Romance Coffee Cafe Kodangad Kondotty

24/11/2021

https://romancecafekodangad.dialndial.com/🍁🍁🍁🍁🍁🍁🍁🍁🍁�

*ജീവിതത്തിൽ പോസിറ്റിവിറ്റി നിറയ്ക്കാം: ഈ സ്വഭാവങ്ങൾ ഉപേക്ഷിക്കൂ.*

നൂറ് ശതമാനം പൂർണതയോടെ ജീവിക്കുക എന്നത് ആരാലും സാധ്യമായ കാര്യമല്ല. പ്രശ്നങ്ങളും പ്രതിസന്ധികളും ജീവിത സാഹചര്യങ്ങളും നമ്മുടെ പ്രവൃത്തിയേയും ചിന്തയേയും സ്വാധീനിക്കുന്നുണ്ട്. ജീവിതത്തോടുള്ള മനോഭാവമാണ് ഓരോരുത്തരുടെയും വ്യക്തിത്വത്തെ നിർവചിക്കുന്നത്. നാമറിയാതെ ഒപ്പം കൂടിയിരിക്കുന്ന ചില മനോനിലകൾ ജീവിതത്തിലെ സകല ശുഭാപ്തിവിശ്വാസവും ഇല്ലാതാക്കുന്ന തരത്തിലുള്ളവയാവാം. ഒന്ന് ശ്രദ്ധിച്ചാൽ ഇവയെല്ലാം മാറ്റിവച്ച് ജീവിതം പോസിറ്റീവാക്കി സന്തോഷം നിറയ്ക്കാൻ സാധിക്കും.

🌹 *പക.*

തെറ്റ് സംഭവിക്കാത്ത മനുഷ്യരില്ല. ഇത് തിരിച്ചറിഞ്ഞ് മറ്റുള്ളവരോട് ക്ഷമിക്കാനാവണം. വിദ്വേഷം ജീവിതത്തിന്റെ ശോഭ കെടുത്താനേ ഉപകരിക്കൂ. മറ്റുള്ളവരോടുള്ള പക അറിഞ്ഞോ അറിയാതെയോ നിങ്ങളുടെ പെരുമാറ്റത്തിലും പ്രവൃത്തികളിലും പ്രതിഫലിക്കും. അത് പിന്നീട് നിങ്ങളുടെ വ്യക്തിത്വമായി വിലയിരുത്തപ്പെടുകയും ചെയ്യും. മറ്റുള്ളവർ നിങ്ങളോട് തെറ്റ് ചെയ്താൽ അതും അവരോട് തുറന്നു സംസാരിച്ച് എത്രയും പെട്ടെന്ന് പരിഹരിക്കാൻ ശ്രമിക്കണം. എത്രയും വേഗം മാപ്പ് നൽകി മനസ്സിൽ പക നിറയാനുള്ള സാഹചര്യം ഒഴിവാക്കാം.

🌹 *അമിത ചിന്ത.*

തെറ്റുകൾ സംഭവിക്കുന്നത് സ്വാഭാവികമാണ്. എന്നാൽ ഈ തെറ്റുകൾ ആവർത്തിക്കപ്പെടുമോ എന്ന് ചിന്തിച്ചിരുന്നാൽ ജീവിതം ആസ്വദിക്കാനാവാത്ത വിധം മനസ്സ് കലുഷിതമാകും. ഒരിക്കൽ സംഭവിച്ച തെറ്റ് ഇനി ആവർത്തിക്കില്ല എന്ന ചിന്തയാണ് വേണ്ടത്. ആത്മവിശ്വാസക്കുറവ് നമ്മുടെ പോസിറ്റീവ് എനർജി ഇല്ലാതാക്കുന്നതിന് മാത്രമേ വഴിവയ്ക്കൂ. ഉള്ളിലെ കഴിവുകളെ പ്രകാശിപ്പിക്കാൻ എപ്പോഴും ശ്രമിക്കുക.

