Rural Gramin Honey

27/06/2025

#തേനീച്ചകളുടെ_കാഴ്ച
തേനീച്ചകൾ, ചിത്രശലഭങ്ങൾ, പോലുള്ള പരാഗണം നടത്തുന്ന പ്രാണികൾക്കും, മനുഷ്യർക്കും കാഴ്ചയും, കാണുന്ന നിറങ്ങളും വളരെ വിത്യാസപെട്ടിരിക്കുന്നു.
പ്രകൃതിയിലെ ചുവപ്പ്, പച്ച, നീല വെളിച്ചങ്ങളോട് സംവേദനക്ഷമതയുള്ള മൂന്ന് തരം കോൺ ഫോട്ടോറിസെപ്റ്ററുകളിലൂടെയാണ് മനുഷ്യർ നിറം മനസ്സിലാക്കുന്നത് (ഏകദേശം 400–700 നാനോമീറ്റർ). പിങ്ക്, ചുവപ്പ്, മഞ്ഞ തുടങ്ങിയ എന്നീ നിറങ്ങൾ കാണാൻ ഇത് നമ്മെ സഹായിക്കുന്നു., പക്ഷേ നമുക്ക് അൾട്രാവയലറ്റ് (UV) രശ്മികൾ കാണാൻ മനുഷ്യർക്ക് കഴിയില്ല.

എന്നിരുന്നാലും, തേനീച്ചകളും ചിത്രശലഭങ്ങളും ട്രൈക്രോമാറ്റിക് ആണ്, പക്ഷേ അവയുടെ കാഴ്ച ചെറിയ തരംഗദൈർഘ്യങ്ങളിലേക്ക് മാറുന്നു. അവയ്ക്ക് അൾട്രാവയലറ്റ് പ്രകാശം (ഏകദേശം 300–400 nm), നീല, പച്ച എന്നീ നിറങ്ങൾ കാണാൻ കഴിയും - എന്നാൽ തേനീച്ചകൾക്കും, ചിത്രശലഭങ്ങൾക്കും ചുവപ്പ് നിറം കാണാൻ സാധിക്കുക ഇല്ല. പക്ഷേ പൂക്കളിൽ UV (അൾട്രാ വയലറ്റ് )-പ്രതിഫലിപ്പിക്കുന്നതും UV-ആഗിരണം ചെയ്യുന്നതുമായ നിറങ്ങൾതേനീച്ചകൾക്കും, ചിത്രശലഭങ്ങൾക്കും കാണാൻ സാധിക്കും. എന്നാൽ മധുവിന്റെ (Nectar) ഉറവിടം എന്നറിയപ്പെടുന്ന ഈ നിറങ്ങൾ മനുഷ്യർക്ക് അദൃശ്യമാണ്. പൂവിന്റെ പ്രത്യുത്പാദന അവയവങ്ങളിലേക്കും മധുവിലേക്കും പരാഗണകാരികളെ ആകർഷിക്കാൻ ഈ നിറങ്ങൾ അവയെ സഹായിക്കുന്നു.
ചിത്രശലഭങ്ങൾക്കും തേനീച്ചകൾക്കും പൊതുവായി ഈ കഴിവ് ഉണ്ട്. ചില ജീവിവർഗങ്ങൾക്ക് നാലോ അഞ്ചോ തരം ഫോട്ടോറിസെപ്റ്ററുകൾ പോലും ഉണ്ട്, ഇത് അവയുടെ കാഴ്ചയെ കൂടുതൽ സങ്കീർണ്ണമാക്കുന്നു. ഈ മെച്ചപ്പെട്ട പരിണാമപരമായ കഴിവുകൾ അവയെ പൂക്കളെ കൂടുതൽ കാര്യക്ഷമമായി കണ്ടെത്താനും മനുഷ്യർക്ക് അദൃശ്യമായ സൂക്ഷ്മ സ്പെക്ട്രൽ വ്യത്യാസങ്ങളെ അടിസ്ഥാനമാക്കി അടുത്ത ബന്ധമുള്ള ജീവിവർഗങ്ങളെ വേർതിരിച്ചറിയാനും സഹായിക്കുന്നു.

14/05/2025

Natural Gramin Honey Rural

31/12/2024

26/11/2024

🔸100% പരിശുദ്ധമായ പ്രകൃതിദത്ത മധുരം🔸

ബ്രഹ്മഗിരി കാടുകളിലും, കുടക് താഴ്‌വരകളിലും പശ്ചിമഘട്ട മലനിരകളിലും തേനീച്ച കോളനികൾ സ്‌ഥാപിച്ച് ശേഖരിക്കുന്ന ഔഷധഗുണവും വളരെ രുചികരവുമായ നാടൻ തേൻ ആണ് റൂറൽ ഗ്രാമീൺ ഹണി വിതരണത്തിന് തയ്യാർ ചെയ്യുന്നത്.

ഇത് പ്രതിരോധശേഷി വർധിപ്പിക്കുന്നതിനും, ദഹനശക്തി മെച്ചപ്പെടുത്തുന്നതിനും, ഊർജ്ജം പകരുന്നതിനും ഏറ്റവും അനുയോജ്യമാണ്.

കുട്ടികൾ മുതൽ മുതിർന്നവർ വരെ എല്ലാവർക്കും അനുയോജ്യമായ ഈ തേൻ, നിങ്ങളുടെ ദൈനംദിന ആരോഗ്യത്തിന് ഒരു മുതൽക്കൂട്ടാണ്.

📌ശുദ്ധമായ നാടൻ വൻതേൻ 1 kg വെറും 400 രൂപ നിരക്കിൽ ലഭ്യമാണ്.

🐝കേരളത്തിൽ എല്ലായിടത്തും സൗജന്യ കൊറിയർ സൗകര്യം

🐝100% ഉപഭോക്ത്യ സംതൃപ്തി

🐝ചെറുതേൻ, കാട്ടുതേൻ എന്നിവയും മിതമായ നിരക്കിൽ ലഭ്യമാണ്.

✨Processed & Marketed by Rural Gramin Honey (RGH) Bee Farm,

ഇന്ന് തന്നെ നിങ്ങളുടെ ഓർഡർ ഉറപ്പ് വരുത്തൂ.

