អយ្យការអមសាលាដំបូងខេត្តតាកែវ

  • Home
  • Cambodia
  • Phnom Penh
  • អយ្យការអមសាលាដំបូងខេត្តតាកែវ

អយ្យការអមសាលាដំបូងខេត្តតាកែវ ឆន្ទាគតិ ទោសាគតិ មោហាគតិ ភយាគតិ

ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ បានអញ្ជើញចូលរួមក្នុង ពិធីកាន់បិណ្ឌ៤ នៅ វត្តមង្គលមានលក្ខណ៍...
30/09/2026

ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ បានអញ្ជើញចូលរួមក្នុង ពិធីកាន់បិណ្ឌ៤ នៅ វត្តមង្គលមានលក្ខណ៍ នៅភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ខេត្តតាកែវ។
===========
ស្រុកត្រាំកក់៖ ថ្ងៃពុធ ៤រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកញ្ញា ឆ្នាំ២០២៦ ឯកឧត្តម ធាម ច័ន្ទពិសិដ្ឋ ប្រធានសាលាដំបូងខេត្តតាកែវ និងឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ ព្រមទាំងលោក-លោកស្រីចៅក្រម លោក-លោកស្រីព្រះរាជអាជ្ញារង និងមន្ត្រីរដ្ឋបាល បានអញ្ជើញចូលរួមក្នុងពិធីរាប់បាត្រ និងវេរភត្តាហារប្រគេនព្រះសង្ឃ ក្នុងឱកាសពិធីកាន់បិណ្ឌវេនទី៤ នៅវត្តមង្គលមានលក្ខណ៍ ស្ថិតក្នុងភូមិត្រពាំងស្វាយ ឃុំត្រពាំងធំខាងជើង ស្រុកត្រាំកក់ ខេត្តតាកែវ។
នៅក្នុងឱកាសនោះដែរ ឯកឧត្តម និងប្រតិភូរួមដំណើរ បាននាំយកទេយ្យទាន និងបច្ច័យមួយចំនួនប្រគេនដល់ព្រះសង្ឃ និងជូនដល់លោកតាអាចារ្យ លោកយាយជី ដូចជា៖
1. អង្ករ ១ បេ (តម្លៃ ៨០,០០០ ៛)
2. តែស្ទឹង ២ កេស (តម្លៃ ៦០,០០០ ៛)
3. ទឹកត្រី ១ យួរ (តម្លៃ ១៥,០០០ ៛)
4. ទឹកស៊ីអ៊ីវ ១ យួរ (តម្លៃ ១៥,០០០ ៛)
5. ត្រីខ ២ យួរ (តម្លៃ ៥០,០០០ ៛)
6. មីជាតិ ២ កេស (តម្លៃ ៤០,០០០ ៛)
7. ខោអាវលោកតាអាចារ្យ និងលោកយាយជី ៣០ កំផ្លេ (តម្លៃ ៦០០,០០០ ៛)
8. អាវយឺត៣០ (តម្លៃ ៣០០,០០០៛)
9.បច្ច័យប្រគេនព្រះសង្ឃ ២១ អង្គ (ថវិកា ១,៩០០,០០០ ៛)
10. បច្ច័យឧបត្ថម្ភអាហារសម្រាប់វេនទី៤ (ថវិកា ៥០០,០០០ ៛)
សរុបថវិកា និងទេយ្យទានទាំងអស់ចំនួន៖ ៣,២៦០,០០០ ៛
ក្នុងឱកាសនោះដែរ ឯកឧត្តម ក៏មានមតិសំណេះសំណាលជាមួយពុទ្ធបរិស័ទ ដោយបានផ្តាំផ្ញើឱ្យឪពុកម្តាយ និងអាណាព្យាបាលទាំងអស់ យកចិត្តទុកដាក់តាមដាន អប់រំណែនាំកូនចៅឱ្យជៀសឆ្ងាយពីគ្រឿងញៀន និងអំពើអបាយមុខផ្សេងៗ ដើម្បីក្លាយជាពលរដ្ឋល្អនៅក្នុងសង្គម។
ការអញ្ជើញចូលរួមក្នុងពិធីបុណ្យនេះ ធ្វើឡើងដើម្បីចូលរួមថែរក្សាប្រពៃណីសាសនាជាតិ និងឧទ្ទិសកុសលដល់វិញ្ញាណក្ខន្ធបុព្វការីជន ព្រមទាំងបួងសួងសុំសេចក្តីសុខសេចក្តីចម្រើនដល់កងកម្លាំងទាំងអស់។

ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ បានអញ្ជើញចូលរួមក្នុង ពិធីកាន់បិណ្ឌវេនទី១ ===========ខេត្ត...
27/09/2026

ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ បានអញ្ជើញចូលរួមក្នុង ពិធីកាន់បិណ្ឌវេនទី១
===========
ខេត្តបាត់ដំបង (ភូមិកោះចារ-ភូមិរលួស)៖ ថ្ងៃអាទិត្យ ១រោច ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែកញ្ញា ឆ្នាំ២០២៦, ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ និងលោក ហ៊ឹម វ៉ិចតេលា ប្រធាននាយកដ្ឋានអាជ្ញាសាលានៃក្រសួងយុត្តិធម៌​ ព្រមទាំងសហការីបានអញ្ជើញចូលរួមក្នុង ពិធីកាន់បិណ្ឌនៅ ១-វត្តទឹកជុំមានជ័យ (ហៅវត្តកោះចារ) ស្ថិតនៅភូមិកោះចារ ឃុំមោង ស្រុកមោងឬស្សី ខេត្តបាត់ដំបង។ ២-វត្តសោឡសមង្គល (ហៅវត្តរលួស)​ ស្ថិតនៅភូមិរលួស ឃុំមោង ស្រុកមោងឬស្សី ខេត្តបាត់ដំបង។
•ក្នុងនោះ​ ឯកឧត្តម ផូវ សំភី បានចូលរូមថវិការចំនួន ១,០៤០,០០០៛ ដេីម្បីរាប់បាត ប្រគេនទេយ្យទាន និងនាំយកបច្ច័យមួយចំនួន (រួមមាន បច្ច័យវេនទី១ បច្ច័យកសាងវត្ត និងបច្ច័យប្រគេនព្រះសង្ឃ) វេរប្រគេនដល់ព្រះសង្ឃជាកិច្ចកសាងកុសល។
បន្ថែមពីលើការចូលរួមក្នុងពិធីកាន់បិណ្ឌក្រុមការងារក៏បាននាំយកសម្ភារៈមួយចំនួនមកចែកជូនដល់ប្រជាពលរដ្ឋជាពុទ្ធបរិស័ទ រួមមាន៖
• សម្លៀកបំពាក់តាជី និងដូនជី ៣០កំប្លេស្មើ ៦៦០,០០០រៀល
• ភួយ ១០០ ស្មើ ២,០០០,០០០រៀល
•ស្បែកជើង ១០០គូ ស្មើ ២,០០០,០០០រៀល។
សរុបចំណាយលើសម្ភារៈ= ៦,៦៦០,០០០រៀល
​ សរុបចំណាយទាំងអស់៖ ៨,៩៥៩,០០០ រៀល ។

តាកែវ៖ ថ្ងៃពុធ ១២កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៣ ខែកញ្ញា ឆ្នាំ២០២៦ ឯកឧត្តម លឹម សុគន្ថា អគ្គព្រះ...
23/09/2026

តាកែវ៖ ថ្ងៃពុធ ១២កើត ខែភទ្របទ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៣ ខែកញ្ញា ឆ្នាំ២០២៦ ឯកឧត្តម លឹម សុគន្ថា អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ភ្នំពេញ តំណាងដ៏ខ្ពង់ខ្ពស់ ឯកឧត្តម អ៊ុក សាវុធ អគ្គព្រះរាជអាជ្ញា នៃមហាអយ្យការអមសាលាឧទ្ធរណ៍ភ្នំពេញ បានដឹកនាំគណៈប្រតិភូ ចុះធ្វើអធិការកិច្ចនៅអយ្យការអមសាលាដំបូងខេត្តតាកែវ។
ពិធីនេះមានការចូលរួមពី ឯកឧត្តមប្រធានសាលាដំបូង, ឯកឧត្តមព្រះរាជអាជ្ញា, អនុប្រធានសាលាដំបូង, លោកអភិបាលរងខេត្តតាកែវ, លោក លោកស្រីព្រះរាជអាជ្ញារង, លោក លោកស្រីចៅក្រម, ប្រធានលេខាធិការដ្ឋានសាលាដំបូង, ក្រឡាបញ្ជី, កងកម្លាំងនគរបាលយុត្តិធម៌ និងតំណាងមន្ទីរ-អង្គភាពពាក់ព័ន្ធជុំវិញខេត្ត។
​ ការចុះធ្វើអធិការកិច្ចនេះ ផ្តោតលើគោលបំណងសំខាន់ៗដូចជា៖
- ពិភាក្សាលើភាពយឺតយ៉ាវនៃសំណុំរឿង និងបញ្ហានីតិវិធី (បច្ចេកទេសអនុវត្ត បញ្ហាប្រឈម និងដំណោះស្រាយ)
- ពិនិត្យសំណុំរឿង និងសៀវភៅបញ្ជីរបស់អយ្យការអមសាលាដំបូងខេត្តតាកែវ​ ប្រចាំឆ្នាំ២០២៦
-​ ពិនិត្យសៀវភៅបញ្ជីរបស់ស្នងការដ្ឋាននគរបាលខេត្តតាកែវ ប្រចាំឆ្នាំ២០២៦
-​ ពិនិត្យសៀវភៅបញ្ជីរបស់បញ្ជាការដ្ឋានកងរាជអាវុធហត្ថខេត្តតាកែវ ប្រចាំឆ្នាំ២០២៦
- ចុះត្រួតពិនិត្យស្ថានភាពទូទៅនៅពន្ធនាគារខេត្តតាកែវ​។
​ អង្គប្រជុំបានប្រព្រឹត្តទៅ និងបញ្ចប់ដោយលទ្ធផលផ្លែផ្កាយ៉ាងល្អប្រសើរ ព្រមទាំងទទួលបានអនុសាសន៍ណែនាំសំខាន់ៗ ដើម្បើយកទៅអនុវត្ត ពន្លឿននីតិវិធីអោយកាន់តែមានភាពរហ័ស និងយុត្តិធម៌កាន់តែមានប្រសិទ្ធភាពខ្ពស់។

