Žemaitė prie puodų

Žemaitė prie puodų Žemaitiški valgiai ir ne tik

Nuliekus i suostine žemaitė badu nemerė, gava skanių struovu, pri katrų skrundis labiau yr pripratės 👍
29/03/2025

Nuliekus i suostine žemaitė badu nemerė, gava skanių struovu, pri katrų skrundis labiau yr pripratės 👍

Šindein peitus ne pati taisiau, o kap tekra puone veišiejau restorane. Nuliekiau i Pakalnute i Saluntus, i tuoke palikau...
14/02/2025

Šindein peitus ne pati taisiau, o kap tekra puone veišiejau restorane. Nuliekiau i Pakalnute i Saluntus, i tuoke palikau patenkinta ka i jums papasakuoso.

Pakalnute tuoke didle jauki veita, maists kap pas mama, o draugiškoms i svetingoms gaspaduorės nesvietišks. Tik iejus padave turielka šveže priraitytu makaruonu sriubuos. Suretėnus baise skane srioba, staige atnešė sava firminiu rūkytu šonkauliu, pastatė ciela krienų indieli i iš bačkuos įpylė giruos.
Nu jau tu šonkauliu skanoms neapsakuoms. Minkšti, sultyngi, veišiejau ka net ausis linka. Vuos tik spiejau suvalgyt tujau siūl da ku nuors paragaut, o išeinunt da i pelnas kišenes saldainiu prikėša. Nu tekra buvau laba pamaluonynta.

Jei dar nebuvuot tai siūlau aplunkyt i ne tik skane pavalgyt, bet i patert tekra žemaitiška svetingoma.

Veinuos petelnės peita per 30 minučiu 🍳Tik tas žiūrieket kad petelnė būtom su metalene ronkena i tinkunti diet i orkaite...
13/02/2025

Veinuos petelnės peita per 30 minučiu 🍳

Tik tas žiūrieket kad petelnė būtom su metalene ronkena i tinkunti diet i orkaite ♨️

Dvėjuom porcijuom reikies

1 ciboles, 2 skiltieliu česnaka, 1/4 puora, 140g basmati ryžiu, 2-3 gabalieliu menkės, 100g šaldytų žirnielių, petražuoliu, krapų, citrinas reikieliu, droskas, peperu i 1 bulijuona kubieli

Įkaitint orkaite unt 200°C.
Kubeles susipjaustyt cibole i česnaka. Pusžeides supjaustyt puora. Menke pabarstyt su droska i peperas. Karštam vundinį ištirpynt bulijuona kubielį. Įkaitynt keptove i įpelt aliejaus, sudiet cebole, česnaka i puora. Švelne viskų apkepint i tumet subert ryžius i supelt bulijuona. Uždengt dungti i pavert api 5-7min. Tumet sudiet petražuoles, žirnelius, menke, citrinas reikeles i pašaut i orkaite 15min. Laikou praėjus išimt iš orkaites pabarstyt krapas į skane paveišiet. Skanaus 😉

Ku gavuom torgou, tu i veišam 👍
25/01/2025

Ku gavuom torgou, tu i veišam 👍

Vein karta, ėjau i žygi aplink tuoki laba graži ežera Žemaitijuo. Žygis bov tuoks nejoukyngs verš 30 kiluometrų. Pradžiu...
22/01/2025

Vein karta, ėjau i žygi aplink tuoki laba graži ežera Žemaitijuo. Žygis bov tuoks nejoukyngs verš 30 kiluometrų. Pradžiuo eino, vesks faine, saulelė šveit, paukštele pypaun, o aš eino sau linksma. Ale vidurį žygiaus skrundis pradieje tep smarke skaudiet, teik skaud ka vuos kuojes galiejau pavelkt. Kikveins žingsnis bov kap kuoke bausmie. Galvuoju: „Nu, kap reks tu finiša paseikt…“

Po kelių valundų pagaliau šep ne tep parėjau atgal i kaima, ten mumis vesus žygeivius kveite i sporta sale mokykluo. Sak ateiket bus žaidemu i vėliau šuoke. Vesi žygeive džiaugies, o aš nabage vuos pastuovo, teik tas skrundis bov įsiskaudiejes, ni api juokius šuokius negaliejau pagalvuot. Bet gile širdelie noriejau prisijungt pri visu.

