Perera fish farm and hatchery

07/06/2026

🍻 ඉරිදා හවස පොඩි චිල් එකක් දාන ගමන් සීයෙ ජනපදේ පැත්තෙ ආව 🐟💭

ලස්සන ජැපැනීස් කාප්පො ටිකක් දාලා ලස්සනට තියාගන්න පුළුවන් ටැංකියේ, මම මොකද කළේ තිලාපියෝ 100ක පරීක්ෂණ නඩයක් බැස්සුවා. මගේම සාක්කුවෙන් කෑම දීදී දැන් මුන්ව ඔබ්සර්ව් කරනවා. හැබැයි මචංලා, මේ 100 දෙනා දිහා බලාගෙන ඉද්දි මට තේරුණා මේ ටැංකිය ඇතුළේ තියෙන්නේ වෙනමම සීන් එකක කුලල් කාගැනීමක් කියලා! 😂

අපේ ස්කයිලයි, ලියෝනයි නම් අකාලයේ අපෙන් සමුගත්තා. 🕊️ RIP🥲

හිල්ඩටයි එයාගේ යාළුවෝ සෙට් එකටයි නම් කොච්චර කන්න දුන්නත් හැදෙන්නේ නෑ, නිකන් කෙට්ටු වෙලා ඉන්නවා.

ඊළඟට ඉන්නවා මාග්‍රට්ගේ කල්ලිය. උන් නම් ශේප් එකේ එක සමානව හැදීගෙන එනවා.

හැබැයි රාවනා වගේ ශේප් එකක් තියන ඇම්ඩගෙ සෙට් එක සීයට ගාණක්. උන් නම් අලි වගේ හැදිලා මුළු ටැංකියම පාලනය කරනවා! 🐘🔥

විහිළුව පැත්තකින් තිබ්බොත්, මම මේ ඩ්‍රින්ක් එක දාන ගමන් මුන්ගේ ස්ටැටිකල් ඩේට ශීට් එකක් හැදුවා. මේක තමයි මචංලා තිලාපියා වගාවේ තියෙන ඇත්තම විද්‍යාව කියල මට හිතෙනවා 🧬📊

තිලාපියා 100ක සාම්පලයක් ගත්තම, එකම ටැංකියේ, එකම කෑම දුන්නත් උන් කවදාවත් එක සමානව වර්ධනය වෙන්නේ නැහැ. ජලජීවී පර්යේෂණ දත්ත වලට අනුව මෙන්න මේකයි මුන්ගේ ඇත්තම තත්ත්වය

1 - මෝටලිටි එක සහ ස්පෙසිෆික් ග්‍රෝත් රේට් එක. උඹල අහල තියනවද ඒ ගැන. මමත් අහල නෑ බං කාලෙකට කලින් නැකඩ එකේ සම්පත් මහත්තයයි ලියනගේ මහත්තයි තමා කියල දුන්නෙ. ඉතුරු ටික පිට රට යූටියුබ් චැනල් ෆලෝ කරල ඉගන ගත්තෙ.
සාමාන්‍යයෙන් දැඩි අවධානයක් නොදුන්නොත් ආරම්භක අවධියේදී 15% - 25% ක Mortality මරණ අනුපාතයක් තියෙන්න පුළුවන්.පව්.ඒකයි අර ස්කයිලාලා ගියේ
මුන්ගේ දෛනික වර්ධන වේගය SGR එක සාමාන්‍යයෙන් 4.5% - 5% බොඩි වේට් පර් ඩේ මට්ටමක තියාගන්න තමයි අපි ට්‍රයි කරන්න ඕනෙ.

2- The 20% ශූටර්ස් ල ඇම්ඩලාගේ කල්ලිය සාම්පලයෙන් 15% - 20% ක් විතර අසාමාන්‍ය ලෙස වේගයෙන් වර්ධනය වෙනවා ජලජීවී විද්‍යාවේදී මුන්ට කියන්නේ Shooters ල කියලා. මුන් තමයි ටැංකියේ චණ්ඩියෝ. කෑම දාපු ගමන් 70% ක් විතර ඩැහැගන්නේ මුන්.

