சுடர்வனம் தற்சார்பு பண்ணை

  • Home
  • India
  • Dharmapuri
  • சுடர்வனம் தற்சார்பு பண்ணை

சுடர்வனம் தற்சார்பு பண்ணை ஒரு சிறிய இயற்கை வேளாண்மை தற்சார்பு பண்ணை
A Small Natural Self Sustainable Farm

ஆக்ரிஸ்டாக் (Agri Stack - The Big Data of Indian Farmers, Farming, Farm Lands etc...)இந்திய விவசாய மற்றும் விவசாயிகளின் ...
06/11/2024

ஆக்ரிஸ்டாக் (Agri Stack - The Big Data of Indian Farmers, Farming, Farm Lands etc...)

இந்திய விவசாய மற்றும் விவசாயிகளின் தகவல் தொகுப்பு உருவாக்கப்பட்டு தனியார் நிறுவனங்களுக்கு, வெளிநாட்டு நிறுவனங்களுக்கு பகிரப்படுகிறதா ?

ஆக்ரிஸ்டாக், இந்திய விவசாயிகளுக்கான மிகப்பெரிய தரவுத் தொகுப்பாக செயல்படுகிறது, இதனை AI மாதிரிகளுக்காக பயன்படுத்த முடியும். இதில் விவசாயிகள், நிலப்பரப்பு, மண்ணின் ஆரோக்கியம், பயிர் வகைகள், காலநிலை முறை மற்றும் சந்தை நிலை போன்ற பல தரவுகள் ஒருங்கிணைக்கப்பட்டுள்ளன, இது இந்திய விவசாயத்திற்கான முழுமையான "பிக் டேட்டா" ஆதாரமாக அமைந்துள்ளது.

ஆக்ரிஸ்டாக்கின் தரவுகளை பயன்படுத்தி, அரசாங்கம் மற்றும் வேளாண் தொழில்நுட்ப நிறுவனங்கள் துல்லியமான விவசாய தீர்வுகளை வழங்க, வளங்களை சீராகப் பயன்படுத்த, விளைச்சல் முன்னறிவிப்புகளை வழங்க மற்றும் அபாயங்களை மேலாண்மை செய்ய AI அல்கோரிதங்களை பயன்படுத்த முடிகிறது. இதன் மூலம் இந்திய விவசாயத்தில் உற்பத்தி திறன் மற்றும் நிலைத்தன்மையை மேம்படுத்தும். எனினும், ஏ.ஐ. பயனளிக்க, ஆக்ரிஸ்டாக்கில் தரவின் துல்லியத்தையும், தனியுரிமைக் பாதுகாப்பையும், அனைவருக்கும் அடைவதற்கான வாய்ப்பையும் உறுதி செய்ய வேண்டும்.

https://agristack.gov.in/ #/

பஞ்சாப் - அதிகரிக்கும் புற்றுநோய்: 2021-ல் "39,521" 2024-ல் "42,288" பஞ்சாப் மாநிலத்தில் புற்றுநோய் அதிகம் காணப்படுகிறத...
05/11/2024

பஞ்சாப் - அதிகரிக்கும் புற்றுநோய்:

2021-ல் "39,521"
2024-ல் "42,288"

பஞ்சாப் மாநிலத்தில் புற்றுநோய் அதிகம் காணப்படுகிறது. நோயாளிகளின் எண்ணிக்கை தொடர்ந்து அதிகரித்து வருகிறது. இந்திய மருத்துவ ஆராய்ச்சி மையத்தின் (ICMR) தேசிய புற்றுநோய் பதிவுத்திட்டத்தின் தரவுகளின்படி, 2024 பிப்ரவரி 6 அன்று ராஜ்யசபாவில் மத்திய சுகாதார மற்றும் குடும்ப நலத்துறை வழங்கிய தகவலின்படி, பஞ்சாபில் புற்றுநோய் நோயாளிகளின் எண்ணிக்கை 2021-ல் 39,521 இருந்ததை 2024-ல் 42,288 ஆக உயர்ந்துள்ளது.

