16/07/2020
थोडेसे "टेरेस किचन" बद्दल ....
टेरेस किचन थोडे unique नाव जरी असले, तरी ह्या सगळ्या उपदव्यापाची सुरवात ( हो उपदव्यापच, कारण हि तसे आहे ) माझ्या टेरेस पासून झाली आहे. ह्या टेरेस वर खाण्याच्या बाबतीतले बरेच प्रयोग करून झाले आहेत. अगदी पोपटी लावण्या पासून, BBQ करे पर्यंत, कधी कधी तर अक्खी कोंबडी सुद्धा भाजून खाली आहे. ह्याच टेरेस वर ज्यांनी ज्यांनी माझ्या सोबत ह्या अशा रेसिपीजचा आस्वाद घेतला आहे त्यांच्या जिभेवर अजून त्या चवी रेंगाळत आहेत. तर ह्याला काहीतरी मूर्त स्वरूप द्यावे असं पहिल्यापासून वाटत होतं, पण म्हणतात ना वेळेच्या आधी काहीही होत नाही ती वेळ यावी लागते. तसेच काहीसे झाले. तर टेरेस किचनची मुहूर्तमेढ २० मे रोवली..
टेरेस किचन चालू केल्यावर सगळ्यात आधी ऑर्डर्स द्यायला सुरवात केली ती माझ्या मित्रांनी, कारण त्यांना मी करत असलेल्या रेसिपीजची चव माहिती होती. पण,मला मित्रांन सोबतच, अलिबागकारांच्या जिभेचे चोचले त्यांना हवे तसे पुरवायचे आहेत, म्हणून एका नावाची गरज होती आणि म्हणून टेरेस किचन हि माझी पहिली पसंद होती. भविष्यात restaurant चालू केल्यावरही हेच नाव मला पाहिजे आहे. अलिबागकर मला भरभरून प्रतिसाद देतील ह्यात शंकाच नाही आहे, कारण अलिबागकारांच्या पसंतीला उतरतील अशाच डिशेस मी हळू हळू चालू करतोय.
लोगो बद्दल सांगायचे झाल्यास प्रसाद वडवळकरने आज पर्यंत माझ्या सगळ्या ventures चे लोगो डिजाईन केले आहेत आणि प्रत्येक लोगो माझ्या अपेक्षेप्रमाणेच असतो. लोगो जर नीट बघितले , एक घर आहे, त्या वर शेफची टोपी आहे, मागे सूर्यास्त होत आहे आणि हे सगळे एका टेरेस वर आहे म्हणून टेरेस किचन हे नाव आम्ही निवडले. मी तयार करत असलेल्या रेसिपीज मी ज्या ज्या ठिकाणी फिरलो, त्या त्या ठिकाणी खालेल्या डिशेस , त्यांची चव, तिथल्या लोकांशी मारलेल्या गप्पा आणि ह्यातून जे मिश्रण माझ्या डोक्यातून जे बाहेर आले तसे मी ते बनवतो. मला सांगायचे आहे कि मी कोणी प्रोफेशनल शेफ नाही आहे मी सिव्हिल इंजिनिअर आहे माझी आवड आहे खाण्याची आणि त्यातून हे सगळे उपदव्याप बाहेर आले आहेत. माझी नाळ माझ्या गावाशी माझ्या अलिबागशी जन्मापासून जुळलेली आहे, आणि बाहेर फिरत असताना मी चाखलेल्या डिशेस , त्यांची चव तुमच्या पर्यंत कशी पोचवता येईल तर त्याचे उत्तर मी शोधले "टेरेस किचन " च्या रूपाने.
चला तर मग अलिबागकर करताय ना ऑर्डर्स वेगवेगळ्या चवींचा आस्वाद घेण्यासाठी.
तुमचाच एक अलिबागकर
KP