3 - The 50% ඇවරේජ් මාග්‍රට්ගේ කල්ලිය ජනගහනයෙන් 50% ක් විතර සාමාන්‍ය මට්ටමින්, හැබැයි අර චණ්ඩින්ට බයෙන් ශේප් එකේ වර්ධනය වෙනවා.මේක තමා මාකට් එකට තිලාපියා පැටව් ගද්දි සිව් කරල මම විකුනන්නෙ.

4 - The 30% රන්ට්ස් හිල්ඩලාගේ සෙට් එක ඉතුරු 20% - 30% තමයි අන්තිම අසරණ වෙන්නේ.ජීවිත කාලෙම අස්වැසුම දුන්නත් මුං හැදෙන්නෙ නෑ... මුන්ට කියන්නේ රන්ට්ස් ල කියලා. අර චණ්ඩින්ගේ ආධිපත්‍යය නිසා මුන්ට කෑම ගන්න ලැබෙන්නේ නෑ. ප්‍රතිඵලය තමයි උන්ගේ වර්ධනය අඩාල වීම ඔලුව ලොකු වෙලා කඳ හීන් වෙනවා. මාලුවගෙ තියෙන්න ඕනෙ බොඩි ශේප් එක නෑ.
ඒ විතරක් නෙවෙයි, දන්නවද ලොකුම සෙල්ලම?
මුන්ගේ ප්‍රමාණයන් අතර වෙනස 20% කට වඩා වැඩි වුණොත්, අර ඇම්ඩලා ටික හිල්ඩලාගේ පැටවුන්ව නිකන්ම ගිලලා දානවා . මාළුන්ගේ කටේ ප්‍රමාණය අනුව උන්ට තමන්ගේ බර වගේ 10% - 15% ක බරක් තියෙන පොඩි මාළුවෙක්ව සිරාවටම ගිලින්න පුළුවන්! ඔස්කලගෙ මම ඒක තදටම දැකල තියනවා. අවංකවම මට කලවමේ විකුනන්න කිසිම අරමුණක් නෑ. මට ඕනෙ මගෙන් පැටව් ගන්න අයට මෙයාලව අයින් කරල. තමං කරන්න යන වැඩේ කෙරෙන සත්තු ටිකක් දෙන්න.

ඒ නිසා මත්ස්‍ය වගාවකදී සති 2කට හෝ 3කට සැරයක් වත් සයිස් අනුව වෙන් කිරීම කළේ නැත්නම්, ව්‍යාපාරයක් විදිහට FCR එක සම්පූර්ණයෙන්ම වැනසෙනවා කියන එක මේ චිල් එකේ ඉන්න ගමන් ඔයාලටත් මතක් කරන්න හිතුණා!

එහෙනම් හැමෝටම සතුටින් පිරිච්ච සතිඅන්තයක් වේවා! චියර්ස්! 🍻

07/06/2026

පරිසරය රැකගෙන සංචාරක ව්‍යාපාරයට ලෝක මට්ටමේ අත්දැකීමක් එක් කරමු!

සංචාරක කර්මාන්තයක් ගැන කතා කරද්දී ලෝකයේම වැඩිපුරම අවධානය යොමු වෙන්නේ එරටේ තියෙන 'Food Culture' එකට. සංචාරකයන්ට දෙන්න පුළුවන් හොඳම ලෝකල් කුලනරි එක්ස්පීරියන්ස් එක මෝදා, මස් කකුළුවා සහ අලුත් ඉස්සන්ගේ රසය කියල මම විශ්වාස කරනවා

නමුත් මේකෙදි අපේ අරමුණ මාලු මැරීමම නෙවෙයි.
අපේ මේ ව්‍යාපෘතියේ වැදගත්ම කොටස තමයි "පරිසර සමතුලිතතාවය" (Ecological Balance). ඇයි අපි කහ කොච්චියා, තැඹලයා වැලිගොව්වන් වගේ අපේ දේශීය මත්ස්‍ය වර්ග ටික ආරක්ශා කරන්න ඕනේ? එතනයි මිස්ටරි එක තියෙන්නේ.

