https://www.facebook.com/104023141668243/

TTH81, Yangon (2026)

27/01/2023

Waffle ကိုပုံစံအစမ်းလေးနဲ့လှလှလေးလုပ်စားကြမယ်

20/08/2022

နောက် hot pot သွားစားရင်အဲ့လိုလေးလုပ်စားကြည့်အုံးမယ်😁😁

15/08/2022

ဂျပန်ဝက်သားပြားကြော်(or)tonketsu

ပါဝင်ပစ္စည်း...................

ကြက်ဥ - ၁လုံး

ဘက်စုံသုံးဂျုံ - ထမင်းစားဇွန်း၄ဇွန်း

ရေ - လက်ဖက်ရည်ဇွန်း၂ဇွန်း

ဝက်ပေါင်သားအပြား - ၂ပြား

ပေါင်မုန့်ခြောက်မှုန့် - ၁/၂ ခွက်

ဆားအနည်းငယ်

ငရုတ်ကောင်းအနည်းငယ်

ပြုလုပ်ပုံ..............

ကြက်ဥတစ်လုံးကို ပန်းကန်ထဲထည့်၍ ခလောက်ထားပေးပါ

ကြက်ဥထဲကိုဘက်စုံသုံးဂျုံနှင့်ရေကိုထည့်ပြီးမွှေထားပေးပါ
(ရေကတော့မုန့်နှစ်အပြစ်အကြဲကြည့်ပြီးလိုသလိုထည့်နိုင်ပါတယ်)

ဝက်သားပြားကို နည်းနည်းလေးနူးညံသွားအောင် ဓားကိုပြောင်းပြန်လေးလုပ်ပြီး ထုပေးပါ

ပြီးရင်ဆား၊ငရုတ်ကောင်း အနည်းငယ်ထည့်ပြီးနယ်ပေးပါ

ပြီးရင်တော့ ဝက်သားလေးကိုမုန့်နှစ်လေးထဲနှစ် ပေါင်မုန့်ခြောက်လေးကပ်ပြီး ဆီထဲထည့်ကြော်ပေးရင်ရပါပြီရှင့်

12/08/2022

ကိုရီးယားဝက်ဆလပ်လုပ်နည်း

ပါဝင်ပစ္စည်း...................

မိမိကြိုက်နှစ်သက်ရာအသားတစ်မျိုး - ၄၀သားခန့်

ကြက်သွန်နီ -၂လုံးခန့်

ကြက်သွန်ဖြူ - ၄မွှာ

ကြက်သွန်မြိတ် -၁စည်း

သကြား - ထမင်းစားဇွန်း ၃ဇွန်း

ငရုတ်ကောင်း - လက်ဖက်ရည်ဇွန်း ၁ဇွန်း

ပဲငံပြာရည် - ၁/၄ခွက်

နှမ်းဆီ - ထမင်းစားဇွန်း ၃ဇွန်း

ပြုလုပ်ပုံ.............

အသားကို အလွှာလေးတွေဖြစ်အောင်လှီးပေးပါ

ကြက်သွန်နီ၁လုံးနှင့်ကြက်သွန်ဖြူ၊ကြက်သွန်မြိတ်တို့ကို နုပ်နုပ်စင်းပေးပါ

ကျန်ကြက်သွန်နီ၁လုံးကို အကွင်းလေးတွေလှီးပေးပါ

အသားလွှာထဲကို နုပ်နုပ်စင်းထားသော ကြက်သွန်နီ/ဖြူ၊ကြက်သွန်မြိတ်၊သကြား၊ငရုတ်ကောင်း၊ပဲငံပြာရည်၊နှမ်းဆီတို့ကိုထည့်ပြီးသမအောင်နယ်ပေးပါ

အသားထဲအရသာဝင်အောင် မိနစ်၃၀ခန့်နှပ်ပေးပါ

နောက်ဆုံးမကပ်အိုးထဲကို ဆီအနည်းငယ်၊နယ်ထားသောအသား၊အကွင်းလှီးထားသောကြက်သွန်နီထည့်၍အိုးကင်းပူကပ်ပြီးကြော်ပေးပြီးရင်ရပါပြီ

ပြီးရင်တော့ ပန်းကန်ထဲထည့်ပြီး နှမ်းစေ့၊ကြက်သွန်မြိတ်တို့ဖြူးကာအလှဆင်လို့ရပါတယ်ရှင့်

09/08/2022

Crepe roll cake

ပါဝင်ပစ္စည်း....................

ကြက်ဥ - ၂လုံး

သကြား - ထမင်းစားဇွန်း၂ဇွန်း+ လက်ဖက်ရည်ဇွန်း၂ဇွန်း

ဆား - ၁/၄လက်ဖက်ရည်ဇွန်း

Vanilla - ၁/၂လက်ဖက်ရည်ဇွန်း

All purpose flour - ၁/၂ခွက်+ထမင်းစားဇွန်း၂ဇွန်း

ချောကလက်မှုန့် - ထမင်းစားဇွန်း၁ဇွန်း

နွားနို့ - ၁ခွက်ခွဲ

ထောပတ် - ထမင်းစားဇွန်း၁ဇွန်း+လက်ဖက်ရည်၁ဇွန်း

Heavy (or) Whipping cream - ၁ခွက်

နို့ဆီ - ထမင်းစားဇွန်း၃ဇွန်း+လက်ဖက်ရည်ဇွန်း၂ဇွန်း

Oreo cookiesချပ်လေးတွေကိုအမှုန့်ချေပေးထားပါ

ပြုလုပ်ပုံ................

