NITI FARMS

17/10/2025

वसुबारस च्या "NITI FARMS" येथून सर्वांना मनःपूर्वक शुभेच्छा....

जशी हवी देशी गाय...
तसाच लागतो देशी Bull.....
देशी गोवंश टिकवायचा तर....
त्याच्याकडे पण लक्ष द्यावेच लागते खूप....

जसं गायीचं दूध पौष्टिक...
तसंच तीचं तूप ....
जितकं तूप जुनं.....
त्याचं औषधी महत्त्व वाढतं खूप खूप...

देशी वंशावळीचं गोमूत्र आणि शेण.....
यांची किंमत जाणायला लागलय सारं जग....
स्वदेशीचा बोलबाला....
द्यावं प्रत्येकानी देशी गोवंशाच्या महत्त्वाकडे जरूर लक्ष....

Health is Wealth....
जाणतो आपण सारे....
देशी गाईचं तूप का महाग ???
हा प्रश्न गोपालकाला विचारण्याआधी करावी आकडेमोड.....उत्तर मिळेल तुम्हाला थेट....

दुधाचं दही.... दह्याचे रवीनी घुसळून ताक....ताकावरचे लोणी कढवून तूप काढणे......ही आयुर्वेदिक दृष्ट्या योग्य पद्धत....हीलाच "बिलोना" म्हणतात....
या पद्धतीने एक किलो तूप काढण्यासाठी गिर गायीचं ३० लिटर दूध लागतं .....
मग सांगा बरं मंडळी .....काय दराने विकावे शेतकऱ्यांनी ....अर्थातच नफा पकडून हे तूप ???

गोठा.....गोपालन हे असतं गोपालक आणि शेतकऱ्याचं उत्पन्नाचं मुख्य साधन.....
भेसळमुक्त दूध आणि तूप द्यायचं... हे जर असेल त्याचं व्रत....
"समाजसेवा" करतो तो गोपालक....करतो जो दूधासारखा पांढरा शुभ्र व्यवहार(हे फक्त म्हणायला बरं का मंडळी).......देशी गायीचं दूध पिवळसर रंगाचंच...

भेसळमुक्त देशी गायीचं दूध आणि तूप .... हा व्यवसाय झालाय खर्चिक खूप.....
मंडळी.....
काढावा दुधाच्या दराचा आणि तुपाच्या दराचा हिशोब तुम्ही...आणि मग ५००-१००० रुपये किलो दराने मिळणारं तूप हे येतं कुठून आणि कसे ???
काय असते त्याची गुणवत्ता ??
हे सुज्ञास वेगळे सांगणं न लगं.....

वसूबारस या एका दिवशी गोवंशाची पूजा करून पुण्य मिळवतात सकल जन....
पण....वर्षभर.....३६५ दिवस जो गोपालक यांची काळजी घेतो....जपतो.....तुम्हाला पौष्टिक खायला-प्यायला देतो...त्याच्याकडे मात्र करू नका तुम्ही दुर्लक्ष....
शेतकरी तितिक्षा
शुक्रवार १७ ऑक्टोबर २०२५

05/10/2025

Live from NITI FARMS

05/10/2025

मन प्रसन्न करणाऱ्या वातावरणातून.....
निसर्गाचं मनमोहक दृश्य डोळ्यात साठवता साठवता....
"NITI FARMS" येथून तुम्हाला नवीन दिवसाच्या खूप खूप शुभेच्छा.....
शेतकरी तितिक्षा
रविवार ५ ऑक्टोबर २०२५

29/09/2025

शुभ सोमवार....जय भोलेनाथ...

29/09/2025

राम राम मंडळी....
शुभ सोमवार.....

"पाटलांचं शेत ते NITI FARMS----प्रवास शंकराच्या पिंडीचा"

मंडळी....एक आनंदाची बातमी तुम्हा सर्वां सोबत शेअर करते आहे...
"NITI FARMS" येथे अजून एका प्राचीन शंकराच्या पिंडीच आगमन झालं आहे.....

