02/09/2026
Pickle အကြောင်းတစေ့တစောင်း-------------------------------------------------
Pickle ကို စလေ့လာရင် ဆားကနေစရမှာ ၊ ပြီးရင် Batar System တွေပါလာရင် စာအုပ်တစ်အုပ်ဖြစ်သွားမှာ... ဒီတော့လိုရင်းလေးပဲစကြရအောင် ။
ဒီဆားရည်စိမ်ခြင်းဟာရှေးဦးမစွထဲက ပေါ်ပေါက်လာတာပါ ။ ဒါပေမယ့် အခု ၂၁ ရာစုထိတိုင်အောင် ခေတ်မှီနေတုန်းပဲ ။ အသားငါး ၊ အသီးအနှံတွေကို ကြာရှည်ခံနှစ်ချီခံအောင် ပြုလုပ်ပြီးစားသုံးကြတာပါပဲ ။ နိုင်ငံတိုင်းမှာ Pickle ရှိပါတယ် ။ သူတို့တွေက ကိုယ်တွေငပိရည်စားသလိုစားကြတာပါ ။ အနောက်တိုင်းသားတွေနဲ့ အရှေ့တိုင်းသားတွေ Pickle ပြုလုပ်ပုံခြင်းကမတူပါဘူး ။ အနောက်နိုင်ငံတွေက ဆီ/အချို စားတာနည်းပါတယ် ။ ရာသီဉတုအေးတာကြောင့်ရယ် ၊ ကျန်းမာရေးရှုထောင့်ရယ်ကြောင့် ဖြစ်ပါလိမ့်မယ် ။ သူတို့ဆီက Pickle ဆိုရင် cucumber သခွားချဉ်ကို ပိုစားပါတယ် ။ Lime ကိုကျတော့ Fermented လုပ်ပြီး အရည်သောက်ကျတယ် ။ သခွားချဉ်ကို စက်ရုံကြီးတွေတည်ပြီးနိုင်ငံတကာအထိ ထိုးဖောက်ပါတယ် ။ သခွားချဉ်ကို မနက်စာပေါင်မုန့် ၊ အသား ၊ ဝက်ပေါင်ခြောက် နဲ့ တွဲစားပါတယ် ။ ရုရှဆိုစားပွဲတိုင်း မပါမဖြစ်ပါ ။
အရှေ့တိုင်းသားတွေကလဲ ဆားစိမ်အသီးကို သူနည်းသူဟန်လုပ်ကြပါတယ် ။ ကိုရီယားဆိုကင်ချီအစပ် ငရုတ်သီးမှုန့်ကို ဆန်မှုန့်နဲ့အရည်ကျို ဆားစိမ်မုန်ညှုင်းထုတ် နဲ့ အချဉ်ဖောက်ပါတယ် ၊ ဉနီ ၊ ဉဖြူပါထည့်လို့ရပါတယ် ။ ဂျပန်ကရော ကြက်သွန်ဖြူ/ ကြက်သွန်နီ ငရုတ်သီးတောင့်ကို ဆား ၊ Venegar ၊ ပဲငံပြာရည်နဲ့ Pickle လုပ်ကြပါတယ် ။ တရုတ်တို့ ၊ ထိုင်ဝမ်တို့ ၊ မွန်ဂိုတွေဆို အသီးအရွက်သာမက အသားကိုပါဆားစိမ်ကြပါတယ် ။
အဲ့ဒါဆို မြန်မာကရော…
မြန်မာရိုးရာ Pickle က ဆန်ဆေးရည်ရယ် ဆားရယ်ပါ ။ ကြွေအိုးထဲမှာ ပဲပင်ပေါက် ၊ မုန်လာပင်ပေါက် ၊ ကတက်ချဉ် ၊ မုန်လာ အစုံပါပဲ ၊ မြန်မာပြည်မှာ တကယ်တမ်းရောင်းဗန်းက မြန်မာအခေါ် ကုလားတည် ၊ သနပ်ပါ ။ သရက်၊ မရမ်း ၊ သံပုရာ တို့ကို အိန္ဒိယ Style နဲ့တည်ပြီး ရောင်းပါတယ် ။ ဒံပေါက်ဆိုင်တို့ ၊ ကြက်ဆီထမင်းဆိုင်တွေက အအီပြေအနေနဲ့ သုံးကြပါတယ် ။
အိန္ဒိယနိုင်ငံဟား ဟိုးရှေ့ပဝေသဏီ မီးရထား / လေယာဉ် မပေါ်ခင်ကတည်းက ပင်လယ်ရေလမ်းကျွမ်းကျင်တဲ့ ပေါ်တူဂီတွေဟာ အိန္ဒိယက ဟင်းခတ်အမွှေးအကြိုင်ကို Bater System နဲ့အဝတ်အထည် ၊ ကော်ဇော အစရှိတာတွေနဲ့ လဲလှယ်ကြပြီး တခြားနိုင်ငံတွေကို ပြန်လည်ရောင်းချကြတာပါတယ် ။ အိန္ဒိယဟင်းခတ်အမွှေးအကြိုင်တွေက ပဲနံ့သာ ၊ ဇီယာ ၊ နာနက်ပွင့် ၊ လေညှင်းပွင့် ၊ မုံညှင်းစေ့ ၊ နံနံစေ့၊ ကရဝေး၊ သစ်ချပိုးခေါက် အစရှိသဖြင့်ပေါ့ ။ ဒါတွေကအချိုးကျ ထုထောင်းပြီး မဆလာဖြစ်လာပါတယ်။
မြန်မာဟာနယ်စပ်ခြင်း ထိစပ်နေတဲ့ အိန္ဒိယ Pickle Style ကို မြန်မာပါးစပ် နဲ့ အစပ်အဟပ်တည့်လို့ ယူထားဟန်တူပါတယ် ၊ တကယ်လဲကောင်းပါတယ် ။ ဆို့တော့ ……..
