14/05/2026
صرلي شي اسبوع ما بحضر غير فيديوات الدكتور ضياء العوضي ونظامه الغذائي ، لدرجة صار الفور يو بايج كلها نظام الطيبات🤦🏼♀️
المهم انتو شو رأيكن؟؟؟
انا الدجاج والبيض صرت ما اتخايلهن
الخضرة عندي حب لالها وبحس صعب الحرمان منها لان بتفوت بكل اطباقنا
الألبان والاجبان مقتنعة بضررها، وخصوصي لحدا بيعاني من مرض مناعة ذاتية متلي ، بس كمان صعب علي اقطها نهائي
السكر نو كبيرة بس منطقيا، اذا ما عم تفوتو كاربوهيدرايت كتير عاكلكن متل الخبز والبسكوت يعني عم تشيلو نسبة كبيرة من السكر وبالتالي ممكن تمرقو شوكولا اسود او نوتيلا او سكر ابيض من دون ما تتاذو كتير
الشغلة بدها بعد وقت لتتوضح ولنشوف عل مدى البعيد ( يعني سنين) شو تاثير هل نظام على صحة الي متبعينو
بالنسبة للادوية اكيد ما بطيقها والله لا يحوجنا الها، بس مرات ما بيقدر الانسان يكفي حياته او يعيش من دون تدخل الادوية وانا مرقت بهل تجربة.
#العوضي #الطيبات