काही वर्षांपूर्वी.... माझ्या एका मैत्रिणीच्या माहेरच्या शेतात सापडलेली अति प्राचीन भरीव ७०+ किलो वजनाची शंकराची पिंडी तीच्या परिवारानी आमच्याकडे विश्वासाने सुपूर्त केली होती.....
त्या पिंडीची "NITI FARMS" येथे स्थापना केलेली आहे....
मालिक-मालकीन दररोज मनोभावे या पिंडीची सेवा - पूजा करतात .....
दररोज शेतातील फुलांची सुंदर आरास केली जाते...
अखंड जल अभिषेक चालू असतो.....
"NITI FARMS" येथील ह्या मन प्रसन्न करणाऱ्या पिंडीचं दर्शन आपल्याला अनेकदा मी फोटो-व्हिडीओ द्वारे करवलेलं आहेच.....

आमच्या क्रिकेट परिवाराचा भाग..... प्रथमेश पाटील चा परिवार.....
हा पाटील परिवार सध्या पुण्यातील सिंहगड रोड येथील crossover county येथे वास्तव्यास असला तरी यांचं मूळ गाव हे धाराशिव जिल्ह्यातील भूम -परांडा .... जिथे यावर्षी पावसाने हाहाकार माजवला आणि प्रचंड प्रमाणात नुकसान केलं...

प्रथमेशच्या आजोबांना त्यांच्या शेतामध्ये साधारण ४०-४५ वर्षांपूर्वी ही दगडामध्ये घडवलेली पिंडी सापडली......

मुकुंद पाटील ,त्यांचे दोन बंधू आणि त्यांचे परिवार नोकरी व्यवसाया निमित्त पुण्यात आले.... वडिलांच्या निधनानंतर या शंकराच्या पिंडीची व्यवस्थित देखभाल गावी होऊ शकणार नाही हे त्यांनी जाणलं आणि या पिंडीचं पुण्यातील त्यांच्या फ्लॅटच्या बाल्कनीमध्ये आगमन झालं....

बंदिस्त जागा आणि इतर काही कारणांमुळे त्यांना ही पिंडी घरी फ्लॅटमध्ये ठेवता येणार नव्हती... म्हणून त्यांनी गुरुजींना विचारलं... तर त्यांनी एखाद्या शेतात- मोकळ्या जागेत ही ठेवावी किंवा समुद्राला अर्पण करावी असा सल्ला त्यांना दिला.. आणि पाटील साहेबांना "शेत" हा शब्द कानावर पडतात चटकन "NITI FARMS" ची आठवण झाली.... आमच्या येथे असलेल्या एका पिंडीची सुरू असलेली मनोभावे सेवा त्यांना माहितीच होती.... म्हणूनच त्यांनी आम्हाला अजून एक पिंडी हवी आहे का??चालेल का?? अशी विचारणा केली.... आणि.... याच आठवड्यात सुंदर अशी छोटीशी दगडी पिंडी पाटील परिवारांनी नगरकरांकडे विश्वासाने सोपवली....

नवरात्रीच्या पवित्र वातावरणात तीचं आमच्या शेतात आगमन झालं .... अगदी अचानकपणे ही सुंदर अशी पिंडी आमच्याकडे सुपूर्त केली गेल्यामुळे ...हीची कायमस्वरूपी स्थापना कुठे करावी ??याचा विचार करायला आम्हाला वेळ न मिळाल्यामुळे... आधीच्या पिंडी शेजारीच ह्या पिंडीला सध्यातरी ठेवलेलं आहे... तिची मनोभावे पूजा अर्चा देखील चालू आहे.....

फायनल जागा निश्चित झाली की या नवीन पिंडीची स्थापना तिथे केली जाईल.... त्याचे फोटो देखील त्यावेळी तुमच्या सोबत नक्कीच शेअर केले जातील....