මේ දේශීය මත්ස්‍ය විශේෂ පරිසර පද්ධතියේ ඉන්නකොට, ඒක හරියට ස්වාභාවික 'Filter' එකක් වගේ. උන් පරිසරයේ තියෙන අතිරික්ත කාබනික ද්‍රව්‍ය පාලනය කරනවා.

ඒ වගේම තිලාපියා වගේ ආක්‍රමණශීලී විශේෂවලින් පද්ධතියට වෙන හානිය අවම කරලා, ස්වාභාවික පද්ධතියක් පවත්වාගෙන යන්න මේ දේශීය මත්ස්‍ය විශේෂ අත්‍යවශ්‍යයි.තිලාපියා විදෙස් සංචාරකයන් අතර එතරම් කැමැත්තක් තියන මත්ස්‍ය වර්ගයක් නෙමේ මොකද ලෝකෙ හැමතැනම තිලාපියා ඉන්නවා.ලෝකයේ ඕනම තැනක ලේසියෙන් ගෙම්බො වගේ බෝ වෙවී හැඳෙන හන්ද වානිජ වටිනාකමට වටිනාකමක් නෑ.

මම දකින ලංකාවටම ගැළපෙන 'Integrated Aqua-Tourism Model' එකක්.

අපි හදාගන්න ඕනෙ බෝපිටියට විතරක් නෙවෙයි, ලංකාවේ ඕනෑම කලපුවකට හෝ වැවකට ගළපන්න පුළුවන් ස්මාර්ට් මොඩල් එකක්.

1. Zone A - සංරක්ෂණ කලාපයක්.
අපේ දේශීය මත්ස්‍ය විශේෂවලට බාධාවකින් තොරව බෝ වෙන්න දෙන, සංචාරකයන්ට නිකම්ම බලාගන්න පුළුවන් 'Nature Trail' එකක්.

2. Zone B වගා කලාපයක්
ආර්ථික වාසි ලැබෙන මෝදා, කකුළුවා සහ ඉස්සන් වැනි විශේශ වගා කරන කලාපයක්

3. Zone C - අත්දැකීම් කලාපයක්
මෙතැනදී තමයි අපේ 'Food Culture' එක එළියට එන්නේ. සංචාරකයන්ට තමන්ගේ කෑම වේල තමන්ම අස්වැන්න නෙලාගෙන, දේශීය විදිහට පිළියෙළ කරගන්න පුළුවන් රසවත් අත්දැකීමක්.ජාතික මට්ටමින් ආහාර සංස්කෘතිය වෙනස් කරන්න කාලෙ හරි කියල හිතනවා.නැත්නම් මේ රටේ ආහාර් සංස්කෘතිය කොත්තුවකට රයිස් එකකට විතරක් ලඝුවේගන යනව කියල හිතෙනවා.

මම මේ දේ තනියම කරන්න ඕනෙ නෑ.
මේක ජාතික මට්ටමේ ආදර්ශ ව්‍යාපෘතියක් විදිහට දියුණු කරන්න පුළුවන් හැකියාවක් අපේ රටේ හැම කුඩා ජලාශයකටම තියෙනවා.

අපේ සම්පත් විනාශ කරගන්නේ නැතුව, ස්වාභාවික පරිසරයේ වටිනාකම සහ ඩොලර් උපයන කර්මාන්තයක් එකිනෙකට බද්ධ කරන්නේ කොහොමද කියන එක තමයි අපේ ගේම.

අපේ පැත්තේ වගේම ලංකාවේ වෙනත් ප්‍රදේශවලත් මේ වගේ ව්‍යාපෘතියකට මග පෑදෙනවා නම්, ඒක අපේ ජලජීවී වගාවේ අනාගතය වෙනස් කරන පියවරක් වේවි. මේ දැක්ම ගැන ඔයාලගේ අදහස මොකක්ද?