நைட்ரஜன், பாஸ்பரஸ் மற்றும் பொட்டாசியம் போன்ற உரங்களின் பயன்பாட்டில், பஞ்சாப் மாநிலம் நாடு முழுவதிலும் முதலிடத்தில் உள்ளது. 2024 ஆகஸ்ட் 6 அன்று ராஜ்யசபாவில் இந்திய யூனியன் இரசாயன மற்றும் உரத்துறை அமைச்சகம்(Union Ministry of Chemicals and Fertilisers) பகிர்ந்த தரவுகளின்படி:

-> 2023-24 காலப்பகுதியில் மாநிலம் 103.1 கிலோ உரத்தை ஏக்கருக்கு (247.61 கிலோ ஹெக்டேருக்கு) பயன்படுத்தியுள்ளது. இது தேசிய சராசரியான 58.25 கிலோ ஏக்கருக்கு (139.81 கிலோ ஹெக்டேருக்கு) இரட்டிப்பாகும்.

-> 1980 முதல் 2018 வரையிலான காலப்பகுதியில் நைட்ரஜன்-பாஸ்பரஸ்-பொட்டாசியம் (NPK) உரங்களின் பயன்பாடு 180 சதவீதம் அதிகரித்துள்ளது – 6.9 லட்சம் டன்களிலிருந்து 19.2 லட்சம் டன்களுக்கும் மேலாக உயர்ந்துள்ளது - இதற்கான தரவுகள் பஞ்சாப் அரசின் வசம் உள்ளன.

-> இந்தியாவின் பரப்பளவில் பஞ்சாப் மாநிலம் 1.53 சதவீதம் மட்டுமே கொண்டிருந்தாலும், நாட்டின் மொத்த உரப் பயன்பாட்டில் 9 சதவீதத்தைப் பயன்படுத்துகிறது.

குறிப்பு : புற்று நோயால் அதிக அளவு விவசாயிகள் பாதிக்கப்படுகிறார்கள்


#உணவுக்கு_வேளாண்மை

உணவில் ரசாயனம் நாம் உண்ணும் உணவு ரசாயன விவசாயத்தில் மட்டுமே நஞ்சாக மாறுகிறது என நினைப்பது அறியாமை . இப்படியான ஒரு விடயத்...
04/11/2024

உணவில் ரசாயனம்

நாம் உண்ணும் உணவு ரசாயன விவசாயத்தில் மட்டுமே நஞ்சாக மாறுகிறது என நினைப்பது அறியாமை . இப்படியான ஒரு விடயத்தைத்தான் ஊடகங்கள் சாதாரன மக்கள் மனதில் ஆழமாக பதிய வைக்கிறது . வியாபார நோக்கில் செய்யப்படும் கலப்படமே மிகவும் அதிகமான நஞ்சாக உணவை மாற்றும் . விவசாயம் கொஞ்சம் ரசாயனத்தை கலக்கிறது எனில் அதிக ரசாயனம் , உணவை கெடாமல் பாதுகாக்கும்போதும் , கலப்படம் செய்யும்போதும் சேர்க்கப்படுகிறது.

உணவு உற்பத்தியில் ரசாயனம் பயன்படுத்தும் நிலைகள் :

1. விதைப்பு - விதைநேர்த்தி ரசாயன கலவை

2. மண் - ரசாயன உரம் , ரசாயண களைக்கொல்லி மண்ணில் சேர்கிறது

3. நீர் - அதிக ஆழத்தில் இருந்து எடுக்கும் நீரில் உள்ள கனிமங்கள்

4. காற்று - ரசாயன பூச்சிக்கொல்லி காற்றில் பரவும்

5. பயிர் பாதுகாப்பு - பூச்சிக்கொல்லி , வளர்ச்சியூக்கிகள்

6. நீண்ட நாள் உணவுப் பொருட்கள் கெடாமல் இருக்க சேர்க்கும் ரசாயனம்

7. கலப்படம் செயும்போது சேர்க்கப்படும் நிறமிகள், அந்த பொருளைப்போலவே இருக்கும் மலிவான ரசாயன பொருட்கள்

பல இந்திய மசாலாக்கள் வெளிநாடுகளில் தடை செய்ய சோதனையில் உள்ளது .பல இந்திய காய்கறி பழங்கள் பல வெளிநாடுகளில் ஏற்றுக்கொள்ளப்...
04/11/2024