आपल्या अतिशय जवळची एखादी वस्तू... ज्याच्याशी आपण भावनिक रित्या जोडले गेलेलो असतो... अशी गोष्ट कुणाकडे सुपूर्त करणे जरा अवघडच असतं माणसाला.... पण मुकुंद पाटील आणि परिवाराने अतिशय विश्वासानी आमच्याकडे ही शंकराची पिंडी सुपूर्त केली....

पाटलांच्या शेतातून NITI FARMS पर्यंत चा ह्या पिंडीचा प्रवास....तुम्हा सर्वांसोबत सोमवारच्या सकाळी शेअर करून प्रसन्न वाटतं आहे....
जय भोलेनाथ
शेतकरी तितिक्षा
२९ सप्टेंबर २०२५
[ मंडळी अजून एक गोष्ट तुम्हाला सांगायची आहे.... तुमच्याकडे/ तुमच्या ओळखीच्या कुणाकडे अशा काही दगडात / तांब्या/ पितळेत घडवलेल्या प्राचीन मूर्ती असतील.... ज्यांचं जतन करणे कठीण जात असेल किंवा आपल्यानंतर पुढे यांचं काय होणार ?? असा प्रश्न सतावत असेल तर..... नक्की मला संपर्क करा....
निसर्गात एकरूप होऊन जाण्यासारखी एखादी मूर्ती/वस्तू असेल तर त्याचं "NITI FARMS" मध्ये स्वागतच होईल....]

27/09/2025

राम राम मंडळी....
नवरात्र...
उत्सव आदिशक्तीचा....
देवी भक्तीचा....

स्त्री रूपात मला भेटलेल्या आदिशक्तीची,आमच्यासाठी देवीचं रूपच जणू....अशाच व्यक्तीमत्वाची ओळख आज तुम्हाला करून देते...

"NITI FARMS" ची राखणदार
……………………………………………
"मालकीन राधिकादेवी"
..................................
काही नाती.... काही लोकं आपल्या आयुष्यात येतात आणि मग ती आपलीच होऊन जातात.... आपल्या आयुष्याचा एक अविभाज्य भागच जणू...
तसंच नितीन नगरकरांच्या आयुष्यात साधारण ३५-४० वर्षांपूर्वी मुंबईतील ऑफिस बिल्डिंगचे वॉचमन म्हणून काम करणारे विजयकुमार तिवारी आले....

पोटापाण्यासाठी उत्तर प्रदेश मधील सुल्तानपूर जिल्ह्यातील तिवारीपुरा गावातून मुंबईत आलेले विजयकुमार तिवारी....

मुंबई- चाकण-वडवाडी असा व्यवसायिक प्रवास करत.... नगरकरसाब जेथे -जेथे गेले.....तिथे -तिथे विजयकुमार तिवारी पोहोचले ....
अशीच अजून दोन-तीन जणं आमच्यासोबत ३५-४० वर्षं आहेत....

चाकण च्या फॅक्टरीत ड्युटीवर असताना त्यांनी त्यांच्या समस्त परिवाराला उत्तर प्रदेश वरून महाराष्ट्रात चाकण येथे आणलं..... त्यांच्या धर्मपत्नी .....राधिका देवी....

विमलकुमार -राजकुमार- शिवकुमार यांची जन्मदात्री.....पुतण्या अमित (चुन्नी) पण सोबत आला.... आणि राधिका देवी यांचा चौथा मुलगाच झाला ...
राजकुमार-शिवकुमार-चुन्नी यांचं संपूर्ण बालपण सातारा जिल्ह्यातील वडवाडी या गावीच गेलं ...
आमच्या समोर लहानाची मोठी झालेली ... शाळकरी मुलांपासूनचा त्यांचा आजपर्यंतचा....नोकरीला लागून... लग्नं होऊन... त्यांना मुलं होण्यापर्यंतचा प्रवास आम्ही बघितला....

