Kii之美食旅程

21/01/2026

浸大除左頹can ，仲有呢間西餐揀，眼見都有唔少職員、教授、學生約埋一班人嚟幫襯（浸大職員、學生，甚至舊生都有折！），呢到氣氛休閒舒服、空間大枱距寬，適合同朋友慢慢傾計！我地揀左一個$188&$248套餐，齊麵包、湯、前菜、主菜～

麵包�有啲似黑糖麥包，外脆幾軟熟～

餐湯：蘑菇湯�菌香濃郁忌廉平衡唔膩，有啲咬口

前菜：牛肉他他�牛肉他他新鮮，texture幼條，調味清新唔算重，配薄脆片幾有口感，我見隔籬枱問職員拎嗰幾塊，職員都好Nice免費加俾佢👍🏻

前菜：鵝肝多士�鵝肝大嚿香濃，配酥脆多士同酸酸哋嘅菠蘿片同醬汁，酸甜解膩👍🏻

主菜：油封鴨髀意大利飯 $188�油封鴨髀慢煮得外層硬硬地但肉質軟嫩易脫骨，鴨肉juicy帶油香，意大利飯調味較濃，但口感唔太膩。

主菜：海膽扁意粉 $248�扁意粉彈牙有勁，醬汁濃郁裹滿每條麵，海膽份量多+濃味，賣相金黃誘人，唔錯～

賣點�空間大舒服、多選擇、營業時間長
�好味度：7/10
�🎡餐廳資料�餐廳名稱：Bistro NTT by Attic Bistro NTT�餐廳地址：九龍塘聯福道32號吳多泰博士國際中心地下（近九龍塘站A2出口）�營業時間：星期一至五 08:00-22:00；星期六、日及公眾假期 12:00-22:00
� #香港美食 #九龍塘美食 #香港必食 #香港探店 #香港打卡 #香港旅遊 #九龍塘探店 #香港好去處 #九龍塘推薦西餐 #九龍塘好去處 #法式 #浸大美食地圖 #餐廳推介 #約會好去處 #食評 #香港食評 #九龍塘

07/08/2025

裝修好有特色嘅浙菜餐廳
呢排分別係唔同地方都見到呢間成間餐廳都係綠色，主打新派浙菜嘅內地過江龍。雖然有啲浮誇，但環境睇落係幾雅致，帶啲懷舊風情，職員衣著都好復古🙊 見黎緊將軍澳中心會開（睇openrice先知開左了），一於試下先～

龍井綠茶 $12/位�龍井綠茶幾清香，茶味濃郁但唔苦，$12/位，點都飲多啲先走😛

筆墨酥香 $48�打卡野但味道都ok的，想打卡記得mark低🤣 佢將酥餅變成一支毛筆嘅筆尖，旁邊仲有扮墨水嘅紅豆味醬，食嘅時候就好似食點左墨水嘅毛筆頭😂 雖然係色水野，但味道都唔錯，酥餅好香脆，唔點紅豆都ok, 點左就甜啲冇咁寡

