Suye is Eating

Suye is Eating Instagram: ohsuyehere
零食愛好者 + 懶惰人👽

\咖吔/ #東港城首先送上檯嘅係網上好多人推介嘅老街手工卷粉🥢一擺低就聞到好香嘅熟油同甜豉油味，粉皮外表望落晶瑩剔透，仲有炒得好香嘅碎豬肉，整體都幾惹味！另一主食炭燒豬頸肉喇沙🍜個湯底極之濃厚，一入口就感受到好重嘅椰奶香，最邪惡嘅係入面嘅...
05/08/2026

\咖吔/ #東港城

首先送上檯嘅係網上好多人推介嘅老街手工卷粉🥢一擺低就聞到好香嘅熟油同甜豉油味，粉皮外表望落晶瑩剔透，仲有炒得好香嘅碎豬肉，整體都幾惹味！另一主食炭燒豬頸肉喇沙🍜個湯底極之濃厚，一入口就感受到好重嘅椰奶香，最邪惡嘅係入面嘅豆卜吸飽晒成碗叻沙嘅精華，咬落去直接喺口入面爆汁，主角炭燒豬頸肉切得薄厚適中，邊位帶點點微微嘅焦香，將豬頸肉浸一浸個湯汁再擺入口更正✨

小食方面叫咗牛油果五色米紙卷，透明嘅米紙卷包住好爽脆嘅蔬菜絲，個汁係芒果汁，點嚟食非常清新，最緊要係食完頭先重口味嘅叻沙之後，食一嚿呢個米紙卷，成個口一秒解膩～仲有新加坡鹹蛋黃單骨雞翼！雞翼皮炸得好酥脆，外面裹滿厚厚一層金黃色嘅鹹蛋黃醬，好有沙沙嘅顆粒感，仲鎖住咗入面嘅雞肉肉汁，而且單骨設計非常加分，食嘅時候更易吐骨，輕輕一咬就骨肉分離💛

食到咁上下，娘惹炸鮮奶都到埋，外層個層皮做得好出色，入口非常之酥脆，最難得係放左一陣都無滲油出黎，入面熱辣辣嘅鮮奶內餡好似半流質咁湧出黎，奶香味好濃郁，最後就食番碟菜平衡下，碟炒通菜鑊氣好夠，維持到好爽脆嘅口感🤤

飲品方面，閨蜜點嘅椰子班蘭冰賣相幾靚，獨特嘅草本清香配埋濃郁椰奶，唔錯！我自己就係凍香茅香橙茶，整體清新回甘，剛才食左鹹蛋黃雞翼同炸鮮奶個種油膩感，飲左兩口呢杯茶之後直接被清空晒✌️店內環境坐得幾舒服，職員執碟收錢都好快手腳，呢間都有幾多分店，下次如果再去附近，一定會再二訪💖

平時行街經過日之苑，見到佢哋啲日式料理同壽司都覺得好吸引，今次有機會，可以一試佢哋最有人氣嘅外賣到會啦🤤先同大家視覺開箱好澎湃、一打開蓋就令人哇哇聲嘅雜錦刺身🌸盤刺身排得密密麻麻，魚生最緊要新鮮，佢哋真係冇喺度偷工減料，全部都係大大片、厚切...
06/06/2026

平時行街經過日之苑，見到佢哋啲日式料理同壽司都覺得好吸引，今次有機會，可以一試佢哋最有人氣嘅外賣到會啦🤤

先同大家視覺開箱好澎湃、一打開蓋就令人哇哇聲嘅雜錦刺身🌸盤刺身排得密密麻麻，魚生最緊要新鮮，佢哋真係冇喺度偷工減料，全部都係大大片、厚切登場，一夾起係墜手的🤤另外精選壽司同樣捏得扎實又大件，全部係逼得滿滿無咩空隙，而且每件魚生都大塊到完全蓋過飯團，可謂霸氣比例，其中三文魚腩係全場焦點，肥美度十足，搞到成班人一齊搶食🔥

