Veunkham Salt Company

01/05/2026

ຊົມເຊີຍວັນກຳມະກອນສາກົນ

14/04/2026

08/03/2026

🌸ເກືອເວີນຄຳເຊີນຊວນຊົມເຊີຍວັນແມ່ຍິງສາກົນ 🥰

31/12/2025

ນ້ອງບຸນມີມາ Happy New Year ທຸກຄົນ!!!

17/12/2025

ບໍລິສັດເກືອເວີນຄຳ ຮູ້ສຶກເປັນກຽດ ທີ່ໄດ້ຮັບໂອກາດເຂົ້າຮ່ວມໃນໂຄງການຕົວແບບສ້າງຄວາມເຂັ້ມແຂງດ້ານຜະລິດຕະພາບໃນການຢັ້ງຢືນມາດຕະຖານອາຫານ Halal ໃນ ສປປ ລາວ ຈັດຂຶ້ນ ໃນວັນທີ 13-15/11/25 ໂດຍ ກົມສົ່ງເສີມຈຸນວິສາຫະກິດຂະໜາດນ້ອຍ ແລະ ກາງ, ກະຊວງອຸດສະຫາກຳ ແລະ ການຄ້າ ແລະ ອົງການຜະລິດຕະພາບແຫ່ງ ອາຊີ (APO). ໃນໄລຍະ 5 ເດືອນທີ່ຜ່ານມາ, ທາງບໍລິສັດເຮົາໄດ້ຮັບຄຸນຄ່າມະຫາສານ ບໍ່ວ່າຈະເປັນຄວາມຮູ້, ການຍົກລະດັບ ການຜະລິດແບບຄຸນນະພາບສູງ ສະອາດ ແລະ ປອດໄພ ແລະ ຜະລິດຕະພາບໄດ້ແບບກ້າວກະໂດດ. ທາງເຮົາຢາກຂໍສະແດງຄວາມຂອບໃຈໃຫ້ແກ່ທັ້ງສາມພາກສ່ວນ.

#ເກືອເວີນຄຳ #ເກືອທຳມະຊາດ #ເກືອໄອໂອດິນ #ເກືອກາກວຽນ #ເກືອເວີນຄຳຄຽງຄູ່ຄົນລາວ

23/10/2025

ໃນວັນທີ10/10/2025 ທີ່ຜ່ານມາພວກເຮົາຕ່າງໜ້າ ບໍລິສັດ ເກືອເວີນຄຳ ໄດ້ມີການຮ່ວມສົມທົບ ເຂົ້າສານອາຫານແຫ້ງເຄື່ອງນຸ່ງ ນຳໜ່ວຍກູ້ໄພຊ່ວຍເຫຼຶອ ແລະ ບັນເທົາທຸກ ເພື່ອນຳໄປຊ່ວຍພີ່ນ້ອງປະຊາຊົນ ແຂວງບໍລິຄຳໄຊ ທີ່ຖືກຜົນກະທົບຈາກໄພນໍ້າຖ້ວມ.

ຂໍໃຫ້ພີ່ນ້ອງປະຊາຊົນ ຜ່ານວິກິດນໍ້າຖ້ວມຄັ້ງນີ້ໄປໄດ້ໄວໆ.

21/10/2025

ບໍລິສັດເກືອເວີນຄໍາ ພາຍໃຕ້ຍີ່ຫໍ້ "ກາກວຽນ" ໄດ້ພັດທະນາຄຸນນະພາບຢ່າງຕໍ່ເນື່ອງ ໂດຍນຳໃຊ້ເຕັກໂນໂລຊີທີ່ທັນສະໄໝຜະສົມກັບວິທີດັ້ງເດີມ ມີລະບົບເຮືອນຮົ່ມທີ່ໃຊ້ພະລັງງານຈາກແສງຕາເວັນເພື່ອຕາກເກືອ ແລະ ໄດ້ຮັບການຢັ້ງຢືນ GMP, ISO 9001:2015 ສົ່ງອອກໄປຍີ່ປຸ່ນ, ໃຕ້ຫວັນ, ເກົາຫຼີໃຕ້, ຫວຽດນາມ ແລະ ໄທ.