តាកែវ: នៅព្រឹកថ្ងៃព្រហស្បតិ៍ ៦កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦ សាលាដំបូង...
17/09/2026

តាកែវ: នៅព្រឹកថ្ងៃព្រហស្បតិ៍ ៦កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៧ ខែកញ្ញា ឆ្នាំ២០២៦ សាលាដំបូង និងអយ្យការអមសាលាដំបូងខេត្តតាកែវ បានចូលរួមក្នុងពិធីដុតបំផ្លាញបារីក្លែងម៉ាក និងសម្ភារ:ពាក់ព័ន្ធ ក្រោមអធិបតីភាពដ៏ខ្ពង់ខ្ពស់ ឯកឧត្តមអភិសន្ដិបណ្ដិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ នគរបាលខេត្តតាកែវ កងរាជអាវុធហត្ថខេត្តតាកែវ សមត្ថកិច្ចពាក់ព័ន្ធ និងតំណាងក្រុមហ៊ុនម្ចាស់ម៉ាកពាក់ព័ន្ធបានប្រតិបត្តិការបង្ក្រាបជាក់ស្តែងនៅទីតាំងរោងចក្រមួយកន្លែង និងឃ្លាំងស្តុកមួយកន្លែង ស្ថិតនៅសង្កាត់រការក្រៅ ក្រុងដូនកែវ ខេត្តតាកែវ កាលពីថ្ងៃទី១២ ខែមិថុនា ឆ្នាំ២០២៦ ដែរបានបង្ក្រាបនៅក្នុងភូមិសាស្ត្រខេត្តតាកែវ ។ ពិធីនេះប្រព្រឹត្តទៅនៅភូមិត្រពាំងជ្រៃ ឃុំត្រពាំងធំខាងត្បូង ស្រុកត្រាំកក់ ខេត្តតាកែវ ដែលមានបារីក្លែងម៉ាកចំនួន២៣០តោន សំបកកញ្ចប់ និងសម្ភារៈផលិតពាក់ព័ន្ធប្រមាណ៨០០តោន ដែលត្រូវដុតបំផ្លាញ។

តាកែវ÷ ថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ អយ្យការអមសាលាដ...
10/09/2026

តាកែវ÷ ថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ អយ្យការអមសាលាដំបូងខេត្តតាកែវ បានធ្វើសេចក្ដីប្រកាសព័ត៌មានស្ដីពី ការចោទប្រកាន់ជនសង្ស័យចំនួន ០៤ នាក់ ពាក់ព័ន្ធករណី ជួញដូរ ដឹកជញ្ជូន និងរក្សាទុក ដោយខុសច្បាប់នូវសារធាតុញៀន ទម្ងន់ ៧២០,៨៧ ក្រាម។

តាកែវ÷ ថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែកញ្ញា ឆ្នាំ២០២៦ អយ្យការអមសាលាដំបូងខេត្...
09/09/2026

