26/06/2026
"ചില യാത്രകൾ അങ്ങനെയാണ്... എന്തിനുവേണ്ടി തുടങ്ങിയതാണെന്നോ, ആർക്കുവേണ്ടി തുടങ്ങിയതാണെന്നോ ഓർക്കുമ്പോൾ ഇപ്പോഴും ഉള്ളിൽ ഒരു നൊമ്പരം തോന്നും. Part 2
ഇന്ന് ആ മലമുകളിലെ തോട്ടത്തിലേക്ക് പോയപ്പോൾ തോന്നി, പ്രകൃതി പോലും ഞങ്ങളുടെ വാശിക്കൊപ്പം പെയ്യുകയാണെന്ന്. അന്യായമായ മഴയും, വഴിപോലുമില്ലാതെ കാടുപിടിച്ചുകിടക്കുന്ന ആ മലഞ്ചെരിവും... ഒന്നുമൊന്നും ഞങ്ങളുടെ നിശ്ചയദാർഢ്യത്തെ തളർത്തിയില്ല. കട്ടപ്പനയിൽ നിന്ന് കൊണ്ടുവന്ന വാഴവിത്തുകൾ, ആ മഴയത്ത് ആ മണ്ണിൽ നട്ടുപിടിപ്പിക്കുമ്പോൾ തോന്നി—നഷ്ടപ്പെട്ടതിലല്ല, ഇനി വരാനിരിക്കുന്നതിലാണ് പ്രതീക്ഷയെന്ന്.
കൂടെയുണ്ടായിരുന്നവർ കൈവിട്ടപ്പോഴും, ആ സുഹൃത്ത് മറന്നപ്പോഴും, ഈ മണ്ണും എന്റെ അധ്വാനവും എന്നെ കൈവിടില്ലെന്ന ഉറച്ച വിശ്വാസമുണ്ട്. വഴികളില്ലാത്ത ഇടത്തേക്ക് വഴികൾ വെട്ടിത്തെളിച്ച്, വീണ്ടുമൊരു പച്ചപ്പിനായി ഞങ്ങൾ യാത്ര തുടരുന്നു. അധ്വാനത്തിന്റെ വിയർപ്പുകണങ്ങൾക്കും മഴത്തുള്ളികൾക്കും ഒരേ മധുരമാണ്.
ഈ യാത്രയിൽ കൂടെയുണ്ടായ എന്റെ ഭാര്യ , പിന്തുണ നൽകുന്ന പ്രിയപ്പെട്ടവർക്കും ഒരായിരം നന്ദി. ഒപ്പം പ്രാർത്ഥനകൾ കൂടെയുണ്ടാകണം."
