Hagar

08/09/2026

Vildarkerfi Takk hefur nú tekið breytingum sem gefa vildarvinum fleiri tækifæri til að fá meira til baka þegar þeir versla í Bónus og Hagkaup.

Breytingarnar eru liður í áframhaldandi þróun Takk og byggja meðal annars á reynslu fyrstu mánaða, endurgjöf frá viðskiptavinum og auknum áhuga birgja á samstarfi við vildarkerfið.

Með breytingunum fjölgar bæði þeim vörum og vöruflokkum sem gefa Takk krónur.

Í Hagkaup eru nú fjölmargir vöruflokkar með fasta söfnun, meðal annars snyrtivörur, vítamín og fæðubótarefni og ýmsir flokkar sérvöru, líkt og leikföng, fatnaður og skór og búsáhöld. Samhliða hafa ný Topp tilboð verið kynnt í bæði Bónus og Hagkaup sem gefa hæstu söfnun hverju sinni.

Nánar má lesa um breytingarnar og þróun vildarkerfisins hér:

Vildarkerfi Takk hefur nú tekið breytingum sem gefa vildarvinum tækifæri til að fá meira til baka þegar þeir versla í Bónus og Hagkaup. Með breytingunum fjölgar bæði þeim vörum og vöruflokkum sem gefa Takk krónur til baka og þar með tækifærum vildarvina til að fá meira til ba...

14/08/2026

Fyrstu áhrif innkaupasamstarfs Haga og Salling Group eru farin að skila sér í lægra verði og auknu vöruúrvali fyrir íslenska neytendur.

Yfir 600 vörur frá Salling eru nú komnar í hillur Bónus og Hagkaups og eru þær að meðaltali á meira en 15% lægra verði en sambærilegar vörur sem fyrir voru. Í mörgum tilfellum er verðmunurinn töluvert meiri.

Samstarfið hefur jafnframt gert Högum kleift að auka vöruúrval í ákveðnum flokkum, meðal annars í lífrænum og umhverfismerktum vörum.

Vörum frá Salling mun halda áfram að fjölga í verslunum Bónus og Hagkaups á næstu mánuðum og verður úrvalið fljótlega komið yfir 1.000 vörur.

Með samstarfinu við Salling Group höldum við áfram að sækja tækifæri til að tryggja viðskiptavinum okkar betra verð, aukið úrval og góð gæði.

Vörur frá Salling Group eru að koma inn á íslenskan markað á yfir 15% lægra verði en sambærilegar vörur sem fyrir voru.

30/04/2026

Níu íslensk frumkvöðlaverkefni í matvælaframleiðslu hafa hlotið styrki frá Uppsprettunni, nýsköpunarsjóði Haga, til að vinna að nýsköpun í matvælaiðnaði.

https://www.hagar.is/um-haga/frettir/almennar-frettir/hagar-styrkja-niu-frumkvodlaverkefni-i-matvaelaframleidslu/

22/04/2026

Við þökkum kærlega fyrir komuna á fyrsta viðburð Haga miðla.
Viðburðurinn var sá fyrsti sinnar tegundar á Íslandi þar sem fjallað var um smásölumiðlun (e. retail media) einn hraðast vaxandi auglýsingamiðil heims.
Við vonum að erindin og umræður hafi veitt gagnlega innsýn í þau fjölmörgu tækifæri sem felast í smásölumiðlun.
Áhugasamir geta kynnt sér málið nánar á hagarmidlar.is eða haft samband á [email protected]

21/04/2026

200 manns sóttu fyrsta viðburð Haga miðla á Grand Hótel Reykjavík, „Í AUGSÝN viðskiptavina í verslun“, þar sem fjallað var um smásölumiðlun (e. retail media).

Á dagskrá voru erindi og pallborðsumræður með sérfræðingum úr smásölu og markaðsgeiranum. Meðal fyrirlesara voru Kathrine Rønhof Karstensen frá Matas Media, Finnur Oddsson, forstjóri Haga, og Sesselía Birgisdóttir, forstöðumaður Haga miðla, sem kynnti nýja þjónustu félagsins.

Við þökkum kærlega fyrir komuna og vonum að erindin og umræður hafi veitt gagnlega innsýn í þau fjölmörgu tækifæri sem felast í smásölumiðlun. Hagar hafa nú opnað fyrir þjónustu Haga miðla, sem sérhæfir sig í smásölumiðlun í verslunum félagsins. Áhugasamir geta kynnt sér málið nánar á https://lnkd.in/dVN7C7X5 eða haft samband á [email protected].

16/04/2026

Hagar eru komnir í innkaupasasamstarf við danska smásölufyrirtækið Salling Group, sem er stærsti aðilinn á dagvörumarkaði í Danmörku. Samstarfið með Salling Group býður upp á fjölda tækifæra og gerir Högum kleift að bjóða landsmönnum upp á lægra verð, aukið vöruúrval, og enn betri gæði en fyrr í verslunum félagsins.

Með samstarfinu fá verslanir Bónus og Hagkaups m.a. aðgang að breiðu vöruúrvali Salling Group, en félagið rekur yfir 2.100 verslanir í Danmörku, Þýskalandi, Póllandi og Eystrasaltslöndunum. Á heimamarkaði Salling í Danmörku rekur félagið þekktar verslunarkeðjur, svo sem Netto, føtex og Bilka, auk þess að reka Netto víðar í Evrópu og Rimi í Eystrasaltslöndunum.

Fram kemur í til­kynningu frá Högum að með sam­starfinu fái Bónus og Hag­kaup að­gang að breiðu vöruúr­vali frá Salling Group, sem rekur meira en 2.100 verslanir í Dan­mörku.

15/04/2026

Frábærar viðtökur hafa verið við viðburð Haga sem ber yfirskriftina "Í augsýn viðskiptavina í verslun" og er nú uppbókað á viðburðinn.

Áhugasamir geta skráð sig á biðlista á vefsíðunni hagarmidlar.is.

Um er að ræða fyrsta viðburð sinnar tegundar á Íslandi þar sem fjallað verður um smásölumiðlun (e. retail media), einn hraðast vaxandi auglýsingamiðil heims. Á dagskrá eru fjölbreytt erindi og pallborðsumræður þar sem sérfræðingar úr smásölu- og markaðsgeiranum miðla reynslu sinni og þekkingu.

Einnig munu Hagar kynna nýja þjónustu Haga miðla og þau tækifæri sem hún skapar fyrir auglýsendur.

Í Augsýn viðskiptavina — Viðburður Haga · 17. apríl 2026

Kynningarviðburður þar sem farið er yfir nýja leið Haga til miðlunar í verslun. 17. apríl 2026, Grand hótel.