然後係熱辣辣送到嘅燒物拼盤，有節瓜、炙燒雞骨腸、雞翼同迷你蕃薯。迷你蕃薯仔好有驚喜，細細粒但入口好綿密、好甜，好適合做派對小點心✨另外仲有邪惡嘅炸物拼盤，點埋醬汁邪惡得嚟又令人欲罷不能，減肥計劃唯有聽日再講啦🤪最後係墨魚天婦羅厚實得嚟彈牙，好啱做 Party 嘅下酒菜，一上枱就被搶食一空🦑

日の苑由前菜沙律、各款空運刺身壽司，到日式熱盤、炸物拼盤甚至額外餐具，通通都可以一站式一手包辦，重點係食物質素唔會hea做，特別係壽司刺身，真係似日料店堂食，食完仲唔洗點洗碗添，爽皮爽皮🥢

講到旺角平靚正火鍋放題，相信好多食友都會諗起瓊華中心呢間馬祖台灣養生涮涮鍋😆今次約個朋友專程過嚟，揀咗其中一set吃到飽套餐，無限時任食慢慢歎、慢慢傾～店內走台式溫馨風格，木質裝修配上光猛大窗，空間闊落唔逼夾，枱椅都打理得乾乾淨淨．重點一定...
02/06/2026

講到旺角平靚正火鍋放題，相信好多食友都會諗起瓊華中心呢間馬祖台灣養生涮涮鍋😆今次約個朋友專程過嚟，揀咗其中一set吃到飽套餐，無限時任食慢慢歎、慢慢傾～

店內走台式溫馨風格，木質裝修配上光猛大窗，空間闊落唔逼夾，枱椅都打理得乾乾淨淨．重點一定要講佢哋嘅台灣養生湯底🥣 用十幾款藥材慢火熬煮，藥膳香氣濃郁但絕對唔會苦澀藥味太重，入口溫潤清甜，今次揀咗養生蟲草花桃膠雞，真係有粒粒桃膠！除咗經典藥膳湯，仲有藥膳椰子雞湯、爆漿熔岩芫茜豆腐鍋等～多款選擇👍

今次主攻嘅套餐肉品陣容真係相當豪華🥩款款都咁高質，任點任食超過癮！首先係極上PRIME GRADE霜降牛小排油花分佈得細密均勻，只需要落湯涮幾秒，肉質即刻變得軟嫩，濃厚嘅牛香喺口腔散開，鮮甜多汁，每一啖都充滿幸福感😋極上美國PRIME GRADE安格斯牛頸脊同樣高質，咬落滿滿肉汁，牛味十足，嚼落彈牙又過癮，食肉獸一定會鍾意！幾款肉輪流點，每一碟都保持新鮮水準，質素都好穩定！

除咗頂級肉類，店內嘅配料簡直多到選擇困難症發作🤣 足足幾十款配料任揀，新鮮時蔬一應俱全，皇帝菜、羽衣甘藍、海帶苗、娃娃菜、鮮准山等等🥬多食蔬菜可以平衡油膩感。仲有各式手工丸類、滑類、粉麵、豆腐、木耳、餃子等等，仲可以加讚岐烏冬、王子麵等吸盡湯底精華，食完肉再嗦一啖粉麵，滿足感UPUP！海鮮種類亦都唔馬虎～新鮮大隻蠔、海蝦、鮮甜沙白蜆、鮑魚同花膠件都有，蝦肉爽口彈牙，蜆仔煮完鮮味十足，配清潤湯底食最夾，重點係每一樣都處理得乾淨！

台式茶飲、汽水、果汁樣樣齊，仲有酒類可以選擇，不過最開心一定係甜品區啦！多款雪糕任食，Mövenpick、Dreyer‘s 通通隨便拎，仲有超經典邊搣邊食香蕉外形雪條、杯裝雪糕同脆筒，款式豐富到眼花繚亂，食完火鍋飽飽，再嚟食甜品完美收尾😜