🌹 *പ്രതീക്ഷ ഇല്ലായ്മ.*

ഒരു കാര്യം ഉദ്ദേശിച്ച രീതിയിൽ നടന്നില്ലെങ്കിൽ ജീവിതത്തിലെ എല്ലാ പ്രതീക്ഷകളും നഷ്ടപ്പെടുന്നവരുണ്ട്. കാര്യങ്ങൾ പ്രതികൂലമാകുമ്പോൾ എല്ലാവർക്കും മന:സംഘർഷം അനുഭവപ്പെടും. എന്നാൽ കാര്യങ്ങൾ അനുകൂലമാക്കാനുള്ള മാർഗം എന്ത് എന്നാണ് ചിന്തിക്കേണ്ടത്. നിങ്ങളിലെ പ്രതീക്ഷ ഇല്ലായ്മ മുഖഭാവത്തിൽ പോലും പ്രതിഫലിക്കുമെന്ന് ഓർക്കുക. നടക്കാതെപോയ കാര്യങ്ങൾ ഓർത്ത് സ്വയം ഉൾവലിഞ്ഞു വിഷമിക്കുന്നതിനുപകരം ഇന്നോളം സാധ്യമായ കാര്യങ്ങളുടെ കണക്കെടുക്കുകയാണ് വേണ്ടത്.

🌹 *അമിത പ്രതീക്ഷ.*

എന്തും അമിതമാകുന്നത് വിഷം ആണെന്നാണല്ലോ പഴഞ്ചൊല്ല്. അമിത പ്രതീക്ഷയുടെ കാര്യവും അങ്ങനെയാണ്. പ്രത്യേകിച്ച് മറ്റുള്ളവരുമായി ഇടപഴകുമ്പോൾ അവരുടെ പ്രതികരണമോ പെരുമാറ്റമോ പ്രവൃത്തിയോ എങ്ങനെയാകണം എന്നതിനെക്കുറിച്ച് അമിത പ്രതീക്ഷ വച്ചുപുലർത്തുന്നത് വലിയ വിഷമങ്ങൾക്ക് കാരണമായെന്ന് വരാം. ഒരു കുടുംബത്തിലെ അംഗങ്ങളാണെങ്കിൽ പോലും കാര്യങ്ങൾ കൈകാര്യം ചെയ്യുന്നത് വ്യത്യസ്ത രീതിയിലായിരിക്കുമെന്ന് ഓർക്കുക. അതിനാൽ മറ്റുള്ളവരെക്കുറിച്ച് അമിത പ്രതീക്ഷവച്ചു പുലർത്താതെ യാഥാർഥ്യബോധത്തോടെ മാത്രം പെരുമാറാൻ ശ്രമിക്കുക. അല്ലാത്തപക്ഷം വലിയ നിരാശയിലേയ്ക്കും അപകർഷതാ ബോധത്തിലേയ്ക്കും അത് നിങ്ങളെ തള്ളിവിടും.

ഈ സാഹചര്യങ്ങളിലെല്ലാം നെഗറ്റിവിറ്റി നമ്മൾ മറ്റുള്ളവരിലേക്കും പകർന്നുനൽകുന്നു. നിങ്ങളുടെ സാമിപ്യം മറ്റുള്ളവർക്ക് ആശ്വാസവും ആനന്ദവും നൽകുന്നതാകണമെങ്കിൽ നിങ്ങളുടെ ചിന്താഗതി ശുഭാപ്തിവിശ്വാസം ഉള്ളതാകണം. വിപരീത ചിന്തകളിലൂടെ ഒരിക്കലും പോസിറ്റീവ് എനർജി ഉള്ളിൽ നിറയ്ക്കാൻ സാധിക്കില്ലെന്ന് ഓർമിക്കുക.

☘️☘️☘️☘️☘️☘️☘️☘️☘️☘️☘️https://romancecafekodangad.dialndial.com/https://romancecafekodangad.dialndial.com/

Looking for best JUICE & SHAWARMA in KODANGADU? ROMANCE CAFE KODANGAD is the leading JUICE & SHAWARMA based in Kodangad: Opp. Juma Masjid Kodangad-Kondotty. Malappuram Dt. Kerala. Our service include FRUITS SALAD & FALOODA MOJITOS & SP SODA JUICES & SHAKES BURGER & SANDWICH AVIL MILK FRIED CHICKEN h...