តាកែវ÷ ថ្ងៃពុធ ១២រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៩ ខែកញ្ញា ឆ្នាំ២០២៦ អយ្យការអមសាលាដំបូងខេត្តតាកែវ បានធ្វើសេចក្ដីប្រកាសព័ត៌មានស្ដីពី ការចោទប្រកាន់ជនសង្ស័យជាក្មេងទំនើងចំនួន ០៩ នាក់ ពាក់ព័ន្ធករណី ហិង្សាដោយចេតនាមានស្ងានទម្ងន់ទោស៕

តាកែវ: នៅរសៀលថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦, ឯកឧត្តម ធាម ...
26/08/2026

តាកែវ: នៅរសៀលថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦, ឯកឧត្តម ធាម ច័ន្ទពិសិដ្ឋ ប្រធានសាលាដំបូងខេត្តតាកែវ និង ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ បានដឹកនាំមន្ត្រីរាជការ នៃសាលាដំបូង និងអយ្យការអមសាលាដំបូងខេត្តតាកែវ ចូលរួមគោរពវិញ្ញាណក្ខន្ធ ឧបាសក ហេង ហុង ដែលត្រូវជាឪពុកបង្កើតរបស់ ឯកឧត្តម ហេង សុខណា នាយកសាលាភូមិន្ទចៅក្រម និងព្រះរាជអាជ្ញា នៃបណ្ឌិត្យសភាភូមិន្ទយុត្តិធម៌កម្ពុជា។

តាកែវ÷ ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ លោក ស៊ឹម ជុំសុខ...
31/07/2026

តាកែវ÷ ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦
លោក ស៊ឹម ជុំសុខហេង ព្រះរាជអាជ្ញារង នៃអយ្យការអមសាលាដំបូងខេត្តតាកែវ តំណាង​ ​ឯកឧត្តម​ ឯក​ ឆេងហួត​ ព្រះរាជអាជ្ញា នៃអយ្យការអមសាលាដំបូងខេត្តតាកែវ បានអញ្ជើញចុះទៅអធិការ​កិច្ចនៅអធិការដ្ឋាន​នគរបាល​ស្រុកទ្រាំង និងមូលដ្ឋាន​កងរាជ​អាវុធហត្ថ​​ស្រុកទ្រាំងស្ដីពី÷
១-​ ការពង្រឹង​ ការអនុវត្តច្បាប់ ក្រមសីលធម៌ និងរកដំណោះស្រាយចំពោះផលវិបាកនៃការអនុវត្តតួនាទីជានគរបាលយុត្តិធម៌
២- ការពិនិត្យ​សៀវភៅចុះបណ្តឹង​ និង​សៀវភៅ​ឃាត់​ខ្លួន​ ដោយ​ហត្ថលេខា​បិទ និងបេីក​សៀវភៅ​
៣- បាន​ណែនាំ​អំពី​នីតិវិធី​សំខាន់​ៗក្នុងការបង្ការ បង្ក្រាប ទប់ស្កាត់​ក្មេងទំនេីង បទល្មើស​គ្រឿងញៀន​ និង​បទល្មើស​ចរាចរណ៍​
៤- បាន​ត្រួតពិនិត្យ​បន្ទប់​ឃាត់​ខ្លួន​
៥- បាន​ពន្យល់​បន្ថែម​លេីក្រម​ព្រហ្មទណ្ឌ​ និងក្រម​នីតិវិធី​ព្រហ្មទណ្ឌ​
៦- បាន​ណែនាំ​អំពីការ​ពង្រឹង​ការ​បញ្ជូន​ដីកានានារបស់តុលាការ និង​អយ្យការ​។
ដោយមានការអញ្ជើញចូលរួមពី លោកអធិការ លោកអធិការរងទទួលការងារយុត្តិធម៌ ប្រឆាំងគ្រឿងញៀន សណ្ដាប់ធ្នាប់សាធារណៈ លោកមេបញ្ជាការរងកងរាជអាវុធហត្ថស្រុក លោកនាយផ្នែកយុត្តិធម៌ លោកនាយរងផ្នែកប្រឆាំងគ្រឿងញៀន លោកនាយរងសណ្ដាប់ធ្នាប់សាធារណៈ និងលោកនាយប៉ុស្តិ៍នគរបាលរដ្ឋបាលឃុំផងដែរ។

តាកែវ: ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោកឧត្តមអគ្គ...
31/07/2026