蔥薑蓉砂鍋焗牛肉 $128�牛肉厚實但又焗得幾嫩滑，蔥同薑蓉味滲入牛肉，但唔會好搶又過濃味，幾好餸飯。

蔥香脆皮烤鴨 $128�鴨皮烤得金黃香脆，肉質嫩滑唔羶，配上成個底嘅蔥蓉同少少醬，入口都香濃。

黑松露牛肉炒飯 $88�正！飯粒炒得粒粒分明，鑊氣十足，牛肉粒嫩滑，份量都夠多，配上黑松露嘅超濃香，好開胃👏

暴打鳳梨茶 $28�打卡again! 鳳梨茶附有一隻冰雕熊仔幾得意😆 雖然唔知暴打係咩意思😂 但杯飲品係清新，鳳梨味突出，冰涼涼好解渴，仲有陣淡淡嘅茶香👏

賣點
🫰食物、創意、環境
星期五晚幾多人，要等

好味度：8.5/10

綠茶餐廳 （奧海城二期）

11/06/2025

又揾素食餐廳lu😚一入去見到環境真係好靚，裝修充滿花花草草🪴同自然光，樓底高，幾光猛。

日式咖喱吉列豬扒飯（辣）配熱桂圓紅棗茶 $188
佢地嘅伴素晚餐set包左一湯一沙律一小食一主食同飲品。六邊型嘅小碗好精緻👏
餐湯足料，但比較清淡；沙律好足料！有芒果西瓜火龍果etc, 水果好清甜，揀得好好真係驚喜！🫰
小食揀左鹽酥素雞髀，咁當然唔係真雞髀啦🤣，係用腐皮捲埋一齊，味道真係鹽酥味，好味！
主食素豬扒幾大塊，炸得金黃酥脆，有真豬扒嘅口感同味道👍🏻配上微辣嘅日式咖喱，濃郁又唔會太重。熱桂圓紅棗茶暖笠笠，甜度適中又養生😙

青醬芝士菠菜意大利雲吞配凍西柚汁 $188
餐湯同沙律係一樣，小食揀咗花枝魚餅，魚餅有嚼勁，花枝粒增加層次👍🏻👍🏻
主食菠菜同芝士餡料好creamy🤩青醬香氣濃郁，入口滿滿青草味同奶香唔膩，食落完全唔似素食！凍西柚汁清新酸甜，冰涼好refresh。

朱古力心太軟配雲呢拿雪糕球 $70
朱古力心太軟熱辣辣，切開有濃郁朱古力漿流出，甜度啱啱好，配上雲呢拿雪糕球，冷熱交錯好有層次☺️ 記得心太軟係蛋奶素（menu有列明）

結論
🫰日式咖喱「豬扒」同青醬雲吞超有驚喜，素食都咁好味！
🫰環境好靚，上碟快又精緻

好味度：8.5/10

餐廳資料
餐廳名稱：OVO cafe OVOCafe
餐廳地址：灣仔灣仔道1號地舖
營業時間：星期一至日 11:30-21:30

#香港美食 #灣仔美食 #香港必食 #香港探店 #香港打卡 #香港旅遊 #灣仔探店 #香港好去處 #灣仔推薦食品 #灣仔好去處 #素食 #灣仔美食地圖 #餐廳推介 #假日好去處 #食評 #香港食評 #灣仔

02/02/2025

薯角炭燒雞肉芝加哥薄餅（蜜糖杏仁邊） $223
睇過OpenRice嘅相，最期待就係呢個Pizza！🤩 食材真係好豐富，層次超多！個pizza邊表面好脆口，仲要甜甜地有杏仁，令pizza邊唔止芝士咁膩，內裏亦好鬆軟👍🏻 成個pizza有三種芝士 ，（雙倍馬蘇里拉芝士、芝士條同忌廉芝士慕絲）真係夠曬邪惡，仲可以拉絲拉到好長！😆 炭燒香雞好香，仲有甜甜地嘅BBQ醬，好食；薯角係細細粒同成個pizza都好夾！炒洋蔥、蘑菇同蕃茄呢啲蔬菜令成個披薩冇咁膩。🌟提醒，記得要趁熱食，會更加惹味😍

煙燻鴨胸泡菜卡邦尼意粉 $183
個醬絕對係加分再加分🙂‍↕️ 泡菜卡邦尼似以前興嘅玫瑰醬意粉，顏色吸睛！味道酸甜得黎又有少少辣，刺激味蕾，朋友差啲想一個人食晒一碟🤣 泡菜口感幾有咬口，增加層次之餘，酸酸甜甜又幾開胃唔突兀👍🏻鴨胸煙燻味好香，肉質仲保持到嫩滑，夠厚有口感，帶少少鹹香味，配埋個卡邦尼醬汁幾搭。意粉係Al dente口感，唔會太腍，配埋濃郁嘅醬汁，好味！😚

