小k投資之路 littleksroad

小k投資之路 littleksroad 小K身為一個90後，當然希望可以靠自己白手起家，所以由大學時代開始就一?

去搵朋友經過見到這間滿滿老港風味嘅茶餐廳，菜單好多搞鬼嘅菜名，睇到眼花繚亂😂 懷舊爵士雜扒餐性價比高，一份入面有豬扒、薄燒牛扒同雞扒，一次過滿足肉食愛好者。出餐等十幾分鐘，係現做嘅，超抵食巨型鐵板餐，配埋洋蔥汁，肉嘅份量相當足👍 大過你塊臉...
28/08/2026

去搵朋友經過見到這間滿滿老港風味嘅茶餐廳，菜單好多搞鬼嘅菜名，睇到眼花繚亂😂

懷舊爵士雜扒餐性價比高，一份入面有豬扒、薄燒牛扒同雞扒，一次過滿足肉食愛好者。出餐等十幾分鐘，係現做嘅，超抵食巨型鐵板餐，配埋洋蔥汁，肉嘅份量相當足👍

大過你塊臉雞扒飯，個名真係唔誇張，雞扒大到好誇張！淋上秘製蔥油。雞扒外皮煎得香脆，肉質唔會柴，配白飯一齊食剛剛好❤️

兩款西多士都有驚喜。貓山王西多士，榴槤香好突出，切開入面餡料飽滿，又唔會甜得滯。漏奶華西多士就係經典款，一刀切落去奶醬緩緩流出，邪惡但又好好食，係時候又要減肥了~

另外點咗碗仿鮑魚絲火腿湯通粉，湯底鮮甜，通粉軟硬適中。哈佬沙爹牛肉公仔麵，沙爹惹味，牛肉份量唔少，係地道嘅港式味道😝

好味指數：10/10 

性價比指數：9/10

餐廳名稱：哈佬冰廳

餐廳地址：元朗朗樂路1號YOHO MIX（元點）L1樓 B101-B102號舖（港鐵元朗站C出口）

呢間大排檔幾有鑊氣，食落好貼地，不過點炭火雞要有心理準備，要等大約三十分鐘，師傅係店內即場炭火燒製，正啊😝 即燒炭火雞上枱熱辣辣，外皮燒得脆脆地，帶點炭火香，雞肉夠嫩，會滲出肉汁，一定要趁熱食，凍咗皮就會變韌，大打折扣😅 山楂蜜桃京都骨幾驚...
27/08/2026

呢間大排檔幾有鑊氣，食落好貼地，不過點炭火雞要有心理準備，要等大約三十分鐘，師傅係店內即場炭火燒製，正啊😝

即燒炭火雞
上枱熱辣辣，外皮燒得脆脆地，帶點炭火香，雞肉夠嫩，會滲出肉汁，一定要趁熱食，凍咗皮就會變韌，大打折扣😅

山楂蜜桃京都骨
幾驚喜，同普通京都骨唔一樣，多咗山楂同蜜桃，酸甜唔會膩，肉質唔柴，食幾舊都唔滯，幾有心思❤️

乾炒牛河
呢道菜係測試小炒店嘅標準，河粉要炒得夠鑊氣，唔會濕淋淋黏埋一團，牛肉夠嫩，調味剛好，食到尾都唔會覺得油膩，水準合格之上👍

好味指數：10/10 

性價比指數：9/10

餐廳名稱：多多雞大排檔

餐廳地址：元朗又新街37-51號富祐閣地下14號舖

唔知大家有冇同感，閒時約埋朋友去大排檔食餐好，真係好治癒！之前食過新肥泉大排檔，一食鍾情，今次又約埋朋友再去回味！從高鐵站行過去都係幾分鐘路程，超級方便～😊今次必點嘅豬肚雞煲，真係誠意滿滿！豬肚成煲一齊上，2-3個人食都綽綽有餘，食飯之前記...
18/08/2026