பல இந்திய மசாலாக்கள் வெளிநாடுகளில் தடை செய்ய சோதனையில் உள்ளது .பல இந்திய காய்கறி பழங்கள் பல வெளிநாடுகளில் ஏற்றுக்கொள்ளப்படுவதிலைல அளவுக்கு மீறிய ரசாயன கலப்பு .
சில நிறுவனங்கள் ஐரோப்பிய நாடுகளில் குழந்தை உணவுப் பொருட்களில் சர்க்கரை சேர்ப்பதில்லை . ஆனால் இந்தியா போன்ற நாடுகளில் சர்க்கரையை சேர்த்து விற்கிறது . அதை தடுக்க இங்கு என்ன செய்கிறார்கள் தெரியவில்லை. நிறுவனங்களுக்கு சாதகமான சூழ்நிலை இங்கு . வெளிநாடு புகழ்பாடும் பலரும், அந்த நாடுகளில் தவிர்ப்பதை இங்கு தவிர்க்கிறார்களா ?
உங்கள் உடல் நலம் உங்கள் கையில் மட்டுமே .

செம்மை நெல் சாகுபடி திருந்திய நெல் சாகுபடி ஒற்றை நாற்று நடவு என விதைகளை மிச்சம் செய்து நாற்றங்கால் அமைத்து நடவு செய்வத...
04/11/2024

செம்மை நெல் சாகுபடி
திருந்திய நெல் சாகுபடி
ஒற்றை நாற்று நடவு
என விதைகளை மிச்சம் செய்து நாற்றங்கால்
அமைத்து நடவு செய்வதை பரிந்துரை செய்தார்கள்.
அதிக ஆட்களுக்கு வேலை .
அதிக உற்பத்தி .

அதேவேளையில் :
நூறு நாள் வேலை,
இருநூறு நாள் வேலை
விவசாய கூலி பற்றாக்குறை
மற்றும் வேறு பல காரணங்களால்
ஆட்கள் இல்லாமல் ஆனது.

முதலில் இயந்திர அறுவடை
பின்பு களையெடுக்கும் கருவி
அடுத்து இயந்திர நடவு என தொழில்நுட்பங்கள்
ஆட்கள் பிரச்சனைக்கு வழிகாட்டியது போல் இருந்தது .
அதே நேரத்தில் எரிபொருள் செலவு பல மடங்காக மாறிவிட்டது .

இப்போது நேரடி விதைப்பில்
வளிமண்டல மீத்தேன் அளவு குறைகிறது
என கார்பன் கிரெடிட் பற்றி பேசுகிறார்கள் .
கருத்தரங்கு நடுத்துகிறார்கள்.
பரிந்துரை செய்கிறார்கள் .
இவர்களின் உண்மையான நோக்கம் என்ன ?
விவசாயிகளுக்கு வாழ்வு அளிப்பதா ?

வேறு என்னவாக இருக்கும் ?
1. நிறுவனங்களின் கருவிகளை மானியம் என வைத்து விற்பனை செய்வது ?
2. அதிக விளைச்சல் என கூறி புதிய விதைகள் விற்பது ?
3. கார்பன் கிரெடிட் என நிறுவனங்களின் குரலாக ஒலிப்பது?
4. அதிக உற்பத்தியை உறுதி செய்து விலை ஏறாமல் பாதுகாப்பது ?

நீங்கள் என்ன நினைக்கிறீர்கள் ?

#உணவுக்கு_வேளாண்மை

#தற்சார்பு

சீம்பால்:சாணிக்காக, கோமியத்திற்காக, உழவிற்காக என இருந்தது கால்நடை வளர்ப்பு . கன்றுக்கு போக கொஞ்சம் பாலை கறந்து குடும்ப த...
03/11/2024

சீம்பால்:

சாணிக்காக, கோமியத்திற்காக, உழவிற்காக என இருந்தது கால்நடை வளர்ப்பு . கன்றுக்கு போக கொஞ்சம் பாலை கறந்து குடும்ப தேவைக்கு பயன்படுத்தினோம் . ஆனால் இன்று பால் உற்பத்தி என கன்றுக்கு கூட கொடுக்காமல் பாலை உறிஞ்சுகிறோம் . போதாமல் சீம்பாலை எடுத்து இனிப்பு செய்து கொண்டாடுகிறோம்.

மாடு கன்று ஈன்று விட்டால் சீம்பால் எடுத்து காய்ச்சி நாம் சாப்பிடுவது மட்டுமின்றி உறவுகள் நண்பர்கள் என அனைவருக்கும் கொடுப்பது வழக்கமாக வைத்திருக்கிறோம் . ஆனால் அந்த சீம்பால் கன்றுகளுக்கு தான் மிக முக்கியமாக தேவை.

