14/11/2023
🦐ပုဇွန်တန်ပူရာကြော်နည်း(1)🦐
-သန့်စင်ပြီးပုဇွန်များကို အမြီးချန်အခွံခွာ ကျောခွဲအညစ်အကြေးကြောင်းထုတ်ဆွဲဆန့်ပြီးဆား၊ငရုတ်ကောင်းမှုန့်ဖြူး ဖွဖွနယ်ထား
-ယိုးဒယားအကြော်မှုန့်နှင့်ဘက်စုံသုံးဂျုံမှုန့်ကိုဆတူရောပြီးရေခဲရေနဲ့ပျစ်ပျစ်ဖျော်ပြီးအနည်းဆုံးနာရီဝက်ခန့်နှပ်ထား
-အချိန်ပြည့်ရင်ဖျော်ထားတဲ့ထဲကြက်ဥတစ်လုံးဖောက်ထည့်၊အရသာမှုန့်ထည့်(ဆားမထည့်ရ ကြော်ရင်ပျော့တတ်ပါတယ်)
သမအောင်ခလောက်ထားမယ်
-bread cramb ခေါ်တဲ့ကပ်ကြော်မှုန့်ကိုချေပြီးပန်းကန်တစ်ခုထဲထည့်ထားမယ်
-ပုဇွန်တစ်ကောင်အမြီးကကိုင်ယူပြီးတန်ပူရာဖျော်ထားတဲ့ထဲအပြည့်နှစ် ဆယ်ပြီးကပ်ကြော်မှုန့်ပန်းကန်ထဲထည့်လူး
ထိုနည်းအတိုင်းအခြားပုဇွန်အားလုံးလုပ်ပြီးပန်းကန်ပြားတစ်ခုထဲစီထည့်ထားပါ။
-အားလုံးလုပ်ပြီးရင်ရေခဲသေတ္တာ အောက်ထပ်ထဲ၁၅မိနစ်ခန့်ထားထားပါ။
-ပြီးရင်ဆီအိုးတည် ဆီများများနဲ့ဆီပူမှာမီးအားအနေတော်နဲ့ကြော်ပေးပါ
-တစ်ဖက်တစ်ချက်ရွှေအိုရောင်သန်းပြီးကြွပ်တဲ့ထိလှန်ကြော်ပေးပါ။
--------------------
🦐ပုဇွန်တန်ပူရာကြော်နည်း(2)🦐
********************
ပုဇွန်အခွံ့ခွာပြီး ဆား အရသာမှုန့် ငရုတ်ကောင်းမှုန့် ငရုတ်သီးအစိမ်းမှုန့် ထည့်ပီးနယ်ကာ ၁၀မိနစ် နှပ်ထားပေးပါ။ ပန်းကန်ထဲကို ကြက်ဥ ၁ လုံး ခေါက်ထည့်ပီး
တန်ပူရာမှုန့် ထမင်းစားဇွန်း ၁ ဇွန်းခန့်ထည့်ပါ။
အမှုန့်ကျေအောင် မွှေလိုက်ပေးပါ။ နှပ်ထားတဲ့ပုဇွန်ကို ကြက်ဥထဲ နှစ်လိုက်ပြီး
တန်ပူရာမှုန့်ပန်းကန်ထဲ ပုဇွန်နှပ်ထားတာကိုထည့်ပြီးလှိမ့်ပေးပါ။ ဆီဆူပြီဆို လှိမ့်ထားပြီးသားပုဇွန်ကိုနှစ်ပြီး ကြော်ပါ။ မီးပြင်းဖို့မလိုပါ။ ၂ဖက်အားညီတူညီမျှလှန်ပေးပီး ကြော်ပေးပါ။
နီရဲပြီး ကျွတ်ရွလာမှ ဆီထဲမှဆယ်ယူပီး
ဆီစစ်ထားပီးပေးပါ။ ပြီးနောက် အရသာရှိတဲ့ ပုဇွန်တန်ပူရာကြော်လေးရပါပြီနော် ☺
