04/02/2025
Tamin'ny fotoana nandalovako tany Zimbabwe tamin'ny taona 2018, dia gaga aho fa tena misy mouvement mitsipatsipaka sy mihinjitsinjitra ary mitsingidingidina izany indray ny fiangonana ary tena maro io any Afrika. Hiasan'ny Fanahy Masina hono ny antony mahatonga izany, ka akopak'ilay mpaminany ny lambany dia mitsingidingidina daholo ny iray fiangonana. Dia tsy manao zavatra mihitsy ny mpino raha tsy manatona prophete manotany hevitr'Andriamanitra. Misy mpaminany tena mahazo vola be mihitsy noho izany. Ny "Prophecy moment" no solon'ny toriteny (Prophecy moment = miantso olona iray na roa ho eny aloha dia tantarain'ilay prophete eo ny fiainan'iny olona iny dia amin'ny farany izy ametrahana tanana dia mitsingidina dia efa misy olona mpitaty voahomana mihitsy).
Nisaotra an'Andriamanitra aho fa tsy mbola misy an'izao any amin'ny Fiangonana any Madagasikara hoy aho anaka-po, ny olona mianjaka any amin'ny tromba sy ny sampy no hitako mitsipatsipaka toy io any madagasikara, indindra rehefa mialoha ny handroahana demonia.
Gaga aho anefa taona vitsy lasa izay fa efa misy afrikana tonga any Madagasikara manaparitaka azy io, ary aleo tsorina fa ry zalahy ireto mihitsy no tena mitondra azy io any amintsika. Ny Fanahy Masina dia Fanahin'ny Fahononan-tena (maitrise de soi) fa tsy mampitsipatsipaka ny olona ka hahatonga azy tsy ho tompon'ny tenany izany. Na ny olona miteny amin'ny fiteny tsy fantatra aza tao amin'ny fiangonana voalohany nambaran'i Paoly fa afaka mifehy tsara ny tenany hangina fa roa na telo ihany no avela hanao izany.
Mahasarotiny ahy ny fiainam-piangonana any Madagasikara. Lasa mitonona ho pasitera daholo ity olona rehetra ity. Tandindonin-doza ny fiangonana, ataon'ny olona fiomehezana ny fivavahana, ary zavatra toy izao no mahatonga ny olona vao maika tsy te hierika fivavahana.
Hampianatra maminany ianareo nefa ny faminaniana nambaranareo aza tsy mandeha amin'izay laoniny. Aiza zao izay Tour Eiffel voadaroba bomba eo? Aiza izay hoe vehivavy no handimby ny FIloha Macron tamin'ny fifidianana farany teo? Kajikajy politika dia adika ho faminaniana. Aza lalaovina ny fianam-panahin'ny olona. Ny fitoriana filazantsara no faminaniana amin'izao andro ny Testamenta Vaovao izao, ka izany no tokony ampianarina ny olona.
Andro farany marina izao fa tena tanteraka ny voalazan'ny Baiboly, samia miambina.
« Fa hisy Kristy sandoka sy mpaminany sandoka hitsangana ka haneho famantarana lehibe sy fahagagana, ary raha azo atao, na dia ny olom-boafidy aza dia hofitahiny. » (Matio 24:24)