சீம்பாலில் ‘காமா குளோபுலின்’ (Gamma Globulin) என்ற நோய் எதிர்ப்புப் புரதங்கள் அதிக அளவு உள்ளன. இவை கன்று ஈன்ற மாட்டை ஏற்கெனவே பாதித்த நோய்க்கிருமிகளுக்கு எதிராக மாட்டின் உடலில் உருவாகி பால் வழியாகக் கன்றுகளுக்குச் செல்லும். உதாரணமாக , பசு மாடு கோமாரி தாக்கி குணமாகியிருக்கலாம். அந்த எதிர்ப்பு சக்தி சீம்பால் வழியாகக் கன்று குட்டிக்குச் செல்லும். இதன்மூலம் கோமாரி போன்ற கொடிய நோய்களை எதிர்க்கும் வல்லமை கன்றுகளுக்குக் கிடைத்துவிடும். சீம்பாலை மட்டும் கன்றுக்குட்டிக்குச் சரியாகக் கொடுத்துவிட்டால், வருங்காலத்தில் நல்ல ஆரோக்கியமான மாடாக அது வளரும்.

குறிப்பு : கடைத்தெருவில் நிரந்தர சீம்பால் கடைகள் உள்ளது . தினமும் இவர்களுக்கு சீம்பால் கிடைக்குமா ? கிடைக்காது என தெரிந்தும் , அதை வாங்கி உண்ணுபர்கள் உண்டு .

#உணவுக்கு_வேளாண்மை

#தற்சார்பு

உழவர்கள் | இன்ஜினியர் பிள்ளைகளைஉழவர்கள் எப்படி அதிக விவசாய விளை பொருட்களை உற்பத்தி செய்து விலை இல்லாமல் கிடக்கிறார்களோ ...
02/11/2024

உழவர்கள் | இன்ஜினியர் பிள்ளைகளை

உழவர்கள் எப்படி அதிக விவசாய விளை பொருட்களை உற்பத்தி செய்து விலை இல்லாமல் கிடக்கிறார்களோ அதே போல பல பிள்ளைகளை இன்ஜினியர் ஆக்கி வைத்திருக்கிறார்கள்.

வேளாண்மை குடும்பத்தில் பிறந்து வளர்வது பிள்ளைகளுக்கு நல்லது தான்,
வேளாண்மையின் நோக்கம் நல்லுணவு என புரியும்போது, அதன்மீது பிடிப்பு அதிகமாகும்.அதேவேளையில் பெரும் பணம் ஈட்டும் அமைப்பு விவசாயத்தில் இல்லை என்பது தெரியவரும்போது பெரும் விரக்தியும் வராமல் இருக்க வேண்டும் .
இவைகளை சரியாக சொல்லி கொடுப்பது பெற்றவர்களின் கையில் இருக்கிறது .

ஆனால் பலரும் பிள்ளைகளிடம் என்ன சொல்கிறார்கள் எனில் :
"நான் தான் கஷ்டப்படுகிறேன் நீயாவது ஒரு வேலைக்கு போய் பிழைத்துக் கொள்" என விரட்டி விடுகிறார்கள். வேறு வழியில்லாமல் தான் ஒவ்வொருவரும் விவசாயம் செய்கிறார்கள் என ஆழமாக பதிகிறது பிள்ளைகளின் மனதில் .

அடுத்த சர்க்கஸ் என்ன எனில் :
பிள்ளைகளின் விருப்பம் தெரியாமல் "யூனிவெர்சல் டிகிரி " என்ஜினீயரிங் காலேஜில் சேர்ப்பது . ஒரு காலத்தில் நல்ல வேலை வாய்ப்புள்ளதாக இருந்தது பொறியியல் படிப்பு . ஆனால் இன்று அப்படியில்லை . ஊரெல்லாம் பொறியியல் கல்லூரிகள், திரும்பிய திசையெல்லாம் எஞ்சினியர் பட்டதாரிகள். படித்து முடித்து வெளியில் வரும்போது சிலருக்கு மட்டுமே வேலை, அதிலும் மிக பெரிய பிரபலமான கல்லூரிகளில் படித்து முடிப்பவர்களுக்கே வேலை . ஆள் பிடித்து மாணவர் சேர்க்கை தான் இப்போது . பல கல்லூரிகளில் சேர்க்கை இல்லாமல் மூடிவிடும் நிலைமை . நிற்க .

