Samherji

15/09/2026

Glæsilegt Filippseyjakvöld hjá starfsfólki ÚA.

Um 110 starfsmenn og gestir tóku þátt í vel heppnuðu Filippseyjakvöldi á laugardaginn, sem haldið var á vegum starfsmannafélags Útgerðarfélags Akureyringa (STÚA).

Þjóðarkvöld sem þetta eru reglulegur liður í starfi starfsmannafélaga Samherja. Þau hafa meðal annars þann tilgang að styrkja tengsl og varpa ljósi á ólíka menningu.

Hjá ÚA starfa um 30 manns sem eiga uppruna sinn að rekja til Filippseyja. Starfsfólk úr þeim hópi annaðist undirbúning matar- og skemmtikvöldsins sem var allt hið glæsilegasta, með veglegu matarhlaðborði, flottum skreytingum og metnaðarfullum skemmtiatriðum eins og þjóðdönsum og söngvum.

Meðfylgjandi eru nokkrar myndir frá gleðinni sem Sævar Geir Sigurjónsson og Bethsaida Rún Arnarson tóku.

14/09/2026

Vilhelm Þorsteinsson EA-11 kom til Eskifjarðar í morgun með um 950 tonn af síld, sem er fyrsti farmur skipsins á nýhafinni síldarvertíð.

„Þetta er bara mjög góð síld og ætti að vera úrvalshráefni,“ segir Birkir Hreinsson skipstjóri á Vilhelm Þorsteinssyni.

Vilhelm Þorsteinsson EA-11 kom til Eskifjarðar í morgun með um 950 tonn af síld, sem er fyrsti farmur skipsins á nýhafinni síldarvertíð.

09/09/2026

Hefur þú prófað þessa?

Þorskhnakkar í kryddhjúpi með sítrónusmjöri, uppskrift eftir Lindu Benediktsdóttur, þar sem hún notar „Besta bitann af þorskinum“.

„Ef þú ert að leita að fiskrétti sem er bæði einfaldur í gerð og smakkast eins og eitthvað sem þú myndir fá á góðum veitingastað, þá þarftu að prófa þessa þorskhnakka,“ segir Linda.

Fagfólk velur gjarnan þorskhnakka þegar áferð og hreint bragð eiga að njóta sín. Þorskhnakki í kryddhjúpi með sítrónusmjöri, uppskrift eftir Lindu Benediktsdóttur, er réttur sem við ættum ekki að láta fram hjá okkur fara í dag.

04/09/2026

Treyjudagurinn var haldinn í dag, í fyrsta sinn á Íslandi, til stuðnings börnum með krabbamein og fjölskyldum þeirra. Starfsfólk Samherja lét ekki sitt eftir liggja og mátti sjá hinar ýmsu litríku íþróttatreyjur á starfsstöðvum fyrirtækisins í dag.

03/09/2026

„Það má eiginlega segja að húsin fari í slipp, eins og skipin. Þá gefst færi á að sinna viðhaldi, gera breytingar og ráðast í verkefni sem erfitt er að framkvæma á meðan framleiðslan er í fullum gangi. Í sumar voru töluverð umsvif í húsinu, allt að 50 iðnaðarmenn á dag sem unnu að viðhaldi, lagfæringum og uppsetningu nýs tæknibúnaðar,“ segir Sunneva Ósk Guðmundsdóttir, framleiðslustjóri hjá ÚA.

Starfsfólk í landvinnslu Samherja hefur snúið til starfa eftir sumarleyfi og starfsemin er komin á fulla ferð.

27/08/2026

Kveður Samherja á s*xtugsafmælinu eftir 30 ára starf á Laugum.

Guðný Ingibjörg Grímsdóttir starfsmaður hjá fiskþurrkun Samherja á Laugum í Reykjadal lætur af störfum nú um mánaðamótin. Hún hóf störf í fiskþurrkun árið 1996.

„Þá byrjaði ég bara í glenningu og það var ekki eins og í dag, öll þessi færibandavinna sem við þekkjum, heldur var þetta handgert. Svo var ég í afslætti líka og pökkun. Eftir að Samherji tók við þessu þá fór ég fljótlega að sjá um eldhúsið og starfsmannaaðstöðuna. Ég hef verið hér í þessi 30 ár, helming ævinnar, og gengið í nánast öll störf,“ segir Guðný. Auk þess hefur hún gegnt stöðu trúnaðarmanns á vinnustaðnum í um 20 ár.

