Sarah's diet Bakery

Sarah's diet Bakery Contact information, map and directions, contact form, opening hours, services, ratings, photos, videos and announcements from Sarah's diet Bakery, Speciality food shop, Tripoli.

اهلا بيكم في صفحة sarah's diet bakery ...صفحه لبيع الأكل الخاص بمرضى السكري والأكلات الخاصه بمختلف الحميات المعروفه( low calory diet,moderate diet,atkins diet,dukan diet,paleo diet,points diet......)...قضيت 3 سنين في ابتكار وتجربة الوصفات الصحيه والتابعه للدايت...قريت من الكتب ومن مواقع التواصل الاجتماعي..سجلت فمواقع انجليزيه وفرنسيه وأسبانيه وحتا الهنديه..استوردت مكونات جديده وحلال لطبخ وصفاتي..وبنكهه غير بحيث م يكونش في ملل فالدايت..أول الوصفات المجربه كانت الخبزه..وهادي أول شي يشطب في قرار الدايت..يا تلغيها ي أما بتاكلي شريحتين طوست شعير فاليوم..لذلك جربت عدة وصفات بحيث تكون خاليه من الدقيق وتكون أقرب للخبزه العاديه بقدر الأمكان بس بسعرات حراريه أقل ..وبعدين جربت الكيك والحلو لأنه بصراحه وأني وحده من الناس معروفين ب حبنا للشاهي والقهوه ومعاها الحلو..وبعدين جربت البيتزا وجربت وجربت..وعلي فكره معظم الصور اللي رح اننزلها مش من تصويري وأنما من المواقع اللي ناخد منها فالوصفات..مش بارعه فالتصوير شخصيا..كل وصفه رح تكون مرفقه بجدول الnutrition fact من قبل أخصائيين في حسابه...للطلب او الاستفسار أرسلو رساله عالصفحه...بالتوفيق

حلويات الجمعه و طلعت البحر كلللها متوفره 🤗قرينات.. مقروض.. غريبة لوز... غريبة غزايني.. غريبة فستق.. غريبة نسكافيهوالله ا...
30/07/2026

حلويات الجمعه و طلعت البحر كلللها متوفره 🤗
قرينات.. مقروض.. غريبة لوز... غريبة غزايني.. غريبة فستق.. غريبة نسكافيه
والله الطعم جميييل و استمتاع بأقل خسائر صحيه و نفسيه.... مفيش عذر البدائل الصحيه كلها متوفره.. و بكل فخر ب علمي و تعبي و قرايتي انقول (إن البدائل الصحيه من عند ساره غير)
و القرار يرجعلكم 🤷

خلي عليك هروب الضي و نعنشي 🤗موس ليمونموس فستق بالكرزتشييز كيكمعبيااات:بروتين 💪/فيتامين B12 / بيوتين / MCT /أليافمن غير :...
28/07/2026

خلي عليك هروب الضي و نعنشي 🤗
موس ليمون
موس فستق بالكرز
تشييز كيك
معبيااات:
بروتين 💪/فيتامين B12 / بيوتين / MCT /ألياف
من غير :
سكر /زيت /دقيق / من غير نكد 😉
صوره صورهالكم خوي مالجنان 👇👇

علاش نستخدم في دقيق الترمس في جميع منتجاتي🤔 فيه جميع الاحماض الامينيه الاساسيه اللي ما يصنعهاش الجسم واللي ضروري تتحصل ...
22/07/2026

علاش نستخدم في دقيق الترمس في جميع منتجاتي🤔
فيه جميع الاحماض الامينيه الاساسيه اللي ما يصنعهاش الجسم واللي ضروري تتحصل عليها من مصدر خارجي زي اللحوم الحيوانيه
الفوليك اسيد👏 الكميه المفروض يتناولها الشخص البالغ 200 مللي جرام في اليوم.... 100 جرام من الترمس فيها (182 مللي جرام) من الفوليك اسيد😯✋ والفوليك اسيد مش للحوامل والمرضعات فقط لا لا..راهو اساسي للصغير قبل الكبير.. راه يدخل تقريبا في جميع المكملات الغذائيه💪 والمواد التجميليه للبشره والكل يعرف فوائد الفوليك اسيد💫............ 100 جرام من دقيق الترمس فيها 30 جرام الياف 38 جرام بروتين 💪 9 جرام كربوهيدرات... و ريتي ال9 جرام كربوهيدرات... هاااادي يتم دعم عمليه هضمها (بالمنجنيز 👏) اللي في حبه الترمس نفسها😯 بخصوص (المنجنيز) ريتي علامات التمدد في الجسم... هذه عباره عن خلل في النسيج الضام... ومعدن المنجنيز هذا يعتبر (دااااعم كبير للنسيج الضام و النسيخ الغضروفي 💫)................................................................ يعني لأي شخص سواء كان في مرحله نزول الوزن او شخص رياضي ننصحك بتدخيل حتى ولو 100 جرام في من دقيق الترمس في روتينك اليومي....................... لو بتعجن بدقيق القمح ضيف 100 جرام دقيق ترمس

