23/08/2018
*गणेशोत्सवाच्या पार्श्वभूमीवर जोगेश्वरीत सजावटीच्या वस्तुंचे उद्यापासून प्रदर्शन*
*-* २४ व २५ ऑगस्ट दोन दिवस प्रदर्शनाचे आयोजन
*-* २४ ऑगस्टला सायंकाळी ४ वाजता ‘सुप्रिमो ऍक्टीव्हीटी सेंटर’ येथे प्रदर्शनाचे उद्घाटन
*-* या प्रदर्शनात ३ वर्ष टिकेल अशा गुलाब फुलांच्या डेकोरेशनची संकल्पना या प्रदर्शनात पहावयास मिळणार आहे.
*मुंबई :
गणेशोत्सव जवळ आल्याने गणेश मंडळांना तसेच घरगुती गणेश भक्तांना वेध लागले आहे ते गणेशाच्या आगमनाचे. त्याचबरोबर गणेशभक्तांना चिंता सतावत आहे ती, यंदा डेकोरेशन कशाचे करायचे... कुठली थिम वापरायची... इको फ्रेंडली डेकोरेशन करताना कुठल्या गोष्टींचा वापर करायचा... गणेशभक्तांना सजावटीचे विविध पर्याय उपलब्ध करुन देण्यासाठी *जोगेश्वरी पुर्व येथील ‘सुप्रिमो ऍक्टीव्हीटी सेंटर’ येथे, २४ व २५ असे दोन दिवस वेदांन्त डेकोरेटर ऍण्ड इव्हेंट्सतफेॅ प्रदर्शनाचे आयोजन करण्यात आले आहे.*
प्लास्टीक तसे थर्माकोलच्या वापरामुळे पर्यावरणाची होणारी हानी टाळण्यासाठी राज्य शासनाने या दोन्ही गोंष्टींच्या वापरावर निर्बंध घातले आहेत. त्यामुळे पेपरच्या तसेच फुलांच्या डेकोरेशनकडे भक्तांचा कल वाढला आहे. घरगुती गणेश भक्त दरवर्षी फुलांच्या डेकोरेशनला महत्व देतात. बाजारातही फुलांच्या रेडीमेड डेकोरेशनच्या विक्रीचे प्रमाण वाढले आहे. परंतु गौरी-गणपती तसेच अकरा दिवसांच्या गणपतीपुढील फुलांचे डेकोरेशमधील फुले दोन ते तीन दिवसांनी बदलावी लागतात. परंतु बाजारात नवीन गुलाबाची फुले आली असून त्याचे डेकोरेशन केल्यास ते तीन वर्ष चालते. यंदा या प्रदर्शनात ३ वर्ष टिकेल अशा या गुलाबाच्या फुलांच्या डेकोरेशनची संकल्पना या प्रदर्शनात पहावयास मिळणार आहे. त्याचबरोबर फुलांचे हार, कंठी, २४ रंगांची गुलाब, फुलांची रांगोळी, आरतीचे ताट, मोदक, पुरणपोळी, मंदिराची सजावट, पुजेचे टेबल, गौरीची साडी, गौरीच्या शेजारील डेकोरेशन, गौरीचे दागिने, वेणी, गजरा आदींचा यात समावेश करण्यात आला आहे. २४ ऑगस्ट रोजी सायंकाळी ४ वाजता या प्रदर्शनाचे उद्घाटन करण्यात येणार आहे तर २५ ऑगस्ट रोजी सकाळी ११ ते सायंकाळी ६ या वेळात हे प्रदर्शन सर्वांसाठी खुले राहणार आहे. मग नवीन प्रकारच्या फुलांच्या विविध सजावटी पाहण्यासाठी येताय ना.