Mango Passion Iced Tea $48
朋友話飲落去好清新，有啲薄荷味，甜度適中，仲有啲果粒喺入面，飲完好解膩😚

結論
好味度：8.5/10
創新之選：煙燻鴨胸泡菜卡邦尼意粉

🎡餐廳資料
餐廳名稱：Pizza Maru
餐廳地址：旺角亞皆老街8號朗豪坊4樓3號舖
營業時間：星期一至日12:00-22:00

#香港美食 #旺角美食 #香港必食 #香港探店 #香港打卡 #香港旅遊 #旺角探店 #香港好去處 #旺角推薦食品 #旺角好去處 #韓式 #意式 #旺角美食地圖 #餐廳推介 #假日好去處 #食評 #香港食評 #旺角

01/12/2024

秘魯沙律 ($138)
沙律菜新鮮，海鮮豐富，起碼有四種海鮮🤩顏色色彩繽紛，醬汁酸酸甜甜，好開胃☺️

法式龍蝦湯 ($88)
好濃郁嘅龍蝦湯！龍蝦肉真材實料，應該有半隻龍蝦有多，龍蝦肉彈牙爽口，好鮮味，好滿足😚

醬油風白汁三文魚扁意 ($141)
呢度菜好有驚喜！係店員推介，佢哋話呢度菜係跟日本師傅學，全港得佢哋先有🙊 咁的確冇介紹錯嘅😆
醬油風係日本菜會食到既味道，配搭埋白汁，原來可以咁match!!😍 三文魚煮得恰到好處，整體口感順滑，唔膩，值得一試！

焗多汁豬仔骨配薯條 ($168)
焗豬仔骨外焦內嫩，肉質多汁，醬汁充滿美國風但唔膩；薯條幼幼一條，但酥脆可口，同m記薯條冇得比🤤

洋甘菊蜜糖茶檸檬（熱） ($43)
好香洋甘菊味，好暖胃之餘，檸檬嘅酸同蜜糖嘅甜好match，整體口感和諧。一大jar, 以為兩個人會飲唔晒，點知佢好香又足料，最後都飲晒🤓

結論
🫰味道好唔錯

好味度：8.5/10
CP值：8.5/10

🎡餐廳資料
餐廳名稱：JUST'er Bar & Restaurant Just'er Bar & Restaurant
餐廳地址：尖沙咀山林道13號地下A1-A2號舖
營業時間：星期一至日12:00-23:00

#香港美食 #尖沙咀美食 #香港必食 #香港探店 #香港打卡 #香港旅遊 #尖沙咀探店 #香港好去處 #尖沙咀推薦食品 'erBar&Restaurant #尖沙咀好去處 #西式 #尖沙咀美食地圖 #餐廳推介 #假日好去處 #食評 #香港食評 #尖沙咀

27/10/2024

之前同朋友經過希慎呢間舖頭，朋友話佢嘅甜品好出色，叫我一定要試，今日就去咗moko呢間試下！朋友都真係冇介紹錯！去到感覺環境都好精緻，有種好舒服日本和室嘅感覺☺️

二人套餐 （$448/2）
前菜：薯仔湯 & 水蜜桃沙律
薯仔湯要俾好高評價！🫰 薯仔湯超級香濃順滑，好開胃！水蜜桃沙律正常發揮，沙律菜新鮮、水蜜桃都幾多，亦都好清甜👍🏻

小食/沙律 ：脆炸單骨雞翼配辛子明太子醬（八件）
雞翼外皮酥脆，肉質鮮嫩，本身應該有醃過，有啲椒鹽加蒜香嘅味道，唔點明太子醬都冇問題。不過呢個明太子醬絕對係加分位！咸甜度適中，味道濃郁，唔會好膩，同雞翼好襯啊！🤩

主食：軟殼蟹意粉配蟹肉蕃茄忌廉汁
蟹肉既鮮味同蕃茄忌廉汁既醇厚襯得幾唔錯。醬汁酸甜度適中，好有蕃茄味，又唔會好膩。軟殼蟹外脆內嫩，蟹味濃🤤 增添左層次感。記得將啲醬汁撈勻啲意粉先食，如果唔係最後會好似我哋咁，剩低好多蟹肉同醬🤣👍🏻