FOR ORDERS CONTACT US
📲9495 091 682
🎯Rural Gramin Honey (RGH) Bee Farm, Munnurkochi Kudiyanmala P.O Naduvil Via Kannur DT, Kerala- 670582

24/11/2024

https://wa.me/c/919495091682

25/09/2024

#ചെറുതേൻ_ശേഖരണം__സംഭരണം

മൺസൂൺ ആരംഭിക്കുന്നതിന് മുമ്പ് മാർച്ച് -ഏപ്രിൽ മാസങ്ങളിലാണ്" ചെറുതേൻ ശേഖരിക്കുന്നത്. എന്നിരുന്നാലും മലയോര മേഖലകളിൽ മാർച്ച്‌ 15ന് മുമ്പ് തേൻ ശേഖരിക്കുന്നത് ആണ് ഉത്തമം. വർഷത്തിൽ ഒരിക്കൽ മാത്രമെ തേനെടുക്കാവൂ. തേനെടുക്കുമ്പോൾ കൂട്ടിലെ മുഴുവൻ തേനും എടുക്കാതിരിക്കുന്നതാണ് ഉത്തമം. കാരണം തേനീച്ചയ്ക്ക് ക്ഷാമകലാത്ത് ആവശ്യമായ ആഹാരശേഖരം ഉറപ്പുവരുത്താനാണിത്. നല്ലതെളിഞ്ഞ പ്രസന്നമായ കാലവസ്ഥയിൽ വേണം തേനെടുക്കാൻ. കൂടിൻ്റെ ഭാരം നോക്കി ഉള്ളിലുള്ള തേനിന്റെ അളവ് മനസിലാക്കി തേനെടുക്കാം. തീരെ ഭാരം കുറഞ്ഞ കൂടുകൾ തുറക്കേണ്ടതില്ല.

ചെറുതേനീച്ചയുടെ കൂടുകളിൽ നിന്നും ചെറുതേൻ ശേഖരിക്കുന്ന രീതി ഇതര തേനീച്ചകളിൽ നിന്നും വ്യത്യസ്‌തമാണ്. ഇതിനായി തേനെടുക്കൽ യന്ത്രങ്ങളോ മറ്റുപകരണങ്ങളോ ഒന്നും രൂപപ്പെടുത്തിയിട്ടില്ല. തേനും പൂമ്പൊടിയും ചേർന്ന അറകൾ മുറിച്ചെടുത്ത് ഞെക്കിപ്പിഴിഞ്ഞാണ് സാധാരണയായി കർഷകർ തേൻ ശേഖരിക്കുന്നത്. എന്നാൽ ഇത് വളരെയധികം വേലക്കാരി ഈച്ചയും പുഴുക്കളും നഷ്ടമാക്കുന്നതിനും തേനീച്ച കോളനി തന്നെ നശിച്ചു പോകുന്നതിനും കാരണമാകുന്നു.

തേനീച്ചക്കോളനി തേനെടുക്കാനായി തുറക്കുമ്പോൾ ധാരാളം വേലക്കാരി ഈച്ചകൾ മാൻഡിബിൾ കൊണ്ട് നമ്മുടെ തലയിലും കൈയിലും കടിക്കു ന്നു. തന്മൂലം ഈച്ച ചത്തുപോകും. ഈ സമയത്തു വേലക്കാരി ഈച്ചകൾ തമ്മിൽ ഉണ്ടാകുന്ന പോരാട്ടംമൂലവും വേലക്കാരികൾ ചത്തൊടുങ്ങുന്നു. തേൻ ശേഖരിക്കുന്നയാളിന് കടി ഏൽക്കുന്നതിനാൽ ശരിയായി തേനെടുക്കൽ പൂർത്തിയാക്കാൻ കഴിയുന്നില്ല. ഇതിന് പരിഹാരമായി ചെറുതേനീച്ചക്കൂട്ടിലെ വേലക്കാരി ഈച്ചകളെ സുരക്ഷിതമായി ഒരു കുപ്പിയിൽ പ്രവേശിപ്പിച്ചു അത്രയും സമയം സൂക്ഷിച്ചു വെച്ചാൽ കടിയിൽ നിന്ന് രക്ഷപ്പെടാനും കഴിയും. ഒരു തേനീച്ചയ്ക്കും നഷ്‌ടമുണ്ടാകുന്നുമില്ല. ഇതിനായി ചുവടെ ചേർക്കുന്ന രീതി അനുവർത്തിക്കാവുന്നതാണ്. കുടിവെള്ളം വരുന്ന ഒന്നോ ഒന്നരലിറ്ററോ വ്യാപ്‌തമുള്ളതും ഈർപ്പമില്ലാത്തതുമായ ഒരു ഒഴിഞ്ഞ കുപ്പി എടുത്ത് പാർശ്വങ്ങളിൽ ഒരു ചെറിയ ആണികൊണ്ട് സുഷിരങ്ങൾ ഇടുക. കുപ്പിയുടെ അടപ്പ് തുറന്ന് തേനെടുക്കാൻ തുറക്കേണ്ട കൂടിൻ്റെ പ്രവേശന കവാടത്തോട് ചേർത്തു വയ്ക്കുക. തേനീച്ചപ്പെട്ടിയുടെ പുറത്തായി ചെറിയ ഒരു തടി കഷ്‌ണം കൊണ്ട് മെല്ലെ തട്ടുക. ഉള്ളിലെ വേലക്കാരി ഈച്ചകൾ പ്രവേശന കവാടം വഴി പുറത്തുവന്ന് കുപ്പിയ്ക്കുള്ളിൽ പ്രവേശിക്കും. കുപ്പി നിറയുന്ന മുറയ്ക്ക് അടപ്പു കൊണ്ട് അടച്ച് മാറ്റി സുരക്ഷിതമായി വച്ചശേഷം രണ്ടാമത്തെകുപ്പി ഉപയോഗിച്ച് ഇതു പോലെ തുടരുക. മുഴുവൻ വേലക്കാരി ഈച്ചകളും കുപ്പിയിൽ പ്രവേശിച്ചു എന്ന് ഉറപ്പായ ശേഷം പെട്ടിതുറന്ന് തേൻ ശേഖരിക്കാവുന്നതാണ്.
മുറിച്ചെടുത്ത തേനറകൾ വച്ചിരിക്കുന്ന സ്റ്റീൽ പാത്രം ഒരു വൃത്തിയുള്ള സ്റ്റീൽ ചരുവത്തിന് മുകളിൽ തുണി കെട്ടിവച്ച ശേഷം അതിനുമുകളിൽ ചരിച്ചു വയ്ക്കണം. ഇതിനെ നല്ല സൂര്യ പ്രകാശം ലഭിക്കത്തക്ക വിധത്തിൽ വയ്ക്കുക. സൂര്യപ്രകാശം ഏൽക്കുമ്പോൾ മെഴുക് ഉരുകി നല്ല ശുദ്ധമായ തേൻ പുറത്തു വരുന്നു. ഇഴയടുപ്പമുള്ള ശുദ്ധ മായ തുണിയിലൂടെ അരിച്ച് നല്ല വൃത്തിയുള്ള കുപ്പികളിലാക്കി സൂക്ഷിക്കാം. ഞൊടിയൽ തേൻ ചൂടാക്കുന്നതുപോലെ ചെറുതേൻ ചൂടാക്കേണ്ട ആവശ്യമില്ല.

