14/08/2026
لوستي (أخت راجلي) كانت ديما كتجيب صاحبتهاعزيزة عليها الدار حيت انا ساكنة معاهم ديك البنت كانت بالنسبة ليا بحال أختي الصغيرة: نكبرها، نحط ليها أشهى ما عندي، ونفرش ليها بالورد. كانت كتدخل لبيتي، تجلس معانا فالمائدة، وتعرف كل صغيرة وكبيرة على حياتنا. كنت كنقول مع راسي: 'بنت ناس ومؤدبة ومحسوبة من العائلة'واحد النهار، كانت معروضة عندنا فالعشية، وفاش جات تمشي نسات صاكها فوق السداري فالصالون. راجلي ناض ينعس حيت كان عيان، وأنا بقيت نجمع الماعن فالكوزينة.
فجأة، سمعت التليفون فصاكها كيرفرف بـ الميساجات متتالية... مشيت نهزو غير باش نطفيه باش ما يفيقش الدراري، وأنا نتصدم!
الشاشة كانت شاعلة، وطالع فيها ميساج من رقم راجلي!
كيكتب ليها:
'حبيبتي، توحشتك بغيت نشوف غداً ننتلاقاو فنفس البلاصة اللي مولفين!'تجمدت فبلايصتي، وركابي فشلوا، التليفون بغى يطيح ليا من يدي. الحس بالحرقة قطع ليا النفَس!
تسنيت حتى طاح الليل ونعس راجلي مزيان، هزيت تليفونو بشوية وفتحت الواتساب... لقيت الكارثة!
محادثات من شحااال هادي، صور، كلام حلو، وعروض كيتلاقاو في بغض مرات فداري منين كنكرن عند امي
هاديك اللي كنت كنعاملها بحال أختي ونحط ليها الماكلة بيدي، كانت كتشوف فراجلي وتخطط كيفاش تخرب ليا بيت فاش واجهتو الصباح بالدليل، اتخطف وجهو وأصفر، وبدأ كيرمي فالعايلة ويدعي بلي هي اللي تبعاتو وغواتاتو! أما هي، غبرات وما بقاتش كترد على المكالمات.
دابا أنا بين نارين: كنشوف فـ ولادي وحسرة 10 سنين ديال الزواج، وبين كرامتي اللي تذلت فبيتي وعلى يد إنسانة وثقت فيها.
🙏🙏🙏🙏🙏🙏🙏🙏🙏🙏🙏🙏😧
❓ نصحوني الله يرحم لكم الوالدين:
واش نفضحهم بزوج قدام العائلة ولوساتي باش يعرفوا حقيقة هاد 'الصديقة الخائنة'؟ ولا نرفع دعوى طلاق للضرر ونخرج بكرامتي ونسد هاد الصفحة الكحلة ونسكت
