07/01/2026
FANONTANIANA 1: Mahafaty ve ny virus mpox (variole du singe)?
👉 TSIA, tsy mahafaty amin’ny ankapobeny, fa METY hahafaty amin’ny tranga sasany.
Ny ankamaroan’ny olona dia sitrana tanteraka ao anatin’ny 2–4 herinandro.
⚠️ Ny fahafatesana dia miseho indrindra raha:
🤕zaza kely no voa,
🤕olona efa marefo:
📍VIH tsy voafehy,
📍diabète tsy voafehy,
📍insuffisance rénale,
📍olona vesaran'ny tsy fanjarian-tsakafo,
📍bevohoka,
📍Ireo misy fahasarotana mitarazoka tsy voatsabo.
FANONTANIANA 2: Inona no symptômes misy mampiahiahy fa misy fahasarotana?
Ireto soritr’aretina manaraka ireto dia tsy maintsy tsaboina any amin’ny hopitaly avy hatrany fa 👉 Ireo no formes graves.
💥Hafanana avo tsy mety midina
💥Fery be dia be, miteraka fivontosana na "inflammation" 💥Fery misy nana naloto nohon'ny "surinfection bactérienne"
💥Fanaintainana mafy, indrindra amin’ny faritra anaty (ativava, ati-tenda, lava-body sy ny manodidina azy, ankasarotana (faritra manodidina ny fivaviana na filahiana).
💥Fahasemporana,
💥kohaka,
💥fanaintainana taovam-pisefoana (fahavoazan'ny avokavoka)
💥Fikorontanan-tsaina,
💥Fanintona na toratorana "atteinte neurologique"
💥Tsy fahampian-drano nohon'ny fahaverezan-drano na tsy fisotroana, mety nandoa be na nivalana)
FANOTANIANA 3: Misy protocole de traitement ve sa miandry vaksiny fotsiny?
ENY, misy protocole fandraisana an-tanana, na dia tsy misy fanafody manokana hamonoana ilay virus aza.
🔹 Fitsaboana ampiharina amin’ny ankapobeny:
🩺Fampiasana fanafody manala fanaintainana sy fampidinana hafanana,
🩺Fanampiana rano, solution de réhydratation,
🩺Fikarakarana ny fery raha ilaina, fanadiovana fery,
👾 Atokana efitra ny marary raha azo atao mandra-pahasitranan’ny fery rehetra (milatsaka ny takompery).
👉 Ny fanafody Antiviral dia ampiasaina amin’ny formes graves ihany, any amin’ny hôpital manokana, tsy mbola hita betsaka eto amintsika.
👉 Ny vaksiny dia natao ho FISOROHANA fa tsy fitsaboana, fisorohana ilay aretina, fisorohana ny tsy hivoaran'ny aretina ho lasa formes graves.
🏆Ny vaksiny dia atao ho fisorohana, indrindra rehefa nisy contact akaiky.
FANONTANIANA 4: inona ireo tena zava-dehibe tokony atao sy tsy atao?
✔️ Fanaraha-maso ara-pitsaboana akaiky
✔️ Fanokanana efitra na toerana ny marary mba tsy hifindra amin’ny hafa
✔️ Fahadiovan'ny tanana sy akanjo
✔️ Fisorohana ny fifampikasohana amin’ny fery
✔️ Sakafo manankarena protéine sy zinc hanarenana ny hoditra
✔️ Fialana amin’ny:
fikitikitihina fery sy
fitsaboana tsy voaporofo amin'ny
fanafody manimba aty na voa
HAFATRA:
👾 🐒Ny Mpox dia tsy aretina mahafaty amin’ny ankapobeny,
Mety hiharatsy raha marefo ny vatana na tara ny fitsaboana
Aza MANAHY...
🐒🐒 Raha tsy misy vaksiny azo atao, natsy te hanao vaksiny dia:
🔑 mitandrina fatratra amin’ny fahadiovana,
🔑 Mitokana efitra rehefa misy soritr’aretina,
🔑 Manala tanana matetika.
🔑 Mampiasa masques amin’ny toerana ifandraisana akaiky.
🔑 Tsy mizarazara akanjo, servieta, na fitaovana amin’ny hafa.
📌📌📌 Raha misy soritr’aretina mampiahiahy dia manatona hopitaly avy hatrany .
Rahambola misy fanontaniana tsy voavaly any ho any dia anontanio izay mpitsabo akaiky anao indrindra. Araho hatrany n'y vaovao ofisialy omen'ny Ministera tompon'andraikitra.
Amin'ny manaraka indray.
Samy Salama no tsara.
©️ Dr Manitra Rakotoarivony