തേൻ ശേഖരണം പൂർത്തിയായാൽ തേനീച്ചപ്പെട്ടിയുടെ വാതിലിനടുത്ത് കുപ്പിയുടെ അടപ്പുതുറന്ന് വയ്ക്കുക മുഴുവൻ ഈച്ചയും സുരക്ഷിതമായി കൂടിനുള്ളിൽ പ്രവേശിക്കും

തുടരും

Part-8

#ചെറുതേനീച്ച #ചെറുതേൻ

24/09/2024

#ചെറുതേനീച്ച_കൂടുകൾ

സാധാരണയായി മുളങ്കൂട് . മൺചട്ടി, മൺകലം, ചിരട്ട, തടിപെട്ടി, പി. വി.സി. പൈപ്പ് എന്നിവയിലെല്ലാം ചെറുതേനീച്ചയെ കർഷകർ വളർത്തിവരുന്നുണ്ട്. വ്യാവസായികമായി വളർത്താൻ ഉപയോഗിക്കാവുന്ന വിവിധ തരം കൂടുകളെക്കുറിച്ച് വിശദമായ പഠനങ്ങൾ പറയുന്നത് . വ്യത്യസ്‌ത വ്യാപ്‌തം വരുന്ന തടിപ്പെട്ടികൾ, മൺകലങ്ങൾ. മുളം കൂടുകൾ എന്നിവ പഠന വിധേയമാക്കിയതിൽ 1960 സി.സി. വ്യാപ്‌തമുള്ള മുളകൂടുകളാണ് ഏറ്റവും ഉത്തമമെന്ന് കണ്ടെത്തിയത്. ഏറ്റവും കൂടുതൽ പുഴുവളർത്തലും തേൻ- പൂമ്പൊടി ശേഖരവും ഈ വലുപ്പത്തിലുള്ള മുളങ്കൂടുകളിലാണെന്ന് കണ്ടെത്തിയിട്ടുണ്ട്. തേനെടുക്കുന്നതിനും ഏറ്റവും എളുപ്പമായുള്ളത് മുളങ്കൂടുകളാണ്. തേൻ - പൂമ്പൊടി അറകൾ മുളയുടെ വശങ്ങളിലായിരിക്കും ശേഖരിച്ചുവയ്ക്കുന്നത്. പുഴു അടകൾക്ക് കേട് ഒട്ടും തന്നെ സംഭവിക്കാതെ തേനെടുക്കുന്നതിന് ഇത് സഹായിക്കുന്നു. എന്നാൽ കലത്തിൽ നിന്നോ തടിപ്പെട്ടിയിൽ നിന്നോ തേൻ എടുക്കാൻ വളരെ പ്രയാസമാണ്. പുഴു അടകൾക്ക ഈച്ചകൾക്കും ഏറെ നഷ്‌ട സംഭവിക്കുകയും ചെയ്യും കൂടാതെ തേനും നഷ്‌ടപ്പെടും മുളങ്കൂടുകൾ സുലഭമല്ല. അതിനാൽ ഇതേ വലുപ്പവും വ്യാപ്‌തവും വരുന്ന തടിപ്പെട്ടികൾ നിർമ്മിച്ചെടുക്കാവുന്നതാണ്. മുളന്തണ്ട് സമാന്തരമായി നീളത്തിൽ മുറിക്കുന്നതുപോലെ തടിപ്പെട്ടിയ്ക്കും രണ്ട് തുല്യ ഭാഗങ്ങൾ വരത്തക്കവിധം ചുവടെ ചേർത്തിരിക്കുന്ന അളവിൽ നിർമ്മിക്കാം. പകുതി ഭാഗത്തിൻ്റെ ഉൾവശത്തെ അളവ് (നീളം-35 സെ.മീ., വീതി-7 സെ.മീ, പൊക്കം-4 സെ.മീ) കൂടിൻ്റെ പുറമെ യുള്ള അളവുകൾ (നീളം-37 സെ.മീ, വീതി-9 സെ.മീ.. പൊക്കം - 10 സെ.മീ.). കൂടിൻ്റെ അകമെയുള്ള അളവുകൾ (നീളം-35 സെ.മീ., വീതി-7 സെ.മീ., പൊക്കം-8 സെ.മീ.). രണ്ട് ഭാഗങ്ങളും കൂട്ടിച്ചേർത്ത് കമ്പിയോ കയറോ ഉപയോഗിച്ച് കെട്ടി കൂടാക്കാവു ന്നതാണ്.

കോളനി പരിപാലനം

ചെറുതേനീച്ചകൾ ഇരുട്ട് ഏറെ ഇഷ്‌ടപ്പെടുന്നു. കോളനികൾ വെയിൽ, മഴ ഇവയേൽക്കാതെ പ്രത്യേകം ശ്രദ്ധിക്കണം. കൂടുതൽ ചൂടേറ്റാൽപുഴു അറകളുടെയും തേൻ-പൂമ്പൊടി അറകളുടെയും മെഴുക് ഉരുകി കോളനി നശിക്കുന്നു. മഴ നനഞ്ഞാൽ കൂടിനുള്ളിലെ ഈർപ്പം വർദ്ധിച്ച് കുമിൾ (ഫംഗസ്) ബാധയും മണ്ഡ‌രികളുടെ ആക്രമണവും ഉണ്ടാകും. മഴയിൽ നിന്നും നേരിട്ടുള്ള ചൂടിൽ നിന്നും സംരക്ഷണം ലഭിക്കാൻ ബീടിൻ്റെ സൺഷ യിഡിന്റെ അടിയിലോ വീടിനോടു ചേർന്നുള്ള കെട്ടിടങ്ങളിലോ കൂടുകൾ സ്ഥാപിക്കുക? ഉറുമ്പ്, ചിലന്തി, മണ്‌ഡരി എന്നിവയുടെ ആക്രമണത്തിൽ നിന്നും കൂടുകളെ സംരക്ഷിക്കാൻ പ്രത്യേകം ശ്രദ്ധിക്കണം. ഇന്ത്യൻ തേനീച്ചകൾക്കെന്നപോലെ ഓരോ ആഴ്‌ചയും കൂട് തുറന്ന് പരിശോധിക്കേണ്ട ആവശ്യമില്ല. വളർച്ചക്കാലമായ ഒക്ടോബർ-നവംബർ മാസങ്ങൾ വിഭജന ത്തിനായും മാർച്ച്-ഏപ്രിൽ മാസങ്ങൾ തേൻ സംഭരിക്കാനായും കൂട് തുറ ന്നാൽ മതിയാകും.