यांची शाळा मराठी माध्यमातील... त्यामुळे तुमच्याशी मराठीत बोलायला लागले आणि आडनाव माहिती नसेल तर हे यूपी चे तिवारी आहेत ...याचा तुम्हाला मागमूस पण लागणार नाही ...इतके महाराष्ट्राशी एकरूप झालेले...

आज तिघं मुलं मुंबईत नोकरीत स्थिरस्थावर झाली आहेत.... तिन्ही मुलांचे मुंबईसारख्या ठिकाणी स्वतःचे फ्लॅट झाले....
चुन्नी शिरवळ मध्ये फ्लॅट मध्ये राहून नोकरीत परमनंट झालेला आहे .....

पण विजयकुमार आणि राधिका देवी नी मात्र "NITI FARMS" येथेच राहण्याचं ठरवलं .... मुंबईकर मुलं त्यांना बोलवून बोलवून थकली.... पण हे दोन दिवस जाऊन मुलांची ख्याली खुशाली घेऊन परत आपलं मु.पो. वडवाडी ला येतात..... "साहब का साथ नहीं छोडेंगे" हे यांचं ठरलेलं वाक्य....

विजयकुमार तिवारी हे भावंडांमध्ये थोरले... म्हणून त्यांना त्यांच्या तिवारीपुरा गावामध्ये सगळेच "मालिक" या नावाने हाक मारतात.... आता "NITI FARMS" येथील सर्वांचेच ते मालिक आहेत.... आम्ही पण त्यांना "मालिक" च म्हणतो .....
मालिकच्या धर्मपत्नी... त्यामुळेच राधिका देवी आमच्या सर्वांच्या "मालकीन" झाल्या....

"NITI FARMS" मध्येच वास्तव्य असल्याकारणाने २४ तास पहारा असतो मालकीनचा....
आमचे कर्मचारी- शेती सेवा पुरवणारे- येणारी- जाणारी लोकं त्यांच्या घरापाशी क्षण दोन क्षण थांबतात.....
तिवारीपुरा येथून आणलेल्या कटहल(फणस) च्या बियांपासून तयार झालेली.. दरवर्षी कटहलचा पाऊस पाडणारी झाडं यांच्या दारात आहेत .....या वृक्षांच्या थंड सावलीखाली लोकं विसावतात..... याच फणसांच्या खोडाशी आम्ही शंकराच्या पिंडीची स्थापना देखील केलेली आहे.... त्याची दररोज पहाटे मालिक- मालकीन कडून मनोभावे सेवा केली जाते.... शेतातील फुलांची सुंदर आरास केली जाते ....जल अभिषेक अखंड चालू असतो...

पैशापेक्षा नात्याला महत्त्व देणारी आमची मालकीन.... "NITI FARMS" ची राखणदार....
साहब -मॅडम च्या अनुपस्थितीमध्ये आपलं कर्तव्य समजून घारीच्या नजरेनी देखरेख करणारी.....

शेती हाच संपूर्ण वेळेचा व्यवसाय म्हणून आम्ही दोघांनी स्वीकारला.... या प्रवासात अनेक अडीअडचणींना आम्हाला सामोरे जावं लागलं ...त्यावेळी हीच सगळी लोकं आमच्या सोबत होती म्हणूनच आमचा टिकाव लागू शकला....

घरचा खंबीर पाठिंबा असेल तर माणूस कठीणातल्या कठीण परिस्थितीला तोंड देऊ शकतो.... आम्ही दोघं पती-पत्नी अडथळ्यांची शर्यत पार करून आज कुठे जरा शेतीमध्ये स्थिरावलो आहे....
तशीच भक्कम साथ मालकीन नी मालिकला दिली..... त्यामुळेच आज दोघेही आमच्या सोबत आहेत.....

डोक्यावरचा पदर कधीही खाली पडू न देणारी ....सदा हसमुख.... आल्या गेल्याला चहा- पाणी विचारणारी अशी आमची मालकीन -राधिकादेवी....