唔知大家有冇同感，閒時約埋朋友去大排檔食餐好，真係好治癒！之前食過新肥泉大排檔，一食鍾情，今次又約埋朋友再去回味！從高鐵站行過去都係幾分鐘路程，超級方便～😊

今次必點嘅豬肚雞煲，真係誠意滿滿！豬肚成煲一齊上，2-3個人食都綽綽有餘，食飯之前記得飲啖湯，口感層次超豐富，必須比個 like！👍

蒸白鱔一端上嚟，海鮮香味撲鼻而來！白鱔蒸得火候啱啱好，肉質嫩得嚟又唔會太散，醬汁調配得幾好，微微嘅鹹香，新鮮食材加上師傅手藝，食落肚成個人都暖笠笠～

最令人震驚嘅就係黑鬆露帶子炒飯！超級够獲氣，每啖都有陣陣油香❤️

鍾意大排檔美食嘅朋友，記得去試試啦～

餐廳名稱：新肥泉大排檔
餐廳地址：佐敦寶靈街 17 號官涌市政大廈熟食中心 2 樓
電話：2730 4968

#新肥泉大排檔

今日行街經過天龍咖喱，買完野就想食下咖喱，叫咗幾樣嘢，同大家分享hehe～ 金牌牛魔王咖喱牛大四囍飯呢款簡直就係必點之選！集合左4款不同既牛: 牛腩、牛筋、牛肉、牛脷，可以話係包飽的～咖喱醬少辣之餘帶點淡淡椰香，唔會話好膩🤤 羊架羊架好新鮮...
27/07/2026

今日行街經過天龍咖喱，買完野就想食下咖喱，叫咗幾樣嘢，同大家分享hehe～

金牌牛魔王咖喱牛大四囍飯
呢款簡直就係必點之選！集合左4款不同既牛: 牛腩、牛筋、牛肉、牛脷，可以話係包飽的～咖喱醬少辣之餘帶點淡淡椰香，唔會話好膩🤤

羊架
羊架好新鮮，total有兩件，手撕羊架，正啊😋

西多士
外皮炸得香脆鬆化，色澤金黃，我成日都話要配煉奶花生醬，果然係完美既matching，下午茶perfect之選，大人細路都鐘意❤️

話梅可樂
好特別特色飲品！話梅酸酸的加上可樂，簡直係完美配搭✨

熱情果梳打
天氣熱當然要飲下凍野！熱情果清香好突出，搭配淡淡香，中和得剛剛好😝

好味指數：9/10 

性價比指數：8/10

餐廳名稱：天龍咖喱

餐廳地址：元朗合益路17-53號合益中心地下23號舖

hkfoodblogger foodiehk 香港美食 hkfoodies hkeats 食好西 hkfoodlover hkfoodblog hkfoofdlover hkfoodporn 吃貨人生 hkfoodstagram hongkongfoodie 元朗美食 元朗好去處 香港美食 美食 美食推薦

偶然經過這間米線專門店，主打滋潤濃湯鍋，即刻搵朋友一齊補一補😙 主食湯鍋 瘋狂骨膠原濃湯鍋+稻庭烏冬我揀咗呢款，原本套餐係米線，轉稻庭烏冬口感更好。骨膠原湯熬得好濃厚，膠質感十足，烏冬掛湯力超強，每條都吸滿湯汁，越食越上頭😂養顏花膠雞濃湯鍋...
26/07/2026

偶然經過這間米線專門店，主打滋潤濃湯鍋，即刻搵朋友一齊補一補😙

主食湯鍋

瘋狂骨膠原濃湯鍋+稻庭烏冬
我揀咗呢款，原本套餐係米線，轉稻庭烏冬口感更好。骨膠原湯熬得好濃厚，膠質感十足，烏冬掛湯力超強，每條都吸滿湯汁，越食越上頭😂

養顏花膠雞濃湯鍋配米線
朋友話要點呢個，湯底有花膠、豬手同雞腳，唔會有重藥材味，走滋潤清淡路線。米線吸收晒雞湯精華，搭配消暑冬瓜茶一齊食，冬瓜茶清甜回甘，夏天飲特別解膩降火😜