24/11/2021

https://romancecafekodangad.dialndial.com/
എല്ലാം ഒറ്റയ്ക്കു ചെയ്യാൻ ശീലിക്കുകയാണു നമ്മൾ. ആരെയും ബുദ്ധിമുട്ടിക്കാൻ നമുക്കിഷ്ടമില്ലാതായിരിക്കുന്നു.

ആരെയെങ്കിലും എന്തിനു വേണ്ടിയായാലും ആശ്രയിക്കുന്നത് ഏറ്റവും അവസാനത്തേതും അറ്റകൈ പ്രയോഗവും ആയി മാറിയിരിക്കുന്നു.

മറ്റൊരാളുടെ മുന്നിൽ ഒരാവശ്യവുമായി പോകേണ്ട അവസ്ഥ ഒഴിവാക്കുവാനായി രാപ്പകൽ നമ്മൾ അധ്വാനിക്കുകയാണ്.

മറ്റൊരാളോടു ലിഫ്റ്റ് ചോദിക്കാൻ മടി തോന്നി എങ്ങിനെയെങ്കിലും ഒരു ചെറു കാറെങ്കിലും സ്വന്തമാക്കാനുള്ള പാച്ചിലിലാണ്.

സ്വന്തം മക്കളെ ആശ്രയിച്ചൊരു വാർദ്ധക്യം കിനാവു കാണാൻ ധൈര്യമില്ലാത്ത മാതാപിതാക്കൾ കരുതൽ ശേഖരം ഡെപ്പോസിറ്റ് ചെയ്യുകയാണ്.

അച്ചനോട് അമ്മയോട് പണം ചോദിക്കാൻ മടിയുള്ള മക്കൾ, അതാര്‍ക്കും കൊടുക്കാതെ ശേഖരിച്ചു വെക്കുകയാണ്.

ഒരാപത്തു വന്നാൽ സ്വന്തം ഭാര്യ പോലും തള്ളിപ്പറയുമെന്ന ബോധ്യത്താൽ ഭർത്താക്കൻമാർ മറ്റൊരക്കൗണ്ടിൽ മറ്റാരുമറിയാതെ പണം നിക്ഷേപിക്കുകയാണ്.

പെരുവഴിയിലിറങ്ങേണ്ടി വന്നാൽ ഇരക്കുവാൻ വയ്യെന്നു ചിന്തിച്ചു, പറഞ്ഞു കിട്ടിയ സ്ത്രീധനവും മുറിഞ്ഞു കിട്ടിയ കുടുംബ സ്വത്തും മുറുകെപ്പിടിച്ചു മരിച്ചു പോവുകയാണ് ഭാര്യമാർ.

താഴ്ന്നു പോകാതിരിക്കാൻ ഉയര്‍ന്നു പറക്കുകയാണു പ്രവാസികൾ.കുട്ടികള്‍ക്കുള്ള ഭക്ഷണം ഉണ്ടാക്കി മേശമേല്‍ മൂടി വെച്ചു പായുകയാണ് അമ്മമാര്‍.

മധുവിധു രാവുകള്‍ക്ക്‌ ആയുസ്സു തീരെ ചുരുങ്ങിപ്പോയിരിക്കുന്നു. ആദ്യരാത്രികള്‍ ആദ്യ ദിനം തന്നെ ആക്കേണ്ടി വന്നിരിക്കുന്നു. ദമ്പതികളുടെ കണ്ടു മുട്ടലുകള്‍ ഒഴിവു ദിനങ്ങളിലേയ്ക്ക് ഷിഫ്റ്റ്‌ ചെയ്തിരിക്കുന്നു.