--------------------
🦐ပုစွန်တန်ပူရာ ကြော်နည်း(3)🦐
ပါဝင်ပစ္စည်းများ
ပုစွန် ၂၅ ကျပ်သား
တန်ပူရာမှုန့် ၁၀၀ ဂရမ်
ကြက်ဥ ၁ လုံး
မုန့်ကြွပ်မှုန့် ထမင်းစားဇွန်း ၅ ဇွန်း
ကြက်သားမှုန့် ထမင်းစားဇွန်း တစ်ဝက်
ငရုတ်ကောင်းမှုန့် လဘက်ရည်ဇွန်း ၁ ဇွန်း
နှမ်းဆီ ထမင်းစားဇွန်း တစ်ဝက်
ရေအေး ထမင်းစားဇွန်း ၅ ဇွန်း
ဆီ ၂၀ ကျပ်သား
ချက်ပြုတ်ပြင်ဆင်ပုံ
၁။ ပုစွန်တွေကို ရေဆေး၊ အမြီးအခွံလေးပဲချန်ပြီး အခွံခွာထားပါ။ ကျောဘက်က ချီးကြောင်းကို ဓားနဲ့ခွဲထုတ်ပြီး အကောင်လိုက်ဆန့်ထားပြီးတာနဲ့ ငရုတ်ကောင်းမှုန့် ၊ ကြက်သားမှုန့်နဲ့ နှမ်းဆီတို့ကို ထည့်နယ်ရင်း ၅မိနစ်ခန့် နှပ်ထားပါ။
၂။ တန်ပူရာမှုန့်ထဲ ကြက်ဥနဲ့ ရေအေးထည့်ပြီး အနှစ်ပျစ်နေအောင်မွှေထားပါ။ ဆီကို ဒယ်အိုးထဲထည့်ပြီး မီးအလယ်အလတ်နဲ့ အပူပေးထားပါ။
၃။ ပုစွန်တွေကို အမြီးကကိုင်ပြီး တန်ပူရာအနှစ်ထဲ ထည့်စိမ်၊ ပြီးတာနဲ့မုန့်ကြွပ်မှုန့်ထဲထည့်ပြီး အမှုန့်များများကပ်အောင်နှစ်ပြီးမှ ဆီပူထဲမြုပ်နေအောင်ကြော်ပါ။
၄။ ပုစွန်လေးတွေ ရွှေဝါရောင်လေးသမ်းပြီး အနံ့မွှေးလာတာနဲ့ နှစ်ဖက်လှန်ပြီး ဆယ်ကာ ဆီစစ်ထားပါ။
၅။ ပြီးရင်တော့ ရွှေဝါရောင်ဝင်းပြီး ကြွပ်မွနေတဲ့ ပုစွန်တန်ပူရာကြော်လေးတွေကို ပန်းကန်ထဲ အလှဆင်ရင်း မယော့နိစ်လေးနဲ့တွဲစားစား Chili Sauce လေးနဲ့ပဲစားစား ကလေးရော လူကြီးပါ သဘောတွေကျမယ့် အရသာရှိတဲ့ တန်ပူရာကြော်လေး ရပါပြီ။
ပုစွန်တန်ပူရာကြော်တဲ့နေရာမှာ အသုံးပြုမည့် တန်ပူရာမှုန့်နဲ့ မုန့်ကြွပ်မှုန့်တွေကို ဆိုင်တွေမှာ အလွယ်တကူမေးဝယ်လို့ရပါတယ်။ ကြော်တဲ့အခါမှာ အကျက်ညီပြီး မတူးသွားစေဖို့ မီးအသင့်အတင့်ထားပြီး ဆီကိုများများထည့်ပြီး မြှုပ်နေအောင်ကြော်ပါ။
Credit to Owner with Respect
