14/06/2026
தென் ஆசியாவில் மிகவும் பிரபலமான இனிப்புகளில் ஒன்று
ஜிலேபி (Jalebi) வரலாறு
-----------------------------------------------------------
ஜிலேபி என்பது தென் ஆசியாவில் மிகவும் பிரபலமான இனிப்புகளில் ஒன்று. வெளியே மொறுமொறுப்பாகவும், உள்ளே சர்க்கரை பாகு நிறைந்ததாகவும் இருக்கும் இந்த இனிப்பு இந்தியா, பாகிஸ்தான், வங்காளதேசம், இலங்கை உள்ளிட்ட பல நாடுகளில் விரும்பி சாப்பிடப்படுகிறது.
ஜிலேபியின் ஆரம்ப வரலாறு மத்திய கிழக்கு நாடுகளுடன் தொடர்புடையது என்று வரலாற்றாசிரியர்கள் கூறுகின்றனர். பழமையான அரபு இனிப்பான “Zalabiya”அல்லது “Zulbiya” என்பதிலிருந்தே “Jalebi” என்ற பெயர் வந்ததாக நம்பப்படுகிறது.
ஈரான் மற்றும் அரபு நாடுகளில் இந்த இனிப்பு தயாரிக்கப்பட்டு வந்தது. பின்னர் முஸ்லிம் வர்த்தகர்கள் மற்றும் அரசர்களின் மூலம் இந்திய துணைக்கண்டத்திற்கு வந்தது.
இந்தியாவில் ஜிலேபி பல நூற்றாண்டுகளாக பிரபலமாக உள்ளது. 15ஆம் நூற்றாண்டு சமையல் நூல்களில் கூட ஜிலேபி பற்றிய குறிப்புகள் காணப்படுகின்றன. வட இந்தியாவில் காலை உணவாக ஜிலேபி மற்றும் பால் அல்லது சமோசாவுடன் சேர்த்து சாப்பிடும் பழக்கம் இருந்தது.
ஜிலேபி பொதுவாக:
* மைதா மாவு
* தயிர்
* சர்க்கரை பாகு
* ஏலக்காய் / குங்குமப்பூ போன்றவற்றைப் பயன்படுத்தி தயாரிக்கப்படுகிறது.
மாவை புளிக்கவைத்து எண்ணெய் அல்லது நெய்யில் சுருள் வடிவில் பொரித்து, பின்னர் சர்க்கரை பாகில் ஊறவைக்கிறார்கள்.
இலங்கையிலும் ரமழான் காலம் மற்றும் திருமண விழாக்கள் ஜிலேபி மிகவும் பிரபலமான இனிப்பாகும்.
தெரு உணவகங்கள், இந்திய இனிப்பு கடைகள் இவற்றில் அதிகமாக விற்பனை செய்யப்படுகிறது.
இந்தியாவின் சில பகுதிகளில் “ஜிலேபி”க்கு “ஜிலேபா”, “ஜிலாபி” போன்ற பெயர்களும் உண்டு.
பெரிய அளவில் செய்யப்படும் ஜிலேபி “ஜாங்கிரி”யுடன் அடிக்கடி ஒப்பிடப்படுகிறது. ஆனால் இரண்டும் வேறு இனிப்புகள்.