壽司塔可：鰻魚玉子壽司塔可 & 香蔥拖羅蓉牛油果醬壽司塔可
模仿左墨西哥taco, 佢用咗炸咗嘅紫菜做個外層，而且即使擺耐左都唔會淋，仲好脆，不過都幾有創意👍🏻
鰻魚玉子配搭正常發揮，配埋醬汁有淡淡甜味，鰻魚口感滑嫩有彈性😋
香蔥拖羅蓉牛油果夾埋都好襯，令到炸紫菜都唔會好油膩感，紫蘇葉嘅味道增加左塔可既香味☺️

甜品：京都宇治抹茶提拉米蘇盒子配糖漬紅豆 （+$10）
好食！提拉米蘇好Creamy柔滑，係會有啲甜，但係加埋抹茶又中和咗味道🥰蛋糕都好鬆軟，配埋糖漬紅豆甜而不膩。
留意返，有一支管係sake清酒，唔想加嘅唔知落去就得，如果飲得清酒嘅，就可以唧晒佢，俾佢慢慢滲透落去蛋糕上面。加後感：sake唔會好強烈，但又食得出酒既香醇味，同甜品都好match😚

飲品：熱檸水兩杯
正常👍🏻

結論
🫰味道出色
🫰服務態度良好
🫰有創意
所有嘢嘅上菜速度都好快，除咗主菜要等耐少少，慢慢食住等🤣

好味度：9/10
回頭度：9/10

🎡餐廳資料
餐廳名稱：Que
餐廳地址：旺角太子道西193號MOKO新世紀廣場4樓453號舖
營業時間：星期一至日 11:30-22:00

#香港美食 #太子美食 #香港必食 #香港探店 #香港打卡 #香港旅遊 #香港必食 #太子探店 #香港好去處 #太子推薦食品 #太子好去處 #日式 #西式 #太子美食地圖 #餐廳推介 #假日好去處 #食評 #香港食評 #太子

29/09/2024

今日去咗間幾值得推介嘅燒肉店，叫安平燒肉！將軍澳人就會知道，之前等佢裝修好等咗勁耐🙈試過牛大人，草夠錢今日就試埋安平燒肉🤣

我就試咗M5和牛餐（$438），有104款食物揀😍介紹唔晒咁多，只講重點🤓

1. 肉幾新鮮又惹味
- 嚴選牛舌芯(每人限定兩件)：牛舌芯係限定每人兩件，佢既肉質好柔滑，外焦內嫩，估唔到個質感係咁🤤
- 澳洲M5和牛：花紋分布幾均勻，肉質香滑嫩口。
- 安格斯牛小排：肉質厚實，肉味十分濃郁。外皮微微焦脆，內裡仲係多汁。
- 九層塔三杯雞：本身個醬汁好入味，雞肉又好嫩，唔錯！
- 黑椒洋蔥牛舌：由你發揮加幾多洋蔥，增加牛舌層次感。
- 嚴選裙邊牛柳（期間限定）：口感柔軟，肉質彈性十足😚

2. 好多特別款式，其他燒肉店冇嘅🤩 包括：
- 台灣小枕頭(麻糬）：一個長方形物體，燒完個外層幾脆，裏面就煙韌，點埋煉奶一定好味🙊
- 起司地瓜燒：好食！店員好貼心教導燒幾耐同埋點食。地瓜軟淋淋又甜又熱辣辣，加埋起司真係好正😍 起司要趁熱食！
- 安平仙草芋圓：足料，芋圓有咬口，有得任食真係幾唔錯，但會飽😂
- 任食乳酪🍦(自助）：我見佢貼住將軍澳限定，一定要講啦，乳酪質地幾實在唔水👍🏻😆
- 安平蝦伴飯(自助)：教你用櫻花蝦、香蔥、海苔同埋台灣滷水汁整伴飯，每一樣配料既份量都係自己控制😆 我就試左少少，驚飽嘛🙊食落都唔錯😎
- 海苔蝦卷、安平炸蚵卷、烤金錢牛肚、蘭王蛋月見牛、鴨舌、麻辣章魚燙、屏東燒魚腹(台灣直送)都好特別，好少燒肉有得揀，可能係台式燒肉既特色😚