ആയമാരും ഹോം നഴ്സുമാരും കൂട്ടിരിപ്പുകാരും ഷാമിയാനകളും വൃദ്ധസദനങ്ങളും പരസഹായം ചോദിക്കാനുള്ള നമ്മുടെ വിമുഖതയുടെ സന്തതികളാണ്.

കുഞ്ഞുങ്ങളുടെ എണ്ണം കുറച്ചതും മറ്റാരും കാണാനില്ലാത്തപ്പോള്‍ കറി കൂട്ടാതെ പൊറാട്ട തിന്നാന്‍ ശീലിച്ചതും സ്വാശ്രയത്തെ മുന്നില്‍ കണ്ടാണ്‌.

അങ്ങിനെ എല്ലാവരും സ്വാശ്രയരാവുകയാണ്. നാളെയെക്കുറിച്ചു ഭയചകിതരായി പായുകയാണ്. ന്യൂക്ലിയർ ആവുകയാണ്.

കൈ നീട്ടലുകളെ, സഹതാപ നോട്ടങ്ങളെ, തിരസ്കാരങ്ങളെ തുരത്താനുള്ള അതിഭീകര യുദ്ധത്തിലാണ്.

അങ്ങിനെ സ്വന്തം കാലിൽ നിൽക്കാനായി താങ്ങാനാവുന്നതിലും ഭാരം തലയിലേറ്റുകയാണ് മനുഷ്യർ. ഒറ്റപ്പെടൽ സ്വയം ഏറ്റുവാങ്ങുകയാണ്.

*സഹായിക്കാനുള്ള പ്രകൃതിയുടെ, തനിക്കു പരിചയമുള്ളവരുടെ അഭിവാഞ്ജയെ അവിശ്വസിക്കുകയാണ്. വീണു പോയാല്‍ കൈപിടിക്കാന്‍ ആരുമുണ്ടാവില്ല എന്നു നിരന്തരം ഉരുവിടുകയാണ്*

അവനും അവളും പൊട്ടിച്ചിരിക്കുന്നതും പൊട്ടിക്കരയുന്നതും ഇപ്പോൾ ഒറ്റയ്ക്കാണ്. കൂട്ടായിച്ചിരിക്കാൻ, മറ്റൊരു തോളിൽ മുഖമമർത്തിക്കരയാൻ മറ്റൊരാളെ ബുദ്ധിമുട്ടിക്കുന്നതും ഇഷ്ടമില്ല .

സ്വപ്നം കണ്ടുറങ്ങാന്‍ ലോണ്‍ എടുത്തുണ്ടാക്കിയ സ്വാശ്രയങ്ങളും അവരെ അനുവദിക്കുന്നില്ല.

ആളെ കിട്ടാനുമില്ല.സ്വാശ്രയത്തിനായുള്ള പാച്ചിലിൽ നമ്മളെപ്പോലെ മറ്റുള്ളവരും തിരക്കിലായതിനാൽ ഒന്നിച്ചിരിക്കാൻ മറ്റുള്ളവര്‍ക്കും നേരമില്ല.

എല്ലാവരും നാളെയുടെ നിരാശ്രയത്തിനായുള്ള തിരക്കിലാണ്. കുട്ടികൾ നന്നായിപ്പഠിക്കുന്നതു പോലും നാളത്തെ സ്വാശ്രയത്തെ മുന്നിൽക്കണ്ടാണ്.

ഹൃദയങ്ങള്‍ തമ്മില്‍ ചേരില്ലെങ്കിലും സംഘടനകളില്‍, ഓണ്‍ലൈന്‍ കൂട്ടായ്മകളില്‍, പോയിരിക്കാന്‍ നാം വെമ്പുന്നത് കുറച്ചു മുഖങ്ങളെ ഒന്നിച്ചു കാണാന്‍ ആശ മൂത്തിട്ടാണ്.
വല്ലപ്പോഴും ഒന്നിച്ചു കുറച്ചു ബഹളങ്ങള്‍ കേള്‍ക്കാന്‍ പൂതിയായിട്ടാണ്.