Efnt var til kaffisamsætis í morgun með starfsfólki á Laugum vegna þessara tímamóta en einnig til að fagna s*xtugsafmæli Guðnýjar sem er í dag. Gestur Geirsson framkvæmdastjóri landvinnslu Samherja þakkaði Guðnýju fyrir langt og gott samstarf.

„Þetta hefur verið frábær vinnustaður í alla staði. Það sem stendur upp úr eru framfarirnar og hvernig tæknin hefur þróast. Frá því ég byrjaði og til dagsins í dag má segja að það hafi verið þrjár kynslóðir vinnslulína. Starfsmannafjöldinn hefur á sama tíma haldist svipaður og ég tel að þessi vinnustaður skipti samfélagið miklu máli. Þannig að ég kveð mjög sátt við þennan tíma,“ segir Guðný Ingibjörg Grímsdóttir.

27/08/2026

Makrílvertíð í fullum gangi. „Þetta eru skemmtilegar veiðar en geta verið krefjandi. Það er svolítið minna af makrílnum núna en áður og hann fer hratt yfir. Makríllinn getur verið brögðóttur, blossar upp og svo sjáum við ekki neitt í langan tíma. Það getur því verið áskorun að finna hann,“ segir Guðmundur Þ. Jónsson skipstjóri á Vilhelm Þorsteinssyni.

Vilhelm Þorsteinsson EA 11, uppsjávarskip Samherja, kom til Neskaupstaðar í gær með um 700 tonn af makríl. Makrílvertíðin er vel á veg komin og hefur gengi

21/08/2026

Jón Þór Kristjánsson hefur verið ráðinn verkefnastjóri upplýsingamiðlunar hjá Samherja.

"Ég er fullur tilhlökkunar að taka þátt í starfseminni enda mörg spennandi verkefni í undirbúningi innan félagsins sem kalla á markvissa miðlun og samskipti,“ segir Jón Þór Kristjánsson.

Karl Eskil Pálsson sem hefur séð um upplýsingamiðlun Samherja lætur af störfum vegna aldurs.

Jón Þór Kristjánsson hefur verið ráðinn verkefnastjóri upplýsingamiðlunar hjá Samherja. Jón Þór er með BA í stjórnmálafræði frá Háskóla Íslands og með

20/08/2026

Fullfermi í fyrsta túr sem skipstjór:

Togari Samherja, Harðbakur EA 3, landaði í gærkvöld fullfermi sem fer til vinnslu í landvinnslum félagsins á Akureyri og Dalvík. Skipstjóri var Lýður Valgeir Jóhannesson og var þetta hans fyrsta veiðiferð sem skipstjóri.

„Ég fékk fékk hringingu með nokkurra daga fyrirvara og viðurkenni fúslega að eftir símtalið varð ég nokkuð stressaður við tilhugsunina um að bera fulla ábyrgð á áhöfninni og skipinu. Þegar um borð var komið róaðist hugurinn, enda Harðbakur mjög gott skip og áhöfnin frábær og samheldin,“ segir Lýður.

Lestu nánar um þetta skemmtilega mál með því að smella á fréttina:

Togari Samherja, Harðbakur EA 3, landaði í gærkvöld fullfermi sem fer til vinnslu í landvinnslum félagsins á Akureyri og Dalvík. Skipstjóri var Lýður Valge

12/08/2026

Áhöfn Kaldbaks fylgdist með sólmyrkvanum frá Halamiðum:

Áhöfn togara Samherja, Kaldbaks EA 1 fylgdist með sólmyrkvanum frá Halamiðum, norð-vestur af Ísafjarðardjúpi. Hlé var gert á veiðum til að fylgjast með sólmyrkvanum, þessu afar sjaldgæfa náttúrufyrirbrigði.

Veiðiferð Kaldbaks hófst í gær og stefnan sett vestur, eins og venjulega á þessum árstíma. Oddur Jóhann Brynjólfsson skipstjóri segir að auk hefðbundins kosts hafi að þessu sinni verið bætt við sólmyrkvagleraugum.

„ Við gerðum hlé á veiðum og fylgdumst með þessu magnaða náttúrufyrirbrigði sem náði hámarki um klukkan korter í s*x. Fæstir okkar koma til með að upplifa þetta aftur á lífsleiðinni, þótt skyggnið hefði vissulega mátt vera betra. Hérna er þoka en það dimmdi vel í um tvær mínútur og birti á nýjan leik hröðum skrefum. Ég var í brúnni og tók eftir því að dýptarmælirinn sýndi ekkert líf í sjónum rétt fyrir sjálfan almyrkvann og þannig var það þar til birti á nýjan leik.

Við fengum meðfylgjandi myndir frá áhöfninni, kærar þakkir.