18/11/2023
``သင့်အလုပ်ထဲမှာ မပျော်တော့ရင်´´
➡️သူငယ်ချင်းတစ်ယောက် သူ့အလုပ်နဲ့ ပတ်သက်ပြီးတော့ အမြဲ ညဉ်းညူလေ့ရှိတယ်။အလုပ်ပါးတော့လည်း ပျင်းလိုက်တာတဲ့။ အလုပ်များတော့လည်း ပင်ပန်းလိုက်တာတဲ့။အထက်က လူကလည်း သူ့ကို အမြဲတင်လေ့ရှိပြီး အလုပ်သွားချင်စိတ်တောင်မရှိတော့လို့ နေမကောင်းတာ မဟုတ်ပေမဲ့လည်း မကြာခဏ(MC) ဆေးခွင့်ယူပြီး အလုပ်နားလေ့ရှိတယ်။
✏️သူ့ကို ပုံပြင်လေးတစ်ပုဒ်နဲ့ လမ်းပြလိုက်တယ်။
ပုံပြင်လေးကတော့ တစ်ချို့လည်း ကြားဖူးကြမှာပါ။
လူတစ်ယောက်ဟာ တစ်နေ့မှာ အဆောက်အဦး လုပ်နေတဲ့ လုပ်ငန်းခွင်ထဲရောက်နေတယ်။အဲဒီနေ့မှာ ကျောက်တုံး အကြီးတွေကို ဆောက်နေတဲ့ အဆောက်အအုံနဲ့ နံရံမှာ သုံးဖို့ ကျောက်တုံးသေးတွေ ရအောင် တူတွေနဲ့ စို့တွေနဲ့ ထုခွဲနေတဲ့ အလုပ်သမားသုံးယောက်ကို တွေ့တယ်။
1️⃣ပထမလူက အလုပ်ထဲမှာ စိတ်ပျော်ပုံမရပါဘူး။တာဝန်ကျေဘဲ ကျောက်တုံးကို ထုခွဲရင်း အလုပ်ဆင်း အိမ်ပြန်ဖို့ အချိန် ဘယ်လောက် ကျန်သလဲဆိုပြီး အလုပ်ခွင်က တိုင်ကပ်နာရီကို မကြာခဏ ကြည့်နေတယ်။စောစောကလူက သူတို့ဘာလုပ်နေတာလဲလို့ မေးကြည့်တယ်။သူက
"ဒီသောက်ကျောက်တုံးတွေကို ခွဲနေရတာပေါ့ဗျာ။ပိုက်ဆံရလို့သာ လုပ်နေတာ အကျိုးလည်းမရှိ ၊ ပင်ပန်းလိုက်တာလည်း လွန်ရောဗျာ၊တစ်နေ့တစ်နေ့ အလုပ်ဆင်းမယ့် အချိန်ပဲ မျှော်နေတာဗျို့"
2️⃣ဒုတိယ လူကတော့ ကျောက်တုံးကြီးကို ကြိုးစားပမ်းစားထုခွဲနေတယ်။ဟိုလူက သူ့ကိုလည်း ဘာလုပ်နေတာလဲလို့ မေးပြန်တယ်။သူက
"ကျွန်တော် ဒီကျောက်တုံးကြီးကနေ ကျောက်တုံး အငယ်တွေဖြစ်အောင် လုပ်နေတာပါ။ခွဲလို့ရတဲ့ ကျောက်တုံးတွေကို အခုဆောက်နေတဲ့ အဆောက်အအုံနံရံမှာသုံးဖို့ပေါ့ဗျာ" တဲ့။
3️⃣တတိယ လူကတော့ ကျောက်တုံးကြီးကို ခွဲလိုက်တယ်။ရလာတဲ့ ကျောက်တုံးလေးတွေကို သေသေချာချာ ကြည့်တယ်။သူလိုချင်တဲ့ အရွယ်ရောက်အောင် ကြိုးစားပမ်းစား ထပ်ခွဲနေတယ်။လိုချင်တဲ့ အရွယ်နဲ့ ပုံစံရသွားရင် အဲ့ဒါလေးတွေကြည့်ပြီး သူဟာ ဝမ်းသာကြည်နူးနေတယ်။
စောစော လူလည်း ထုံးစံအတိုင်း သူ့ကို ဘာလုပ်နေတာလဲလို့ မေးပြန်တယ်။ခုတော့ သူက ခုလိုဖြေပြန်တယ်။" ကျွန်တော် ကမ္ဘာပေါ်မှာ အလှဆုံး ဟိုတယ်ကြီး တစ်ခု ဆောက်နေတာဗျ"တဲ့။
အလုပ်တစ်မျိုးတည်း အတူတူလုပ်ကြတဲ့ အလုပ်သမား သုံးယောက်ဟာ အလုပ်အပေါ် ခံယူချက် စိတ်ဓာတ်(attitude) ကျတော့ မတူကြပြန်ဘူး။