3. 特別嘅醬汁我冇見過😳包括：招牌黃金醬（幾惹味） 、椒麻口水醬、薑味可樂醬、五味醬、泰式海鮮醬，等等。極上醬油、沙茶醬雖然普遍，但係食落幾襯，冇伏。佢有生菜任添，可以配埋手切蒜片、蒜味鹽醬、甜辣醬等包肉食😍超多款特別醬汁好驚喜☺️

4. 好多唔同飲品揀，其中一款係開心果特飲，奶蓋超濃郁，紅茶配開心果有幾特別，只要like就有得飲！紅火冰茶茶都抵飲，仲有得自己調配甜度同冰度😻

結論
🫰店員都好有禮貌，會教我地點燒地瓜燒
🫰店舖有提供圍裙自己拎，幾貼心
🫰有好多食物種類都好特別，值得試下
🫰食物都唔錯，睇你自己燒功🙊🤣

好味度：8.5/10
回頭度：9/10

🎡餐廳資料
餐廳名稱：安平燒肉 安平燒肉 Anping Grill
餐廳地址：將軍澳唐賢街9號PopCorn 2樓PopFood 4號舖

#香港美食 #將軍澳美食 #香港必食 #香港探店 #香港打卡 #香港旅遊 #香港必食 #將軍澳探店 #香港好去處 #將軍澳推薦食品 #安平燒肉 #將軍澳好去處 #燒肉 #任食 #將軍澳美食地圖 #餐廳推介 #假日好去處 #食評 #香港食評 #將軍澳

20/09/2024

上星期去左一間氣氛好、食物有水準既尖沙咀新西餐廳👍🏻佢位於K11 Art mall既2樓，可惜餐廳要係一條路入面兜入去，所以唔會一眼就望到，應該會少啲人留意到🥹佢星期五、六、日晚仲有liveband show，俾個機會音樂人令更多人認識佢地，我覺得呢個想法好有心，不論係咪真心🫶

Ribeye set dinner （$288）
是日餐湯
西蘭花湯好好飲，好creamy，食到西蘭花味☺️

烤新西蘭肉眼
肉眼扒厚身香嫩多汁！外表烤到金黃焦脆，脂肪紋理嘅平均，7成岩岩好。唔知點解仲有微微乾炒牛河嘅香味，好親切同fusion既感覺🤣配菜南瓜一樣好食好腍🤩

紅酒
幾香醇，容易入口，配牛扒真係好match！

炙烤雜錦香腸拼盤 $148
有台式豬肉腸、糯米腸、韓國雜肉腸，德國酸椰菜+芥末醬。糯米腸超好食！熱辣辣煙煙韌韌嘅糯米腸，好少見😍用芥末醬點香腸都好好食！其他腸每隻味都唔同，俾碗白飯我已經可以食飽一餐🙈有一隻香腸係辣辣地，要留意番👍🏻

慢煮法國鴨腿 $298
喺OpenRice見到好多人叫，都想試吓新嘢。呢個鴨腿好出色，鴨肉又香又嫩，一切落去鴨肉就已經甩咗出嚟，比想像中更方便食。配菜嘅沙律比我想像中更加多🤣仲有無花果、蜜柑、合桃、黑醋汁，全部都好好味，配搭得好好！👍🏻🫰

提拉米蘇 $158
甜品一樣好出色！Tiramisu唔會好甜，咖啡味又唔會太苦，又creamy！隔離嘅水果加cream都好好食，唯一缺點就係太少啦！🫣🤤

結論
🫰環境優雅浪漫又有liveband
🫰食物水準高，精心製作
要預留時間等主菜，但值得☺️
位置要再行入少少，行多幾步身體好呀嘛😙

好味度：9.5/10
回頭度：9.5/10

🎡餐廳資料
餐廳名稱：Lost Stars Livehouse Bar & Eatery Lost Stars Livehouse Bar & Eatery
餐廳地址：尖沙咀河內道18號K11購物藝術館2樓222A號舖