Kumet grįžau numei pirmiausiu taikymu kritau i luova, nes nu daugiau niek keta nenoriejau, kap tik tas prigolte. Ale mam šauk iš vertoves: „Ateik valgyt vakarienes! “Jezau galvuoju, aš net vondens negalio praryt, kuoke dar vakariene”. Mam bov privėrusi burokieliu sriubuos katila. Garoun bliūds panuosie padiets, kvaps tuoks skanus, nu galvuoju pakaštavuoso.

Puora šaukštų pasrėbiau i jauto kap akys prašveisie, skrundis tik rimst. Susrėbiau bliūdą, įsipyliau da veina. Ta srioba tuoke šeldunti, gydunti, kad net nuotaika i ta pasitaise! Viel pasijutau pelna energijas i pagalvuojau ka visa dar suspieso ir i tus šuokius mokykluo nuliekte.

Greita susiruošiau, nulėkiau atgal pas žygeivius. Sudalyvavau žaidimus, pasišuokau, linksma pabuvau lyg niekor niek kad nebūtom nutėke!

Dar i šio deina prisymeno, kap ta mamas srioba muni pagyde. Nu ana tekra yr stebuklings dalyks, pats geriausis vaists ❤️

🎶Bova gera gaspadenė gera vyra žmuona, i sulėja saldi sūrį iš salde smetuona🎶Nu tas varškies sūris yr tuoks didle skanos...
19/01/2025

🎶Bova gera gaspadenė gera vyra žmuona, i sulėja saldi sūrį iš salde smetuona🎶

Nu tas varškies sūris yr tuoks didle skanos dalyks. Mes anu teik miegstam, bet priš valgont būtina su droskele pabarstuom. Vo tada susireikiejam reikeliem i sau veišam, i dougiau niek nerek. Nu gera da kartas pamondravuojam užsitepam kokiuos ougynės a kuoke švieže medaus, a pasidaruom kuoki sumuštini ka stepriau būtom. Bet ku jau besumislysi tas sūriaus skuonis yr tuoks katruo su nikou nesumaišysi 🥰

Žemaitiška kiaušinienė, reibi bet baise skane pusryte. Nekuožna deina tuokius teikam, tik tas savaitgales arba kumet apl...
18/01/2025

Žemaitiška kiaušinienė, reibi bet baise skane pusryte. Nekuožna deina tuokius teikam, tik tas savaitgales arba kumet aplonk svečioka 👍

O pagamynt tai baise lengva. Sausuo petelnie rek pakepynt rūkytus lašinokus, nu tep kol paleid anei sava taukus. Tumet išplakt dubenely kiaušinius i būtina įpelt vondens nu biški tep, nedaug. Išplaktus kiaušinius pelt į petelne i kept pavartalioujynt. Įbert droskas, peperu i kep kol kiaušiniene graže apskrund.

Nu o jau tada rek tik tas veišiet į vaišynt ketus, prikondunt douna į saluotuom 😉

04/12/2024

Vo kap graže puons sušnekieje 🥹

Vaikystie Mam ves laik kumet išvėrdava šonkaulius, da pri anu pataisydava tuoki mėrkalieli. O mėrkalielis laba paprasts....
02/11/2024

Vaikystie Mam ves laik kumet išvėrdava šonkaulius, da pri anu pataisydava tuoki mėrkalieli.

O mėrkalielis laba paprasts. Smolke supjaustyts česnaks, švieže malts pipėrs, droska ir vesks užpėlts su bulijuonu katram vėrė šonkaule.

Pabandyket kėt kart. Tuoks mėrkals laba gera tynk ir unt šonkauliu ir unt bolviu užsipelte 👍

Address

Dublin

Website

Alerts

Be the first to know and let us send you an email when Žemaitė prie puodų posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Žemaitė prie puodų:

Shortcuts

Share

Category