07/06/2026

අක්කර එකාමාරක වැවක් තියාගෙනත් මම මත්ස්‍ය වගාවෙන් "ෆේල්" වුණේ ඇයි? අද මම ඇත්තම කතාවක් කියන්නම්. 💧

මාව දන්න අය දන්නවා බෝපිටියේ මුහුදට මීටර් 500ක් දුරින් තියෙන මගේ මේ වැවේ මම නොකරපු දෙයක් නෑ කියලා. මාලු කියන නම ගෑවිච්ච හැමදේම මම අත්හදා බැලුවා.
ඇත්තම කිව්වොත් මූල්‍යමය පැත්තෙන් මම ලොකු සාර්ථකත්වයක් ලැබුවේ නෑ. සමහර දවස්වලට අතේ සතේ නැතුව, බඩගින්නෙ හිටපු දවසුත් තිබ්බා.

ඇත්තටම මම අසාර්ථකද? නැහැ.
මම මේකෙන් මාර පාඩමක් ඉගෙන ගත්තා. මම මාවම රිසර්ච් එකකට දාගත්තා. කාලයක් තිස්සේ මට වැරදුණේ කොතනද කියලා මම දැන් හරියටම දන්නවා. මම සාමාන්‍ය මිරිදිය මාලු හදන්න ට්‍රයි කරපු මේ වැවේ යට තියෙන්නේ කලපු මඩ. වතුර තියෙන්නේ අඩි 3යි. මාස හයක් ලවණතාවය (Salinity) වැඩි වෙනවා, අනිත් මාස හයේ අඩු වෙනවා. මේ වගේ පරිසරයකට මගේ පරණ ප්ලෑන් එක මැච් වුණේ නෑ. ඒකයි ඇත්ත.

දැන් මම ගේම ගහන්නේ වෙන විදිහකට! 🔄
මම මේක අතෑරියේ නෑ. මගේ වැව මම Zero-Waste Smart Integrated Aquaculture Model - අපද්‍රව්‍ය ශුන්‍ය, ඒකාබද්ධ ස්මාර්ට් ජලජීවී ආදර්ශ ව්‍යාපෘතියක්අපතේ යෑම් රහිත ආදර්ශ ව්‍යාපෘතියක් කරනවා.මුතුරාජවෙල විනාස නොවී රැකගන්න කෙස් පැලෙන තර්ක අස්සෙ මට රජයේ අනුග්‍රහයෙන් ආදර්ශ ව්‍යාපෘතියක් හදන්න උදව් කරන්න.

මුතුරාජවෙල ආශිත සංවේදී පරිසර පද්දතිය රටේ ආර්තිකයට පලදායීව භාවිතා කරන්නෙ කොහොමද කියන එක ගැන මට රටටම පෙන්නන්න ඕනෙ.

මම දැනට කරගෙන යන තිලාපියා 'Cut & Clean' බිස්නස් එකෙන් අයින් කරන කොටස් (වේස්ටේජ්) මම මඩ කකුළුවන්ට කෑම විදිහට දෙනවා. කෑම වියදම බිංදුවයි.

ලවණතාවය වෙනස් වෙන එකට ඔරොත්තු දෙන වේක්කයා ,මොදා සහ ඉස්සන් මේකට එකතු කරනවා.

මගේ ඊළඟ ලොකුම ටාගට් එක: ලංකාවේ මාලු හදන්න ආසාවෙන් ඉන්න කොල්ලො කෙල්ලොන්ට අඩුවට, හැබැයි ඉහළම ප්‍රමිතියට දෙන්න පුළුවන් Local Fish Feed එකක් නිෂ්පාදනය කරන එක.

රජයේ නිලධාරීන්ගෙන් මම බලාපොරොත්තු වෙන්නෙ මේ මොඩල් එකත් ප්‍රායෝගික නැත්නම් ප්‍රායෝගිකව අපිට ගැලපෙන , ඔය වගේ පාරිසරික තත්ත්වයන් බලලා, ඒවට ගැළපෙන "මොඩල්ස්" මිනිස්සුන්ට දෙන එක. එහෙම නැතුව මිනිස්සු ඉස්සර වගේ තමන්ගේ සල්ලි නාස්ති කරගෙන අත්හදා බලලා ෆේල් වෙනකන් බලන් ඉන්න එක නෙවෙයි කියල විශ්වාස කරනවා. ඔය අඩි තුනේ කලපු මඩ තියෙන වැවේ මම කරලා තියෙන්නේ, ඇත්තටම රජයේ ආයතනවලින් කරල අපි වගේ ඇම්මක් තියන උන්ට ගේමක් ගහන්න ඕනේ ප්‍රායෝගික R&D (පර්යේෂණ) එකක්.,
මිනිස්සු සල්ලි නාස්ති කරගෙන අපි වගේ ෆේල් වෙනකන් බලන් ඉන්න එක නෙවෙයි. මම ඒක තනියම ඉගෙන ගත්තා.