仙草招牌奶茶
奶茶奶味重，甜度適中，不錯
消暑冬瓜茶
經典台灣飲料，冰涼解渴，正啊😍

小食

脆嫩單骨雞翼
金黃酥脆，唔使徒手拆骨，都幾方便下😉
鬼馬咕嚕油炸鬼
好有創意的一款小食，油炸鬼切件配上沙律醬，仲有蝦球tim~
酥炸韭菜餃
皮薄餡脆，韭菜味突出，炸完不會油淋淋，一口一個，用來送湯剛剛好🤙

好味指數：10/10 

性價比指數：9/10

餐廳名稱：再來一鍋

餐廳地址：香港屯門河傍街146號B舖美基樓地下

hkfoodblogger foodiehk 香港美食 hkfoodies hkeats 食好西 hkfoodlover hkfoodblog hkfoofdlover hkfoodporn 吃貨人生 hkfoodstagram hongkongfoodie 屯門美食 屯門好去處 香港美食 美食 美食推薦

食得好滿足既印度餐廳，成餐飯由頭食到尾都幾好，中午放工時間經過可以食，啲香料用得好正宗😄芒果 Lassi (Mango Lassi)一坐低梗係要叫返杯芒果 Lassi 啦！佢同平時街邊飲嘅奶茶完全唔同，質地比較濃稠，真係好似喺食緊芒果慕絲咁...
15/06/2026

食得好滿足既印度餐廳，成餐飯由頭食到尾都幾好，中午放工時間經過可以食，啲香料用得好正宗😄

芒果 Lassi (Mango Lassi)

一坐低梗係要叫返杯芒果 Lassi 啦！佢同平時街邊飲嘅奶茶完全唔同，質地比較濃稠，真係好似喺食緊芒果慕絲咁。芒果味香濃，酸酸甜甜好開胃，而且好解辣，推介！

主菜環節：汁撈飯一流 🍛

Chicken Tikka（烤雞串）：呢個一定要試！雞肉燒到外表微微焦香，最正係嗰種煙燻味同香料味，完全冇雪味，食得出係新鮮醃過再烤嘅🙆🏻‍♂️

House Butter Chicken（招牌牛油雞）：呢個係印度菜嘅靈魂吧？個汁真係太掂喇！奶油味同番茄味平衡得剛好，唔會太酸亦唔會太膩。啲雞肉煮得好腍，用個汁撈Naan食真係可以食多兩塊

House Fish Curry（招牌魚咖喱）：如果你鍾意食辣，呢個就啱晒你啦。同牛油雞嘅 creamy 唔同，呢個係比較清爽嘅酸辣湯底，魚肉好新鮮，吸晒啲咖喱汁，一啖咬落去會爆汁㗎🤪

甜品：罪惡嘅甜蜜 🍮

食完辣嘅梗係要嚟啲甜嘅收尾啦！

Gulab Jamun（印度奶球）：呢個真係我嘅最愛！炸到金黃色嘅麵粉奶球，浸喺玫瑰糖水入面。咬開去軟綿綿、煙韌韌嘅，啖啖都係玫瑰同豆蔻嘅香味，好邪惡但好滿足🥳

Rasmalai（乳清芝士糕）：相比起奶球，呢個就清甜好多。好似係兩舊好滑嘅忌廉芝士，浸喺濃濃嘅奶汁入面，上面仲有開心果碎。入口即溶，唔會太甜，作為一餐嘅終結就最完美喇~

同大家分享下我琴日食既晚餐，去咗一間朋友介紹好有格調嘅餐廳😝餐前酒：微醺熱帶風 vs 清新菊花園我哋一坐低就叫咗兩杯招牌特調。第一杯叫 Pure Pearl，睇個名以為會好 heavy，點知酒精濃度得 3.6% 咋！一拎上手就聞到陣陣佛手柑...
15/06/2026