கல்வி கடன் வாங்கி படிக்க வைக்கிறார்கள் . நிலத்தை அடமானம் வைத்து , விற்று கூட படிக்க வைத்த கதைகளும் உண்டு . பெரிய எதிர்பார்ப்பு பிள்ளைகள் மீது திணிப்பு . உழவர்கள் எப்படி அதிக விவசாய விளை பொருட்களை உற்பத்தி செய்து விலை இல்லாமல் கிடக்கிறார்களோ அதே போல பல பிள்ளைகளை இன்ஜினியர் ஆக்கி வைத்திருக்கிறார்கள் . பிள்ளைகள் ஏதாவது ஒரு வேலைக்கு போகும் நெருக்கடி. விவசாயத்திற்கு வர முடியாத நெருக்கடி ஏற்கனவே உருவாக்கி வைத்தாகி விட்டது . "இதற்கு தான் படித்தாயா?" என கேட்பவர்களும் , ஊரிலுள்ளவர்களின் கேலி கிண்டலும் என போகும் . பொருளாதார நெருக்கடி ஒரு புறம் . கிடைக்கும் 5000, 10000 சம்பளத்திற்கு வேலை செய்து நகரத்தின் ஒரு மூலையிலே முடங்கும் நிலை தான் . பெரும் மன அழுத்தத்துடன் மகிழ்ச்சி இல்லாத வாழ்வு .

சர்வே(All-India Rural Financial Inclusion Survey 2021-22) அடிப்படையில் :விவசாயிகள் மாத வருமானம் : ரூபாய். 13661 /-விவசா...
02/11/2024

சர்வே(All-India Rural Financial Inclusion Survey 2021-22) அடிப்படையில் :

விவசாயிகள் மாத வருமானம் : ரூபாய். 13661 /-
விவசாய குடும்பதின் சராசரி கடன் ரூபாய் 91,231 /-

"பெரிய பணக்காரர்கள் ,
தொழிலதிபர்கள் ,
அரசு வேலை பார்ப்பவர்கள்,
வங்கி ஊழியர்கள் ,
IT போன்ற துறைகளில் நல்ல சம்பளம் வாங்குபவர்கள்,
பல நூறு ஏக்கர் விவசாயம் செய்ப்பவர்கள் ,
பெரிய விவசாயிகள் "
இவர்களைத் தவிர :

அன்றாடம் வேலைக்கு போகும் தொழிலாளர்கள் மற்றும்
சிறு குறு விவசாயிகள் ஆகியவர்களின்
மாத வருமானம் மற்றும் வருடக் கடன் என்ன தெரியுமா ?

விவசாயிகள் :
ரூபாய். 13661 மாத வருமானம் .
குறைந்ததது மூன்று முதல் ஆறு வகையான வழிகளில் பொருள் ஈட்டுகிறார்கள்
விவசாயத்தில் கிடைப்பது மொத்த வருவாயில் மூன்றில் ஒரு பங்கு கூட கிடையாது.
விவசாய கூலி , கட்டிட வேலை , கிணறு வெட்டும் வேலை , பால் தொழில் , வாகனம் ஓட்டுதல் , வாடகை டிராக்டர் ஓட்டுதல் என பல வகையான தொழில் செய்துதான் இந்த வருமானம் கிடைக்கிறது . ஆண்டு கடன் சராசரியாக ஓவ்வொரு குடும்பமும் ரூபாய் 91,231 வைத்துளார்கள் . கிடைக்கும் வருவாயில் செலவிற்கு போக சேமிப்பாக பெரிதாக எதுவுமே இருப்பதில்லை .