തുടരും

Part -7

#ചെറുതേനീച്ച #ചെറുതേൻ

23/09/2024

#പ്രകൃതിദത്തമായ_കോളനികൾ_ശേഖരിക്കുന്ന_വിധം

മരപ്പൊത്തുകളിലും മതിലുകളിലും ചുവരുകളിലും വൈദ്യുതി മീറ്റർ ബോർഡിനുള്ളിലും. ധാരാളം പ്രകൃതിദത്തമായ ചെറുതേനീച്ച കോളനികൾ കാണാം. ചുവരുകൾ പൊളിച്ച് തേനെടുക്കുന്നതിനോ കോളനികൾ ശേഖരിക്കുന്നതിനോ അത്തരം സ്വാഭാവികം കോളനികളിൽ പ്രയാസമാണ്.

പൊളിക്കാൻ സാധിക്കുന്ന ചുമരിലോ, മതിലിലോ മരപ്പൊത്തിലോ കാണുന്ന ചെറുതേനീച്ച കോളനികളിൽ നിന്നും ഈച്ചകളെ ശേഖരിക്കാവുന്നതാണ്. ഈ കൂടുകളിൽ നിന്നും റാണിയടക്കം ഈച്ചയും മുട്ടയും പൂമ്പൊടിയും കുറച്ച് തേനറയും പുതിയ കൂട്ടിലേക്ക് മാറ്റണം. പുതിയ കൂട് സന്ധ്യയാകും വരെ പഴയ കോളനി ഇരുന്ന സ്ഥലത്ത് തന്നെ വയ്ക്കുക. തേൻ/പൂമ്പൊടി ശേഖരിക്കുന്നതിന് പുറത്തുപോയ ഈച്ചകൾകൂട്ടിൽ കയറുന്നതിനാണ് ഇങ്ങനെ ചെയ്യുന്നത്. പിന്നീട് പുതിയ കൂട് സുരക്ഷിതമായി മാറ്റി സ്ഥാപിക്കാവുന്നതാണ്.

ചുവരുകൾ പൊട്ടിക്കാതെ കോളനികൾ കലങ്ങളിലേയ്ക്ക് മാറ്റിയെടുക്കാൻ എളുപ്പമാണ്. ഇതിനായി ചെറിയ വാവട്ടമുള്ള ഒരു മൺകലം ചുവരിലെ കോളനിയുടെ പ്രവേശനകവാടത്തിൽ വച്ച് കളിമണ്ണ് കൊണ്ട് ചുവരോട് ചേർത്ത് ഉറപ്പിക്കുക. താഴെ വീഴാത്ത വിധം ആവശ്യമെങ്കിൽ ഇഷ്‌ടികയോ കല്ലോ വച്ച് താങ്ങ് നൽകാവുന്നതാണ്. കല ത്തിന്റെ പിൻവശത്ത് ഒരു ചെറിയ സുഷിരം ഇട്ടതിന് ശേഷം ചെറു തേൻ മെഴുക് പുരട്ടുക. തുടർന്ന് വേലക്കാരി ഈച്ചകൾ കലത്തിലെ സുഷിരത്തിലൂടെ പുറ ത്തേയ്ക്ക് പോവുകയും വരുകയും ചെയ്യും. കലം സുരക്ഷിതമായി സൂക്ഷിക്കാൻ പ്രത്യേകം ശ്രദ്ധിക്കേണ്ടതാണ്. ഉദ്ദേശം 6 മാസങ്ങൾക്കു ശേഷം കലം പരിശോധിക്കാം. ചുവരിനുള്ളിലെ ചെറുതേനീച്ച മൂഴുവനും ചുവരിൽ ഘടിപ്പിച്ച കലത്തിലേക്ക് മാറ്റിയിരിക്കുന്നതായി കാണാം. ഇത് ചുവരിൽ നിന്നും എടുത്തു മാറ്റി ഒരു അടപ്പ് വച്ച് കെട്ടി പുതിയൊരു കോളനിയാക്കി മാറ്റാവുന്നതാണ്. എന്നാൽ ഈ രീതിയിലുള്ള കോളനി ശേഖരണത്തിന് ചില ന്യൂനതകൾ ഉണ്ട്. കോളനി കലത്തിലേയ്ക്ക് വരാൻ കുറഞ്ഞത് ആറുമാസങ്ങളെങ്കിലും ആവശ്യമാണ്. ഇത്രയും കാലം കലം ഉറപ്പിച്ച് സൂക്ഷിക്കുക പ്രയാസമാണ്. ചില അവസരങ്ങളിൽ തേനീച്ചകൾ ഭിത്തിയിലെ പഴയ പ്രവേശനകവാടത്തിൽ നിന്ന് മെഴുക് കൊണ്ടുണ്ടാക്കിയ ഒരു ടണൽ കലത്തിൻ്റെ ഉൾവശത്തുകൂടി കലത്തിലെ പ്രവേശന ദ്വാരം വരെ നിർമ്മിച്ച് പുറത്തേയ്ക്ക് പോകുന്നു. ഈ സാഹചര്യത്തിൽ കോളനി ദിത്തിക്കുള്ളിൽ തന്നെ നിലനിൽക്കുകയും കല ത്തിലേയ്ക്ക് കോളനി മാറ്റപ്പെടാതെ വരുകയും ചെയ്യുന്നു. ഇതൊഴിവാക്കാൻ ഭിത്തിയിലെ പ്രവേശന ദ്വാരത്തിൽ നിന്ന് ഒരിഞ്ച് നീളവും അരയിഞ്ച് വ്യാസവുമുള്ള ഒരു പി.വി.സി. പൈപ്പ് ഉറപ്പിക്കുക. പൈപ്പ് കലത്തിനുള്ളി മലയ്ക്ക് നിൽക്കുന്നതിനാൽ കലത്തിലുള്ളിലൂടെ ടണൽ നിർമ്മിക്കാൻ കഴി യാതെവരും. അങ്ങനെ ചുരുങ്ങിയ സമയത്തിനുള്ളിൽ കലത്തിനുള്ളിൽ കോളനി മാറ്റപ്പെടും.