#旺角瓊華 #馬祖 #吃到飽 #火鍋 #藥饍 養生火鍋放題 足料火鍋 台式 古早味

港人最愛嘅日系甜點又有新驚喜✨7-SELECT 聯手日本團隊合力打造，首推日本超人氣「水果忌廉三文治系列」嚴選100%日本一等小麥粉同新鮮水果製成，鍾意日式烘焙嘅朋友要捕住🤩同時仲有地道韓流風味嘅「特色三文治系列」大熱上架，無論想食甜定鹹都...
21/05/2026

港人最愛嘅日系甜點又有新驚喜✨7-SELECT 聯手日本團隊合力打造，首推日本超人氣「水果忌廉三文治系列」嚴選100%日本一等小麥粉同新鮮水果製成，鍾意日式烘焙嘅朋友要捕住🤩同時仲有地道韓流風味嘅「特色三文治系列」大熱上架，無論想食甜定鹹都完全滿足到😋

7-SELECT水果忌廉三文治系列
7-SELECT士多啤梨忌廉三文治 / 雜果忌廉三文治 ($20 / 件)
切面見到大粒新鮮士多啤梨🍓賣相神還原日本精品甜點店！日本麵粉對方包嘅鬆軟度真係大提升，一拎上手個方包真係軟腍腍到好似雲朵咁！鬆軟感同出面普通方包冇得比💪

入面夾住嘅日本特調忌廉質感細滑，香甜得嚟唔膩，甜度亦拿捏得啱啱好，士多啤梨嘅果酸同忌廉嘅奶香交織，啖啖都係少女心爆發嘅幸福感‼️

至於雜果忌廉三文治入面夾埋幾款唔同嘅新鮮水果，食落口感層次再升級，下午茶輕食完全無負擔💯

7-SELECT 韓式芝士餐肉滑蛋吐司 ($24 / 件)
喺韓國、台灣便利店熱賣嘅滑蛋吐司終於登陸香港啦🙆🏻‍♀️份量好飽滿，加熱後外層烤得金黃香酥，入面濃郁嘅芝士會融化成誘人嘅拉絲效果！配埋惹味鹹香嘅餐肉同極之嫩滑、充滿陣陣蛋香嘅滑蛋，多重口感層次分明，食完想再Encore🔥

同場加映：4天限時著數優惠～
食好嘢之餘記得拎埋著數👆🏻由 5 月 26 日至 5 月 29 日一連四日，凡購買全新升級7-SELECT和風三文治(包括水果忌廉三文治)，即刻免費送維他奶鈣思寶15克高蛋白質豆乳480毫升1支！
有嘢食又有嘢飲，CP值咁高，真係唔好錯過喇🏃🏻‍♀️💨

#自家品牌 三文治

介紹得比大家嘅，當然唔係一般麵包店咁簡單😎呢間位於天后嘅【TASTE+BAKERY】主打每日新鮮出爐嘅創意手作烘焙，人手製作款式創新！店內環境明亮乾淨，各類手作麵包整整齊齊咁分類好，連貝果都有好幾款口味選擇💨海苔肉鬆貝果佢哋貝果拎上手就覺得...
13/05/2026

介紹得比大家嘅，當然唔係一般麵包店咁簡單😎呢間位於天后嘅【TASTE+BAKERY】主打每日新鮮出爐嘅創意手作烘焙，人手製作款式創新！店內環境明亮乾淨，各類手作麵包整整齊齊咁分類好，連貝果都有好幾款口味選擇💨

