10/04/2026
शेतसारथी मार्केट - या धाडसाला दोन वर्ष पूर्ण झाले...
विरोध झाला, पैसे जमा केले, शेती केली,गोण्या उचल्या , क्रेट उचलले, रात्र रात्र जागून मार्केट फिरलो, नुकसान झालं, कर्ज झालं, लोकं सोडून गेली, कुणी फसवलं, कुणी पैसे बुडवले पण अनेकांनी प्रचंड विश्वास दाखवला.
अनंत अडचणी आल्या पण थांबलो नाही लढत राहिलो, अनेक स्टार्टअपच्या बिझनेस मॉडेल्सचा अभ्यास केला, स्वतःला पडताळून पाहिलं, प्रामाणिकपणे काम केले. कुणाला खोटं बोललो नाही, कारणे दिली नाहीत. सहकाऱ्यांच्या मदतीने कृषि क्षेत्रातील मिळेल ते काम करत राहिलो. प्रचंड फिरलो, अनेक लोकांशी तासनतास चर्चा केली, नवीन आयडिया शोधत राहिलो.
आज एका पातळीवर आलोय, नाव झालंय - ब्रँड झालाय ( लोकं म्हणतात )...अजूनही प्रवास सुरु राहील....
चार वर्षांपूर्वी पुणे मार्केट कृषी महाविद्यालयातील रूमपार्टनरची वार्षिक टूर होती. तिथं याचं दिवशी चर्चेतून याची सुरवात झाली होती. कोरोनाचं निमित्त झालं आणि क्षमता असूनही (मित्र सांगायचे ) कायमचा #इंजिनिअरिंगला राम-राम केला. त्या दिवशीपासून आजपर्यतचा एकही दिवस मी दुसरा कोणता विचार केला नाही फक्त आणि फक्त फोकस कृषि क्षेत्र आहे.
३६०° अंशात सेवा देऊन ३५ पेक्षा जास्त कृषि क्षेत्रातील विविध फॅक्टरसोबत काम केलं. अनेक शेतकरी आणि युवा वर्गापर्यत पोहोचलो. मार्केटमध्ये न मिळणाऱ्या शेतसारथीद्वारे ग्राहकांना सेवा दिल्या.
आजपर्यत सेवा घेऊन कुणाला अप्रोच केलं नव्हतं कारण सेवा देताना स्वतःची कंपनी आणि मी त्या पात्रतेचा आहे का हे तपासणे महत्वाचे होते. सुरवातीला बऱ्याचदा आलेल्या आर्थिक अडचणी तितक्या राहिल्या नाहीत. आता पुढील महिन्यापासून स्वतःला आणि टीमला मार्केट एक्सेसला खुल करणार आहे.
टीम वाढवणार आहे. कृषि क्षेत्रातील नव्या दमाच्या आणि हटके काम करू इच्छिणाऱ्या पोरा-पोरींची मजबूत फळी (टीम) उभी करणार आहे.
अनेक चुका केल्या आहेत पण त्या सुधारण्याच्या प्रयत्न केला आहे. मार्गदर्शक आहेत ते सतत नवीन काम करण्यासाठी विश्वास पण देत आहेत.
व्यावसायिक कष्टाची आणि पैसे कमावण्याची व्याख्या प्रत्येकाची वेगवेगळी असेल पण प्रयत्न करत राहणे हे आपले काम. कृषि क्षेत्रात वेगळं काहीतरी करून दाखवेल हा चंग बांधूनच उतरलो होतो आता त्या शिखराच्या दिशेने प्रवास करतो आहे.
प्रचंड शिकायला मिळालं आणि शिकत राहील. एक उद्योजक म्हणण्यापेक्षा शेवटच्या श्वासपर्यत स्वतःचं पोट भरून एका पिढीला दिशा देऊ एवढं काम नक्कीच करून दाखवू....
( या पलीकडे देखील खूप आहे )
त्या अनंताचे आभार ज्यांनी हे जगावेगळं जगणं दिलं...
Happy 2nd Anniversary ✌️💚🎂
आज “शेतसारथी” फक्त एक मार्केट नाही,
तर शेतकरी आणि ग्राहक यांच्यातला विश्वासाचा पूल बनला आहे 🌾🤝
ही फक्त सुरुवात आहे…
आता “शेतसारथी” ला महाराष्ट्रभर आणि देशभर पोहोचवण्याचं स्वप्न आहे 🚀🇮🇳
ज्यांनी साथ दिली, टीका केली, शिकवलं,
त्या प्रत्येक व्यक्तीचे मनापासून आभार 🙏💚
👉 पुढचा टप्पा अजून मोठा असेल…
“शेतसारथी” – शेतातून थेट तुमच्यापर्यंत! 🌾🚜
