19/04/2026
ခရမ်းချဉ်ဈေးကွက်အလားလာကိုသုံးသပ်မိခြင်း (Market Forecast) 19.April.2026..........................................................
ခရမ်းချဉ်သီးဟာ အသုံးများတဲ့ မီးဖိုချောင်သုံးအသီးအနှံတစ်မျိုးဖြစ်ပြီး ဈေးကွက်ရှိတဲ့အသီးအနှံတစ်မျိုးဖြစ်ပါတယ်။ ဈေးကွက်ရှိ သီးနှံအမျိုးအစား တစ်ခုဖြစ်ပေမယ့်လည်း ဈေးကွက်ကမောက်ကမ အဖြစ်ရဆုံးအသီးနှံအမျိုးအစားတစ်ခုဆိုရင်လည်းမမှားပြန်ပါဘူး။ပြီးတော့ ကျွန်တော်တို့နိုင်ငံဟာ ဘာပဲစိုက်စိုက် စျေးကွက်အာမခံချက် အခုထိမရှိသေးပါဘူး။
ဒါကြောင့်ခရမ်းချဉ်ကို စိုက်ပျိုးသူများ၊ခရမ်းချဉ်ပွဲရုံလုပ်ငန်းလုပ်ကိုင်သူများဟာ အင်မတန် သတိကြီးကြီးထားပြီး လုပ်ကိုင်ဖို့ဆောင်ရွက်တတ်ဖို့ သိပ်ကိုအရေးအကြီးတာအမှန်ပါပဲ။
ကျွန်တော်က ရှမ်းတောင်၊အောင်ပန်းမှာနေထိုင်သူဖြစ်လို့ ရှမ်းတောင်ဈေးကွက်အလားများကိုသာ လအလိုက် ခွဲခြားပြီးအနှစ်ချုပ်၍ သုံးသပ်တင်ပြပေးသွားပါမယ်။
ဧပြီလနှင့် မေလ
လက်ရှိအနေအထားအရ အောင်ပန်းမှာ အဝင်နည်းနေသေးတယ်။လက်ရှိဈေးတန်းအရလည်း 2200 အနားမှာရှိနေတယ်။ဧပြီ နဲ့ မေလတစ်လလုံး 2200-2500 အကြားမှာရှိနေဦးမယ်လို့အလွယ်ခန့်မှန်းလို့ရပါတယ်။
ဒီကာလရဲ့ အခင်းအကျင်း
အားနည်းချက်
စက်သုံးဆီအကျပ်အတည်းကြောင့် ကားတန်ဆာခတွေမြင့်နေသေးတာကြောင့် တင်သွင်းမှုအားနည်းနိုင်သေးတယ်။
အားသာချက်
ဝင်ကုန်နည်းနေသေးတာရယ်၊
မြဝတီနဲ့ ရှမ်းမြောက်လမ်းကြောင်းပွင့်နေတာရှိတာရယ်။
............................................................
ဇွန် ၊ ဇူလှိုင်ကာလများ
ဒီကာလ ဟာရှမ်းတောင်ဒေသ ခရမ်းချဉ် ဈေးအနည်းငယ်ထပ်တက်လာဖို့ တာစူနေတဲ့ကာလတစ်ခုလို့ပြောလို့ရတယ်။
အကယ်၍ စက်သုံးဆီကိစ္စပြေလည်သွားရင် 2500-3500 အနားကိုတက်လာလိမ့်မယ်လို့ခန့်မှန်းမိတယ်။
ဒီကာလတွေရဲ့အားသာချက်
တာချီလိတ်ကနေတဆင့် ယိုးဒယားကဝယ်ယူတတ်တဲ့ကာလတစ်ခုဖြစ်တယ်။
အားနည်းချက်
လမ်းတစ်လျှောက် ဂိတ်ကြေးတွေများနေခြင်းကြောင့် သယ်ယူစရိတ်မြင့်မားနေခြင်းရှိနေမယ်။
..........................................................
