10/09/2026
කොළ තේ අතර සුවිශේෂ Longjing තේ ගැනයි
අද #තේ_ගැන_විස්තරේ
Longjing තේ චීනයේ Zhejiang පලාතේ Hangzhou හි නිශ්පාදනය කරනු ලබන කොළ තේ වර්ගයකි. Dragon Well tea යනුවෙන් ද හැඳින්වෙන Longjing තේ Tang රාජධානි සමය දක්වා දිවෙන දීර්ඝ ඉතිහාසයකට හිමිකම් කියන අතර චීනයේ හොඳම තේ වර්ග 10 අතරෙහි ලා සැලකේ.
Longjing තේ එතරම්ම සුවිශේෂ වීමට හේතුව කුමක් ද? එයට එක් හේතුවක් නම් මෙම තේ කොළ වල අලංකාර පෙනුමයි. ගේ කුරුල්ලකුගේ දිව සිහිගන්වන සම්පූර්ණ, නොකැඩුනු තේ කොළ වලින් මෙම තේ සමන්විතය. Longjing තේ කොළ වලින් සාදනු ලබන තේ ලා කහ-කොළ පැහැයක් ගන්නා අතර මිහිරි සුවඳින් ද තිත්ත හෝ කහට ගතියෙන් තොර මෘදු, ප්‍රණීත රසයෙන් ද යුතුවේ. මෙම තේ පානයෙන් බොහෝ වේලාවක් ගත වන තුරු එහි මිහිරි රසය දිවට දැනේ.
වසන්ත කාලයේ මුල,(අප්‍රියෙල් 4,5) එන Qingming උත්සවයට පෙර, අතින් නෙලා ගනු ලබන තේ දලු Longjing තේ නිශ්පාදනය සඳහා යොදා ගනු ලැබේ. හොඳම තත්ත්වයේ Longjing තේ ලැබෙන්නේ තේ ගසෙහි ඇති වන පළමු දලු මුරයෙනි. නෙලා ගනු ලබන තේ දලු ඊලඟට "wok" යනුවෙන් හැඳින්වෙන තාච්චුවල බැදෙන්නට හරිනු ලබන අතර එහි අරමුණ තේ දලු වල එන්සයිම ඔක්සිකරණයට ලක් වීම වලකා කහට පිපීම වැලැක්වීයි. "sha qing" ලෙස හැඳින්වෙන මෙම ක්‍රියාවලිය තුල දී නියම උණුසුම සහ තෙතමනය පවත්වා ගැනීම සඳහා ඉතා හොඳ පලපුරුද්දක් අවශ්‍ය වේ.
Longjing තේ ප්‍රතිඔක්සිකාරක, විටමින, සහ ඛනිජ ලවණ වලින් පොහොසත් අතර සෞබ්‍යමය ප්‍රතිලාභ රැසක් ලබා දෙයි. එය ඔබගේ ප්‍රතිශක්තිය වර්ධනය කිරීමට ද, කොලෙස්ටරෝල් මට්ටම අඩු කිරීමට ද, හෘද රෝග සහ පිළිකා අවදානම අඩු කිරීමට ද, ආහාර ජීර්ණය පහසු කිරීමට ද, පරිවෘත්තීය ක්‍රියා වලට උපකාරී වීමට ද සමත් වේ. එමෙන්ම එහි ඇති කැෆේන් මගින් ප්‍රබෝධමත් බවින් යුතුව දවස ගෙවීමට උත්තේජනය ලබා දෙයි.
ඔබත් Longjing තේ රස විඳ බලන්නට කැමති නම් දීප්තිමත් කොළ පැහැයෙන් යුතු, නැවුම් සුවඳක් ඇති තේ කොළ ලබා ගන්නට මතක තබා ගන්න. Longjing තේ සාදා ගැනීම සඳහා සෙල්සියස් අංශක 80ට පමණ උණුසුම් කල වතුර තුළ තේ කොළ මිනිත්තු 1-2 පමණ තැම්බෙන්නට හැරීම සුදුසු වේ. සාදා ගැනීමෙන් පසු අයිස් කැට සමඟ හෝ ශීතකරණයේ තැබීම මගින් හෝ සිසිල් බීමක් ලෙස වුව ද ඔබට Longjing තේ පානය කල හැක.
✍ Keshana Samarakoon
Ceylon Tea Culture (Pvt) Ltd