දැන් මගේ ළඟ ඉඩම තියෙනවා, පදනම තියෙනවා. මේක ආදර්ශ ව්‍යාපෘතියක් විදිහට ගොඩනගන ගමන තමයි මම අද ඉඳන් පටන් ගන්නේ.

මේ ෆීල්ඩ් එකට ආස, වැරදි වැරදි ඉගෙන ගෙන ගොඩයන්න හදන හැමෝම මාත් එක්ක සෙට් වෙන්න. අපි බලමු කොහොමද මේ ගේම ගහන්නේ කියලා. අපේ ජලජීවී මහත්වරු එක්ක අපිට ඇත්තටම දැන් ගමනක් යන්න පුලුවන් කිය්ද්ල මම විශ්වාස කරනවා.

මේ සැලැස්ම ගැන එක ගැන ඔයාලට හිතෙන දේ ගැන කමෙන්ට් එකක් දාගෙන යන්න. ඔයාලගෙ අදහස් බනින්න හරි විවුර්තව කතාකරන එකට මම මාරම විදියට රෙස්පෙක්ට් කරනවා👇💪

06/06/2026

ගරු ජනාධිපතිතුමනි / අදාළ අමාත්‍යතුමනි,

විෂය: ශ්‍රී ලංකාවේ තිරසාර ආර්ථික සංවර්ධනය සහ සංචාරක කර්මාන්තය නව මානයකට ගෙන යන "Smart Aqua-Tourism" ජාතික වැඩසටහන පිළිබඳ යෝජනාවලියක්.

ගරු ජනාධිපතිතුමනි,

ශ්‍රී ලංකාව සතු අතිවිශාල ජල සම්පත, ස්වභාවික පරිසර පද්ධතිය සහ අප සතු සංචාරක ආකර්ෂණය ලෝක මට්ටමේ ආර්ථික ප්‍රතිලාභ බවට පත් කරගැනීමේ හැකියාව පිළිබඳ මා විසින් වසර ගණනාවක සිට සිදු කළ අධ්‍යයනයන් මත මෙම යෝජනාවලිය ගෞරවයෙන් ඉදිරිපත් කරමි.

අපගේ දැක්ම (Vision):

සාම්ප්‍රදායික ධීවර හා කෘෂිකාර්මික ක්‍රමවේදයන් නවීන තාක්ෂණය (AI, IoT, සහ Data Analytics) සමඟ මුසු කර, පරිසරයට හානියක් නොවන අයුරින් "Smart Aqua-Tourism" (ජලජීවී වගා සහ සංචාරක) කලාප නිර්මාණය කිරීම.

යෝජනාවේ ප්‍රධාන අංග:

1. ආර්ථික පරිවර්තනය: ග්‍රාමීය මට්ටමින් කුඩා සහ මධ්‍ය පරිමාණ ජලජීවී වගා ව්‍යාපෘති දියත් කිරීම මගින් ඩොලර් උපයන අපනයන ඉලක්කගත නිෂ්පාදන (High-value export products) සහ දේශීය ආහාර සුරක්ෂිතතාව තහවුරු කිරීම.

2. සංචාරක කර්මාන්තයේ නව මගක්: සංචාරකයන්ට හුදෙක් හෝටල් කාමරයක නවාතැන් ගන්නවාට වඩා, ලංකාවේ ස්වභාවික වැව් සහ ජල පද්ධති ආශ්‍රිතව අත්දැකීම් ලැබිය හැකි "Aqua-Tourism" අත්දැකීම ලබා දීම. මෙය ලෝකයේ සංචාරකයන් දැඩි ලෙස ආකර්ෂණය කරගන්නා 'Experience-based Tourism' සඳහා කදිම උදාහරණයක් වනු ඇත.

