15/06/2026
മലബാർ ഡയറി ഫാർമേഴ്സ് അസോസിയേഷൻ ( )
സംസ്ഥാന കമ്മിറ്റി ബഹുമാനപ്പെട്ട കൃഷി വകുപ്പ് മന്ത്രി ശ്രീ. T. സിദ്ദിഖിന്
ക്ഷീര-കാർഷിക മേഖല സ്വയംപര്യാപ്തമാക്കുന്നതിനുള്ള അടിയന്തര നിർദേശങ്ങൾ ഉൾപ്പെടുന്ന നിവേദനം കൈമാറി.
കേരളത്തിന്റെ പാൽ സ്വയംപര്യാപ്തത ഉറപ്പാക്കുന്നതിൽ നിർണായക പങ്ക് വഹിക്കുന്ന ക്ഷീരകർഷകർ ഇന്ന് കടുത്ത പ്രതിസന്ധിയിലാണ്. കഴിഞ്ഞ 4 വർഷത്തിനിടെ കാലിത്തീറ്റ, തൊഴിലാളി വേതനം, വൈദ്യുതി, മരുന്ന്, ഗതാഗതച്ചെലവ് എന്നിവയിൽ 40%ത്തിലധികം വർധനവുണ്ടായിട്ടും പാൽ സംഭരണ വിലയിൽ കാര്യമായ മാറ്റമില്ല.
ഇതിന്റെ ഫലമായി കാലികളുടെ എണ്ണം 13.5 ലക്ഷത്തിൽ നിന്ന് 9.5 ലക്ഷമായി കുറഞ്ഞു. ചെറുകിട കർഷകർ കൃഷി ഉപേക്ഷിക്കുകയും ഫാമുകൾ അടച്ചുപൂട്ടുകയും ചെയ്യുന്ന ഈ സാഹചര്യത്തിൽ സർക്കാരിന്റെ അടിയന്തര ഇടപെടൽ അനിവാര്യമാണ്.
കൃഷി, ക്ഷീരം, മൃഗസംരക്ഷണം എന്നീ മേഖലകൾ പരസ്പരം പൂരകമാണെന്ന നിലയിൽ, MDFA മുന്നോട്ടുവയ്ക്കുന്ന പ്രധാന നിർദേശങ്ങൾ:
I. ഉടൻ നടപ്പാക്കേണ്ട നടപടികൾ
1. പാൽ സംഭരണ വില പരിഷ്കരണം: ഉൽപ്പാദനച്ചെലവിന് ആനുപാതികമായി ലിറ്ററിന് 10 രൂപ വർധിപ്പിക്കുകയും മിൽമയുടെ വിലനിർണയ ചാർട്ട് പരിഷ്കരിക്കുകയും ചെയ്യുക.
2. ചോള-തീറ്റപ്പുല്ല് കൃഷി പ്രോത്സാഹനം: തരിശുനിലങ്ങളിൽ ചോളകൃഷി വ്യാപിപ്പിക്കാൻ സബ്സിഡി അനുവദിക്കുക. എല്ലാ പഞ്ചായത്തുകളിലും തീറ്റപ്പുല്ല് നഴ്സറികൾ ആരംഭിച്ച് പച്ചപ്പുല്ല് കൃഷിയെ പ്രത്യേക കാർഷിക പദ്ധതിയായി പ്രഖ്യാപിക്കുക.
3. വൈക്കോൽ-കാർഷിക മാലിന്യ സംസ്കരണം: നെൽകൃഷിക്കുശേഷമുള്ള വൈക്കോൽ ശേഖരിച്ച് ക്ഷീരകർഷകർക്ക് വിതരണം ചെയ്യുന്നതിനും, അധികവിളകൾ സംസ്കരിച്ച് കാലിത്തീറ്റയാക്കുന്നതിനും സൈലേജ് യൂണിറ്റുകൾക്കും സാങ്കേതിക-സാമ്പത്തിക സഹായം നൽകുക.
II. അടിസ്ഥാനസൗകര്യവും നിയന്ത്രണ ലഘൂകരണവും
4. ക്ഷീരോൽപ്പന്ന ബ്രാൻഡിംഗ്: നെയ്യ്, പാലട മിക്സ് തുടങ്ങിയ മൂല്യവർധിത ഉൽപ്പന്നങ്ങൾക്ക് “കേരള ക്ഷീരം” എന്ന ഏകീകൃത ബ്രാൻഡ് നിശ്ചയിക്കുകയും സർക്കാർ മേളകളിൽ പ്രത്യേക സ്റ്റാൾ സൗകര്യം ഒരുക്കുകയും ചെയ്യുക.
5. കൃഷി-ക്ഷീരം സംയോജിത മാതൃക:
കൃഷി വകുപ്പ് പദ്ധതികളക്കിൽ
ജെവ വളം ആവശ്യത്തിന് ചാണകം, ബയോഗ്യാസ് സ്ലറി, കമ്പോസ്റ്റ് എന്നിവ കൃഷി ഭവനുകളിലൂടെ ശേഖരിച്ച് സബ്സിഡിയോടെ വിതരണം ചെയ്യുക.