नवरात्रीमध्ये देवीच्या देवळात जाऊन .....रांगेत उभं राहून...देवीची ओटी भरण्यापेक्षा मला शेतावर जाऊन मालकीनची ओटी भरून जे समाधान मिळालं.... ते अवर्णनीय....

प्रत्येक स्त्री मध्ये असलेल्या दैवी शक्तीचा....आदिमायेचा.... "मालकीन राधिका देवी" ह्या एक उदाहरण..... त्यांचा मानसन्मान- आदर सत्कार करणे म्हणजे समस्त स्त्रीशक्तीचा सन्मान करणे ...अशी माझी धारणा....

"NITI FARMS" ला भेट द्याल तेव्हा मालकीन राधिका देवींची भेट निश्चितच होईल.....
"NITI FARMS" येथून...
शेतकरी तितिक्षा
२७ सप्टेंबर २०२५

25/09/2025

25/09/2025

राम राम मंडळी.....
नवरात्र चालू आहे....
आदिमाया ...आदिशक्तीचा उत्सव.... तिचा सन्मान करण्याचे हे खास दिवस ....
स्त्रीशक्तीचा जागर....
स्त्री शक्तीचा उत्सव ....

"NITI FARMS" चा आधारस्तंभ म्हणजे आमच्या इथे काम करणारा महिला वर्ग .... आमची WOMAN POWER BANK....

शेतीशी संबंधित प्रत्येक कामात पुरुषांच्या खांद्याला खांदा लावून.... जबरदस्त उरक असणारा असा आमचा अमूल्य खजाना....

हा महिलावर्ग आमच्या शेतात वर्षभर काम करतो... त्यामुळेच आम्ही शेतीमध्ये वेगवेगळे नवीन प्रयोग करण्याचं/पीकं घेण्याचं धाडस करू शकतो.....

बहिणाबाई बोलून गेल्या....
"आधी हाताला चटके .. मग मिळते भाकर".....
त्याच धर्तीवर मला म्हणावसं वाटतं ....
"अरे गुलाब पीक....आधी हाताला काटे ....मगच मिळतात डच गुलाबाची हेल्दी export quality फुलं..."

गुलाबाचं cutting,
pruning ,sorting ,
packing हे अतिशय किचकट आणि कष्टाचं काम ... skilled labour गरजेचं.. पण सगळ्या महिला कर्मचाऱ्यांनी ही सर्व कामं झटपट शिकून घेतली....
hand gloves घालून देखील हातातला काटे टोचतातच....तरीही काम अगदी to the perfection....

ह्या महिला कर्मचाऱ्यांमुळेच आम्ही अडीच एकर पॉलिहाऊस मध्ये डच गुलाबाची शेती करण्याचं धाडस करू शकलो....

या आमच्या woman power bankच्या मेहनतीच्या कामाला तुमच्यापर्यंत पोहोचवण्यासाठीच... आज चालू असलेल्या नवीन रोपांच्या प्लांटेशन पासून गुलाबांच्या पॅकिंग पर्यंतच्या सगळा प्रवास व्हिडिओ आणि फोटो रूपामध्ये तुम्हा सगळ्यांसोबत शेअर करत आहे ....

Woman farm labour ला अशा प्रकारे gratitude दाखवावं..... त्यांचा कष्टाचा सन्मान करावा....त्यांच्या कष्टांना जगासमोर आणावं यासाठी नवरात्री चे हे दिवस मला perfect वाटले.....

"NITI FARMS" मध्ये काम करणाऱ्या स्त्री शक्तीला माझा मानाचा मुजरा.....
"NITI FARMS" येथून...
शेतकरी तितिक्षा
२५ सप्टेंबर २०२५

20/08/2025

आज भाटघर धरणातून सोडलेल्या पाण्याचा डोळे दिपवून टाकणारा नजारा....

@"NITI FARMS" we tend to encourage & promote local folks-local trends-local places-local practices....
We believe in "VOCAL FOR LOCAL"...