3. තාක්ෂණික මැදිහත්වීම (Smart Tech): මෙම සෑම ව්‍යාපෘතියක්ම ස්වයංක්‍රීය සෙන්සර් සහ දත්ත කළමනාකරණ පද්ධති (Automation) මගින් නිරීක්ෂණය කිරීම. එමගින් පරිසර දූෂණය අවම කරමින්, ඉහළම ඵලදායිතාවයක් ලබා ගැනීම.AI.

4. තරුණ පරපුර රඳවා ගැනීම: තාක්ෂණය සහ නවීන බිස්නස් මොඩල්ස් මේ ක්ෂේත්‍රයට සම්බන්ධ කිරීම හරහා තරුණ පරම්පරාවට ගොවිතැන හෝ ධීවර කර්මාන්තය කෙරෙහි ඇති අකමැත්ත නැති කර, ඔවුන්ට ගෞරවනීය සහ ඉහළ ආදායම් ලැබිය හැකි වෘත්තීය ක්ෂේත්‍රයක් ලෙස මෙය ස්ථාපිත කිරීම.

අවශ්‍ය වන සහාය:

• මෙම ව්‍යාපෘතිය සඳහා ආදර්ශමත් (Pilot project) කලාප කිහිපයක් දියත් කිරීමට රාජ්‍ය සහ පෞද්ගලික අංශයේ හවුල්කාරිත්වයක් (PPP Model) ඇති කිරීම.

• නවීන ඇක්වකල්චර් තාක්ෂණය ආනයනය කිරීමේදී බදු සහන ලබා දීම සහ තෝරාගත් ආදර්ශ ව්‍යාපෘති සඳහා රාජ්‍ය අනුග්‍රහය ලබා දීම.

• පරිසර හිතකාමී ව්‍යාපෘති ලෙස මේවා ලියාපදිංචි කර, ජාත්‍යන්තර තත්ත්ව සහතික ලබා ගැනීමට සහාය වීම.

ගරු ජනාධිපතිතුමනි, මෙම යෝජනාව හුදෙක් ව්‍යාපෘතියක් නොව, අපේ රටේ ඇති අසීමිත ජල සම්පත ආර්ථික බලවේගයක් කරගැනීමේ මාවතයි. මම දැනටමත් මගේ පුද්ගලික ජලාශය ආශ්‍රිතව මුතුරාජවෙල ෆිශ් පාක් නමින් මෙම "Smart Aqua-Tourism" ආදර්ශ ව්‍යාපෘතිය ගොඩනැගීම ආරම්භ කර ඇති අතර, එහි ප්‍රතිඵල ඔබතුමාට පෞද්ගලිකවම නිරීක්ෂණය කිරීමට ආරාධනා කරමි.
මෙම යෝජනාව පිළිබඳව සාකච්ඡා කිරීමට අවශ්‍ය ඕනෑම අවස්ථාවක පෙනී සිටීමට මම සූදානම්.
මෙයට,

චන්දිම පෙරේරා
Perera Fish Farm and Hatchery
http://linkedin.com/in/perera-chandima

06/06/2026

ගොඩක් අය දන්නවා මම ඩුබායි වල තිබ්බ මගේ IT හොස්පිටැලිටි ලයිෆ් එක දාලා ආයේ ලංකාවට ආවා කියලා. මට තිබ්බ ලොකුම හීනය තමයි මේ අක්කර එකාමාරේ මගේම වැව, ලංකාවේ පරණ ක්‍රමයට නෙවෙයි, අලුත් තාක්ෂණයෙන් Smart Aquaculture සිස්ටම් එකක් ගොඩනගන එක.

අද පාන්දර පෑලියගොඩ මාකට් එකේ ඉඳන් මම ගත්ත අත්දැකීම මට හොඳටම කියා දුන්නා එක දෙයක්. අපි තාමත් ඉන්නේ 2026 අවුරුද්දේ, හැබැයි අපි පාවිච්චි කරන්නේ 1990 ගණන්වල ක්‍රම. ඒකයි ගොඩක් ෆාම්ස් ෆේල් වෙන්නේ.

