升級版食落亦非常有口感，完全唔輸傳統口味。

最後一定要留肚食生磨腰果鮮奶露，大家都話係「被中菜耽誤嘅甜品」，質素媲美甜品名店，口感細滑、腰果味濃，值得為咗呢碗甜品專程嚟多次。

喺呢個復古環境，配埋杯古越龍山黃酒，真係幾有放假悠閒嘅感覺。
hk
—————————————
𖠿𖥣 遊園 Peony Garden
〒 尖沙咀柯士甸道西88號戲曲中心地下2-3號舖
—————————————
#復活節好去處 #西九龍 #戲曲中心

Address

Hong Kong

Website

Alerts

Be the first to know and let us send you an email when Eat HK Girls posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Eat HK Girls:

Shortcuts

Share

Category