ທ່ານນາງ ບຸນທະວີ ຈຸນລະມະນີ ຜູ້ອໍານວຍການບໍລິສັດໄດ້ລາຍງານວ່າ: ບໍລິສັດສ້າງຕັ້ງປີ 1996 ຕັ້ງຢູ່ບ້ານສາມສະອາດ, ເມືອງໄຊທານີ ມີພະນັກງານ 108 ຄົນ ຜະລິດເກືອ 3 ປະເພດ: ເກືອຕົ້ມ, ເກືອຕາກແດດ ແລະ ເກືອສະໝູນໄພ ໂດຍໃຊ້ນໍ້າເຄັມຈາກໃຕ້ດິນເລິກ 150 ແມັດ. ທ້າຍປີນີ້ຈະໄດ້ຮັບການຢັ້ງຢືນມາດຕະຖານ Halal ເພື່ອເຂົ້າສູ່ຕະຫຼາດມຸສະລິມທົ່ວໂລກ. ປັດຈຸບັນຜະລິດໄດ້ 2,600-3,000 ໂຕນຕໍ່ປີ.

ຄວາມສຳເລັດມາຈາກວັດທະນະທຳອົງກອນທີ່ເຂັ້ມແຂງ (5S, Kaizen, PDCA) ການສະໜັບສະໜູນຂອງພັກ-ລັດ ແລະ ອົງການປົກຄອງນະຄອນຫຼວງ. ບໍລິສັດມີເປົ້າໝາຍສືບຕໍ່ຜະລິດເກືອຄຸນນະພາບສູງໃຫ້ປະຊາຊົນລາວບໍລິໂພກ ແລະ ສ້າງຊື່ສຽງໃຫ້ປະເທດຊາດໃນຕະຫຼາດສາກົນ.

#ເກືອເວີນຄຳ #ເກືອທຳມະຊາດ #ເກືອໄອໂອດິນ #ເກືອກາກວຽນ #ເກືອເວີນຄຳຄຽງຄູ່ຄົນລາວ

01/10/2025

01/10/2025

👏 ທ່ານ ນາງ ບຸນທະວີ ຈຸນລະມະນີ ຜູ້ອໍານວຍການ ບໍລິສັດ ເກືອເວີນຄໍາ ຈໍາກັດຜູ້ດຽວ ໄດ້ລາຍງານຕໍ່ກອງປະຊຸມໃຫຍ່ຜູ້ແທນ ອົງຄະນະພັກນະຄອນຫຼວງວຽງຈັນ ຄັ້ງທີ VIII ໃນຫົວຂໍ້: “ຕົວແບບການຜະລິດເກືອຄຸນນະພາບ ໄດ້ມາດຕະຖານສາກົນ ເພື່ອການສົ່ງອອກ” ວ່າ:

ບໍລິສັດ ເກືອເວີນຄໍາ ຈຳກັດຜູ້ດຽວ ສ້າງຕັ້ງຂຶ້ນໃນປີ 1996, ມີໂຮງງານຕັ້ງຢູ່ ບ້ານສາມສະອາດ ເມືອງໄຊທານີ ນະຄອນຫຼວງວຽງຈັນ, ມີພະນັກງານ-ກຳມະກອນ ທັງໝົດ 108 ຄົນ; ໃນເບື້ອງຕົ້ນການຜະລິດເກືອ ແມ່ນນໍາໃຊ້ນໍ້າເຄັມຈາກຊັ້ນໃຕ້ດິນ ໂດຍການເຈາະສ້າງບາດານໃນຄວາມເລິກປະມານ 150 ແມັດ, ນໍ້າເຄັມຖືກດູດຂຶ້ນມາ ເພື່ອຕົ້ມ ແລະ ຕາກແດດ, ການຕົ້ມເກືອ ແມ່ນໃຊ້ວິທີແບບປະຖົມປະຖານ ດັ້ງເດີມ ໂດຍນໍາໃຊ້ຖ່ານຫີນເປັນເຊື້ອເພີງ, ເຊິ່ງມີຜະລິດຕະພັນ 3 ປະເພດ ຄື: ເກືອຕົ້ມ, ເກືອຕາກແດດ ແລະ ເກືອສະໝຸນໄພ, ພາຍໃຕ້ເຄື່ອງໝາຍການຄ້າ “ກາກວຽນ” ຫຼັງຈາກນັ້ນ, ໄດ້ມີການປັບປຸງຄຸນນະພາບຢ່າງຕໍ່ເນື່ອງ ເປັນຕົ້ນ ໄດ້ສ້າງລະບົບເຮືອນຮົ່ມທີ່ໃຊ້ຄວາມຮ້ອນ ດ້ວຍພະລັງງງານແສງຕາເວັນ ເພື່ອຕາກເກືອ ແລະ ອົບເມັດເກືອໃຫ້ແຫ້ງໄວຂຶ້ນ, ນໍາໃຊ້ເຕັກໂນໂລຊີທີ່ທັນສະໄໝ ແຕ່ຍັງຄົງຮັກສາການຜະລິດແບບດັ້ງເດີມ ໃຫ້ໄດ້ຄຸນນະພາບ ແລະ ມາດຕະຖານສາກົນ ເຊິ່ງໄດ້ຮັບການຢັ້ງຢືນ GMP, ISO 9001:2015 ແລະ ສົ່ງອອກໄປຈຳໜ່າຍຢູ່ຫຼາຍປະເທດ ເຊັ່ນ: ຍີ່ປຸ່ນ, ໃຕ້ຫວັນ, ສ ເກົາຫຼີ, ຫວຽດນາມ ແລະ ໄທ. ປັດຈຸບັນ ບໍລິສັດ ສາມາດຜະລິດເກືອໄດ້ປະມານ 2.600-3.000 ໂຕນຕໍ່ປີ, ສ້າງລາຍຮັບ ແລະ ມອບພັນທະໃຫ້ແກ່ລັດໃນແຕ່ລະປີ.

ບໍລິສັດ ເກືອເວີນຄໍາ ໄດ້ປະສົບຜົນສໍາເລັດ ດ້ວຍປັດໄຈຫຼັກ 2 ປະການ ຄື: ມີວັດທະນະທໍາອົງກອນທີ່ສອດຄ່ອງ ແລະ ເຂັ້ມແຂງ, ເປັນອົງກອນທີ່ຮຽນຮູ້ ແລະ ພັດທະນາຢ່າງຕໍ່ເນື່ອງ (5S, Kaizen, PDCA...) ແລະ​ ໃນທ້າຍປີນີ້, ບໍລິສັດ ເກືອເວີນຄຳ ຈໍາກັດຜູ້ດຽວ ຈະໄດ້ຮັບການຢັ້ງຢືນ ມາດຕະຖານອາຫານຮາລາລ (Halal) ໃນໂຄງການສ້າງຄວາມເຂັ້ມແຂງດ້ານຜະລິດຕະພາບ ເຊິ່ງຈະສ້າງມາດຕະຖານໃໝ່ໃຫ້ແກ່ເກືອລາວ ເພື່ອກ້າວເຂົ້າສູ່ຕະຫຼາດໂລກ ເຂົ້າເຖິງພົນລະເມືອງຊາວມຸສະລິມ ທີ່ກວມເອົາປະມານ 1 ສ່ວນ 3 ຂອງພົນລະເມືອງໂລກ.

ທີ່ມາ: ໜສພ​ ກອງທັບ