ကြက်ဥ၊သကြား၊ဆား၊vanilla တို့ကိုဇလုံတစ်ခုထဲတွင်မွှေပေးပြီး ဂျုံ၊ချောကလက်မှုန့်၊နွားနို့၊ထောပတ်တို့ကိုထပ်ထည့်၍မွှေပေးပါ

ပြီးရင် မွှေလို့ရလာတဲ့မုန့်နှစ်သားကို ရေခဲသေတ္တာထဲမှာ၁နာရီခန့်ထားပေးပါနော်

ကဲစောင့်နေရင်းနဲ့ အထဲထည့်ဖို့ခရင်လေးလုပ်ရအောင်
Heavy cream၊နို့ဆီတို့ကိုဇလုံတစ်ခုထဲထည့်ပြီး ခရင်ပုံစံလေးရတဲ့အထိမွှေပေးပါနော်

ကဲ crepe လေးတွေလုပ်ပါတော့မယ်

မုန့်နှစ်ကိုရေခဲသေတ္တာထဲကထုတ်ပါ မကပ်အိုးကိုအပူလေးပေးပြီးမီးနည်းနည်းလေးနဲ့ထားပေးပါ ပြီးရင်မုန့်နှစ်လေးတွေထည့်ပြီး crepe ချပ်လေးတွေရအောင်လုပ်ပါမယ်

ပြီးရင်တော့အောက်မှာပြထားတဲ့ပုံအတိုင်းဆက်လုပ်ပြီးရေခဲသေတ္တာထဲခဏထည့်ပြီးရင်ရပါပြီရှင့်

07/08/2022

အရောအနှောတွေမပါပဲကျန်းမာရေးမဲ့ညီညွတ်တဲ့ အိမ်လုပ်ထောပတ်လုပ်နည်းလေးပါ

ပါဝင်ပစ္စည်း...................

Whipping(or)Heavy Cream - ၂ခွက်

ရေခဲရေ

Baking paper

ပြုလုပ်ပုံ...............

Whipping(or)Heavy Cream ၂ခွက်ကို ဇလုံတစ်ခုထဲထည့်ပြီး အောက်ကပုံမှာပြထားတဲ့အခြေအနေရသည်အထိမွှေပေးရပါမယ်

ရလာတဲ့ဟာကို အရည်တွေကို သွန်ပစ်ပြီး ကျန်တဲ့ ထောပတ်ခဲလေးတွေကို အလုံးလေးဖြစ်အောင်လက်နဲ့နယ်ရပါမယ်

ပြီးရင်တော့နယ်ထားတဲ့ထောပတ်ခဲလေးကိုရေခဲရေထဲထည့်ပြီး စေးစေးလေးဖြစ်လာတဲ့အထိထပ်နယ်ပေးရပါမယ်
(မှတ်ချက် - ရေခဲရေနွေးသွားရင်အသစ်လဲပြီးနယ်ပေးရမယ်နော်)

စေးစေးလေးနဲ့လုံးလုံးလေးရပြီဆိုရင်တော့ baking paper ပေါ်တင်ပြီး လိုချင်တဲ့ပုံစံသွင်းကာ ရေခဲသေတ္တာထဲမှာတစ်နာရီလောက်အခဲခံပေးလိုက်ရင် ထောပတ်လေးရပါပြီရှင့်

06/08/2022

ခေါက်ဆွဲပြုတ်ကြီးပဲစားရတာရိုးနေပြီလား?

ခေါက်ဆွဲဘူးထမင်းကြော်လုပ်နည်းလေးပါ

ပါဝင်ပစ္စည်း...................

နှစ်သက်ရာခေါက်ဆွဲဘူး - ၁ဘူး

ဆား - အနည်းငယ်

သကြား -အနည်းငယ်

ထမင်း - ပန်းကန်လုံး၁လုံး

ကြက်သွန်မြိတ်နုပ်နုပ်စင်း - အနည်းငယ်

ကြက်ဥ - ၁လုံး

ပြုလုပ်ပုံ...............

