10/10/2026
នាព្រឹកថ្ងៃទី១០ ខែតុលា ឆ្នាំ២០២៦ ក្រុមហ៊ុន អង្គរ ឌែរី ប្រូដាក ខូ អិលធីឌី ពិតជាមានកិត្តិយស និងសេចក្តីសោមនស្សរីករាយក្រៃលែងដែលបានអញ្ជើញស្វាគមន៍វត្តមានដ៏ខ្ពង់ខ្ពស់របស់ ឯកឧត្តម ឡេ មិញ ហ៊ឹង នាយករដ្ឋមន្ត្រីនៃសាធារណរដ្ឋសង្គមនិយមវៀតណាមសម្រាប់ដំណើរទស្សនកិច្ចសង្វាក់ផលិតកម្មរបស់រោងចក្រផ្ទាល់។
គួរបញ្ចាក់ថាក្រុមហ៊ុន អង្គរ ឌែរី ប្រូដាក ខូ អិលធីឌី គឺជារោងចក្រផលិតផលិតផលទឹកដោះគោម៉ាក អង្គរមីល មានទីតាំងស្ថិតនៅតំបន់សេដ្ធកិច្ចពិសេសភ្នំពេញដែលត្រូវបានបង្កើតទ្បើងតាំងពីឆ្នាំ២០១៥មកម្ល៉េះ ដែលបច្ចុប្បន្នបានផ្តល់ការងារដល់កម្មករនិយោជិតជាង ៦០០នាក់ និងគាំទ្រអាជីវកម្មជាង ៥០,០០០អាជីវករ ទូទាំងប្រទេស។ ក្រុមហ៊ុនក៏កំពុងបម្រើអតិថិជនជាង ៣លាននាក់ ជាមួយផលិតផលទឹកដោះគោដែលមានគុណភាព និងសុវត្ថិភាពខ្ពស់។
១០ឆ្នាំ អង្គរមីលមានវត្តមាននៅកម្ពុជា 🇰🇭
------------------------------------