ဩဂုတ်၊စက်တင်ဘာ၊အောက်တိုဘာ၊လများ
ဒီကာလဟာ မိုးရာသီဖြစ်နေတာကြောင့် အထိအခိုက်အများဆုံးနဲ့ ဝယ်လိုအားအနည်းဆုံးကာလဖြစ်သလို ထွက်အားလည်း ပင်းတယ၊ပင်လောင်းဘက်တွေက အရမ်းများနေတာကြောင့် ဈေးကျနေတဲ့ကာလတစ်ခုဖြစ်တာမလို့
တစ်ပိဿာ 800-1500 အကြားပြန်လည် ရောက်ရှိသွားမယ့်ကာလလို့ ခန့်မှန်းမိပါတယ်။
ဒီလတွေရဲ့ အားသာချက်
စက်သုံးဆီပြဿနာပြီးဆုံးသွားတဲ့ကာလဖြစ်ပြီး
အားနည်းချက်
မိုးရာသီကြောင့် အနည်းနဲ့အများထိခိုက်နိုင်ပြီး ၊ ခရမ်းချဉ်ဆော့ထုတ်လုပ်မယ့် နည်းပညာနဲ့ စက်ရုံမရှိနေသေးခြင်းကြောင့် လမ်းဘေးပစ်နေရခြင်း။
မိုးရာသီကြောင့် အင်းလေးဒေသမှာ ခရမ်းချဉ်ထွက်နှုန်းထိခိုက်လာနိုင်ခြင်း။
..........................................................
နိုဝင်ဘာ၊ဒီဇင်ဘာ၊ဇန်နဝါရီ
နိုဝင်ဘာလကနေ နောက်နှစ် ဇန်နဝါရီ အထိဟာ မိုးလေကင်းလွတ်သွားပြီး ဝယ်လိုအားလည်းအမြင့်ဆုံးကာလဖြစ်တာရယ် ၊ရှေ့လတွေက ခရမ်းချဉ်တွေထိခိုက်ဆုံးရှုံးထားမှုတွေရယ်ကြောင့် ဈေးကွက်မှာ အဝင်နည်းပြီး နိုင်ငံအနှံ့က ဝယ်လိုအား မြင့်တက်လာနေတဲ့ကာလတစ်ခုဖြစ်ပါတယ်။
ခန့်မှန်းဈေး တစ်ပိဿာ 3000- 5000 အကြား အနည်းဆုံးအောက်ခံရလိမ့်မယ်လို့ ခန့်မှန်းမိပါတယ်။
ဒီလတွေရဲ့အားသာချက်
မိုးလေကင်းလွတ်သွားပြီး ဝယ်လိုအားမြင့်တက်လာခြင်းနဲ့
ပြည်မမှာ ခရမ်းချဉ် မပေါ်သေးတဲ့အချိန်ဖြစ်နေတာရယ်။
အားနည်းချက်
ပြည်သူလူထု ဝင်ငွေမကောင်းနေသေးခြင်းကြောင့် တစ်ပိဿာ7000 အထိမြင့်ဖို့မရှိတာရယ်၊မန္တလေး၊မြစ်ကြီးနား၊ဗန်းမော် ၊ဖားကန့် လမ်းကြောင်းကို ကောင်းကောင်းမဖြန့်နိုင်သေးတာရယ်ပါ။ပြီးတော့
...........................................................
ဒီမြို့တွေက ဖြုန်းအားအရမ်းကောင်းခဲ့တဲ့မြို့တွေဆိုတဲ့အကြောင်းအနှစ်ချုပ်တင်ဆက်ပေးရင်းနဲ့ နိဂုံးချုပ်လိုက်ပါရစေခင်ဗျာ။
ကျွန်တော်စနေမောင်မောင်ပါ။
အချိန်မရွေးမေးမြန်းအကြံဥာဏ်ရယူ
လိုတဲ့တောင်သူများအတွက်တောင်သူ Group မှာလာမေးပါလို့။
