11/04/2026
អត្ថន័យទាំង ៣ថ្ងៃ នៃពិធីបុណ្យចូលឆ្នាំខ្មែរ៖
ពិធីបុណ្យចូលឆ្នាំថ្មីប្រពៃណីខ្មែរជិតចូលមកដល់ហើយ ដែលត្រូវចំថ្ងៃអង្គារ ១២រោច ខែចេត្រ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី១៤, ១៥, ១៦ ខែមេសា ឆ្នាំ២០២៦ ។ តោះ! មកស្វែងយល់ពីអត្ថន័យនៃថ្ងៃទាំង ៣ របស់ពិធីបុណ្យចូលឆ្នាំខ្មែរទាំងអស់គ្នា។
១. ថ្ងៃមហាសង្រ្កាន្ត៖ សង្រ្កាន្តប្រែថា ដំណើរចាកចេញរបស់ព្រះអាទិត្យពីមេនរាសី មកគោចរតាមទិសខ្សែតែមួយក្នុងរយៈពេល ១២ ខែ។ ថ្ងៃមហាសង្រ្កាន្ត ជាថ្ងៃសម្រាប់ទទួលសង្រ្កាន្តធំ ដែលឈានចូលមកដល់។ នេះជាថ្ងៃដំបូងនៃបុណ្យចូលឆ្នាំខ្មែរ ដែលប្រជាពលរដ្ឋនៅតាមផ្ទះនីមួយៗត្រូវរៀបចំសំណែន និងគ្រឿងសក្ការបូជា គ្រឿងរណ្ដាប់ផ្សេងៗ ផ្កាភ្ញី ផ្លែឈើគ្រប់មុខ និងភាក្សាហារ ដែលតម្រូវទៅតាមទេពធីតាតាមឆ្នាំនីមួយៗ ហើយគ្រប់ក្រុមគ្រួសារតែងតែមកជួបជុំគ្នាទទួលទេវតាឆ្នាំថ្មី ព្រមទាំងអុជធូបបួងសួងសុំសេចក្ដីសុខ រកស៊ីមានបាន។
២. ថ្ងៃវារៈវ័នបត៖ ជាថ្ងៃទីពីរនៃបុណ្យចូលឆ្នាំខ្មែរ។ ជាដំណើរនៃការដង្ហែព្រះសិរព្រះព្រហ្ម ព័ទ្ធជុំវិញភ្នំកៃឡាសចំនួន ៦០ នាទី រួចយកព្រះកេសរបស់ព្រះព្រហ្មនោះត្រឡប់ទៅទុកក្នុងគុហា គន្ធម៉ាលី នៅឯភ្នំព្រះសុមេរុ នាឋានសួគ៌វិញ។ តាមទំនៀមទម្លាប់បុរាណខ្មែរតាំងពីដើមរៀងមក នៅថ្ងៃនេះគេច្រើននាំគ្នាធ្វើចង្ហាន់យកទៅប្រគេនព្រះសង្ឃនៅវត្តអារាម និងធ្វើបុណ្យចែកទានដល់អ្នកខ្សត់ខ្សោយ ពូនភ្នំខ្សាច់ ស្ដាប់ព្រះសង្ឃទេសនាជាដើម។ ក្រៅពីធ្វើបុណ្យទាន គេនាំគ្នាលេងល្បែងប្រជាប្រិយខ្មែរដូចជា បោះអង្គញ់ ចោលឈូង លាក់កន្សែង ចាប់កូនខ្លែង ទាញព្រ័ត្រ ស្ដេចចង់ ឬរាំលេងកម្សាន្ត។
៣. វារៈឡើងស័ក៖ ការផ្លាស់ប្ដូរសករាជថ្មីនៃឆ្នាំសត្វទាំង ១២ ហើយនេះជាថ្ងៃផ្សារភ្ជាប់ទៅនិងពិធីស្រង់ព្រះ ដែលអ្នកគោរពព្រះពុទ្ធសាសនាទាំងឡាយត្រូវយកទឹកស្រង់ព្រះ ហើយទឹកដែលហូរចេញពីព្រះ គេយកមកលុបលាងមុខ ដើម្បីបណ្ដេញនៅឧបទ្រពចង្រៃ។ ដោយសារតែទំនៀមនេះហើយដែលនាំឱ្យប្រជាជនខ្មែរតែងតែនិយមនាំគ្នា ធ្វើពិធីស្រង់ព្រះ នៅតាមផ្ទះ ឬនៅតាមទីវត្តអារាម ដើម្បីជម្រះភាពឧបទ្រពចង្រៃ និងនាំមកតែភាពត្រជាក់ត្រជុំ។ នៅថ្ងៃចុងក្រោយនៃបុណ្យចូលឆ្នាំខ្មែរ គេនៅតែបន្តការលេងល្បែងប្រជាប្រិយខ្មែរនៅតាមភូមិ នៅតាមវត្តអារាម និងជួបជុំរាំលេងកម្សាន្តជាមួយបងប្អូនជិតឆ្ងាយ៕
#ចូលឆ្នាំខ្មែរ #ទឹកពិសាបូកគោ #ទឹកពិសាអាល់កាឡាំងបូកគោ #ខ្មែរស្រលាញ់ខ្មែរ #ខ្មែរគាំទ្រផលិតផលខ្មែរ
