The Doctor in the Kitchen

11/09/2026

Fórum á FALLOW í tilefni 27 ára brúðkaupsafmælis. FALLOW hefur slegið í gegn á youtube og ég hef fylgst náið með. Virkilega gaman. Fengum maisrif, nautarif, kartöfluköku með eggi og blóðmör, makríl í n’djuja, sveppaparfait og bláskel. Maturinn var frábær, staðurinn pakkaður, kokkarnir í stuði og þjónustan frábær. Mæli með!

05/09/2026

Fékk sænska sjálfstætt starfandi lækna í heimsókn. Það var gaman að deila reynslusögum en við deilum mörgu í okkar starfsumhverfi. Eftir að hafa varið deginum saman buðu þau mér á Fiskifélagið. Við fengum sólkola með kavíar og kaperssósu, fiskibollur, túnfisk, sushi og margt fleira. Maturinn var einstaklega góður og þjónustan til fyrirmyndar!

01/09/2026

Taco Tuesday?

Hvernig væri best að þýða þetta?

Ég reyni að elda fisk tvisvar í viku - auðvitað ætti ég að gera það oftar - sérstaklega núna þegar við búum á Íslandi og aðgengi að spriklan...

31/08/2026

Fiskur er góður matur! Þessi uppskrift er einkar ljúffeng.

Þessi réttur er ljómandi - hann er fljótlegur, einfaldur og að auki er lítill frágangur þar sem hann er allur eldaður í einni pönnu. Ég h...

30/08/2026

Á svona degi þarf eitthvað fæði fyrir sálina. Haustlegur og bragðríkur réttur!

Fyrir tveimur vikum skrapp ég í hádegisverð á Fjallkonuna niðri í miðbæ. Átti góðan fund með tveimur kollegum þar sem við fórum yfir verke...

27/08/2026

Þetta er einn af mínum uppáhaldsfiskréttum. Ofngrillaðir þorskhnakkar með ólífu, hvítlauks, kapers, sólþurrkuðutómats smjöri. Sælgæti. Prófaði að nota marokkóskt fiskikrydd á fiskinn frá - virkilega gott! Gerði grófa kartöflumús úr nýjum kartöflum, spínati, hvítlauk og steinselju. Salat með! Veisla á virkum degi!

19/08/2026

Við fórum á matreiðslunámskeið rétt fyrir utan Ostuni í Puglia í gærkvöldi - lærðum að gera foccacia, orichette pasta og ferskan ost. Svo var spiluð tónlist og okkur kennt að dansa ítalskan tarantella dans - svo var sest niður og snæddur kvöldverður á langborði með 40 manns - allra þjóða kvikindi :) - fullt af dásamlegu antipasti, foccacia auðvitað og orichette með tómatsósu, kökur og limoncello í eftirrétt - nýir vinir og ævintýri - ógleymanlegt kvöld! Alesia Suite

18/08/2026

Fórum í bæinn í gærkvöldi og settumst á veitingahús. Gatan er skreytt textanum úr laginu Volare (“Nel blu, dipinto di blu”) eftir söngarann Domineco Modugno en hann er frá Poligniano a mare. Ég fékk mér Spaghetti a’la assassina (morðingapasta) og Snædís fékk sér innbökuð hrísgrón með bláskel. Morðingapasta er frá Bari og er frábrugðið hefðbundnum pastaréttum að spaghettíið sjálft er eldað í chilli og hvítlauksbættri tómatsósu frá grunni. Það karmelliserast í sósunni og brúnast og áferðin verður fjölbreyttari. Primotivo frá Puglia með (4,3 á Vivino - 25 evrur - fjandans ESB) Sælgæti!

17/08/2026

Við komum til Polligniano a mare í gær og gistum á krúttlegu hóteli í jaðri bæjarins. Fórum á steikhús í gærkvöldi og fengum bombettur (fylltar kjötsneiðar), pylsur, nautasteik og gæddum okkur á negroamaro rauðvíni. Sælgæti!

15/08/2026

Pittstopp í Pescara á austurströnd Abruzzo á Ítalíu á leið okkar til Puglia. Kom hingað seinast 2019 en var þá í sveitunum í kring. Bærin er dáldið skruffí en hérna eru langar hvítar strendur sem fólk sækir í. Snæddum kvöldverð á Taverna 58 og fengum panzanella, timpalo, baunir og grænmeti, nautasteik og langeldað kálfarif. Staðurinn hefur endurtekið verið nefndur í Michelin fyrir elda alvöru Abbrúsískan mat. Ljúffengur sveitamatur!