Makprogres Group

10/06/2026

Зад секоја успешна инвестиција стојат визија, храброст и капитал. Но зад секој успешно реализиран проект стојат луѓето кои го претвораат планот во реалност.

Со особена благодарност денес се обраќаме до сите инженери, проектанти, изведувачи и стручни тимови кои учествуваа во изградбата на новата фабрика за производство на вафли на Vincinni – инвестиција вредна 8,5 милиони евра, реализирана за само шест месеци.

Овој објект не е само нова фабрика. Тој е доказ дека кога домашното знаење, искуство и професионалност се обединети околу заедничка цел, можат да се реализираат проекти од највисок индустриски ранг.

Искрена благодарност до компаниите:

• Венципроект
• Гранд Уни Инвест
• Еврометал
• Tehkom
• Електровин
• Метал Монт
• Тега Инжињеринг
• Antida pox
• Стоименов Stoimenov Dooel
• Раде Кончар
• Мак Нико Трејд
• Алтеа Градба
• Виница Премер
• Озон
• Цонев Декор Киц
• Инивини
• Студио за дизајн Ортодокс

Вашата посветеност, професионалност и партнерски однос беа клучни за успешната реализација на овој значаен проект.

Заедно со нашиот тим на инжињери и техничари, изградивме фабрика која ќе создава нови производи, нови работни места, поголем извоз и нова вредност за македонската економија.

Во период кога многумина зборуваат за предизвиците, вие покажавте дека со знаење, организација и посветена работа можат да се реализираат големи индустриски проекти во рекордни рокови.

Благодариме што бевте дел од оваа значајна инвестиција и дел од новото поглавје на Vincinni и Макпрогрес.

10/06/2026

Со голема чест и гордост ја примивме наградата „Предводници на одржливиот развој“ во категоријата за придонес кон квалитетното образование и искоренување на сиромаштијата, доделена на Бизнис форумот на одржливост. 🏆

Признанието е за нашиот проект „ЕдуИмпакт“, преку кој континуирано работиме на развој на човечкиот капитал преку дуално образование, стручни обуки, академии и научно-истражувачки иницијативи, како и едукативни работилници со деца. Проектот е интегриран дел од нашата бизнис стратегија и директно придонесува за унапредување на знаењата, вештините и иновацискиот потенцијал во заедницата.

Како дел од проектот „ЕдуИмпакт“, лидерството на компанијата е директно и континуирано вклучено во неговата реализација преку стратешко водење, активно учество и обезбедување организациска поддршка. Академиите, дуалното образование и стручните обуки, како и научно-истражувачките иницијативи се усогласени со развојните цели на компанијата и придонесуваат за долгорочен општествен и организациски развој.

Ова признание претставува потврда за сето горенаведено и за нашата посветеност на одржлив развој, образование и создавање позитивни промени во заедницата. Им благодариме на организаторите за укажаната чест, како и на сите партнери, вработени и соработници кои се дел од оваа приказна.

08/06/2026

08/06/2026

Макпрогрес денес ја отвори новата фабрика за вафли на брендот Винчини.

На свеченото отворање присуствуваа премиерот, г-дин Христијан Мицкоски, министерот за транспорт, г-дин Александар Николоски, заменик-министерот за економија и труд, г-дин Марјан Ристески, претседателот на Стопанската комора, г-дин Бранко Азески, и градоначалникот на Општина Виница, г-дин Митко Костадиновски, се сретнаа со раководството на Макпрогрес, кое ги презентираше резултатите и развојните планови на компанијата.

Новата фабрика располага со две современи производни линии за вафли и сродни кондиторски производи и ќе овозможи зголемување на производството за околу 30 проценти, со дополнително јакнење на извозните активности на Винчини. Со почетокот на производството се отворени 40 нови работни места, а најавени се и дополнителни вработувања.

„Оваа инвестиција е резултат на заеднички труд, посветеност и верба во иднината. Им благодарам на нашите вработени, кои се најголемата сила на Макпрогрес, како и на сите партнери и институции што го поддржаа проектот“, изјави г-дин Глигор Цветанов, генерален директор на Макпрогрес.

08/06/2026

08/06/2026

08/06/2026

21/05/2026

Sweet Success in Las Vegas! ✨
Енергијата на престижниот саем во Лас Вегас е навистина неверојатна, а штандот на Vincinni е официјално отворен!

Од нашите препознатливи слатки вкусови па сè до возбудливите нови иновации — ја споделуваме вистинската дефиниција за врвен квалитет со лидерите во индустријата, партнерите и љубителите на слатки од целиот свет. 🍫🌍

19/05/2026

Денес добивме признание кое има особено значење за нас. 🥇

1во место за „Најпопуларна HR практика на годината 2025“, доделено од престижната Македонска асоцијација за човечки ресурси, ни претставува голема чест и потврда дека кога искрено се инвестира во луѓето – тоа се препознава.

Горди сме што е препознаен трудот, посветеноста и грижата што секојдневно ги вложуваме во нашите вработени. 🏆

Голема благодарност до сите што гласаа за нас.

Нашиот HR тим секојдневно работи со една цел – секој човек во Makprogres да се чувствува сигурно, згрижено и ценето.

Затоа што во Макпрогрес – живееме заедно. ❤️