ضيف 100 جرام ترمس للفروبي او السمو ي ومش هيعطي ولا نكهه غريبه صدقوني✋

راهو الحديث على دقيق الترمس يطول ايطول ننصحكم بيه لصغاركم قبل كباركم راهوا يعتبر دقيق ذهبي بدون مبالغه💪
قرينات /غريبة لوز /غريبة نسكافيه بالقهوة العربيه، الأصناف هادي متوفره مصنوعة بدقيق اللوز الترمس و معجونة بزبدة لورباك والطعمممم😌 و مليااانه بروتين طبيعي نظييييف و نااازك 💪

قالك هذا في شاب مواليد 95 محترم و الناس كلها تشهد بأخلاقه و سمعته الشبيب هذا ..و زيدك يا زايد الشبيب هذا ايقولك (الزين و...
14/07/2026

قالك هذا في شاب مواليد 95 محترم و الناس كلها تشهد بأخلاقه و سمعته الشبيب هذا ..و زيدك يا زايد الشبيب هذا ايقولك (الزين و رضي الوالدين ) رايح ادقول تركي…و فوق من هكي الشبيب يتمرن ( رياضي) يعني..و مالنوعيه المحافظه هكي..يعني لا جاي متشدد لا راخي بكل ..عاااايش بما يرضي الله
من 3سنين هكي فاتو ..مشي تقدم لعيلة و قاللهم راني ميسور الحال و نبي بنت الناس اللي تعيش معاي زي م اني ..واني اننقص من أساسياتي باش انوفرلها هي الكماليات ، المهم نعيش مرتاح و متهني و م تطلبش مني اللي م نقدرش عليه ..هادوكا العيله و بنتهم وافقو وقالوله حني شاريين راجل و خديم علي روحه و سمعته زي الفل فايحه..
والشبيب هذا عنده قطعة ارض في عين زاره و قاللهم من يوم المقابله راني موقع عقد ايجار لين إنلم تفتوفه باهيه نبني بيها بنيه مليحه..وقلتلكم راهو خديم علي روحه و متعين فالدولة و ايحط في راسه في اي خدمة حلايليه ايطلع بيها قرشين..يعني نويشط الحق يا ربي
المهم اتفقو ان العيله ان اللي بيك ب بنتنا..و كملت الجيزه علي خير…ال6 شهور الاولات مشو ربي ايبارك (مسلسل تركي) و بعدها يتغير الحال ..بدت هاداكا الشبيب الامور الماديه فالنازل ..مع هذا ..مع هذا آآآ ركزو فيها هادي…كل سنه لازم ايلقط للعمره و يرفع فيها هي و ولده معاه..طلعه اسبوعيه و عشي برا..وكل صيف لازم 3 اربعه ايام في قريه فخمه... أول م فتحو دار الرويال كان هو أول النازلين فيها و هونا تعرفو منتجع الرويال اسعارهم….و كان انقلكم حاجه عيد الفطر اللي فات ..قلها اسمعي انتي رمضان كله واقفه ..و هو ماكلته متع شخص رياضي تبي دقه و حسبه..المهم قلها تعبتي في جرتي..اليوم الاول فالعيد لا اماليك لا إماليا نعيدو الصبح و نتوكلو مصراته نعيدو و نغيرو جو…المهم اقاربه و صحابه سمعو بيه جاي خلصو عليه حجز فندق معروف بفخامته حتا هو..لأن زي م قلتلكم الشبيب سمعته ربي ايبارك و قدع مع كل الناس و مشي هداكا الاسبوع كله عزايم غدي عشي و روحو ب عرم هدايا عطور علي بخور علي عبايات علي (م تفهمي حتا شي) هاااااااذا كله اللي فات و هي مش عاجبها و ادقولله اني مش عايشه زي الناس و قلة الاحترام و الصوت العالي و طلبات فوق من قدرته ومع ذلك ايوفر فيهم راه…….و قال اني مختار(الصبر و الأجر) لوجه الله.
مع الايام و مع البلاد انشوفو فيها كيف الراجل لقي روحه ف الدين معاشات واقفات و الخدمة معاش تغطي في وسط الطلبات اللي فوق القدره
محرك سيارته وقف …المهم باعها و شاف سياره ثانيه …و هو عنده دين 3لاف ….المهم زاد علي حق سيارته اللي باعها و زي م دقولو هكي مثلاً هو عنده 33الف و قال ان شاء الله تطلع السياره ب30 باش ال3 الفاضلين نخلص بيهم الدين علي حياه علي موت ..والسياره مهمه ولازم تكون حاجه باهيه لأن يخدم توربو….المهم قالتله مرته لاااااااااا تاخدلي بيهم (خراص ذهب)😳😳
المهم اليوم الصبح بعد التمرين كانت واصلاته حافظة موس 🍋 ليمون…قال شهاااااده لله اتبرد عالقلب والخاطر
رااااهو جديات القصه واللي عنده راي ايقوللنا من غير. م نغلطو في خلق الله بس