ഈ രീതിയിൽ ഫെറൽകോള നികൾ കലത്തിനുള്ളിലാക്കുന്നത് എല്ലായിടത്തും സാദ്ധ്യമാകാറില്ല. ഭിത്തിയുടെ മൂല, വൈദ്യുതി മീറ്റർ ബോർഡ് പൈപ്പുകൾ തള്ളി നിൽക്കുന്ന ചുവരുകൾ തുടങ്ങിയ സ്ഥലങ്ങളിൽ മൺകലം ചേർത്തുവ യ്ക്കാൻ പ്രയാസമാണ്. ഇത്തരം സ്ഥലങ്ങളിൽ നിന്ന് ചെറുതേനീ ച്ചയെ ശേഖരിക്കാൻ വിവിധ നീളത്തി ലുള്ള പി.വി.സി. പൈപ്പുകളും ബെൻ്റ്കളും ഉപയോഗിക്കണം. കലത്തിന് പകരം തടിപ്പെട്ടി ഉപയോഗിക്കാം. പെട്ടിയുടെ കുറുകിയ രണ്ടുവശങ്ങളിലും ഒരോ ദ്വാരമിട്ട് ഫെറൽ കോളനിയുടെ സമീപത്ത് ഉറപ്പിക്കുക. പി.വി.സി. പൈപ്പിന്റെ ഒരറ്റം ഫെറൽകോളനിയുടെ പ്രവേശനകവാടത്തിലും മറേറ അറ്റം തടിപ്പെട്ടിയുടെ ഒരു വശത്തുള്ള ദ്വാരത്തിലും ഉറപ്പിക്കുക. ഫെറൽ കോളനിയിൽ നിന്നും പുറത്തുവരുന്ന വേലക്കാരി ഈച്ചകൾ പെട്ടിക്കുള്ളിൽ കടന്ന് മറുവശത്തുള്ള ദ്വാരത്തിലൂടെ പുറത്തേയ്ക്ക് പോകുന്നു. ക്രമേണ പെട്ടിക്കുള്ളിൽ പുതിയ കോളനി രൂപപ്പെടുന്നു. റൂറൽ ഹണി രൂപപ്പെടുത്തിയ തടിപ്പെട്ടി ഉപയോഗിക്കുമ്പോൾ പെട്ടിയുടെ ഒരു ഭാഗം തുറന്ന് ഈച്ച എത്രത്തോളം മാറ്റപ്പെടുമെന്ന് പരിശോധിക്കാനും കഴിയും.

തുടരും.

Part-6

#ചെറുതേൻ #ചെറുതേനീച്ച

22/09/2024

#ചെറുതേനീച്ചകളുടെ_അതിജീവന_സംവിധാനം

എപ്പിസ് ഗണത്തിലെ തേനീച്ചകൾ വിഷസൂചി ഉപയോഗിച്ച് ശത്രുക്കളെ നേരിടുമ്പോൾ വേലക്കാരി ചെറുതേനീച്ചകൾ അവയുടെ വദന ഭാഗത്തുള്ള മാൻഡിബിൾ ഉപയോഗിച്ച് കടിക്കുകയാണ് ചെയ്യുന്നത്.ചെറുതേനീച്ചയിൽ ഇതിനായി മാൻഡിബിൾ വളരെ ശക്തമാണ്. കടിക്കുമ്പോൾ മാൻഡിബുലാർ ഗ്രന്ഥികളിൽ നിന്നും ഒരു സ്രവം (അലാം ഫിറമോൺ)
ഉത്പാദിപ്പിക്കപ്പെടുകയും അത് കൂടുതൽ വേലക്കാരി ഈച്ചകളെ ശത്രുവിനെ ആക്രമിക്കുന്നിടത്തേയ്ക്ക് ആകർഷിക്കുകയും ചെയ്യുന്നു. ശത്രുവിന്റെ കൈയ്യിലും മൂക്കിലും കണ്ണിലും ചെവിയിലും തലയിലും ഇവ കടിക്കുകയും ശത്രുവിനെ തുരത്തുന്നതിന് സഹായിക്കുകയും ചെയ്യുന്നു.

ചെറുതേനീച്ചയുടെ കൂട് തുറക്കുമ്പോഴും തേനെടുക്കുമ്പോഴും ഇവയുടെ ആക്രമണം ഉണ്ടാകാറുണ്ട്. ഇതുമൂലം ധാരാളം വേലക്കാരി ഈച്ചകൾ ചത്തുപോകാറുണ്ട്. കൂടാതെ ഈച്ചകൾ തമ്മിൽ കടിച്ചും വേലക്കാരി ഈച്ചകൾക്ക് നാശം വരും. എന്നാൽ ഇത് ഒഴിവാക്കാനായി കൂടുകൾ കൈകാര്യം ചെയ്യുമ്പോൾ മുഖ സംരക്ഷണി(ബീവെയിൽ) ഉപയോഗിക്കുന്നതും ഒരു നനവുള്ള തുണിയോ തോർത്തോ തലയിലൂടെ ശരീരത്തേയ്ക്ക് മൂടുന്നതും ഈച്ചകളുടെ പരസ്‌പര ആക്രമണം കുറയ്ക്കുന്നതിനും ഈച്ചകൾ ചത്തുനശിക്കുന്നത് തടയുന്നതിനും സഹായിക്കുന്നു. കൂടാതെ വേലക്കാരി ഈച്ചകളെ ഒഴിഞ്ഞ പ്ലാസ്‌റ്റിക് ബോട്ടിലുകളിലേയ്ക്ക് മാറ്റിയശേഷം കൂടുതുറക്കുന്നതും ഉത്തമമാണ്

ചെറുതേനീച്ചയുടെ ആഹാരം.

മറ്റ് തേനീച്ചകളെപ്പോലെ തന്നെ ചെറുതേനീച്ചയുടെ ആഹാരവും തേനും പൂമ്പൊടിയുമാണ്. പുഷ്‌പങ്ങൾ കൂടാതെ മധുരമുള്ള പദാർത്ഥങ്ങളിൽ എല്ലാം തന്നെ ചെറുതേനീച്ച സന്ദർശിക്കുന്നതായി കണ്ടുവരുന്നു . അതായത് മുന്തിരി, കൈതച്ചക്ക, ചക്ക തുടങ്ങിയ പഴങ്ങളിൽ ഇവയെ ധാരാളമായി കാണാം. വൈവിധ്യമാർന്ന അനേകം ചെടികൾ ഇവ സന്ദർശിക്കാറുണ്ട്. മറ്റ് തേനീച്ച ജനുസ്സുകളെപ്പോലെ വളരെ ദൂരെ സ്ഥലത്തേയ്ക്ക് തേൻ-പൂമ്പൊടി ശേഖരിക്കാൻ ചെറുതേനീച്ച പോകാറില്ല കൂടിന് ഏറ്റവും അടുത്ത ചുറ്റളവിൽ (1 കി. മീ.) ഉള്ള ചെടികൾ ഇവ സന്ദർശിക്കുന്നു. ഔഷധച്ചെടികൾ, ഭക്ഷ്യവിളകൾ. നാണ്യവിളകൾ. സുഗന്ധവിളകൾ, പച്ചക്കറികൾ. അലങ്കാരച്ചെടികൾ തുടങ്ങി അനേകം കളകൾ ഉൾപ്പെടെ മിക്ക സസ്യങ്ങളിൽ നിന്നും ചെറുതേനീച്ച തേനും പൂമ്പൊടിയും ശേഖരിക്കുന്നു. പ്രഭാതത്തിൽ തന്നെ ചെറുതേനീച്ച അവയുടെ പ്രവർത്തനം ആരംഭിക്കും. 12 മണിക്കും മൂന്ന് മണിക്കും ഇവയുടെ പ്രവർത്ത നത്തിന്റെ തോത് കൂടുതലാണ്. വൈകുന്നേരം 6 മണിക്കു ശേഷം കൂടിന് പുറത്തുള്ള പ്രവർത്തനങ്ങൾ നിർത്തുന്നു. പകൽ സമയം മുഴുവനും വേലക്കാരികൾ ചെടികളിലെ പശ ശേഖരിക്കാറുണ്ട്. ചെറുതേനീച്ച സന്ദർശിക്കുന്ന 77 ചെടികളെ വിവിധ തേനീച്ച-പാരാഗണ ഗവേഷണ കേന്ദ്രങ്ങളിൽ നടത്തിയ പഠനങ്ങളിൽ തിരിച്ചറിഞ്ഞിട്ടുണ്ട്. ഇവയിൽ 21 എണ്ണം തേനും 37 എണ്ണം പൂമ്പൊടിയും 19 എണ്ണം തേനും പൂമ്പൊടിയും നൽകുന്നവയാണ്.

