10/08/2026
ඔබේ දරුවාගේ වර්ධනයට යෝගට් (Yoghurt) ලබා දිය යුත්තේ ඇයි?
සාමාන්යයෙන් මාස 6 සම්පූර්ණ වූ පසු අමතර ආහාර (Complementary foods) ආරම්භ කළ දරුවන්ට සීනි නොදැමූ, රසකාරක නොමැති සම්පූර්ණ මේදය (Full-fat) සහිත යෝගට් සුදුසු ප්රමාණයෙන් ලබා දිය හැකිය. යෝගට් යනු දරුවාගේ වර්ධනයට වැදගත් පෝෂක රැසක් අඩංගු ආහාරයකි.
දරුවාට යෝගට් ලබා දීමෙන් ලැබෙන ප්රයෝජන
🥣 1. අස්ථි හා දත් ශක්තිමත් කරයි 🦴
Calcium බහුලය.
Phosphorus සහ Protein සමඟ එකතු වී අස්ථි හා දත් වර්ධනයට උපකාරී වේ.
🥣 2. බඩවැල් සෞඛ්යය වැඩි දියුණු කරයි 🌱
යෝගට්වල ඇති Probiotics (හිතකර බැක්ටීරියා) ආහාර ජීර්ණය පහසු කරයි.
බඩවැල්වල හිතකර බැක්ටීරියා සමතුලිතතාව පවත්වා ගැනීමට උපකාරී වේ.
සමහර දරුවන්ගේ මලබද්ධතාව අඩු කිරීමට ද උපකාර විය හැක.
🥣 3. හොඳ ප්රෝටීන් ප්රභවයකි 💪
මාංශ පේශි, ශරීර පටක සහ සෛල වර්ධනයට අවශ්ය ප්රෝටීන් සපයයි.
🥣 4. ප්රතිශක්තියට සහාය වේ 🛡️
ප්රෝබයෝටික් බැක්ටීරියා බඩවැල් සෞඛ්යය හරහා ප්රතිශක්ති පද්ධතියට සහාය විය හැක.
🥣 5. පහසුවෙන් ජීර්ණය වේ 🌼
කිරිවලට වඩා Lactose ප්රමාණය අඩු බැවින් බොහෝ දරුවන්ට පහසුවෙන් ජීර්ණය කළ හැක.
සාමාන්ය යෝගට් (Regular Yoghurt)
🔳පෝෂණ ලක්ෂණ
➖Calcium බහුලයි.
➖Protein හොඳ ප්රමාණයක් ඇත.
➖Vitamin B12
➖Riboflavin (Vitamin B2)
➖Phosphorus
➖Potassium
➖Probiotics
🔳සුදුසු වන්නේ
දෛනික ආහාරයට.
පළතුරු සමඟ මිශ්ර කර ලබා දීමට
Greek Yoghurt
————————
Greek Yoghurt යනු අමතර දියර (Whey) ඉවත් කර සාදන යෝගට් වර්ගයකි.
Greek යෝගට් සාමාන්ය යෝගට් වලට වඩා ප්රෝටීන් ප්රමාණය දෙගුණයක් වැඩී!!
මෙහෙම වෙන්න හේතුව තමයි 👇
සාමාන්ය යෝගට් හදනකොට කිරි වල තියෙන දියර කොටස Whey වෙන් කරන් නෑ 🥛
මේ Whey කියන්නේ කිරි වල වතුර සහ සීනි (lactose)🍯 කොටසට.
ඉතින් Greek යෝගට් හදනකොට සාමාන්ය විදියට බැක්ටීරියා 🦠 මගින් පැසවලා, ඊට පස්සේ මේ Whey කොටස අයින් කරනවා ⛔
එතකොට ඉතුරු වෙන්නේ කිරි වල ඝන කොටස (ප්රදානව මේදය, කේසීන් ප්රෝටීනය) විතරයි.
Whey අයින් කරාම කිරි වල තියන සීනි වලින් 60-70% ප්රමාණයක් අයින් වෙනවා ✅ ඒකයි සාමාන්ය යෝගට් වලට වඩා Greek යෝගට් වල ප්රෝටීන් වැඩි 💪 සහ Carbs අඩු 📉 වෙන්නේ!
Greek Yoghurt වල වාසි
✅ Protein සාමාන්ය යෝගට්වලට වඩා වැඩියි
මාංශ පේශි සහ ශරීර වර්ධනයට උපකාරී වේ.
✅ ඝනකමින් වැඩියි
හැන්දෙන් කෑමට ඉගෙන ගන්නා දරුවන්ට පහසු වේ.
✅ සීනි (ස්වාභාවික Lactose) සාමාන්යයෙන් ටිකක් අඩුයි
සමහර දරුවන්ට ජීර්ණය වඩාත් පහසු විය හැක.
✅ තෘප්තිමත් බව වැඩි කරයි
ප්රෝටීන් වැඩි නිසා වැඩි වේලාවක් බඩ පිරුණු බවක් දැනේ
එතකොට ඇයි Greek යෝගට් මෙච්චර ගණන්?
ඒකට හේතුව තමයි යෝගට් 4kg හදන කිරි වලින් Greek යෝගට් හදන්න පුළුවන් 1kg විතරයි.
ඒ වගේම මේ Whey ඉවත් කරන්න, පරිසරයට බැහැර කරන්න ඕනේ කරන Treatment වලටත් Company වලට වැඩි මුදලක් වැය වෙනවා 🏭. මේ නිසා තමා greek යෝගට් මිල වැඩි !
බබාට දෙන්න පුළුවන් ක්රම
ඒක සතියට 2–3 වතාවක්, වරකට 2–4 හැදි වගේ දීලා, කෙසෙල්, ස්ට්රෝබෙරි (කලින් හඳුන්වා දී ඇත්නම්), අඹ වගේ පළතුරු පියුරේ සමඟත් දෙන්න පුළුවන්.
Mom Tips
✔️⚠️ දරුවාට කිරි ආශ්රිත ආහාරවලට අසාත්මිකතාවක් (Cow's milk protein allergy) තිබේ නම් හෝ විශේෂ සෞඛ්ය තත්ත්වයක් තිබේ නම්, යෝගට් ලබා දීමට පෙර ළමා වෛද්යවරයාගේ උපදෙස් ලබා ගන්න
✔️ බර ටිකක් වැඩි කරගන්න උත්සාහ කරනවා නම්, Plain Full-fat Greek Yogurt
✔️මාස 6 බබෙකුට නම් ග්රීක් යෝගට් (Plain, Full-fat) ටිකක් වඩා හොඳ තේරීමක්.