海苔肉鬆貝果
佢哋貝果拎上手就覺得好有份量，質感紮實得嚟好有咬口，切開係鹹鹹甜甜嘅肉鬆餡，中間仲夾雜住海苔嘅碎屑！

抹茶紅豆麻糬貝果
抹茶味好清新，內裡麻糬帶來一層軟綿拉絲嘅驚喜，配埋綿密紅豆嘅甜度啱啱好，口感層次豐富，係會令人想再食嘅組合🤤

伯爵茶白朱古力貝果
伯爵茶茶香優雅，配埋軟心白朱古力，帶點濕潤感，味道甜而不膩，啱晒配杯熱茶做Tea Time～

開心果千層酥
見到得返最後幾個即刻掃！拎上手好有重量。外面酥皮酥脆層次分明，入面係好滑嘅布甸餡，面層滿滿開心果醬同開心果碎💚

明太子鹽卷
明太子特有嘅微微辣意同濃郁鹹香好有存在感！配埋上層鬆軟、底層烤到金黃酥脆嘅麵包，鹹鹹香香底脆內軟，越jap越香～

#天后美食 #天后麵包店 #手作烘焙 #貝果 #香港美食

灣仔呢間成日排晒長龍嘅手工甜品最近真係燒到我，舖頭以粉紅色為主調，入到去見到整齊擺滿晒當天手作甜點，每一款都標住價錢，有想認真試晒每一件嘅衝動🙂‍↕️櫻花紅豆大福100% 日本食材製作，外皮用咗「道明寺粉」五割糯米，口感粒粒分明得嚟透亮，最...
08/05/2026

灣仔呢間成日排晒長龍嘅手工甜品最近真係燒到我，舖頭以粉紅色為主調，入到去見到整齊擺滿晒當天手作甜點，每一款都標住價錢，有想認真試晒每一件嘅衝動🙂‍↕️

櫻花紅豆大福
100% 日本食材製作，外皮用咗「道明寺粉」五割糯米，口感粒粒分明得嚟透亮，最特別係塊日本櫻花葉，入面嘅紅豆蓉用黑糖慢熬過，甜得好清幽，聽講塊葉都成本貴㗎🥸記得連埋塊葉一齊食，鹹鹹甜甜層次好豐富😋

芒果卷
標榜完全唔加糖，用新鮮芒果最精華部分切片烘乾，食落口陣酸甜味係好濃縮、好天然嘅果香，質地軟糯得嚟帶點韌勁，大人小朋友都一定會越食越上癮🥭芒果卷可以豪邁咁直接咬，又或者好似細個食卷仔軟糖咁拉開成長條慢慢 dap，越咬越出味，係一款會令人食到停唔到口嘅健康零食！

香橙朱古力
呢啲功夫嘢唔試對唔住老闆娘嘅心機🧡選用時令澳洲血橙，每片都用新鮮雲呢拿籽糖水浸泡再風乾（橙片上面點點黑星就係珍貴嘅香草籽）最後沾上瑞士黑朱古力，苦甜比例啱啱好，橙皮嘅甘香配埋朱古力嘅絲滑，係小眾又高級嘅味道，買返去做零食一流🖤

另外呢度嘅千層糕都係必試，斑蘭椰汁糕用咗純正斑蘭葉熬出清香翠綠，配埋濃厚滑順嘅椰汁底，清爽得嚟甜度啱啱好，層次感分明。仲有出面好少見嘅南棗椰汁糕，係專為女仔設計嘅養生甜品，將補血養氣嘅南棗融入溫潤椰汁，甜而不燥，帶住淡淡棗香，食得出食療嘅溫柔💆🏻‍♀️兩款口感都好Q彈～

至於皮薄餡靚嘅獨家秘方糯米糍都係必試✔️重點係每日新鮮手作，賣完就無㗎啦！個皮咬落去煙煙韌韌，完全無厚粉感。必食推介芒果糯米糍，有半個手掌咁大個🥹仲有開心果糯米糍，濃郁嘅開心果醬塞滿晒成個糯米糍，堅果香好突出，仲帶點沙沙嘅果仁碎，口感極豐富；最後芋頭糯米糍內餡呈現淡淡嘅天然灰紫色，質感綿密紮實，配埋煙韌外皮，整體唔會太甜💜