ഔഷധചെടികളായ നീല അമരി. തൊട്ടാവാടി, തെറ്റി. കീഴാനെല്ലി, ആവണക്ക്, ബലിപ്പൂവ്. നാഗഗന്ധി, ശവംനാറി. തഴുതാമ, പുളിയാറില, മൈലാഞ്ചി, തുളസി എന്നിവയും തോട്ടവിളകളിൽ റബ്ബർ, തെങ്ങ്, കശുമാവ്, കാപ്പി എന്നിവയും ചെറുതേനീച്ച സന്ദർശിക്കുന്നുണ്ട്. സുഗന്ധ വ്യജ്‌ഞനങ്ങളിൽ മുളക്, പുളി, കറുവപ്പട്ട, കടുക്, ഏലം, എന്നിവയും പച്ചക്കറികളിൽ പീച്ചങ്ങ, മുരിങ്ങ, ചൈനീസ് കാബേജ്. ഉള്ളി, വഴുതന, പയറുവർഗ്ഗങ്ങൾ, വെള്ളരി ഇനങ്ങൾ, പാവൽ, പടവലം, ഉഴുന്ന് തുടങ്ങിയവയും ചെറുതേനീച്ച സന്ദർശിക്കുന്നവയിൽ ചിലത് മാത്രം സൂര്യകാന്തി. ബജ്റ, എള്ള് തുടങ്ങിയവയും അലങ്കാരച്ചെടികളിൽ ബാൾസം, റോസ്, ആൻ്റഗൺ. ആന്തൂറിയം. ബന്തി, രാജമല്ലി, ഗോൾഡ് സ്പോട്ട്, ഗ്ലാഡിയോലസ് തുടങ്ങിയവയും ഇവയുടെ തേൻ/പൂമ്പൊടി സ്രോതസ്സുകളാണ്. കർഷകർ ഇത്തരം ചെടികളെക്കുറിച്ച് അറിഞ്ഞിരിക്കേണ്ടത് അത്യാവശ്യമാണ്. കാരണം ചെറുതേനീച്ച വളർത്തുന്ന കർഷകൻ ഈ സസ്യങ്ങൾ ഏപ്പിയറിലും പരിസരപ്രദേശത്തും നട്ടുപിടിപ്പി ക്കുന്നത് തേനീച്ചകൾക്ക് ഏറെ ഉപകാരപ്രദമായിരിക്കും.

തുടരും

Part-5

#ചെറുതേനീച്ച #ചെറുതേൻ

21/09/2024

#ചെറുതേനീച്ചയിലെ_ആണീച്ചകൾ

ബീജസങ്കലനം നടക്കാത്ത മുട്ടവിരിഞ്ഞാണ് ആണീച്ച ഉണ്ടാകുന്നത്. വളർച്ചക്കാലമാകുന്നതോടെ കൂടുകളിൽ ആണീച്ചകളുടെ സാന്നിദ്ധ്യമുണ്ടാകും. എപ്പിസ് വർഗ്ഗത്തിലെ തേനീച്ച ജനുസ്സുകളിൽ ആണീച്ചകൾ, വേലക്കാരി ഈച്ചകളിൽ നിന്നും റാണിയീച്ചയിൽ നിന്നും രൂപത്തിൽ ഏറെ വ്യത്യാസപ്പെട്ടിരിക്കും. എന്നാൽ ചെറുതേനീച്ചയിൽ ആണീച്ചകളെ വേലക്കാരി ഈച്ചകളിൽ നിന്നും തിരിച്ചറി യാൻ പ്രയാസമാണ്. രൂപത്തിലും വലിപ്പ ത്തിലും ഇവയ്ക്ക് ഏറെ സാമ്യമുണ്ട്. വലിപ്പം കൂടിയ കണ്ണുകൾ നീളം കൂടി മുന്നോട്ട് വളഞ്ഞ ശൃംഗികൾ, വലിപ്പം കുറഞ്ഞ മാന്റിബിൾ, പൂർണ്ണ വളർച്ചയെത്താത്ത പൂമ്പൊടി സഞ്ചി ഇവ ആണീച്ചയെ തിരിച്ചറിയാൻ സഹായിക്കും. ഉദരഭാഗം അമർത്തിയാൽ പുറത്തുവരുന്ന ആൺ ജനനേന്ദ്രിയം ആണീച്ചയാണെന്ന് ഉറപ്പുവരുത്തും. ആണീച്ചയുടെ ഉദരഭാഗം അല്പം വലുപ്പം കൂടിയതും ഇളം ചന്ദനനിറത്തിലുള്ളതുമാണ്. ഇതിൽ കറുപ്പ് (തവിട്ട്) നിറത്തിലുള്ള വരകൾ കാണാം. ഇണചേരുന്നതൊഴിച്ച് ആണീച്ചകൾ പ്രത്യേകമായി എന്തെങ്കിലും ജോലികളിൽ ഏർപ്പെടുന്നതായി രേഖപ്പെടുത്തിയിട്ടില്ല. വേലക്കാരി ഈച്ചകൾ നല്ല കറുപ്പു നിറമുള്ളവയും ഉദരഭാഗം വളരെ ചെറു തുമായിരിക്കും.