തല്ലു കൂടുന്നതു പോലും മറ്റൊരാളോടൊപ്പം കുറച്ചു നേരം ഒന്നിച്ചു ചിലവഴിക്കാന്‍ വേണ്ടിയാണ്.

കൈ പിടിച്ചൊന്നു കുറച്ചു ദൂരം നടക്കാൻ, മറ്റൊന്നുമാലോചിക്കാതെ മുഖത്തു നോക്കി ഒരു പുഞ്ചിരി സമ്മാനിക്കാൻ നേരമില്ലാതെ നമ്മളോടൊപ്പം ലോകവും പായുകയാണ്.

ഒറ്റപ്പെടലെന്ന പ്രതിഭാസം നമ്മളെല്ലാവരും ചേർന്നു ഉണ്ടാക്കിയ, പരിപാലിക്കുന്ന,
സുന്ദരമായ സ്വാശ്രയത്തിന്റെ അതിസുന്ദരിയായ കുഞ്ഞാണ്.

അതു തുറന്നു പറഞ്ഞാൽപ്പോലും പരിഹാരമെന്തെന്ന ചോദ്യത്താൽ ഒറ്റപ്പെടുമെന്ന ഭയത്താലിതു ഇവിടെ അവസാനിപ്പിക്കുകയാണ്.

*നമുക്കു വേണ്ടത് സ്വയംപര്യാപ്തത മാത്രമല്ല. സഹവർത്തിത്വമാണ്.*

🏃🏃🏃

Looking for best JUICE & SHAWARMA in KODANGADU? ROMANCE CAFE KODANGAD is the leading JUICE & SHAWARMA based in Kodangad: Opp. Juma Masjid Kodangad-Kondotty. Malappuram Dt. Kerala. Our service include FRUITS SALAD & FALOODA MOJITOS & SP SODA JUICES & SHAKES BURGER & SANDWICH AVIL MILK FRIED CHICKEN h...

21/11/2021

21/11/2021

https://romancecafekodangad.dialndial.com/
*റേഷൻ കാർഡ്; തെറ്റുകൾ തിരുത്താം; അവസരം ഡിസംബർ 15 വരെ..!*
➖➖➖➖➖➖➖➖➖➖➖

*റേഷൻകാർഡിലെ തെറ്റു തിരുത്താനും ആധാർ നമ്പർ ലിങ്ക് ചെയ്യാനും അവസരം. സിവിൽ സപ്ലൈസ് വകുപ്പിന്റെ ‘തെളിമ 2021’ പദ്ധതിയിലൂടെയാണ് ഇതിന് അവസരം നൽകുന്നത്. ഡിസംബർ 15 വരെ പ്രയോജനപ്പെടുത്താം.*

*റേഷൻകാർഡ് അംഗങ്ങളുടെ പേര്, ഇനീഷ്യൽ, മേൽവിലാസം, കാർഡുടമയുമായുള്ള ബന്ധം, അംഗങ്ങളുടെ തൊഴിൽ തുടങ്ങിയ വിവരങ്ങളിലെ തെറ്റുകൾ തിരുത്താനും എൽ.പി.ജി, വൈദ്യുതി കണക്‌ഷൻ സംബന്ധിച്ച വിവരങ്ങളും ആധാർനമ്പർ റേഷൻകാർഡിൽ ചേർക്കുന്നതിനും ഇതുവഴി സാധിക്കും. മതിയായ രേഖകൾക്കൊപ്പം അപേക്ഷകൾ റേഷൻകടകളിൽ സ്ഥാപിച്ച പെട്ടികളിൽ നിക്ഷേപിച്ചാൽ മതി.*
➖➖➖➖➖➖➖➖➖➖➖

Looking for best JUICE & SHAWARMA in KODANGADU? ROMANCE CAFE KODANGAD is the leading JUICE & SHAWARMA based in Kodangad: Opp. Juma Masjid Kodangad-Kondotty. Malappuram Dt. Kerala. Our service include FRUITS SALAD & FALOODA MOJITOS & SP SODA JUICES & SHAKES BURGER & SANDWICH AVIL MILK FRIED CHICKEN h...