甜品唔一定要好複雜，有時呢種帶住手作溫度、注重食材原味嘅小點心，反而最能療癒疲憊嘅心🌿。下次經過灣仔，不妨入去呢間粉紅小店，帶走一份屬於自己嘅甜度啦！



#灣仔 #灣仔美食 #甜品 #芒果糯米糍

返到屋企，真係攰到連煮飯嘅力氣都無，只想搵份簡單又暖心嘅滋味，喺荔枝角呢間「町町丼丼」專賣各款日式丼飯、烏冬同小食，份量仲要好大份～如果都係飯桶或者日式丼飯控，呢間低調同時高質嘅丼飯專門店一定要Mark低！方便收工買返份外賣返屋企慢慢dap...
08/05/2026

返到屋企，真係攰到連煮飯嘅力氣都無，只想搵份簡單又暖心嘅滋味，喺荔枝角呢間「町町丼丼」專賣各款日式丼飯、烏冬同小食，份量仲要好大份～如果都係飯桶或者日式丼飯控，呢間低調同時高質嘅丼飯專門店一定要Mark低！方便收工買返份外賣返屋企慢慢dap🫶🏻

汁燒鰻魚丼
鰻魚大大條、厚肉又肥美，咬落去肉質嫩滑得嚟仲好 juicy，充滿魚油香。蒲燒醬汁甜甜鹹鹹咁淋喺軟熟嘅珍珠米上面係靈魂！配菜仲有清爽嘅醃黃蘿蔔同玉子燒，剛好中和咗鰻魚嘅油膩感，好開胃😋

香蒜牛肉丼
海量炸蒜鋪滿晒面，牛肉炒得好香～餸同埋飯係分開上，唔怕浸淋啲飯粒，每啖飯吸滿牛肉汁精華，簡直係打工仔嘅體力燃料🙌

吉列炸豬扒熱湯烏冬
豬扒厚切大件炸到外脆內嫩，佢哋嘅烏冬較粗身，食落更有咬口、嚼勁十足，飲多啖暖笠笠嘅湯底，食完真係滿血復活🙈

至於小食方面，日式炸餃子外皮脆卜卜，點埋餃子醬油好滿足；個人認為更驚喜係紫菜粉絲卷！外皮炸得好香脆，入面嘅粉絲口感Q彈，點埋蛋黃醬一齊食，非常惹味，側邊仲配埋沙律菜平衡返添！

打開IG不時見到 Hashtag B 嘅蹤影，睇到人心癢癢，有時返工咁攰，真係要食啲甜嘢嚟補償吓自己，見到Hashtag B梗係要入去掃幾款返屋企當獎勵自己啦！望住櫃台堆得滿滿嘅美點，心情即刻好咗一半，果然生活係需要呢啲甜甜嘅儀式感～醇滑芝...
05/05/2026

打開IG不時見到 Hashtag B 嘅蹤影，睇到人心癢癢，有時返工咁攰，真係要食啲甜嘢嚟補償吓自己，見到Hashtag B梗係要入去掃幾款返屋企當獎勵自己啦！望住櫃台堆得滿滿嘅美點，心情即刻好咗一半，果然生活係需要呢啲甜甜嘅儀式感～

醇滑芝士撻
一入口，芝士味真係濃郁到化唔開！質感超幼滑，配埋撻皮，每一口都係好厚實嘅滿足感，芝士控絕對會愛死🧀

明太子熱狗
腸上面擠滿鹹香微辣嘅明太子醬，再撒埋紫菜絲點綴，麵包底層次分明之餘仲脆卜卜，夾住青瓜鹹鹹甜甜咁～

藍莓忌廉芝士貝果
藍莓嘅酸甜同忌廉芝士嘅鹹香完美結合，食落好清新，唔會覺得膩。

開心果迷你丹麥磚
賣相真係超可愛，口感層次超豐富。開心果嗰種特有嘅果仁香味喺口腔散開，真係好療癒🟢



#香港必食 #香港麵包 #香港面包 #香港蛋撻
#香港甜品 香港旺角美食 香港銅鑼灣美食 香港尖沙咀烘焙 香港手信Key

近幾年，除咗勤力做運動，仲對入口嘅食物要求高咗好多～睇完阿Dee YouTube介紹呢間凍肉鋪之後，即刻被燒到，要衝去尖沙咀呢間「新國華肉食公司」朝聖吓！入到去肉種類多到眼花繚亂，無論係健身大隻仔要嘅高蛋白質肉類，定家庭快閃煮食之選嘅醃肉類...
05/05/2026