මම මගේ ෆාම් එකේ කරන හැම දේම—වැරදුණු තැන්, ලාභ, පාඩු, මම හදන ස්මාර්ට් සිස්ටම්ස්—මේ හැමදේම ඔයාලත් එක්ක විවෘතව බෙදාගන්නවා. මම මේක කරන්නේ මම හැමදේම දන්න නිසා නෙවෙයි, මට ඕනේ තාක්ෂණයත් එක්ක මේ කර්මාන්තය වෙනස් කරන්න.

ඩුබායි වල ඉඳන් ඇවිත් අදට මාස හයයි. මම දැන් ඉන්නේ වෙනම විෂන් එකක. මම මේ යන ගමනේ වැරදිත් ඇති, හැබැයි මම මේක නවත්තන්නෙ නෑ.

ඔයාලා තාක්ෂණයත් එක්ක ගොවිතැනට (Agri-Tech) ආසයි නම්, මාත් එක්ක සෙට් වෙලා ඉන්න. අපි බලමු කොහොමද මේ වැවෙන් ලංකාවේ වෙනසක් කරන්නේ කියලා. 🤝

PereraFishFarm

01/06/2026

පවුලේ අය එක්ක හරි, යාළුවෝ එක්ක හරි අද රෑට Dinner එකක් ලෑස්ති කරනවද ?

මෙන්න Night Owl "තෙප්පම"! 🦀🔥

තරු පහේ හෝටලයකින් කනවා වගේ පට්ටම Premium Seafood අත්දැකීමක්, දැන් ඔයාගේ ගෙදරටම! අද හවස 6:00 ඉඳන් Night Owl අපි ලෑස්තියි ඔයාලගේ රෑ කෑම වේල අමතක නොවන අත්දැකීමක් කරන්න. පවුලේ අයත් එක්ක රසවිඳින්න වගේම, යාළුවෝ එක්ක සෙට් වෙද්දි රසට කන්නත් මේක තමයි ගැලපෙනම ප්ලැටර් එක. 👑

"තෙප්පම" ඇතුළේ තියෙන්නේ මොනවද?

• 🦀 අඟුරු රස්නෙන් එන උණු උණු කලපු කකුළුවෝ
• 🍤 කටට කෙළ උනන ක්‍රිස්පි ජම්බෝ ඉස්සෝ
• 🐟 රන්වන් පාටට බැදපු අලුත් මාළු
• 🦑 හැමෝම ආස කරන Hot Butter Cuttlefish (HBC)
• 🥗 මේ ඔක්කොම එක්ක සුපිරි ගාර්ලික් රයිස් එකකුයි, Fresh වෙජි සැලඩ් එකකුයි!

හතර දෙනාටම රු. 8,800/=

👑 SPECIAL NIGHT OWL EXPERIENCE Dine-In
🛶 ඇප් එකෙන් ගෙන්නගෙන ගෙදර කනවා වගේම, මේ ප්ලැටර් එක අපේ බෝපිටියේ තියෙන "Muthurajawela Fish Park" එකේ වැව මැද පාවෙන කබානා (Floating Cabana) එකක ඉඳන් පවුලේ අයත් එක්ක රසවිඳින්න ඔයාට පුළුවන්!

🍾 BYOB (Bring Your Own Bottle): යාළුවෝ සෙට් එකත් එක්ක ඔයාලගේම ඩ්‍රින්ක් එකක් අරන් එන්න. කිසිම Service Charge එකක් හෝ Corkage එකක් නෑ! (ටේබල් 3ක් විතරක් තියෙන නිසා දැන්ම Call කරලා බුක් කරගන්න).

එක පාරක් රස බැලුවොත්, ඊළඟ දවසෙත් අනිවාර්යයෙන්ම මතක් වෙන රසක් අපි සහතික කරනවා. 🤤

🛵 හවස 6:00 සිට අපි විවෘතයි. Uber Eats / PickMe හරහා දැන්ම ගෙන්නගන්න. නැත්නම් අපිට කෙළින්ම කතා කරන්න.

01/06/2026