j_cuisine

29/11/2025

روكي رود

٢٥٠ غ كاكاو بالحليب
٢٥٠ غ كاكاو دارك (٥٠٪؜)

١ كوب مارشميلو صغير
١ كوب بسكوت دايجستف مكسر
اضافاتكم من مكسرات او بسكوت لوتس بدل الدايجستف

نخلط نوعين الكاكاو ونذبهم مايكرويف كل ٣٠ ثانيه ونقلب
نصب الكاكاو المذوب على المارشميلو والبسكوت ويقلب بسرعه
يفرد في قالب ٩*٩ مبطن بورق زبده
يفرد بالتساوي ويوضع بالثلاجة ٢-٣ ساعات
يقطع ويقدم

27/11/2025

تورتيلا بدجاج بافالو

تورتيلا
خس للحشوه

الدجاج :
٢ صدور دجاج مكعبات
بصله مقطعه ناعم
نص جزره مبشوره ناعم
١/٢ م ص بهارات ايطاليه
١/٢ م ص بهار ماجي خضار
١/٢ م ص اوريغانو - قلبل ملح وفلفل اسود
٢ م ك معجون طماط
١ م ص ثوم مهروس
٢ م ك كريمه
٢ م ك صلصه بافالو
٢ م ك صلصه فرنسيه جاهزه
٢ م ك جبن موزاريلا مبشور او اي نوع جبن

نحمس البصل بزيت ونضيف المعجون طماط ونقلب ونضيف الجزر
والثوم والبهارات ونقلب ٢ دقيقتين
نضيف الدجاج مكعبات ويحرك دقيقتين حتن يتغير لونه
يترك نار هاديه ٣-٤ دقايق حتى يستوي الدجاج
نضيف الصلصات والكريمه والجبن ويترك ليكثف قوامه

تحشى التورتيلا بخليط الدجاج والخس وتلف وتقدم

07/10/2025

ذرة بالجبن - طريقه متابعة فاتن 🌷

١ كيس ذره مجمده تسلق وتصفى وتوضع ببايركس

في قدر ٤٠ غرام زبده او ملعقتين كبار
نذوبها ونضيف ١ ملعقه كبيرن طحين ونقلب ليتغير لونه

اضافه ملح وفلفل واوريغانو وبابريكا

نضيف ٣ علب قشطه حديد و٣/٤ كوب اجبان مبشوره منوعه مثل شيدر وموزاريلا وقشقوان
( بالفيديو انا خلطت ٢٥٠ مل قيمر او قشطه مع ١ ١/٤ كوب وربع كريمه طبخ
وضفت الاجبان )
تخلط الصلصه مع الذره وينثر عالوجبه جبن 🧀 وقطع من الزبده ويوضع بالفرن ليذوب الجبن وتقدم ساخنه

بالعافيه 💕
#وصفات #مطبخ #طبخ

23/08/2025

سلطه زبادي على الطريقه الايرانيه ( سلطة روب وخيار)

الحلو فيها اضافه نوع خضار نحبها - ناس تفضل تحط بصل مكعبات - او كشمش ( زبيب ) جوز مفروم خشن - اضافه ورد محمدي

٣-٤ علب روب ( زبادي )
١/٢ كوب حب رمان
نعناع طازج مفروم
١/٢ كوب جوز مفروم
١ كوب خيار مقطع مكعبات صغيرة
للتخفيف القوام كوب لبن او ماء بارد
١/٢ م ص ملح
١/٢ م ص فلفل اسود
١ م ص نعناع ناشف
سماق

للتزين خيار وسماق ونعناع ناعم وورد محمدي

13/08/2025

اكاونتي الثاني للموالح والحلو 😋اطباق منوعة تكمل سفرتكم وزوارتكم

المكونات طازجه ✅ فقط حجزوا قبل بيوم واتس اب
‪97424417‬

02/08/2025

السؤال المهم للمافن🧁

بصينيه المافن نترك مكان فاضي ونعبيه ماي ساخن
ليش نسوي هالخطوه؟!

اللي بتجاوب 👏🏻بطرش لها نقصه 😍😌بلوبيري مافن ودونات شغل بيت
بنختار فائزة وحده فقط🫣

نشوف اجاباتكم في هذا البوست👏🏻

01/08/2025

المعجنات

دايما تاكدو المكونات حراره الغرفه✅

الخميره الفوريه نخلطها مع الماي وسكر ونتركها تتفاعل ١٠ دقايق - وهم
هالخطوه تبين لنا ان الخميره تتفاعل او لا
غالبا اذا خلطناها مع النواشف وعجنا العجينه - نلقى عجينتنا ما تختمر
فهذا سبب ان الخميره منتهيه صلاحية او تخزينها مو مكان بارد
انا اخزنها فريزر وتظل معاي ممتازه✅

كميه الماي نصها للخميره والباقي يضاف بالتدريج للعجن ✅

في بعض المعجنات الحلوه نظيف شويه فانيلا تعطي طعم ونكهه حلوه 👍✅

تخزين المعجنات - في الفريزر مدة ٣ شهور وتتسخن بالمايكرويف للاكل ✅👍

تخمير العجينه لا تقل عن ساعه ونص في مكان دافئ✅👍

31/07/2025

فطاير سبانخ بعجينه هشه وخفيفه

عندي كذا وصفه للفطاير واليوم جربت عجينه طلعت وايد خفيفه ولذيذه
الكميه كبيييره وراح اكتب لكم كميه اصغر - نص وصفه

فطاير سبانخ - العجينه تصلح لجميع الفطاير جبن وزعتر وبيتزا ولحم

٧ ك طحين
١ علبه روب
٢ ك حليب
١ ك ماي دافي
١ ١/٢ م ك خميره فورية
٥ م ص سكر
١ م ص ملح
١ م ص بيكنج بودر
٣/٤ ك زيت

30/07/2025

كيكة الرطب

هالموسم رطب ووقته لكيكه الرطب
بطريقه وايد سهله

30/07/2025

سألو اي شي تحبون تتعلمونه بالمطبخ !

مساحة نقاش🍜مطبخية

30/07/2025

26/07/2025

لما بنبدي نسوي وصفة معينة بعض المكونات مو موجوده عندنا
نحاول نلقى لها بديل في البيت

✅بديل كريمة حامضة
علبة زبادي + ١/٢ كوب قشطه او قيمر
علبة زبادي + ملعقه كبيره لبنة + ملعقتين كبار كريمة

✅بديل كريمة طبخ
كوب حليب + علبة قشطه + ٣ م ك جبن سائل ورشه ملح
عالنار لما يتجانس