តាកែវ: ថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោកឧត្តមអគ្គានុរក្សថ្នាក់លេខ២ គង់ ស៊ីថា ប្រធានពន្ធនាគារខេត្តតាកែវ បានទទួលស្វាគមន៍ លោក ស៊ឹម ជុំសុខហេង ព្រះរាជអាជ្ញារង ជាតំណាងដ៏ខ្ពង់ខ្ពស់ ឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ និងក្រុមការងារ បានចុះមកអធិការកិច្ចនៅពន្ធនាគារ លើការងារគ្រប់គ្រងជនជាប់ឃុំ:
-រាប់ចំនួនជនជាប់ឃុំតាមបន្ទប់នៃអគារឃុំឃាំង
-ពិនិត្យបញ្ជីឈ្មោះជនជាប់ឃុំ
-ពិនិត្យម្ហូបអាហាររបស់ជនជាប់ឃុំ
-ពិភាក្សាការងារដោះស្រាយសំណូមពរ និងបញ្ហាប្រឈមរបស់ពន្ធនាគារ ក្នុងការអនុវត្តនីតិវិធី
ជាលទ្ធផលនៃការចុះអធិការកិច្ចនេះ លោកព្រះរាជអាជ្ញារង បានកោតសរសើរ ពីការងារគ្រប់គ្រងបានល្អប្រសើរ ពុំមានបញ្ហាអ្វីគួរឱ្យកត់សម្គាល់៕

តាកែវ÷ នៅថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ វេលាម៉ោង៨ ...
30/07/2026

តាកែវ÷ នៅថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ វេលាម៉ោង៨ និង៣០នាទីព្រឹក ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ បានដឹកនាំសហការីក្នុងការដឹកជញ្ជូនសារធាតុញៀនដើម្បីចូលរួមកម្មវិធីដុតបំផ្លាញវត្ថុតាងគ្រឿងញៀន ក្នុងឱកាសអបអរសាទរទិវាអន្តរជាតិប្រយុទ្ធប្រឆាំងគ្រឿងញៀន (ថ្ងៃទី២៦ ខែមិថុនា ឆ្នាំ២០២៦) ដោយអយ្យការអមសាលាដំបូងខេត្តតាកែវ បានដឹកជញ្ជូនវត្ថុតាងរួមមាន:
-ម្សៅមេតំហ្វេតាមីន (ICEទឹកកក) ទម្ងន់ ១៨០៦៤,៣៦ ក្រាម (ថ្នាំសុទ្ធ)
-កញ្ឆាស្ងួត ទម្ងន់ ៣៨៥,៦០០ក្រាម (ថ្លឹងទាំងសំបកថង់)
-ម្សៅកេតាមីន (Ketamine) ទម្ងន់ ១៨៩,៣៥ ក្រាម (ថ្នាំសុទ្ធ)
-ម្សៅពណ៌ត្នោត ទម្ងន់ ១៩២៣ ក្រាម (ថ្នាំសុទ្ធ)
-ម្សៅពណ៌ស្វាយ ទម្ងន់ ១៥៧៨ ក្រាម (ថ្នាំសុទ្ធ)
-ម្សៅពណ៌ស ទម្ងន់ ៦៦៤០៩ ក្រាម (ថ្នាំសុទ្ធ)
-ម្សៅពណ៌ផ្កាឈូក ទម្ងន់ ២៨៨៣ ក្រាម (ថ្នាំសុទ្ធ)
-ម្សៅពណ៌ទឹកក្រូច ទម្ងន់ ២៩៣៣ ក្រាម (ថ្នាំសុទ្ធ)
-ម្សៅពណ៌ខ្មៅ ទម្ងន់ ៥០០ ក្រាម (ថ្នាំសុទ្ធ)
សារធាតុទាំងនេះត្រូវបានសម្រេចរឹបអូស និងបំផ្លាញចោលតាមអំណាចសាលក្រមព្រហ្មទណ្ឌស្ថាពរចំនួន ២៤ សាលក្រម, សាលក្រមព្រហ្មទណ្ឌពុំទាន់ចូលស្ថាពរចំនួន ៥៧ សាលក្រម, ដីកាសម្រេច ចំនួន ១ ច្បាប់, កំណត់ហេតុវេចខ្ចប់កញ្ឆាស្ងួតចាប់យកយូរឆ្នាំ ចំនួន ១ ច្បាប់, កំណត់ហេតុបើកកញ្ចប់ វេចខ្ចប់ និងថ្លឹងបរិមាណដុតបំផ្លាញចោលចុះថ្ងៃទី០៨ ខែមិថុនា ឆ្នាំ២០២៣៕

Address

Phnom Penh

Website

Alerts

Be the first to know and let us send you an email when អយ្យការអមសាលាដំបូងខេត្តតាកែវ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category