19/08/2026
للاسف الحلال في بلادنا اصبح نوع من انواع الجهاد والحرام اسهل من اكل طرف حلوى باهي وين تبو توصلونا ضي يهرب باليومين والتلاتة تجي تشري نافطة باش تولع مولد تلقاها اللتر ب10 تهرب من الحوش تلقى مافيش بنزينة يا الشيلات مسكرة ياتوقف في طالور البنزينة نص يوم تجيك طلبية تمشي بتشري المواد تلقي المحل زايد في كل حاجة 10 و 15 و 20 دينار تقوليله علاش يقولك النافطة تكلمي التوصيل يوصلك يقولك 20-25 50 تقوليلهم علاش يقولك البنزينة و تتصل بيك وحدة مع احترامي للمحترمات غبية راسها مربع تقولك علاش التوصيل غالي تقول انا ناخد فيه والا تتصل تقولك تبي تورتة ل10 اشخاص وتبيها باقل من مية ومعاها تصحح في وجهها وتقولك علاش غالية لقيتها عند محلات معروفة بسعر اقل اختي بررري اشري منها معاش تنفخيلي راسي انا اسعاري غالية لاني نخدم بضمير وبالحلال بري اشري من اللي صلاحيته منتهية واللي التورتة خادمها من شهر فات و كل مالكريمة البرانية تجف ويولي لونها اصفر يغيرها واللي عماله افريقين بدون مواد ولا شهادات صحية واللي عاطية لشغالتها تخدملك في كيكتك والشغالة مامخلية مادايرة في الكيكات والا اللي تدير دعاية لمحل مقابل تاخد منه مواد صلاحيتها طايحة من 2022فوتوني والا اللي تحلفلك وتقولك نخدم بمواد اصلية وبلجيكية وهي تخدم بمواد مصرية تحت بير السلم يلي يبي الرخيص يمشي للرخيص انا نبيع للناس اللي تحب تقدر نفسها وخايفة على صحتها و عندها ثقة اني عمري مانغشها ولا نخون ضميري انا قاعدة نجااااهد ونخدم بالحلال والصفحة هذه عدو قداش ليها سنة مفتوحة واللي قبلها من 2010 شوفو انا قداش ليا في هالمجال وعلى السوشل ميديا معاش حد يخش يقولي غالية اي انا غالية والغالي يرخصله الغالي مقابل صحته ان شاء الله وصلت