近幾年，除咗勤力做運動，仲對入口嘅食物要求高咗好多～睇完阿Dee YouTube介紹呢間凍肉鋪之後，即刻被燒到，要衝去尖沙咀呢間「新國華肉食公司」朝聖吓！入到去肉種類多到眼花繚亂，無論係健身大隻仔要嘅高蛋白質肉類，定家庭快閃煮食之選嘅醃肉類都有，放工返屋企半個鐘就食得！另外打邊爐/韓燒款肉片都有好多選擇，重點係分類得好清晰，想買咩一目了然！一站式買定幾日餸就最方便！

私心掃咗幾款心水肉！封門柳去晒油、去晒筋，肉質濃郁得嚟好軟腍，簡單煎吓已經牛味爆棚；另外梅花肉油脂分布好平均，輕輕一灼就食得，唔會韌的🐷有時放工想快手食好西，都入手咗幾款韓式系列，全部醃得好入味，辣味同甜味平衡得啱啱好，簡單煎一煎加熱就得，用嚟帶飯都好方便，好食過出面韓燒店～



#新國華 #賣肉大叔 #教肉大叔 #大叔的肉 肉肉大叔 生酮大叔

最近天氣濕濕悶悶，真係好易冇晒胃口～今日去咗「綠茶餐廳」滿眼都係清新嘅綠色，未食先興奮！翠綠麻婆豆腐貫徹一片綠油油嘅主題！平時見開嘅麻婆豆腐都係紅噹噹，呢款竟然係用菠菜汁同青線椒調出嚟嘅鮮綠色！豆腐質地香滑，入面仲混合咗牛腩粒同皮蛋碎，層次...
30/04/2026

最近天氣濕濕悶悶，真係好易冇晒胃口～今日去咗「綠茶餐廳」滿眼都係清新嘅綠色，未食先興奮！

翠綠麻婆豆腐
貫徹一片綠油油嘅主題！平時見開嘅麻婆豆腐都係紅噹噹，呢款竟然係用菠菜汁同青線椒調出嚟嘅鮮綠色！豆腐質地香滑，入面仲混合咗牛腩粒同皮蛋碎，層次感極豐富。

西湖醋魚
比起傳統鱸魚，肉質更結實唔鬆散，而且口感更加細膩。個汁做得酸酸甜甜，味道拿捏得啱啱好，喺潮濕天氣食真係瞬間開胃，多人嚟食必點！

香乾涼拌馬蘭頭
馬蘭頭係春季時令野菜，平時好少見～佢哋將碎菜層層疊疊咁整成塔狀，食落有一種獨特嘅清香，入面仲加咗五香豆乾同金華火腿碎，豆乾嘅鹹香帶出咗馬蘭頭嘅鮮味，少少油脂感令成道菜更香口！

綠茶蝦餃
連蝦餃都變咗綠💚 綠茶色嘅皮薄到透光，入面嘅蝦肉爽口鮮甜，細細品嚐嘅話，個皮仲帶有一絲絲淡淡嘅茉莉龍井茶香，感覺比普通蝦餃清新好多。

櫻花糕
最後當然要食返個甜品結尾，呢款江南點心賣相粉嫩，口感Q彈，入面仲有甜甜地嘅櫻花醬。完美結束呢餐綠色盛宴💖

Address

1 Tong Tak Street
Tseung Kwan O
000000

Website

Alerts

Be the first to know and let us send you an email when Suye is Eating posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Suye is Eating:

Shortcuts

Share

Category