同大家分享下我琴日食既晚餐，去咗一間朋友介紹好有格調嘅餐廳😝

餐前酒：微醺熱帶風 vs 清新菊花園

我哋一坐低就叫咗兩杯招牌特調。第一杯叫 Pure Pearl，睇個名以為會好 heavy，點知酒精濃度得 3.6% 咋！一拎上手就聞到陣陣佛手柑嘅清香，飲落去係好清爽嘅椰奶味，口感好幼滑。最得意嘅係上面用咗半乾糖漬木瓜做裝飾，睇落好高貴，成杯嘢就好似喺海邊度過一個微醺嘅下午咁，好 relaxing！☺️

跟住呢杯 Daisy Pop 就更加特别喇。佢用咗干邑苦艾酒同蜂蜜草本酒做底，再混入咗自製嘅菊花梳打。一飲落去，成個口腔都充滿咗淡淡嘅菊花香，清新得嚟又有層次❤️

前菜：海鮮盛宴開胃一流

食完酒就到前菜環節。香煎帶子煎到外層微焦，入面仲係嫩滑多汁。底下面嘅鷹嘴豆蓉帶住陣陣堅果香，最後食到粒粒三文魚籽嘅爆珠感，不得了😆

另外嗰碟阿根廷紅蝦肉吞拿魚蓉他他配三文魚籽+黑魚籽混入彈牙嘅紅蝦肉，鹹鹹香香甘，層次瞬間提升👍

主菜：海膽控必試同創意羊架

嚟到主菜，呢碟北海道直送海膽扁意粉配自製海膽醬簡直係海膽控嘅天堂！海膽味超級濃郁鮮甜，意粉+咗自製嘅海膽醬，creamy得嚟一啲都唔會覺得膩😋

日式豆腐糕寶雲酥羊肋外層煎到金黃，入面嘅羊肉嫩滑多汁，配菜嘅法式千層薯批外脆內軟，加上帶少少辛辣嘅芥末籽燒汁，完全中和咗羊肉嘅羶味，食完成個人都好滿足❣

thepearl.hk

今日同朋友去咗一間叫天龍咖喱既餐廳，順便係附近行下，叫咗幾樣嘢，同大家分享一下～ 金牌牛魔王咖喱牛大四囍飯呢款絕對係牛控必點！集合牛腩、牛筋、牛肉、牛脷四款牛，用料超豐富～咖喱醬帶淡淡椰香，鹹香適中唔會膩，份量十足，食落超有滿足感🤤 羊架飯...
28/04/2026

今日同朋友去咗一間叫天龍咖喱既餐廳，順便係附近行下，叫咗幾樣嘢，同大家分享一下～

金牌牛魔王咖喱牛大四囍飯
呢款絕對係牛控必點！集合牛腩、牛筋、牛肉、牛脷四款牛，用料超豐富～咖喱醬帶淡淡椰香，鹹香適中唔會膩，份量十足，食落超有滿足感🤤

羊架飯
用料好新鮮，羊架好似手掌咁大塊，鮮香濃郁😋

香酥雞
外皮炸得香脆鬆化，色澤金黃诱人，肉質嫩滑Juicy，完全唔柴，調味剛剛好，一口落去外酥內嫩，單食或者配咖喱醬都好好味，大人細路都鐘意❤️

話梅可樂
超特別嘅港式特色飲品！可樂嘅冰爽氣泡混住話梅嘅酸甜果香，飲完超解滯✨

生薑柑橘蜜
溫潤滋潤嘅熱飲之選！柑橘清香好突出，搭配淡淡生薑香，中和得剛剛好，加上蜜糖嘅溫柔甜潤，舒服😝

好味指數：9/10 

性價比指數：8/10

餐廳名稱：天龍咖喱

餐廳地址：元朗合益路17-53號合益中心地下23號舖



Address

Yuen Long

Website

Alerts

Be the first to know and let us send you an email when 小k投資之路 littleksroad posts news and promotions. Your email address will not be used for any other purpose, and you can unsubscribe at any time.

Contact The Business

Send a message to 小k投資之路 littleksroad:

Shortcuts

Share

Category