ခေါက်ဆွဲဘူးထဲကခေါက်ဆွဲလေးတွေကိုထုပ်ပြီး သေးသေးလေးတွေဖြစ်အောင်ချေပေးပါ

ပြီးရင် ဘူးထဲခေါက်ဆွဲလေးတွေပြန်ထည့် သူ့မှာပါတဲ့အရသာမှုန့်လေးထည့် ရေနွေးလေးကို ခေါက်ဆွဲလေးမြုပ်ရုံထည့်ပြီးခဏပိတ်ထားပါ

ခေါက်ဆွဲကိုစောင့်ရင်း ထမင်းကြော်ပါမယ်

အိုးတစ်ခုထဲဆီအနည်းငယ်ထည့်ပြီးကြက်သွန်မိတ်ကိုထည့်ကြော်ပါမယ်

ကြက်သွန်မိတ်မွှေးလာရင် ကြက်ဥလေးထည့်ပြီးမွှေပေးပါ ပြီးရင်ထမင်းလေးထည့်မွှေ ပြီးရင်တော့ ခုနကပြုတ်ထားတဲ့ ခေါက်ဆွဲလေးထည့် အရသာအပေါ့အငံမြည်း လိုတာလေးထည့်ပြီးကြော်ပေးရပါမယ်

ပုံထဲကလိုလေးလိုချင်ရင်တော့ ကြော်ထားတဲ့ထမင်းလေးကို ခေါက်ဆွဲဘူးထဲပြန်ထည့်ပြီး ပန်းကန်ပေါ်မှောက်ချလိုက်ရင်ရပါပြီရှင့်

05/08/2022

ကဲဒီနေ့တော့ အစားအသောက်လုပ်နည်းမဟုတ်ပဲ သရေကျစရာလေးတင်ပေးလိုက်ပါတယ်

04/08/2022

လူကြိုက်များတဲ့ mochi ice cream လုပ်နည်းလေးပ

ပါဝင်ပစ္စည်း....................

Chocolateမှုန့် - ထမင်းစားဇွန်း၁ဇွန်း

နို့ဆီ - ထမင်းစားဇွန်း၃ဇွန်း

Whipping cream. - ၁ခွက်

ကောက်ညှင်းမှုန့် - ခွက်တစ်ဝက်+ထမင်းစားဇွန်း၂ဇွန်း

သကြား - ၁/၄ခွက်

ရေ - ၃/၄ခွက်

Corn starch

Ice creamပြုလုပ်ပုံ...............................

Chocolateမှုန့်ရယ်နို့ဆီရယ်whipping creamရယ်ကိုရောမွှေပါ

Cream ပုံစံရလာပြီဆိုရင် နှစ်သက်ရာ ဘူးထဲထည့်ပြီးရေခဲသေတ္တာထဲတွင်၄နာရီလောက်ခဲထားပေးရုံပါပဲ

Mochiပြုလုပ်ပုံ.........................

ကောက်ညှင်းမှုန့်၊သကြားနှင့်ရေကိုခွက်တစ်ခုထဲတွင်ထည့်မွှေပေးပါ

ရလာတဲ့မုန့်နှစ်ကို15mins ခန့်မီးအေးအေးနဲ့ပေါင်းပေးပါ

ပေါင်းပြီးသားမုန့်နှစ်ကို corn starch မှုန့်ခင်းပြီး အပြားလေးဖြစ်အောင်လုပ်ပေးပါ

ပြီးရင်တော့ လိုတဲ့ပုံစံလေးတွေဖြတ်ပြီးရေခဲမုန့်လေးထည့်ကာလုံးပေးပါ

ရလာတဲ့mochiလေးတွေကို freezer ထဲ၁နာရီလောက်ထည့်ခဲပေးပြီးရင်တော့

အရသာရှိတဲ့mochi ice cream လေးရပါပြီရှင့်

02/08/2022

ပုဇွန်ပေါင်မုန့်ကြော်

ပါဝင်ပစ္စည်း..................

‌ပုဇွန် - ၅၀၀g (၃၀ကျပ်သားခန့်)

‌ဆားအနည်းငယ်

‌သကြားအနည်းငယ်

‌ငရုတ်ကောင်းမှုန့်အနည်းငယ်

‌ ကြက်ဥတစ်လုံး

‌ပြောင်းကော်မှုန့် - ထမင်းစားဇွန်းတစ်ဇွန်း

‌ပေါင်မုန့်

ပြုလုပ်ပုံ...............

ပုဇွန်၃၀ကျပ်သားကိုအခွန်ခွာပြီးနုပ်နုပ်စင်းပေးပါ

နုပ်နုပ်စင်းထားတဲ့ပုဇွန်ထဲကိုပါဝင်ပစ္စည်းအမှုန့်များအကုန်ထည့်ပြီးသမအောင်မွှေပေးပါ

(မှတ်ချက်-ကြက်ဥကိုတော့ အကာလေးပဲထည့်ပေးနော်)

ပေါင်မုန့်လေးတွေကိုဘေးသားလေးတွေဖြတ်ပြီးတစ်ချပ်ကိုလေးပိုင်းပိုင်းပေးပါနော်

ပြီးရင်တော့သမအောင်နယ်ထားတဲ့ပုဇွန်လေးတွေကိုပေါင်မုန့်ပေါ်တင်ပြီးကြော်လိုက်ရုံပါပဲ

အရသာရှိတဲ့ ပုဇွန်ပေါင်မုန့်ကြော်လေးရပါပြီ

TTH81

27/01/2023

20/08/2022

15/08/2022

12/08/2022

09/08/2022

07/08/2022

06/08/2022

05/08/2022

04/08/2022

02/08/2022

Address

Telephone

Website

Alerts

Contact The Business

Shortcuts

Share

Category