தொழிலாளர்கள் :
11438 மாத வருமானம் .
பெரும்பாலும் ஒரே வேளையில் தான் சம்பாதிக்கிறார்கள் . ஆண்டு கடன் சராசரியாக ஓவ்வொரு குடும்பமும் ரூபாய் 89,074 வைத்துளார்கள்

இந்த நிலைக்கு ஒரு வகையில் விவசாயிகளும் முக்கிய காரணம் என நான் சொல்கிறேன் . நீங்கள் என்ன நினைக்கிறீர்கள் ?

ref : https://www.downtoearth.org.in/agriculture/only-one-third-of-an-agriculturalhouseholds-income-in-india-comesfrom-cultivation

தமிழகத்தில் கறவை மாடுகளின் எண்ணிக்கை குறைந்து வருகிறது கால்நடை வளர்ப்பில் ஆர்வம் குறைந்து வருகிறது விவசாயிகளிடம் காரணம்...
01/11/2024

தமிழகத்தில்
கறவை மாடுகளின் எண்ணிக்கை குறைந்து வருகிறது
கால்நடை வளர்ப்பில் ஆர்வம் குறைந்து வருகிறது விவசாயிகளிடம்
காரணம் என்னவாக இருக்கும் ?
1. மேய்ச்சல் நிலம் :
முன்பெல்லாம், மாடுகள் மேய்ச்சல் நிலங்களிலும், நீர்நிலைகளின் கரைகளிலும் அதிகம் மேயும். அப்போது அறுகம்புல், கோரை உள்ளிட்ட புல் வகைகள் மற்றும் பலவகையான தாவரங்களைச் சாப்பிடும். இதன்மூலம் மாடுகளுக்குத் தேவையான ஊட்டச்சத்து சரியான விகிதத்தில் கிடைத்துக்கொண் டிருந்தது. மாடுகள் நன்கு ஆரோக்கியமாக வளர்ந்து உரிய நேரத்தில் சினைப் பிடித்தன. தற்போது மேய்ச்சல் நிலங்கள் வெகுவாக குறைந்துவிட்டன. ஒரு சில பகுதிகளில் மிச்சம் மீதி இருக்கக்கூடிய மேய்ச்சல் பகுதிகளுக்கு மாடுகள் சென்றாலும் கூட பார்த்தீனியம் செடிகளை மட்டுமே அதிகம் சாப்பிட்ட வேண்டிய நிலை உள்ளது.
2. தீவனங்களின் விலை உயர்வு மற்றும் பாலுக்குக் கட்டுப்படியான விலை கிடைக்காதது:
உழைப்புக்கும் முதலீட்டுக்கும் ஏற்ற லாபம் கிடைக்காததால் விரக்தி அடையும் விவசாயிகள் ஒருகட்டத்தில் கறவை மாடுகள் வளர்ப்பைக் கைவிடுகிறார்கள்.
தீவனங்களில் ரசாயன நச்சுத்தன்மை அதிகரித்து வருகிறது.வீரிய ரகப் பசுந்தீவனங்களில் குறிப்பிட்ட சத்துகள் மட்டுமே கிடைக்கின்றன. இயற்கையாக விளையக்கூடிய, அதிக சத்துகள் நிறைந்த பசுந்தீவனம் மாடுகளுக்குக் கிடைப்பதென்பது இல்லை .
பால் தேவை எப்படி சமாளிக்கப்படுகிறது ?
1. வேறு மாநில தனியார் பால் நிறுவனங்கள்
2. வெளிமாநிலங்களிலிருந்து பால் பவுடரை இறக்குமதி செய்துதான் பால் உற்பத்தி செய்கின்றனர்.
சில நேரங்களில் நகரத்தில் கிடைக்கும் பால் பாக்கெட் , பால் தானா எனபத்தே எனக்கு சந்தேகம்.
நீங்கள் என்ன நினைக்கிறீர்கள் ?
#உணவுக்கு_வேளாண்மை

#தற்சார்பு

பால் உற்பத்தி என்பது யாருக்காக ?பாழாய் போன விவசாயிகளை வாழ வைக்கவா ?பணம் பண்ணும் நிறுவனங்களின் நன்மைக்கா?பால் உற்பத்தி ச...
01/11/2024

பால் உற்பத்தி என்பது யாருக்காக ?
பாழாய் போன விவசாயிகளை வாழ வைக்கவா ?
பணம் பண்ணும் நிறுவனங்களின் நன்மைக்கா?

பால் உற்பத்தி செய்யும் விவசாயிகள் எத்தனை பேர் கீழ்கண்ட பால் பொருட்களை உண்ணுகிறார்கள் ?
1. பன்னீர்
2. சீஸ்
3. கிரீம்
4. பட்டர்
5. பேடா
6. பால்கோவா
7. பல வகையான பால் பலகாரங்கள்
போன்று இன்னும் பல

விவசாயிகள் டீ, காபி, தயிர், மோர் நெய் என சில பொருட்கள் மட்டுமே உண்ணுகிறார்கள் .பால் கூட ஐந்து வயதுக்கு மேல் தேவை இல்லை.
வர காபி , கொத்தமல்லி காபி , மூலிகை டீ , ஆவாரம்பூ டீ , மாதுளம் பூ டீ , சங்குப்பூ டீ என பலதும் இருக்கிறது. ஒரு சிறிய கரண்டி நெய் சாப்பிடலாம் . அதுவும் கூட தேவையில்லை . மோர் அதிகம் சாப்பிடலாம் .

