Amal's meal prep

22/10/2023

المضحك المبكي ... نفس الكلام بصياغات مختلفة ... و نتيجة واحدة ... صفر للشعب الفلسطيني واحد للمواقف الدولية
عالم جبان نفعي منافق

18/10/2023

الحل الوحيد لتخفيف الوجع
انه اكون هناك و انقصف و ما يضل مني شي ينحط بكيس

12/10/2023

فإذا العروبة أشركت و تصهينت و تأمركت ...
اقرأ على الحرية السلام

04/07/2023

10/03/2023

يأخذك الأزرق في رحلة تمتد من مياه المتوسط الضحلة الى اعماقه الفيروزية المجهولة كتاريخ المدينة الحزين تموت دائما لتعيش عبر طائر الفينيق القادم من ثوران مينون....هو ازرق سانتوريني.
أسم اللوحة: أزرق سانتوريني
تفاصيل اللوحة: قطع من خشب السويد تم قصها وتشكيلها يدويا بشكل كامل. تم تلوين القطع الخشبية باستخدام الألوان المائية بدرجات الأزرق وتثبيتها على لوح خشب لاتيه بقشرة البلوط الطبيعي. تظهر عيوب الخشب الطبيعية والألوان لإضفاء لمسة من البساطة على اللوحة.
الابعاد: 74 سم * 121سم
السعر : ٤٠٠ دينار
The blue takes you on a journey from the shallows of the Mediterranean to its unknown turquoise depths, echoing the history of the eternal city, ever dying to live again through the rising phoenix from the Minoan eruption.... it is the blue of Santorini.
Art name: Blue of Santorini
Details: Pieces of pine wood, completely cut and shaped by hand and painted with watercolors in shades of blue and mounted on a plywood board with natural oak veneer. The natural wood imperfections and colors appear to give the board a rough touch.
Dimensions: 74 cm X 121 cm
Price: 400 jd

24/11/2019

كيكة الشوكولاتة السوبر ايزي
وصفتنا اليوم كيكة شوكولاتة... كتير في وصفات كيكة شوكولاتة بس هاي الوصفة ميزتها انها سهلة كتير بتزبط مع الكل طرية و مليانة شوكولاته سريعه كتير يعني ممكن نعملها و ناكلها خلال اقل من ساعه و ما بتطلع من وراها جلي و هاد الاشي مهم كتير خلص لما بنكون مستعجلين و حابين ناكل شي حلو بعد الغدا و طالعه روحنا من حلي الغدا اكيد مش ناقصنا جلي و آخر شغله انه ممكن نعملها بالخلاط الكهرباء او بخفاقة يدوية بتزبط دايما و مع الاكل
الوصفه مكونة من ٣ أجزاء الكيكة و الصوص الي بنشرب فيه الكيكة و الصلصة على الوجه ممكن نستغني عن آخر جزءين و برضو الكيكة بتشهي بدون اشي ... جهزوا اغراضكم الي موجوده دايما عنا و يلا نعمل كيكة الشوكولاته السوبر ايزي
مقادير الكيكة
٢ بيض
٢ م ص فانيلا
نص كوب حليب
نص كوب لبن
نص كوب زيت ذرة
٢ كوب طحين
١ و نص كوب سكر
٢ م ص بيكنغ باودر
١ م ص بيكنغ صودا
ثلاث ارباع كوب كاكاو
١ كوب ماء مغلي
مقادير الصوص
١ كوب حليب
٢ م ص نسكويك
الصلصة الي على وجه الكيكة
١ علبة قشطة
١ كوب نوتيلا
طريقة العمل
بتحمي الفرن ١٨٠ قبل ما نبدأ شغل و بنحط الرف بالنص
بصحن غميق بنخلط كل المكونات مع بعض ما عدا الماء المغلي بنخفق بخفاقة يدوية او بالخلاط لمدة ٥ دقائق بعدين بنضيف الماء المغلي و بنخفق كمان دقيقة بنوقف خلط و بنتاكد انه كل الجوانب نزلت و تجانست مع خليط الكيك و نخلط كمان دقيقة
بندهن صينية بايركس بسمنة او زبدة و الصينية هاي هي نفسها الي بنقدم الكيكة فيها لأنه ما رح ننقلها عشان هيك اذا كان عنا ضيوف بنحاول نختار طبق فرن حلو
بنحط خليط الكيك بالبايركس و بنخبزها بالفرن لمدة ٤٠ دقيقة بعد ٣٠ دقيقة ممكن نفقدها بعود اذا طلع ناشف بتكون الكيكة جاهزة بنطلعها من الفرن ممكن نتركها تبرد و ممكن نشربها و هي سخنة و ممكن ناكلها دغري
عشان نشربها بنستعمل عود و بنعمل فيها ثقوب كتير بندوب ٢ م ص نسكويك بكأس حليب منيح و بنشرب الكيك فيها و هلا لازم نتركها تبرد
لتحضير الصوص بنخلط علبة قشطة صغيرة مع كوب نوتيلا طري بنخفق منيح بس تبرد الكيكة بندهن الوجه
التزيين
ممكن تزينها بكتير طرق يعني اذا عنا عيد ميلاد ممكن نستعمل sprinkles و ممكن شوكولاتة بيضاء مبروشة و ممكن مكسرات و جوز هند حسب ذوقكم
انا زينتها بشوكولاته بيضاء ذايبة مع م ك حليب و عملت خطوط
يا ربي تجربها و تعجبكم لأنها عنجد كتير زاكية و فخمة
#كيكة #شوكولاتة #نوتيلا #حلويات #كيك #شوكلت #نسكويك #شوكولا

