26/02/2023
မင်းနဲ့အတူတူ
----------
🌻ပြင်ဦးလွင်မြို့လေးမှာ
🌻နေကြာရိုင်းအဝါတွေနဲ့
🌻ခြံခတ်ထားတဲ့ ခြံလေးရယ်
🌼တရုတ်စကားပင်ရံထားတဲ့
🌼လမ်းကလေးရယ်
🌹တောင်ကုန်းပေါ်က
🌹နှစ်ထပ်တိုက်လေးရယ်
တောင်စောင်းတစ်လျှောက်
ပွင့်နေတဲ့ ကျောက်နှင်းဆီခင်း
ကြီးရယ်က မင်းထင်တာထက်
ပိုလှနေမယ် အချစ်ရေ 🖤🖤🖤
မင်းလက်နဲ့ခူးဖို့ လိမ္မော်သီးအချို့...🍊🍊
မင်းလက်နဲ့ခြွေဖို့ စတော်ဘယ်ရီသီးနီနီရဲရဲအချို့ ...🍓🍓
မင်းအရပ်နဲ့တိုင်းပြီး ကြီးထွားတဲ့ နဂါးမောက်ပင်တွေ...
မင်းနာမည်နဲ့သီးတဲ့ စပျစ်နွယ်တွေ...🍐🌽🌶🍓🍎
တွေးကြည့်စမ်း ကလေးရေ
အစ်ကိုဖန်ဆင်းတဲ့ နိဗ္ဗာန်ဘုံမှာ
ခြံနံဘေး စမ်းချောင်းလေး ရစ်ခွေစီးဆင်းသေးတယ် 🌸🌸
အလိုလောဘဆိုတာ အတောမှမသတ်တာ 😇😇
မင်းအတွက် Honda fitလေးတစ်စီးရယ် 😊
ကိုယ့်အတွက် Cafe fineဘီးလေးတစ်စီးရယ်☺️ ဒါဆို ဘဝကနေပျော်ပြီလေ အချစ်ရေ 💓💓💓
တစ်ခါတစ်လေ
ကဗျာတွေရွတ်မယ်
တစ်ခါတစ်ရံ ထူးအိမ်သင်
တစ်ခါတစ်ရံ စိုင်းထီးဆိုင်ပေါ့..
ကိုယ်တို့
လတ်ဆတ်တဲ့ရနံ့တွေထုံလွှမ်းစေတဲ့လေကို အဆုတ်နဲ့အပြည့် ရှိုက်ကြမယ် 🌿
အိမ်အလုပ်တွေနဲ့
အရမ်းပင်ပန်းလာတဲ့အခါ
တောပန်းကလေးတွေ
ကြည့်လို့ ရှက်တဲ့အခါ
ရင်ခွင်ထဲခေါင်းထိုးဝှက်ပါ🤭
မင်းက အစ်ကို့ဇနီးမို့
မင်းပဲ အစ်ကို့သမီးမို့
ကိုယ့်တီးတိုးဖော်လေးရေ
မင်းနဲ့ အတူနေချင်တယ် 😊
အစ်ကိုပြောတဲ့ အရာတွေဟာ
အစ်ကို့အတွက် ကြိုးစားယူဖို့ မဝေးဘူး .....🍂
🍁ခက်တာတစ်ခုပဲ ရှိတယ်
" မင်း နေနိုင်ရဲ့လားဆိုတာတစ်ခုပဲ ... အစ်ကို့ပြသနာဖြစ်နေတယ် "
ဗဒင်သီချင်းလေးလို
နေမယ် မနေဘူးကတော့
ကလေးရဲ့သဘောပါ...🎀
သေချာတဲ့ခြံလေး ဒီနေ့မြေစရှင်းနေတယ် ...🔱⚜️
မင်းဘက်က တစ်လှမ်းပဲလှမ်းပါ
ကျန်တဲ့ဘဝသက်တမ်း အစ်ကိုဆက်ထမ်းပါ့မယ် 🤩
မောင်တစ်ထမ်း မယ်တစ်ရွက်ဆိုတာကလေ ကလေးရေ ,,,,,
ခင်ပွန်းက ကုမ္ပဏီထောင်
ဇနီးက စိန်ရွှေရတနာဆိုင်ဖွင့်တာမျိုး မဟုတ်ဘူး....
လင်က ချဉ်ပေါင်းခင်းလေး ပေါင်းသင်နေချိန်
မယားက ငရုပ်ပင်တွေ ရေလောင်းတာမျိုး👨🦳👩🦳
ဘဝမှာ ငွေတွေအများကြီး မလိုချင်တော့ဘူး ...
ဘဝမှာ ဂုဏ်အကြီးကြီး မလိုချင်တော့ဘူး ....
မိုးလုံလေလုံ အိမ်ကလေးနဲ့
စားဝတ်နေရေး ဖူလုံမယ်ဆို နေပျော်ပြီ ...👩🌾👨🌾
ဒါထက်ပိုပြီး
(မင်းနဲ့ )
မိုးလုံလေလုံ ဖူဖူလုံလုံ မေတ္တာမျှခွင့်ရရင် သေပျော်ပါပြီ။
#ဆန်းကျော်စွာဝင်း
photo - credit🙏