என் கேள்வி என்னவெனில் , நாம் அதிகம் சாப்பிடாத இந்த பாலை ,இத்தனை மெனக்கெட்டு ஏன் உற்பத்தி செய்ய வேண்டும் ? சுமந்து கொண்டு போய் ஏன் ஊற்ற வேண்டும் ? டிகிரி என சொல்லி விலையை குறைக்கும் களவாணி முதாலாளிகள் வாழவா ? சத்தமில்லாமல் 50, 60 பைசாவாக விலையை அவ்வப்போது குறைத்து விடும் நேரத்தில் என்ன செய்வீர்கள் ?

அதிக கவனிப்பும் வேலையும் இந்த கறவை மாடு / கலப்பின மாடு வளர்ப்புதான் .
1. காலை மாலை பராமரிப்பு
2. மாடுகளை மாற்றிக்கட்டி சுத்தம்செய்ய வேண்டும்
3. அடர்தீவனம் வைக்க வேண்டும்
4. நீர் வைக்க வேண்டும் , நடை பயிற்சி கொடுக்க வேண்டும்
5. பசுந்தீவனம் அறுக்க வேண்டும்
6. பசுந்தீவனம் நறுக்கி போட வேண்டும்
7. சினை ஊசி போட வேண்டும்
8. தடுப்பூசி போட வேண்டும்
9. பருவ காலத்திற்கு ஏற்ப வரும் நோய்களுக்கு வைத்தியம் செய்ய வேண்டும்
10. கன்று போடும் நேரத்தில் சரியாக தூங்க முடியாது
11. பாம்பு போன்றவை வராமல் கண்காணிக்க வேண்டும்
12. காலை மாலை பல லிட்டர் பால் கறக்க வேண்டும்
13. தீவனங்கள் எடுக்கும் மாடுகளின் சாணம் ஒரு நல்ல நெடியை தராது . இந்த சூழலில் கிடக்க வேண்டும்
14. ஆட்கள் எப்போதும் பராமரிக்க வேண்டும் . வெளியில் போய் எங்கும் தங்க முடியாது .
15. அடிக்கடி ஏறும் அடர்தீவன விலை , பசுந்தீவன கரணைகளும் விலை ஏறும்
16. மழைக்காலம் சமாளிக்க வைக்கோல் பாதுகாப்பு .
பட்டியல் நீண்டு கொண்டே போகும் .
பலரும் உணர்வது கிடையாது.
லோன் போட்டு மாடு வாங்கி லோ லோ என மாட்டிக்கொண்டு விழிப்பவர்தான் அதிகம் .வாரம் வாரம் வருமானம் என சொல்கிறார்கள் .
கழுத்து வழியும் தோள்பட்டை வழியும் பால் கறப்பவரின் வெற்றிப் பரிசு.
பால் உற்பத்தி இவ்வளவு என அரசுகள் பெருமை பேசலாம் .
ஆனால் கறவை மாடு பால் உற்பத்தி என போகும்முன்
சற்று அமர்ந்து ஆழ்ந்து யோசனை செய்யுங்கள் .

பால் உற்பத்தி பாழாய் போன விவசாயிகளை வாழ வைக்கவா ?
அல்லது
விவசாயிகளை பலியிட்டு உழைப்பை சுரண்டி
பலவிதமான பால் பொருட்களை உற்பத்தி செய்து
பணம் பண்ணும் நிறுவனங்களின் நன்மைக்கா?
புரியாமல் கிடப்பது பரிதாபம்.

#உணவுக்கு_வேளாண்மை

#தற்சார்பு

Address

Adikarapatty
Dharmapuri
636905

Website

Alerts

Be the first to know and let us send you an email when சுடர்வனம் தற்சார்பு பண்ணை posts news and promotions. Your email address will not be used for any other purpose, and you can unsubscribe at any time.

Shortcuts

Share

Category