09/08/2026
🍃 AYRAW TEA | أتاي أيراو كيقلب على مسؤول الإنتاج وتطوير الأعمال
فإطار التوسع ديال أتاي أيراو AYRAW وتقوية الحضور ديالو فالسوق المغربي، كنقلبو على واحد الشخص مسؤول، طموح، منظم وعندو روح تجارية، باش يشرف على وحدة الإنتاج كاملة ويقود استراتيجية تطوير وتسويق المنتوج فالسوق.
📍 مكان العمل: الناظور
المنصب:
مسؤول الإنتاج وتطوير الأعمال – Production & Business Development Manager
🔹 المهام الرئيسية:
• الإشراف على عملية الإنتاج والتلفيف كاملة، من دخول المواد الأولية حتى خروج المنتوج النهائي.
• ضمان الجودة، تنظيم المخزون، وتتبع الطلبيات والإنتاج.
• التنسيق مع الموردين وتتبع مواد التلفيف واللوجستيك والتوزيع.
• وضع وتنفيذ استراتيجية تجارية باش AYRAW ياخذ بلاصتو فالسوق.
• البحث على موزعين وزبناء جدد وبناء شبكة تجارية قوية.
• إدخال المنتوج للمحلات، تجار الجملة، السوبرماركات، المقاهي، الفنادق ومختلف نقاط البيع.
• التفاوض مع الزبناء والموزعين وتتبع الاتفاقيات التجارية.
• تتبع المبيعات، التكاليف، المخزون، هامش الربح والنتائج التجارية.
• دراسة السوق والمنافسة والبحث باستمرار على فرص جديدة للتوسع.
• تطوير حضور AYRAW فالناظور والمنطقة الشرقية والريف، ومن بعد على المستوى الوطني.
👤 شكون كنقلبو عليه؟
كنقلبو على شخص:
✓ مسؤول ويمكن الاعتماد عليه
✓ منظم وعندو القدرة يسير الخدمة باستقلالية
✓ عندو عقلية تجارية وروح المبادرة
✓ كيعرف يتفاوض ويبني علاقات مع الزبناء والموزعين
✓ مركز على النتائج وتحقيق أهداف المبيعات
✓ عندو تجربة فالتوزيع، التجارة، المواد الغذائية أو FMCG
✓ كيعرف سوق اقليم الناظور والدريوش والنواحي وشبكات التوزيع ونقاط البيع
✓ الفرنسية ميزة إضافية
التجربة فمجال أتاي، المشروبات، المواد الغذائية أو التوزيع غادي تكون نقطة قوة كبيرة.
🚀 حنا ما كنقلبوش غير على مسؤول إنتاج وتطوير الاعمال.
كنقلبو على واحد الشخص اللي يقدر يشد المشروع ويكون جزء من عائلة ايراو؛ ينظم الإنتاج، يطور المبيعات، يفتح أسواق جديدة، ويبني شبكة توزيع قوية باش AYRAW يولي من البراندات المميزة المعروفة فالسوق.
📩 اللي مهتم بالمنصب، يصيفط لينا CV ديالو مع تقديم مختصر على التجربة ديالو.
🍃 AYRAW | أتاي أيراو
أتاي مغربي أصيل… برؤية جديدة. 🇲🇦