ചെറുതേനീച്ചയിലെ വേലക്കാരി ഈച്ചകൾ

ബീജസങ്കലനം നടത്തി റാണിയിടുന്ന മുട്ടകളിൽ നിന്ന് വിരിഞ്ഞിറങ്ങുന്ന ഈച്ചകൾ ആണ് പെണ്ണീച്ചകൾ ആയി അഥവാ വേലക്കാരി ഈച്ചകൾ ആയി മാറുന്നത്. റാണിയിടുന്ന മുട്ടകൾ വിരിയുന്നതിന് ശരാശരി 4.7 ദിവസം വേണ്ടി വരും. പുഴു ദശയിൽ 18.5 ദിവസവും സമാധി ദശയിൽ 22.5ദിവസവും കഴിഞ്ഞ് ശരാശരി 44.5 ദിവസങ്ങൾ കൊണ്ട് ഒരു മുട്ട പൂർണ്ണ വളർച്ചയെത്തി വേലക്കാരി ഈച്ചയായി വിരിഞ്ഞ് പുറത്തു വരുന്നു. ഈസമയത്തുള്ള ഇളം ക്രീം നിറം പിന്നീട് കറുപ്പായിമാറും. വേലക്കാരി ഈച്ചകൾ എണ്ണത്തിൽ കൂടുതൽ ഉണ്ട്. കൂട്ടിലെ ജോലികൾ എല്ലാം തന്നെ നിർവ്വഹിക്കുന്നത് വേലക്കാരി ഈച്ചകളാണ്. വിരിഞ്ഞിറങ്ങുന്നതുമുതൽ പലവിധ ത്തിലുള്ള ജോലികളിൽ അവ ഏർപ്പെട്ടിരിക്കും. വിരിഞ്ഞിറങ്ങുന്ന കുഞ്ഞ് ഈച്ചകൾ, പുഴു അറകൾ വൃത്തിയാക്കുന്നതിലും പിന്നീട് മുട്ടയിടാനുള്ള അറകളിൽ ആഹാരം നിറയ്ക്കുന്ന ജോലികളും ചെയ്യുന്നു. കൂടുണ്ടാക്കുക, അറകൾ അടയ്ക്കുക. തേൻ/പൂമ്പൊടി ശേഖരം സൂക്ഷിക്കുക കൂട് വൃത്തിയാക്കുക തുടങ്ങി ഒട്ടേറെ ജോലികൾ വേലക്കാരികൾ ചെയ്യന്നു. തുടർന്ന് പ്രായം കൂടുന്നതനുസരിച്ച് പൂമ്പൊടി, തേൻ, പ്രൊപ്പോള്സ്, റെസിൻ, ജലം ഇവ ശേഖരിക്കുന്നതിനും സ്രോതസ് കണ്ടെത്തുന്നതിനുമായി കൂടിനു പുറത്തേയ്ക്ക് പോകുന്നു. കുറച്ച് ഈച്ചകൾ കൂടിൻ്റെ പ്രവേശന കവാടത്തിൽ കാവൽക്കാരായി സദാപ്രവർത്തിക്കുന്നു. വേലക്കാരി ഈച്ച ഏകദേശം 80 ദിവസം ജീവിച്ചിരിക്കുമെന്നാണ് കണ്ടെത്തിയിട്ട് ഉള്ളത്.

തുടരും

Part-4

#ചെറുതേനീച്ച #ചെറുതേൻ

20/09/2024

#ചെറുതേനീച്ച_കോളനി
#തേൻ_പൂമ്പൊടി_അറകൾ
#ചെറുതേൻ #ചെറുതേനീച്ച


പുഴു അടയുടെ വശങ്ങളിലായി അല്‌പം ദൂരെയായിട്ടാണ് ഭക്ഷണ അറകൾ കാണുന്നത്. തേൻ ശേഖരിച്ചു സൂക്ഷിക്കുന്നതിനായി നിർമ്മി ക്കുന്ന അറകൾക്ക് പുഴു അറകളേക്കാൾ വലുപ്പം കൂടുതലാണ്. പൂമ്പൊടിയും തേനും സൂക്ഷിച്ചിരിക്കുന്ന അറകൾ ഇടകലർന്നോ പ്രത്യേകമായോ കാണപ്പെടുന്നു. എന്നാൽ ഇവ പുഴു അറകളോട് ചേർന്ന് കാണാറില്ല. ഒരു തേനറ മറ്റൊന്നിനോട് ചേർന്നാണിരിക്കുന്നത്. തേൻ നിറച്ച അറകൾ മുന്തിരിക്കുല പോലെ കാണപ്പെടുന്നു.

തേനറകളെപ്പൊലെ തന്നെ വലുപ്പമേറിയവയാണ് പൂമ്പൊടി അറകളും. ഒരു അറയിൽ തന്നെ വിവിധതരം ചെടികളിൽ നിന്നുള്ളതും പലനിറങ്ങളോടുകൂടിയതുമായ പൂമ്പൊടി ശേഖരിച്ചു വയ്ക്കാറുണ്ട്. പൂമ്പൊടി അറകളും ഒന്ന് മറ്റൊന്നിനോട് ചേർന്ന് കാണപ്പെടുന്നു.
ചെറുതേനീച്ചകോളനിയിലെ ജാതികൾ

പൂമ്പൊടി അറകൾ

ഇതര തേനീച്ചകളെ പോലെ സാമൂഹ്യ ജീവിതം നയിക്കുന്ന ചെറുതേനീച്ച കോളനിയിലും റാണിയിച്ച, ആണീച്ച,വേലക്കാരിയീച്ച എന്നീ മൂന്ന് ജാതികളുണ്ട്. ഒരു റാണിയിച്ച കുറച്ച് ആണീച്ചകൾ ഏറെ വേലക്കാരി ഈച്ചകൾ ഇവ ചേർന്നതാണ് ഒരു കോളനി അഥവാ കുടുംബം.