Due to constant rains over the last couple of days...the dam has crossed it's storage capacity & so water has been released through it's gates....
Niagara falls की beauty एक तरफ....Gokak falls की beauty एक तरफ....
और हमारे Bhatghar Dam की beauty का तो क्या कहना....
This is the best time to see the beauty of water gushing out from Bhatgar Dam....

Promoting & appreciating our local places of beauty....
Team "NITI FARMS"

15/08/2025

भारताच्या स्वातंत्र्य दिनी.....तिरंग्याच्या रंगात रंगून गेलेल्या भाटघर धरणाचा नयनरम्य नजारा...
"NITI FARMS" मधून या देखाव्याचा long shot आनंद घेतला आणि मग धरणालगत उभं राहून तिरंग्याच्या रंगात न्हाऊन गेलो....
Privileged to be farming in such close proximity to Bhatghar Dam...
JAI HIND....
जय जवान-जय किसान
Team "NITI FARMS"

11/08/2025

नमस्कार मंडळी ....
२०२५ चा आज तिसरा श्रावणी सोमवार ....
"NITI FARMS" येथील शंकराच्या पिंडीवर केली आज येथेच पिकवलेल्या गव्हाची सुंदर अशी आरास.....

Doctors - dietitians यांनी केला कितीही जरी gluten free-gluten free चा ओरडा....
आपल्याच शेतात पिकवलेल्या गव्हाचा त्रास नाही होत आम्हाला...

सेंद्रिय- सकस असं गव्हाचं हे पीक....
आपल्या नजरेसमोर पिकलेल्या धान्याचा कसा होईल कुणास त्रास ??

आपल्या शेतात... आपल्या घामाने पिकवलेल्या धान्याचा यावर्षी करायचा ठरवला मान- सन्मान.... म्हणूनच श्रावणी सोमवारी शंकराच्या पिंडीवर केली आज गव्हाचीच आरास....

दर श्रावणी सोमवारी अभिषेक होतो आहे शंकराच्या पिंडीवर... "NITI FARMS" येथील गीर गाईंच्या दुधाचा....
देशी गोवंश जपतो आहे जीवापाड....सेंद्रिय शेतीसाठी हे आहे एक वरदान....

भोलेनाथाला एकच मागणं....
बळ दे बळीराजाला....
Team "NITI FARMS"
११ ऑगस्ट २०२५

04/08/2025

आज २०२५ चा दुसरा श्रावणी सोमवार ....
म्हणूनच "NITI FARMS" येथील शंकराच्या पिंडीवर केली आमच्याच वावरातून गेल्या वर्षी निघालेल्या इंद्रायणी तांदळाची आरास....

"NITI FARMS" येथे आहेत काही वावरं राखीव....
तिथे पिकण्याचा अधिकार आहे... हक्क गाजवतो... फक्त आणि फक्त इंद्रायणी तांदूळ....

यावर्षीच्या भात पिकाची लागवड करताना मागतो देवाकडे एकच दान....
येऊ देत यावर्षीची पिकं दर सालाप्रमाणेच जोमानं....
वर्षभराच्या तांदळाची बेगमी अनेकां घरी होऊ देत छान.....

इंद्रायणी तांदळाला आहे सध्या सर्व तांदळांमध्ये एक वेगळेच स्थान....
वरण असो ....वा असो कटाची आमटी..... सोबत मऊ मऊ वाफाळता भात.....
जेवणाला येते एक वेगळीच शान....

अनेक जणं दरवर्षी बघत असतात "NITI FARMS " येथील इंद्रायणी तांदळाची वाट... त्यासाठीच घालतो आम्ही दरवर्षी भात पिकाच्या लागवडीचा घाट....

आपल्या सोबतच इतरांना देखील मिळावं अन्न पौष्टिक....
नसावी त्यात कोणतीही भेसळ... यासाठीच आमचा इंद्रायणी तांदळाच्या लागवडीचा अट्टाहास....
Team "NITI FARMS"
४ ऑगस्ट २०२५