21/11/2021

https://romancecafekodangad.dialndial.com/
മുംബൈയിൽ നിന്ന് ബാംഗ്ലൂരിലേക്ക് പോകുന്ന ട്രയിനിൻെറ സീറ്റിനടിയിൽ ഒളിച്ചിരിക്കുന്ന പതിമൂന്നോ, പതിനാലോ വയസുള്ള പെൺകുട്ടിയെ ടിക്കറ്റ് പരിശോധകൻ കണ്ടുപിടിച്ചു ചോദ്യം ചെയ്തു:

" ടിക്കറ്റ് എവിടെ?"

ആ പെൺകുട്ടി വിറച്ചുകൊണ്ടു പറഞ്ഞു

"ഇല്ല സർ."

"ടിക്കറ്റ് ഇല്ലെങ്കിൽ ട്രെയിനിൽ നിന്നിറങ്ങണം.
അല്ലെങ്കിൽ ഫൈൻ അടയ്ക്കണം" പരിശോധകൻെറ സ്വരം കടുത്തു.

"ഞാൻ ഈ കുട്ടിക്കുള്ള പണം തരാം",
പിന്നിൽ നിന്ന് ഇതെല്ലാം കണ്ടുനിന്ന മറ്റൊരു യാത്രക്കാരിയായ ഉഷ ഭട്ടാചാര്യയുടെ ശബ്ദം ഉയർന്നു...

"നിങ്ങൾക്ക് എവിടെ പോകണം?"ഉഷ ആ പെൺകുട്ടിയോട് ചോദിച്ചു.

പെൺകുട്ടി "മാഡം അറിയില്ല!"

ഉഷ "എങ്കിൽ നീ എന്നോടൊപ്പം ബാംഗ്ലൂരിലേക്ക് വരൂ!"
നിങ്ങളുടെ പേര് എന്താണ്?"

പെൺകുട്ടി - "ചിത്ര"

ബാംഗ്ലൂരിലെത്തിയ ഉഷാ ഭട്ടാചാര്യ ചിത്രയെ ഒരു സന്നദ്ധ സംഘടനയ്ക്ക് കൈമാറി.

അവളെ അവർ ഒരു നല്ല സ്കൂളിൽ ചേർത്തു.
താമസിയാതെ ഉഷ ദില്ലിയിലേക്ക് മാറി.. അതിനാൽ ചിത്രയുമായുള്ള ബന്ധം നഷ്ടപ്പെട്ടു, .
വളരെ അപൂർവ്വമായി ഫോൺ വഴി സംസാരിച്ചിരുന്നു...

കുറച്ചുകാലത്തിന് ശേഷം അതും നിന്നു..

ഏതാണ്ട് ഇരുപത് വർഷത്തിന് ശേഷം ഉഷ ഭട്ടാചാര്യയെ സാൻ ഫ്രാൻസിസ്കോയിലേക്ക് (യുഎസ്എ) ഒരു പ്രഭാഷണത്തിനായി ക്ഷണിച്ചിരുന്നു..
പ്രഭാഷണത്തിന് ശേഷം, അവർ താമസിച്ചിരുന്ന ഹോട്ടൽ ബിൽ അടയ്ക്കാൻ റിസപ്ഷനിൽ പോയപ്പോൾ, അല്പം അകലെ നിൽക്കുന്ന ദമ്പതികളെ ഹോട്ടൽ ജീവനക്കാർ ചൂണ്ടിക്കാണിച്ചിട്ടു പറഞ്ഞു...

"മാഡം,അവർ നിങ്ങളുടെ ബിൽ അടച്ചു...അടച്ച ബില്ലിൻെറ കോപ്പി ഇതാ!!.

അത്‍ഭുതത്തോടെ ഉഷ അവരുടെ സമീപത്തെത്തി ചോദിച്ചു"നിങ്ങൾ എന്തിനാണ് എന്റെ ബിൽ അടച്ചത്?"

