09/03/2026
呢間餐廳環境真系唔錯，氣氛悠閒舒適，
好適合一班人或者情侶，慶祝生日，
見到午餐都選擇多，跟餐湯或沙律
如果喜歡飲龍蝦湯可以加錢，
主食 ：美國BBQ醬手撕豬肉漢堡配薯條：漢堡包鬆軟，手撕豬肉份量十足，入口充滿濃郁嘅BBQ醬香，肉質軟嫩唔乾柴，配埋香脆嘅薯條。
主食：紐西蘭頂級肉眼牛扒（7成熟）配薯條，牛扒厚身大塊，煎得剛剛好，外層少少焦香，入面保持粉嫩，肉汁豐富。揀咗七成熟，口感軟腍又有嚼勁，牛味濃郁。
蜜糖柚子雞翼（4只）：呢個真系必試！
雞翼外皮香脆，蜜糖柚子醬汁甜中帶清新果香，
食落一啲都唔膩，開胃又惹味。
牛角菌天配雙色雙球雪糕：
牛角包酥脆，配埋凍冰冰嘅雪糕，一冷一熱，口感層次豐富。
開心果麻糬提拉米蘇：
開心果味香濃，加埋煙韌嘅麻糬，口感QQ地，
同傳統提拉米蘇好唔同，但意外地夾。
自家制柑橘伯爵茶蛋糕：蛋糕質地濕潤軟綿，伯爵茶味清香，加埋柑橘嘅微酸，平衡得好好，甜度適中
海鹽泡沫咖啡 & 凍玫瑰鮮奶咖啡：
海鹽泡沫咖啡咸香突出咖啡味；
凍玫瑰鮮奶咖啡就清香順滑，帶淡淡玫瑰花香，好啱女仔飲。
💡Owens (將軍澳中心) (將軍澳)
將軍澳唐德街9號將軍澳中心1樓135A號鋪
#將軍澳中心 #西餐廳 #慶祝生日 #開心果 #開心果關注組