▶️ပထမလူဟာ သူ့အတွက် အလုပ်သာလုပ်နေရတာ စိတ်မပါဘူး။သူ့စိတ်ထဲမှာ အချိန်ဖြုန်းနေတယ်။ငရဲကျနေတယ်လို့ ထင်နေတယ်။စိတ်မပါဘူး။မတတ်သာလို့သာ ဒီအလုပ်ကို လုပ်နေရတာဆိုပြီး စိတ်ဆင်းရဲနေတာပေါ့။
▶️ဒုတိယလူကတော့ အလုပ်ကို ကြိုးစားပမ်းစားလုပ်ပါတယ်။တစ်နေ့ အလုပ်တစ်နေ့ပြီးအောင် တာဝန်ကျေပွန်အောင်လုပ်တယ်။ဒါပေမဲ့သူ့မှာ အနာဂတ်အတွက် ဘာမျှော်မှန်းချက်မှ မရှိဘူး။စက်ရုပ်တစ်ရုပ်လိုပါပဲ။
▶️တတိယလူကျတော့ စောစောက လူနှစ်ယောက်လိုမဟုတ်ဘူး။သူ့အလုပ်ကို အကောင်းဆုံးဖြစ်အောင် လုပ်တယ်။အလုပ်ကို ကောင်းတာထက် ပိုကောင်းအောင် ပိုကြိုးစားနေတယ်။ သူလုပ်လိုက်တဲ့ ကျောက်တုံးလေး တွေကြောင့် မကြာခင်မှာ ကမ္ဘာပေါ်မှာ အလှဆုံး ဟိုတယ်ကြီး ပေါ်ပေါက်လာမယ်လို့ ယုံကြည်နေတယ်။သူဟာ အနာဂတ်ကို တွေးမြင်ကြည့်တတ်တယ်။ဒါကြောင့် သူဟာ အလုပ်ခွင်ထဲမှာ အမြဲတမ်း စိတ်ဓာတ် တက်ကြွ လန်းဆန်းနေတယ်။
⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
(page ကို see first လုပ်ထားပေးခြင်းဖြင့် အကျိုးရှိတဲ့ စာပေတွေကိုဖတ်ပါ)
⬆️⬆️⬆️⬆️⬆️⬆️⬆️⬆️⬆️⬆️⬆️⬆️⬆️⬆️
✏️လူတိုင်းဟာ အသက်ရှင်နေသရွေ့ မိမိနဲ့ မိသားစုအတွက် အလုပ်လုပ်နေကြရမှာပါ။ကိုယ်တိုင်အလုပ်ဖြစ်ဖြစ်၊ဝန်ထမ်းဘဝနဲ့ဘဲ ဖြစ်ဖြစ်၊ အလုပ်တစ်ခုတော့ လုပ်ကို လုပ်ကြရမှာပါ။အဲဒီတော့ ကိုယ့်အလုပ်အပေါ် ခံယူထားတဲ့ attitude ဟာ စောစောကပြောတဲ့ အလုပ်သမားသုံးယောက်ထဲက ဘယ်နဲ့တူသလဲဆိုတာကိုယ်တိုင်ဘဲ အသိဆုံးပါ။
✏️မိမိလုပ်နေတဲ့ အလုပ်ထဲမှာ မပျော်ဘူးဆိုရင် အလုပ်ထွက်လိုက်ပြီး ပျော်မယ့်အလုပ်သစ်ကို ရှာပါ။အဲ့လိုမှ လုပ်လို့မရဘူးဆိုရင် တတိယလူလို အလုပ်အပေါ်မှာထားတဲ့ ခံယူချက် သဘောထား( attitude)ကို ပြောင်းလဲလိုက်ပါ။မိမိ လက်ရှိအလုပ်ကို စိတ်ဝင်စားလာအောင် ငါဘယ်လိုလုပ်ရင်ကောင်းမလဲ။အလုပ်များများ နဲ့ မြန်မြန်ပြီးအောင် ဘယ်လိုလုပ်ရမလဲ။ငါ့အလုပ်ကြောင့် ကုမ္ပဏီမှာ ဘာအကျိုးရှိသွားမလဲ စတာတွေပေါ့။
*️⃣တစ်ခုသိစေချင်တာက အလုပ်ထဲမပျော်တဲ့ လူဟာ အိမ်ထောင်ရေး အဆင်မပြေတတ်ဘူး။အလုပ်ထဲက စိတ်မချမ်းသာမှုဟာ အိမ်ထဲကူးစက်တတ်တာကိုး။စိတ်မချမ်းသာတဲ့ လူဟာ အသက်လည်း တိုတတ်ကြပါတယ်။
CreditOriginalUploader
Source:မျှဝေလိုသော အတွေးများ(ဗန်းမော်သိန်းဖေ)
