22/08/2026
සුපිළිපන්න ආයතනයක් – අභිප්රේරණයෙන් ශක්තිමත් සේවක පිරිසක්
2026 අගෝස්තු 21 දින ශ්රී ලංකා ත්රිපෝෂ ආයතනයේ සභාපතිතුමන්, කළමණාකාරිත්වය, අභ්යන්තර කටයුතු ඒකකයේ සියළුම නිලධාරින් මෙන්ම ආයතනයේ සමස්ථ සේවක සේවිකාවන්ගේ සහභාගීත්වයෙන් “සුපිළිපන්න ආයතනයක් – අභිප්රේරණයෙන් ශක්තිමත් සේවක පිරිසක්
” පිළිබඳ වැදගත් හා සාර්ථක වැඩසටහනක් පැවැත්විණි.
මෙම වැඩසටහනේ දේශකයා ලෙස සහභාගී වූ කැලණිය විශ්වවිද්යාලයේ ජ්යෙෂ්ඨ කථිකාචාර්ය තරිඳු ධනංජය වීරසිංහ මහතා, සේවකයන්ගේ ආකල්ප, ධනාත්මක චින්තනය, කණ්ඩායම් හැඟීම, වෘත්තීය ආකල්ප සහ රාජකාරිය පිළිබඳ වගකීම තවදුරටත් ශක්තිමත් කරගැනීම සඳහා වටිනා දැනුමක් හා මඟපෙන්වීමක් ලබා දුන්නේය.
ආයතනයක සැබෑ ශක්තිය ගොඩනැගිලි, යන්ත්රෝපකරණ හෝ මූල්ය සම්පත් පමණක් නොවෙයි. සතුටින්, කැපවීමෙන්, වගකීමෙන් හා ධනාත්මක ආකල්පයකින් රාජකාරිය ඉටු කරන සේවක පිරිසක් එහි සාර්ථකත්වයේ සැබෑ බලවේගයයි.
එබැවින් සේවක අභිප්රේරණය, මානසික සුවතාව, කණ්ඩායම් හැඟීම, වෘත්තීය ආචාරධර්ම සහ යහපත් ආයතනික සංස්කෘතිය වර්ධනය කිරීම සඳහා මෙවැනි වැඩසටහන් අඛණ්ඩව ක්රියාත්මක කිරීම අත්යවශ්ය වේ.
සුපිළිපන්න ආයතනයක් යනු අක්රමිකතාවලින් තොර, විනිවිදභාවයෙන්, අවංකභාවයෙන් සහ වගකීමෙන් ක්රියා කරන ආයතනයකි. එවැනි ආයතනික සංස්කෘතියක් ගොඩනැගීම කළමනාකාරිත්වයේ පමණක් නොව, අප සියලුදෙනාගේම වගකීමකි.