14/11/2019

قراص العيد... بيشتهر فيها اهل فلسطين و الأردن... عنا بالأردن بنعملها صباح العيد و ريحة حواجة الكعك و زيت الزيتون بتخلي جو العيد دافي و لذيذ... طبعا انا ما بلتزم بأنه بس اعملها بالعيد... كتير بتناسب فطور يوم الجمعة مع لمة العيلة بنغمسها باللبنة و الجبنة النابلسية و ما احلاها مع الزيت و زعتر
هاي طريقتي بالتفصيل تعلمتها من أمي يخليلي اياها و يخليكم امهاتكم و كل حبايبكم
مقادير العجينة
٣ كوب طحين
نص كوب زيت زيتون
نص كوب حليب بودرة
٣ ملعقة كبيرة سمسم
٢ ملعقة كبيرة حبة البركة
١ ملعقة كبيرة يانسون حب
١ ملعقة صغيرة ملح
١ ملعقة كبيرة سكر
٢ ملعقة كبيرة حواجة كعك
١ و نص ملعة صغيرة خميرة مع ١ ملعقة صغيرة سكر مذوبين بكأس ماء دافئ و ليس ساخن
اول شي بنجهز الخميرة و بنتركها تتفاعل
بنخلط كل المكونات الجافة و بعدين بنضيف زيت الزيتون و بنبس الطحين مع الزيت لينخلط منيح و يتشرب الطحين كل الزيت و بعدين بنضيف الماء و الخميرة و بنعجن منيح لازم تكون العجينة شوي طرية عشان يطلعوا الأقراص طريين
بنغطي العجينة بقطعة قماش و بنتركها تخمر بدها تقريبا ساعه
بنشغل الفرن على حرارة ٢٠٠ و بنحط الرف تحت لازم يكون الفرن محمى منيح عشان ما تشتغل الخميرة منيح و ما يطلعوا الأقراص قاسيين.. بنقطع العجينة لكرات كبيرة... ٣ كاسات طحين بيعطوكي ٥ كرات عجين و بنتركها ترتاح ١٠ دقايق بندهن صينية الخبز بزيت الزيتون و بنجيب قالب الأقراص... قالب الأقراص بيكون بالأصل خشب و ممكن يجي بلاستيك بس الأصل يكون خشب عشان تطلع النقشة واضحة... بندهنه بزيت الزيتون منيح و بنفرد العجينه عليه و بنضغط عشان تطلع النقشة واضحة بنصفه بصينية مدهونة زيت زيت زيتون و بنخبزه بده تقريبا ١٠ دقايق إلى ربع ساعه و بنحمره من فوق أو بنقلبه أثناء الخبز عشان يتحمر اول ما يطلع من الفرن بندهنه زيت زيتون عشان يتشرب الزيت و يضل طري... بنقدمه جنب اللبنة و الجبنة البيضا و يا عيني على كاس شاي بالنعناع... صحتي و عافية على قلبكم #زيتون #فلسطين #الاردن #شاي #خبز #عجين

16/10/2019

كرنكل كوكيز،حد بقدر يقاوم طعمه 😍crinkle cookies #أملز #حلويات #سلطات #مقبلات #منسف #مقلوبة #عزايم #معجنات #دوالي #تاكو #يلنجي