6. തദ്ദേശതല പരിഹാര സംവിധാനം:
എല്ലാ തദ്ദേശ സ്വയംഭരണ സ്ഥാപനത്തിലും കൃഷി ഓഫീസർ, വെറ്ററിനറി ഡോക്ടർ, ഡയറി ഓഫീസർ, ഭരണാധ്യക്ഷൻ, കർഷക പ്രതിനിധി എന്നിവരുടെ പരാതി പരിഹാര സെൽ രൂപീകരിക്കുക.
7. ഡയറി ഫാം ലൈസൻസ് നടപടികൾ ലഘൂകരിക്കൽ: തദ്ദേശ സ്ഥാപനങ്ങളിൽ നിന്നുള്ള ഡയറി ഫാം ലൈസൻസ്, നവീകരണം, അനുമതി നടപടികൾ സമയബന്ധിതവും ലളിതവുമാക്കുക.
8. സബ്സിഡി സ്കീമുകളുടെ വിപുലീകരണം: SMAM പദ്ധതിയിൽ കറവ യന്ത്രം, റബ്ബർ മാറ്റ്, മിൽക്കിംഗ് പൈൽ തുടങ്ങിയ ക്ഷീരോപകരണങ്ങൾ ഉൾപ്പെടുത്തുക. തൊഴിലുറപ്പിൽ ചോളകൃഷി, പുൽകൃഷി, ജൈവള കുഴി നിർമ്മാണം തുടങ്ങിയ പ്രവർത്തനങ്ങൾ ഉൾപ്പെടുത്തുക.
III. നയപരമായ ഇടപെടലുകൾ
9. മേഖലാ ഏകോപനം: പുതിയ പദ്ധതികൾ തയ്യാറാക്കുമ്പോൾ ക്ഷീര മേഖലയെ കൃഷി-മൃഗസംരക്ഷണ വിഭാഗങ്ങൾക്ക് തുല്യമായി പരിഗണിച്ച്, മൂന്ന് വകുപ്പുകളും സംയുക്തമായി ജൈവളം, തീറ്റകൃഷി, മാലിന്യ സംസ്കരണം എന്നിവയിൽ പദ്ധതികൾ നടപ്പാക്കുക. കർഷക ഉൽപ്പാദക സംഘടനകളിലൂടെ തീറ്റ ഉൽപ്പാദന യൂണിറ്റുകൾ ആരംഭിക്കുക.
10. ക്ഷീര മേഖല പുനർക്രമീകരണം: പുതിയ സെൻസസ് ഡാറ്റ പ്രകാരം പശുക്കളുടെ എണ്ണത്തിലെ കുറവിന് അനുസരിച്ച് മൃഗ സംരക്ഷണ, ക്ഷീര വികസന വകുപ്പുകളുടെ പുനർക്രമീകരണം നടത്തി മിച്ചമാകുന്ന തുക കർഷക സഹായ പദ്ധതികൾക്ക് വിനിയോഗിക്കുക.
11. യുവാക്കളെ ആകർഷിക്കൽ: ക്ഷീരമേഖലയിലേക്ക് യുവാക്കളെ ആകർഷിക്കുന്ന സംരംഭകത്വ പദ്ധതികൾ, സോളാർ എനർജി മുൻഗണന, ജീവ ഗൃഹം-ഫാം പ്ലാൻ പദ്ധതികളുടെ വിപുലീകരണം, വൊക്കേഷണൽ ഹയർ സെക്കണ്ടറിയിൽ കൃഷി-ക്ഷീരം ട്രേഡ് എന്നിവ നടപ്പാക്കുക.
12. ഉൽപ്പാദനച്ചെലവ് പഠന കമ്മീഷൻ: ക്ഷീരകർഷകരുടെ ഉൽപ്പാദനച്ചെലവ് പഠിച്ച് വർഷംതോറും റിപ്പോർട്ട് പ്രസിദ്ധീകരിക്കുന്ന സ്ഥിരം കമ്മീഷൻ രൂപീകരിക്കുക.
ഈ ഇടപെടലുകളിലൂടെ ക്ഷീരകർഷകർക്ക് വർഷം മുഴുവൻ വരുമാന സ്രോതസ്സ് ഉറപ്പാക്കാനും സംസ്ഥാനത്തിന്റെ ഭക്ഷ്യ-തീറ്റ-ജൈവള സുരക്ഷ ശക്തിപ്പെടുത്താനും കഴിയും.
ഈ നിവേദനം പരിഗണിച്ച് അടിയന്തര നടപടി സ്വീകരിക്കണമെന്ന് മലബാർ ഡയറി ഫാർമേഴ്സ് അസോസിയേഷൻ (MDFA) സംസ്ഥാന കമ്മറ്റി മന്ത്രിയോട് ആവശ്യപ്പെട്ടു..
ശ്രീമതി. ലില്ലി മാത്യു
പ്രസിഡന്റ്, MDFA
ശ്രീ. അഹദ് മോങ്ങം
ജനറൽ സെക്രട്ടറി, MDFA
-
