04/05/2023
ကုန်းမြေပေါ်မှာတော့ လိပ်က ယုန်လောက်အပြေးမမြန်ပါဘူး။
ဒါပေမဲ့ ရေထဲမှာတော့ ယုန်ထက် အကူးမြန်ပါတယ်။
*** ကိုယ့်ကိုကိုယ် နေရာအထား မမှားပါနဲ့။
ကျီးကန်းက သိန်းငှက်ကို အတုခိုးပြီး သိုးကို သွားဖမ်းတယ်။
ကိုယ့်လက်သည်းတွေ သိုးအမွှေးမှာ ငြိနေခဲ့လို့ နောက်ဆုံးမှာ သိုးကျောင်းသားလက်ချက် နဲ့ သေပွဲဝင်ခဲ့ရတယ်။
*** ငှက်တိုင်းက သိန်းငှက် မဖြစ်နိုင်ဘူး။ကိုယ့်ကို ကိုယ်သိမှ လှလှပပ ရှင်သန်နိုင်တယ်။
မြင်းက ကုလားအုတ်ကို တွေ့တော့ကုလားအုတ်ရဲ့ နောက်ကျောဖုကို ရုပ်ဆိုးလွန်းလို့ ဆိုပြီး လှောင်ရယ်တယ်။
ကုလားအုတ်က မြင်းကို ဘာမှပြန်မပြောခဲ့ဘူး။ သဲကန္တရမှာ ခရီးအတူသွားတော့ ကုလားအုတ်က သဲကန္တရကို ဖြတ်ကျော်နိုင်တယ်။ မြင်းက သေသွားတယ်။ မြင်းသေကိုတွေ့တော့ ကုလားအုတ်က ရယ်တယ်။
*** တစ်ခြားသူရဲ့ ပြင်ပန်းသဏ္ဌာန်ကို မလှောင်ပြောင်မကဲ့ရဲ့ပါနဲ့။ တစ်နေ့ သင်လည်း အရယ်ခံရတတ်တယ်။
နွေရာသီမှာ ပူပြင်းလွန်းတော့ မြင်းကျားကမြစ်ဘေးမှာ ရေသွားသောက်တယ်။ ရေမြင်း ရေထဲစိမ်နေတာတွေ့တော့ သူတောင်ရေကစားနိုင်သေးတာပဲ ငါလည်း ကစားနိုင်တယ် ဆိုပြီး မြစ်ထဲခုန်ဆင်းတယ်။ သိပ်မကြာပါဘူး ... မိကျောင်းစားတာ သူခံလိုက်ရတယ်။
*** ခွန်အားမရှိရင် မကစားပါနဲ့ ... အရှုံးကိုသင်ခံနိုင်မှာ မဟုတ်လို့ပါ။
လေထဲမှာ သိမ်းငှက် လွတ်လွတ်လပ်လပ် ပျံသန်းနေတာကို တွေ့တော့ ဘဲတစ်ကောင်က အားကျတယ်။ ငါလည်း သူ့လိုလုပ်နိုင်တယ် ဆိုပြီး အမြင့်ပေါ်တက်ခုန်ချတယ်။အတောင်ပံ နှစ်ချက် မခတ်ရသေးခင် အောက်ကျပြီး သေသွားတယ်။
*** ကောင်းမွန်တဲ့ ကြိုတင်ပြင်ဆင်မှု မလုပ်ထားခင် မှာတော့ ကိုယ်မသိတဲ့အရာ၊ နယ်ပယ်ကိုမျက်ကန်းတောတိုး မစမ်းမိစေနဲ့။
#နိုင်းနိုင်းစနေ
Credit.Photo