"മാഡം, ഇത് മുംബൈയിൽ നിന്ന് ബാംഗ്ലൂരിലേക്കുള്ള ട്രെയിൻ ടിക്കറ്റിന് മുന്നിൽ ഒന്നുമല്ല"!!!!

ഉഷ: "നീ...ഹേ ..ചിത്ര!!!" ...

ആ ചിത്ര മറ്റാരുമല്ല...

ഇൻ‌ഫോസിസ് ഫൗണ്ടേഷൻ ചെയർമാൻ സുധാ മൂർത്തി!!

ഇൻ‌ഫോസിസ് സ്ഥാപകൻ ശ്രീ നാരായണ മൂർത്തിയുടെ ഭാര്യയാണ് ചിത്ര എന്ന സുധാമൂർത്തി!!!!

അദ്ദേഹത്തിന്റെ
"ദി ഡേ ഐ സ്റ്റോപ്പ് ഡ്രിങ്ക് മിൽക്ക്"
എന്ന പുസ്തകത്തിലെ അവരുടെ സ്വന്തം ജീവിത കഥയാണിത്!!!.

👉ചിലപ്പോൾ നിങ്ങൾ നൽകുന്ന സഹായം മറ്റൊരാളുടെ ജീവിതത്തെ മാറ്റിമറിക്കും!!!

അതുകൊണ്ടാണ് മനുഷ്യർ എല്ലാ വീട്ടിലും ജനിക്കുന്നു, പക്ഷേ മനുഷ്യത്വം എല്ലാ മനുഷ്യരിലും ഉണ്ടാകണമെന്നില്ല!!! എന്ന് പറയുന്നത്...!!

ഇന്ന് സ്വത്തിനും പണത്തിനും സ്ഥാനത്തിനും വേണ്ടി കൂട്ടുകാരേയോ കൂടപ്പിറപ്പുകളേയോ ചതിക്കാനോ, പറ്റിക്കാനോ, പിടിച്ചുപറിക്കാനോ ഒന്നിനും മടിയില്ലാത്തവരായിരിക്കുന്നു മനുഷ്യരിൽ പലരും സ്വന്തം തെറ്റുകൾ മറക്കാൻ മറ്റുള്ളവരുടെ മേൽ പഴിചാരാൻ ഒരു മടിയുമില്ലാത്തവർ..!!

നമ്മുടെ തെരുവുകളിലും മറ്റും കഴിയുന്നവരുടെ നേരത്തെ വിശപ്പകറ്റാൻ.... അവരെ സഹായിക്കാൻ...
നമുക്ക് ഏവർക്കും കഴിയും...
പക്ഷെ മുന്നിട്ടിറങ്ങാനുള്ള മടി തന്നെയാണ് പ്രശ്നം !
"അന്നദാനം എന്നത് മഹാദാനം" തന്നെയാണ് ! വിശപ്പിനോളം വിളി മറ്റൊന്നിനുമില്ല...
വയറെരിയുന്നവരുടെ മിഴിനീർ തുടയ്ക്കാൻ നമുക്കാവട്ടെ...!

പരസ്പരം സ്നേഹിക്കുക, സഹായിക്കുക..
ജാതിയോ , സമുദായമോ, രാഷ്ട്രീയമോ ഏതെന്ന് നോക്കാതെ...💕🙏💕

Looking for best JUICE & SHAWARMA in KODANGADU? ROMANCE CAFE KODANGAD is the leading JUICE & SHAWARMA based in Kodangad: Opp. Juma Masjid Kodangad-Kondotty. Malappuram Dt. Kerala. Our service include FRUITS SALAD & FALOODA MOJITOS & SP SODA JUICES & SHAKES BURGER & SANDWICH AVIL MILK FRIED CHICKEN h...

21/11/2021

https://romancecafekodangad.dialndial.com/
👍കേരളത്തിലെ പാവപ്പെട്ട വ്യക്ക രോഗികൾ കോഴിക്കോട് ഇഖ്റ ഹോസ്പിറ്റലിൽ കിഡ്നി മാറ്റി വെക്കാനും അനുബന്ധ ചികിത്സക്കും വരുന്നെങ്കിൽ..