“ ငု - Farm ” ကဏ္ဍရောက်လာပါပြီ ။ “ ငု - Farm ” ခြံထဲမှာ နှစ်ရှည်သီးပင်စားပင်မျိုးစုံရှိတာ ချစ်မိတ်ဆွေတို့ သိပြီးသားပါပဲ ။ သံပုရာတောင် ၊ ရှောက်တောင်က အသီးတွေကို ဒီတိုင်းလဲ အားပေးလို့ ရသလို Lime Pickle ၊ Lemon Pickle ကို စတင်ထုတ်ပါမယ် ။ ပထမတစ်ခါ သံပရာသီးများကို ကိုရီးယားစိမ်အိုးထဲထည့် Pickle ပြုလုပ်ပြီး မြန်မာဟင်းမှာသူများကို အမြည်းလက်ဆောင်ပေးခဲ့ပါတယ် ။ အဲ့ဒီတုန်းက ရောင်းဖို့ရယ် မဟုတ်ပါ ၊ အခုအိမ်ပြန်လက်ဆောင်အနေနဲ့ ဝယ်ယူအားပေးနိုင်မှာပါ ။ Organic အသီးတွေလဲဖြစ် ဓာတုဆေးဝါးလည်းမသုံးတဲ့အတွက် ရေခဲသေတ္တာထဲထည့်ရင် ( ၁၀)ရက်လောက် ခံမှာပါ ။ သခွားသီးပေါ်ချိန်မှာ သခွားချဉ် Fermented အနေနဲ့အပြင် မုန်ညှင်းထုတ်ပေါ်ချိန်မှာ ကင်ချီအစရှိသဖြင့် “ငု” လက်ဆောင်ပစည်းဆိုင်မှ ဝယ်ယူရရှိနိင်မှာပါ ။
--------------------
“ ငု - Farm ”က မင်မင်ဟာ စာတစ်ပုဒ်ရေးလို့ရှိရင် အရှည်ကြီးရေးပါတယ်။
(၁) စာရေးခြင်းကို ဝါသနာပါခြင်းကြောင့်လည်းကောင်း ၊
(၂) အကြောင်းအရာတစ်ခုခုကို “ဂဃနဏ” သိစေရန်တွက် လည်ကောင်း၊
(၃) “ငု - Farm” ခြံလေး၏နဂိုမူလရည်ရွယ်ချက်မှာ ငွေကြေးကို အဓိကမထားပဲ လူကြီးများ သဘာဝပတ်ဝန်းကျင်နဲ့ ထိတွေ့စေရန် နှင့် လူငယ်များ မိမိတို့အိမ်တွင် နေ့စဉ်စားသုံးနေသော အသီးအရွက်များ မည်သို့မည်ပုံစိုက်ပျိုးရသည် ၊ သဘာဝမြေဩဇာနှင့် ပက်သက်၍ နွားချေး ၊ ငါးအမိုင်နို ၊ ဖွဲပြာတို့ကို အချိုးကျရောစပ်၍ စိုက်ပျိုးခြင်းဖြင့် Organic သီးပင်စားပင်များ ဖြစ်ပေါ်လာပုံကို မျက်ဝါးထင်ထင် ၊
(၄) “ငု - Farm” မှ စိုက်ပျိုးထားသော သီးပင်စားပင်များကို ကိုယ်တိုင်ခူးဆွတ်၍ ဈေးနှုန်းချိုသာစွာဖြင့် ပြန်လည်ဝယ်ယူပြီး “ငု - Farm Kitchen” တွင် ကိုယ်တိုင်စိတ်တိုင်းကျ ချက်ပြုတ်၍ လည်းကောင်း အိမ်ပြန်လက်ဆောင်အဖြစ်လည်ကောင်း ရာသီပေါ်သီးနှံများဖြစ်သည့် သံပုရာသီးပေါ်ချိန်တွင် သံပုရာသီးသနပ် ၊ သရက်သီးပေါ်ချိန်တွင် သရက်သီးသနပ် ၊ ရှောက်သီးပေါ်ချိန်တွင် ရှောက်ပျားယို နှင့် မိမိတို့ ကြိုက်နှစ်သက်တဲ့အချိန် သောက်သုံးနိုင်ရန်ချဥ်ပေါင်သီးဖျော်ရည် နှင့် ချည်ပေါင်သီးခြောက်များ အစရှိသဖြင့် Value Added ပြုလုပ်ထားသော အိမ်ပြန်လက်ဆောင်များကိုလည်း ထုတ်လုပ်ရောင်းချရန် သတင်းကောင်းပါးအပ်ပါကြောင်း…….
အစဉ်တစိုက်ကြိုးစားနေသော
Ngu Farm Team😍😍😍
