12/08/2026
Sólmyrkvapylsur – nýjung frá SS
Í tilefni sólmyrkvans 12. ágúst kynnir SS til leiks einstaka nýjung: Sólmyrkvapylsur, sérstaklega gerðar til að njóta á meðan sólmyrkvinn gengur yfir.
Sólmyrkvapylsurnar eru svartar að lit, litaðar með SMOKKFISKBLEKI (LINDÝR), og kryddaðar með chili, lauk, pipar og hvítlauk. Útkoman er bragðgóð og öðruvísi pylsa sem passar vel við þennan einstaka viðburð.
Pylsurnar verða framleiddar í mjög takmörkuðu upplagi og því um að gera að grípa þær á meðan þær fást.
Sólmyrkvapylsurnar eru hluti af Nýjung meistarans frá SS. Undir merkjum Nýjung meistarans koma reglulega nýjar og spennandi pylsur, þar sem pylsuunnendum gefst tækifæri til að prófa ólíkar bragðsamsetningar og nýjungar.
Sólmyrkvapylsurnar eru fáanlegar í Bónus.