റാണിയീച്ച

ഒരു കോളനിയിൽ സാധരണയായി ഒരു റാണിയീച്ചയുണ്ടാകും.കോളനിയിലെ എല്ലാ പ്രവർത്തികളും നയിക്കുന്നത് റാണിയീച്ചയാണ്. വേലക്കാരി / ആണീച്ച ഇവയെക്കാൾ വലുപ്പമേറിയതാണ് റാണിയീച്ച. വേലക്കാരി ഈച്ചയ്ക്കും ആണീച്ചയ്ക്കും നാല് മി.മി. നീളമുള്ളപ്പോൾ റാണിയുടെ ശരാശരി നീളം പത്ത് മി.മിറ്ററാണ്. തലയിൽ സ്ഥിതി ചെയ്യുന്ന ശൃംഗികൾക്ക് (ആന്റിന) വേലക്കാരികളിലേക്കാൾ നീളം കൂടുതലാണ്. ഉദരഭാഗം വീർത്തതും ഉരുണ്ടതുമാണ്. ഉദരാഗ്രം കൂർത്തിരിക്കും. മുകൾ ഭാഗത്ത് കടും തവിട്ടു നിറത്തിലുള്ള വരകൾ കാണാം. ഉടലിനോടു ചേർന്നുള്ള ചിറകുകൾ ഉദര ഭാഗത്തെ മുഴുവൻ മൂടിയിരിക്കില്ല. തന്മൂലം റാണിയ്ക്ക് പൊതുവെ പറക്കാൻ കഴിയുന്നില്ല വേലക്കാരി ഈച്ചകളിൽ കാണുന്ന മെഴുക് ഉത്പാദിപ്പിക്കാനുള്ള ഗ്രന്ഥിയും റാണിയ്ക്കില്ല. കൂടാതെ വേലക്കാരിയീച്ചയുടെ പിൻകാലിൽ കാണുന്ന പൂമ്പൊടി വഹിക്കാനുള്ള സഞ്ചി (പോളൻ ബാസ്ക്‌കറ്റ് ) റാണിയ്ക്കില്ല. വദനഭാഗത്തിലെ പ്രൊബോസിസിന് നീളം കുറവായിരിക്കും. മാൻഡിബിളുകൾ ചെറുതും ശക്തി കുറഞ്ഞതുമാണ്. മുട്ടയിടുക എന്നതാണ് റാണിയുടെ ഏറ്റവും പ്രധാന ധർമ്മം. ഒരു റാണി വിരിഞ്ഞിറങ്ങാൻ ഏകദേശം 65-70 ദിവസം വേണ്ടിവരും.

റാണി അറയിൽ നിന്നും പുതുതായി വിരിഞ്ഞിറങ്ങുന്ന ഇണചേർന്നിട്ടില്ലാത്ത റാണിയീച്ചകളാണ് ഗൈനി അഥവാ വെർജിൻ ക്യൂൻ. പ്രായപൂർത്തിയായ ഗൈനിയിച്ച സ്പെഷ്യൽ ഫ്ളൈറ്റ്' (മധുവിധു പറക്കൽ) നടത്തുകയും ഗൈനിയെ അനുധാവനം ചെയ്യുന്ന ആണിച്ചയുമായി ഇണചേരുകയും ചെയ്യുന്നു. ഇങ്ങനെ ലഭിക്കുന്ന ബീജങ്ങൾ സ്പെർമാത്തിക്ക എന്ന സഞ്ചിയിൽ സമാഹരിക്കും. ബീജസങ്കലനം നടത്താനായി ഈ ബീജമാണ് റാണിയീച്ച ഉപയോഗിക്കുന്നത്. തുടർന്ന് അണ്‌ഡാശയങ്ങൾ (ഓവറികൾ) വലു തായി മുട്ടകൾ കൊണ്ട് നിറയുകയും ഉദരം വീർത്ത് വലിപ്പമേറുകയും ചെയ്യു ന്നതോടെ റാണിയീച്ചയ്ക്ക് പറക്കാൻ കഴിയാതെ വരുന്നു. ഇണചേർന്ന് പത്ത് ദിവസം കഴിയുന്നതോടെ റാണി മുട്ടയിട്ടു തുടങ്ങും.

എപ്പിസ് ഇനത്തിൽപ്പെട്ട തേനീച്ചകളുടെ റാണി ഈച്ചയെപ്പോലെ തന്നെ ബീജസങ്കലനം നടത്തിയും നടത്താതെയും മുട്ട ഇടാനുള്ള കഴിവ് ചെറു തേനീച്ചയുടെ റാണിക്കുമുണ്ട്. ബീജസങ്കലനം നടന്ന മുട്ടകളിൽ നിന്നും വേല ക്കാരി ഈച്ചകളും റാണിയീച്ചയും ഉണ്ടാകും. ബീജസങ്കലനം നടക്കാത്തവയിൽ നിന്നും ആണിച്ചയും ഉണ്ടാകുന്നു. ഒരു റാണിയീച്ചയുടെ ജീവിത ദൈർഘ്യം അഞ്ച് വർഷമാണ്. എന്നാൽ പ്രായം കൂടുമ്പോൾ മുട്ടയിടാനുള്ള കഴിവും കുറഞ്ഞു വരും.

ഒരു കൂട്ടിൽ റാണിയിച്ച നഷ്ടമായാൽ അടിയന്തിരമായി റാണിയെ സൃഷ്ട‌ിക്കുവാൻ എളുപ്പമല്ല. കാരണം ഭക്ഷണം നിറച്ച അറകളിൽ റാണി മുട്ടയിട്ടാലുടൻ തന്നെ വേലക്കാരിയീച്ച അറ അടയ്ക്കുന്നതിനാൽ അത്യാവശ്യ ഘട്ടങ്ങളിൽ റാണിയെ സൃഷ്‌ടിക്കുവാൻ കഴിയാതെ വരും. അതിനാൽ സാധാരണയായി കൂട്ടിനുള്ളിൽ എല്ലായ്‌പ്പോഴും ഒരു ഗൈനി എങ്കിലും ഉണ്ടായിരിക്കും ഏതെങ്കിലും കാരണത്താൽ റാണി നഷ്‌ടപ്പെട്ടാൽ ഗൈനി പുതിയ റാണിയായി ചുമതലയേല്ക്കും. ഏപ്പിസ് ഇനത്തിലുള്ള തേനീച്ചകളിൽ കൂട്ടം പിരിയുമ്പോൾ പഴയ റാണിയീച്ചയാണ് വേലക്കാരികളോടൊപ്പം പറന്നു പോകുന്നത് എന്നാൽ ചെറുതേനീച്ചയിൽ വംശവർദ്ധനവിനായി കോളനി പിരിയുമ്പോൾ വേലക്കാരികളോടൊപ്പം ഗൈനിയാണ് പോകുന്നത്.

ഇടയ്ക്കിടെ പുതുതായി ഗൈനികൾ ഉണ്ടാകുമെങ്കിലും എല്ലായ്പ്‌പോഴും പുതിയ കോളനി ഉണ്ടാക്കണമെന്നില്ല. അധികമായി ഉണ്ടാകുന്ന ഗൈനികളെ കോളനികളിലെ വേലക്കാരികൾ കൊന്നുകളയും. ഗൈനികൾക്ക് ഭക്ഷണം നൽകാതിരിക്കുയും പിന്നീട് കൂട്ടമായി ആക്രമിച്ച് കൊല്ലുകയുമാണ് ചെയ്യുന്നത്.

തുടരും

Part-3