#香港美食 #尖沙咀美食 #香港必食 #香港探店 #香港打卡 #香港旅遊 #香港必食 #尖沙咀探店 #香港好去處 #尖沙咀推薦食品 #尖沙咀好去處 #慶生 #法國菜 #尖沙咀美食地圖 #餐廳推介 #假日好去處 #食評 #香港食評 #尖沙咀

Send a message to learn more

18/08/2024

一人一鍋 坐得舒服 食靚肉✨

最近去完旅行，為求令老豆肯過黎我個邊拎手信，惟有用美食吸引下佢🤣
揀左間位放北角匯二期既日式火鍋放題店，店有5個plans，我揀左中間Level😎 Lv3澳洲和牛牛肉放題 (包所有酒類任飲)，仲有85樣野揀🤟🏻

環境
餐廳環境乾淨，大窗口玻璃令餐廳空間感更大，座位好寬敞，坐得幾舒服，仲有少少海景望下👍🏻

湯底
有8款，一人一鍋，我同老豆揀左泰·酸辣蝦鍋同膠原豬骨鍋 (應該都get到膠原係我呢啲老👩‍🦳👩‍🦳叫？🥲係咁2都希望補下膠原🤣）。
酸辣蝦鍋幾惹味，岩老豆心水，唔會好辣，不愧係多人叫既其中一款鍋(左邊三個職員話係最多一叫)🤟🏻 豬骨都幾香，正正常常，係個名好似幾補咁🤣

食物
首先，有好多種類既醬提供，岩晒混「醬」既我🙊😎

Lv3 可以揀澳洲和牛、澳洲黑安格斯、極上牛舌、西班牙伊比利亞豚肉等等，聽個名都知厲害🙊🤣 的確啲肉真係幾唔錯，同朋友分享，我話起碼啲肉係一片片分得開，而唔係冰鮮一pat嘢咁🤣🤣色澤及花紋都幾靚仔，肉質幾嫩易咬，我同老豆都最like澳洲和牛，大塊又嫩🙂‍↕️lv3可以揀既肉都真係整體好過lv1 n 2的🙈好欣賞佢每碟肉都有張字體好清晰既紙話我知我食緊邊款肉唔洗估估下👏🏻👏🏻👏🏻

食物都好多又特別，包括：羽衣甘藍、花生豆芽（真係第一次見）、秋葵、淮山等等，最特別係熟食仲有蒲燒鰻魚同埋葡撻任食！淨係食熱食都飽晒🙈🙈每一樣食物都清晰寫出嚟👍🏻

Lv3開始，除咗普通飲品，連啤酒、清酒、紅酒同白酒都可以任添👏🏻試過清酒，都幾易入口

甜品方面，都有有一、兩款糕點同埋唔少雪糕選擇，我見寫住有movenpick任食！可惜我唔食得凍野住，sad呀🥲下次再去！

服務
店員態度友善，貼心提我地清酒擺放位置、拎自助吧枱既菜既程序等，收碟速度都好快😚 提一提，湯底係自助加湯，吧枱都預備左足夠數量既樽for客人加湯🤓

結論
🫰款式多！
🫰肉質鮮嫩不錯！
🫰店員態度友善👍🏻

CP值：8.5/10

🎡餐廳資料
餐廳名稱：牛牛日式火鍋放題
餐廳地址：北角渣華道123號北角匯二期1樓110-111號舖
營業時間：星期一至日 11:30-22:00

#香港美食 #北角美食 #香港必食 #香港探店 #香港打卡 #香港旅遊 #香港必食 #北角探店 #香港好去處 #北角推薦食品 #牛牛日式火鍋放題 #北角好去處 #北角美食地圖 #餐廳推介 #假日好去處 #美食 #日式 #火鍋 #放題 #邊爐 #食評 #香港食評 #北角