قااااعدة انقولك ..و ح نستمر انقولها..والناس اللي انقوللهم فيها يعرفوني كويس…من أفضل انواع الخبز ل مريض السكر واللي يسيطر...
08/07/2026

قااااعدة انقولك ..و ح نستمر انقولها..والناس اللي انقوللهم فيها يعرفوني كويس…من أفضل انواع الخبز ل مريض السكر واللي يسيطر علي هرمون الانسولين دون ارتفاااااع ،هو (خبز اللوز) أو (خبز الألياف) إيجي بعده (خبز الترمس)
الألياف اللي فالخبز اتقلل (LDL)
إتشبع
إتحسن الهضم
إتنظف القولون
الخبز غني ب:
البروتييييين و ما أدراك م البروتيييين
دهون دقيق اللوز الصحيه الجميله

و لكل من طلب الخبز ،انقلكم اختياركم صحيح و الخبز متوفر في محلات الفاندي

بالله من يعرف وين نلقا الماتشا هادي تحديداً…بالك قابلت حد فيكم ..حتا خارج طرابلس 🥹بجديات و من واقع خبره تغلبت علي جميع ا...
22/05/2026

بالله من يعرف وين نلقا الماتشا هادي تحديداً…بالك قابلت حد فيكم ..حتا خارج طرابلس 🥹
بجديات و من واقع خبره تغلبت علي جميع انواع الماتشا اللي عرفتهم واللي جربتهم من كذا بلاد و من كذا مكان….م خلت شي ..صفاء ذهني وانجاز ، تعطيك باور من غير ثوثر…ولااااا…والله العظيم ناكل بزياده و هي رافعه الايض عندي بشكل …منشور واحد م يسدهاش….واخده 5 علب منها من محل زيرو اللي في جنزور ليا فتره ..و هادي آخر علبه 😢

والله عجبني المسج الحق…بالصحه عليك 💪🏻حلوة المشاركة صراحتاً🥹تذكير بس ان كلللل منتجاتي رااااهو (protein pump ) قنبلة بروتي...
19/04/2026

والله عجبني المسج الحق…بالصحه عليك 💪🏻
حلوة المشاركة صراحتاً🥹
تذكير بس ان كلللل منتجاتي رااااهو (protein pump ) قنبلة بروتين..و خليها قاااعده ،لطالما زودتي جسمك بالبروتين و خليتيه (أولويه) في كل وجبة حتا لو كانت سناك…لطالما انتي في (الجانب الآمن) ماعدا الناس اللي عندها مشاكل صحيه مع البروتين

هي تو باهي هكي 😅…بالصحه عليك فعلًا الكيكات يستاهلو..راهو ساره م تاخدش و تخلط هكي و خلاص…ساره قاريه كل لقمة من منتجاتها ش...
18/04/2026

هي تو باهي هكي 😅…بالصحه عليك
فعلًا الكيكات يستاهلو..راهو ساره م تاخدش و تخلط هكي و خلاص…ساره قاريه كل لقمة من منتجاتها شن فيها و شن فايدتها و كيف تنهضم فالجسم و شن ثأثيرها حتا علي الGABA وعلي microbiom المعده ..يعني نعرف كيف نسعد ميكروبيوم المعدة وكيف حتا اننكد عليه
و اليوم الأجواء تنادي علي موس شاهي لاتي معبي بروتين و طبقة قاناش الشوكولا البيضا ترسملي في سعادة علي خطوط وجهي حقيقتاً
يومكم مبروك 🤗

3 جم نت كارب 13 جم بروتين كولاجين فيتامين Cبيوتين فيتامين B12انتعااااش و طعم لاذع و مميز القرار ليك 🤷🏻‍♀️
16/04/2026

3 جم نت كارب
13 جم بروتين
كولاجين
فيتامين C
بيوتين
فيتامين B12
انتعااااش و طعم لاذع و مميز
القرار ليك 🤷🏻‍♀️

سنة ورا سنة ..عيد ورا عيد ..و حلويات ساره منورة صفرة العيد الليبيه..من غير زيت مهدرج من غير دقيق من غير سكر قيمة غذائية ...
17/03/2026

سنة ورا سنة ..عيد ورا عيد ..و حلويات ساره منورة صفرة العيد الليبيه..
من غير زيت مهدرج
من غير دقيق
من غير سكر
قيمة غذائية عاليه و مكونات متميزه علي غيرها
سكر مونك و إليلوز
دقيق لوز
دقيق ترمس
توفرت تشكيلة حلويات العيد في فروع الفاندي
و كل عام وانتم بخير ☺️

Address

Tripoli

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Sarah's diet Bakery posts news and promotions. Your email address will not be used for any other purpose, and you can unsubscribe at any time.

Shortcuts

Share

Category