അതുപോലെ കോഴിക്കോട് മെഡിക്കൽ കോളേജിൽ ചികിത്സക്ക് വരുന്നവർക്കും കൂടെ നിൽക്കുവാൻ വരുന്നവർക്കും

അവർ വാടകക്ക് വീട് അനേഷിക്കണ്ട.. ഹോട്ടൽ മുറികളും അന്വേഷിക്കേണ്ട.

അവർക്ക് സൗജന്യമായി താമസവും ഭക്ഷണവും കെയർ ഹോമിൽ തയ്യാറാക്കിയിട്ടുണ്ട്..

Phone : 0495 2355542.

കാസർകോട് മുതൽ പാലക്കാട് വരെ ഉള്ള രോഗികളും, തൃശ്ശൂർ ജില്ലയിൽ ഉള്ളവരും കൂടാതെ കേരളത്തിന് പുറത്തുള്ള ആളുകളും കോഴിക്കോട് മെഡിക്കൽ കോളേജിൽ ചികിത്സയ്ക്ക് വരുന്നുണ്ട്.

കോഴിക്കോട് മെഡിക്കൽ കോളേജിൽ ലുക്കീമിയ ബാധിച്ച ചികിത്സയ്ക്ക് വരുന്ന പാവപ്പെട്ട ചെറിയ കുട്ടികൾ മുതൽ 10 വയസ്സ് വരെയുള്ള കുട്ടികൾക്ക് അണുവിമുക്തമായ താമസവും ഭക്ഷണവും മെഡിക്കൽ കോളേജിലേക്ക് യാത്ര സൗകര്യവും സൗജന്യമായി മെഡിക്കൽ കോളേജ് ക്യാമ്പസിന് അകത്തു തന്നെയുള്ള സ്റ്റേഡിയത്തിന് തൊട്ടടുത്ത് സ്ഥിതി ചെയ്യുന്ന കെയർ ഹോമിൽ അത്യാധുനിക സംവിധാനങ്ങളോടു കൂടി നൽകുന്നുണ്ട്.

ഈ വിവരം ആളുകൾക്ക് അറിയുന്നതിനായി എല്ലാവരും ഷെയർ ചെയ്യണം.
ഇത് അറിയാതെ നിരവധി പാവപ്പെട്ട ആളുകൾ വലിയ വാടകയും (മാസത്തിൽ 15000 രൂപ മുതൽ) ഭക്ഷണ, യാത്ര ചിലവകളും സഹിക്കാനാവാതെ ബുദ്ധിമുട്ടുന്നു.

ചിലരെങ്കിലും ആ കാരണങ്ങളാൽ ചികിത്സ തേടാതെ നിർത്തിവെക്കുന്നു.

നിങ്ങളുടെ ഒരു ഷെയർ കൊണ്ട് ഒരു രോഗിക്കെങ്കിലും സഹായമാവട്ടെ എന്ന് അപേക്ഷിക്കുന്നു.

ചേർന്നുനിൽക്കുന്ന എല്ലാ അഭ്യുദയകാംക്ഷികൾക്കും നന്ദി പറയുന്നു..

ബന്ധപ്പെടേണ്ട വിലാസം ഫോൺ

Care Home
Near Medical College Stadium,
Kozhikode - 673008.
Phone: +91 495 23 555 42.
➖➖➖➖➖➖

Looking for best JUICE & SHAWARMA in KODANGADU? ROMANCE CAFE KODANGAD is the leading JUICE & SHAWARMA based in Kodangad: Opp. Juma Masjid Kodangad-Kondotty. Malappuram Dt. Kerala. Our service include FRUITS SALAD & FALOODA MOJITOS & SP SODA JUICES & SHAKES BURGER & SANDWICH AVIL MILK FRIED CHICKEN h...

10/11/2021

Falooda starting at 70rs

10/11/2021

Special falooda.......
Starting @70