09/07/2026
အစာအိမ်နဲ့ အူလမ်းကြောင်း မှန်ပြောင်းကြည့်ရှုစစ်ဆေးမှုပေါင်း ၂၅,၀၀၀ ကျော် ပြုလုပ်ပြီးနောက် ဆရာဝန်တစ်ဦး တွေ့ရှိခဲ့တဲ့ ကော်ဖီရဲ့ လျှို့ဝှက်ချက် (၅) ချက်ကို သိပါသလား။
အွန်လိုင်းမှာဖတ်ရတဲ့ အကြံပြုချက်တွေက တစ်ခါတလေ အရမ်းရိုးရှင်းလွန်းပါတယ်။ တကယ်တမ်း ကော်ဖီက အူလမ်းကြောင်းထဲမှာ ဘယ်လိုအလုပ်လုပ်သလဲ၊ ဘာတွေမလုပ်ဘူးလဲ ဆိုတာကို ဝေမျှပေးချင်ပါတယ်။
၁။ ကော်ဖီက အူလှုပ်ရှားမှုကို အမြန်ဆုံး လှုံ့ဆော်ပေးပါတယ်။
ကော်ဖီသောက်ပြီးရင် အိမ်သာသွားချင်စိတ်ဖြစ်တာ ကဖိန်းဓာတ်ကြောင့်ချည်းပဲ မဟုတ်ပါဘူး။ ကဖိန်းထုတ်ထားတဲ့ Decaf ကော်ဖီတွေကလည်း အူသိမ်အူမလှုပ်ရှားမှုကို လှုံ့ဆော်ပေးတဲ့ ဟော်မုန်းတွေကို သောက်ပြီး ၄ မိနစ်အတွင်းမှာပဲ ထွက်လာစေပါတယ်။
လက်တွေ့အကြံပြုချက် - မနက်ပိုင်း ဝမ်းသွားလွယ်သူတွေ၊ အူလမ်းကြောင်း အကဲဆတ်သူ (IBS) တွေဆိုရင် ကော်ဖီကို ဗိုက်ဟာနေချိန် မသောက်ဘဲ မနက်စာစားပြီး ၃၀ ကနေ ၄၅ မိနစ်လောက်နေမှ သောက်ပါ။ အစာရှိနေခြင်းက အူလှုပ်ရှားမှု မြန်ဆန်ခြင်းကို သိသိသာသာ လျော့ကျစေပါတယ်။
၂။ အစာအိမ်ဗိုက်ဟာနယ်နေချိန် သောက်ရင် အက်ဆစ်ထွက်စေပါတယ်။
ကဖိန်းဓာတ် ပါသည်ဖြစ်စေ၊ မပါသည်ဖြစ်စေ ကော်ဖီက အစာအိမ်အက်ဆစ်ကို ထွက်စေပါတယ်။ ကျန်းမာသူတွေအတွက် ပြဿနာမရှိပေမယ့် အစာအိမ်ရောင်တတ်သူတွေ၊ လေချဉ်တက်တတ်သူတွေအတွက်တော့ ဗိုက်ဟာနေချိန် ကော်ဖီသောက်တာက အစာအိမ်နံရံကို ပိုပြီး ထိခိုက်စေပါတယ်။
လက်တွေ့အကြံပြုချက် - ပထမဆုံး ကော်ဖီတစ်ခွက် မသောက်ခင် Oats (အုတ်ဂျုံ) လေးဖြစ်ဖြစ်၊ ငှက်ပျောသီးလေးဖြစ်ဖြစ် အရင်စားပေးပါ။ နည်းနည်းစားလိုက်ရုံနဲ့ အက်ဆစ်ထွက်တာကို ကောင်းကောင်း ကာကွယ်ပေးနိုင်ပါတယ်။
၃။ ကော်ဖီဟာ ဓာတ်တိုးဆန့်ကျင်ပစ္စည်း (Antioxidants) အကြွယ်ဝဆုံး အရင်းအမြစ်တစ်ခုပါ။
ကော်ဖီမှာပါဝင်တဲ့ ဓာတ်တွေက အူလမ်းကြောင်းက အကျိုးပြု ဘက်တီးရီးယားလေးတွေကို အာဟာရဖြစ်စေပြီး အူလမ်းကြောင်း ရောင်ရမ်းမှုကို ကျဆင်းစေပါတယ်။ သင့်တင့်မျှတစွာ သောက်သုံးခြင်းက အသည်းကျန်းမာရေးကို ကောင်းစေတယ်လို့ လေ့လာမှုတွေက ဆိုပါတယ်။
လက်တွေ့အကြံပြုချက် - တစ်နေ့ကို ၂ ခွက် ကနေ ၃ ခွက် သောက်ခြင်းက အကောင်းဆုံးပါပဲ။ အဲ့ဒီထက်ပိုရင်တော့ အက်ဆစ်ထွက်တာနဲ့ အူလှုပ်ရှားမှုလွန်ကဲတာတွေက ကောင်းကျိုးထက် ဆိုးကျိုးကို ပိုဖြစ်စေနိုင်ပါတယ်။
၄။ ကော်ဖီဖျော်တဲ့ နည်းလမ်းကလည်း အသည်းကျန်းမာရေးအပေါ် သက်ရောက်မှုရှိပါတယ်။
Espresso၊ French press နဲ့ တူရကီကော်ဖီ လိုမျိုး မစစ်ထုတ်ဘဲ ဖျော်တဲ့ကော်ဖီတွေမှာ နေ့စဉ်သောက်ရင် ကိုလက်စထရော (LDL) နဲ့ အသည်းအင်ဇိုင်းတွေကို မြင့်တက်စေတဲ့ ဒြပ်ပေါင်းတွေ ပါဝင်ပါတယ်။ စက္ကူရေစစ်နဲ့ စစ်ချထားတဲ့ (Filtered drip) ကော်ဖီတွေမှာတော့ အဲဒီဆိုးကျိုး မရှိပါဘူး။
လက်တွေ့အကြံပြုချက် - တစ်နေ့ကို ၂ ခွက်ထက်ပိုသောက်ရင် အနည်းဆုံး တစ်ခွက်ကိုတော့ Filtered drip (စစ်ထုတ်ထားတဲ့) ကော်ဖီ ပြောင်းသောက်ပေးခြင်းဖြင့် အသည်းအတွက် ရေရှည်မှာ ပိုမိုကောင်းမွန်စေပါတယ်။
၅။ သောက်မယ့် အချိန်ကလည်း အရေးကြီးပါတယ်။
အိပ်ရာထထချင်း ၉၀ မိနစ်အတွင်း ကော်ဖီသောက်ခြင်းက ခန္ဓာကိုယ်က သဘာဝအတိုင်း နိုးကြားစေတဲ့ ကော်တီဆော (Cortisol) ဟော်မုန်းထွက်ရှိမှုကို ဟန့်တားလိုက်ပါတယ်။ ရေရှည်မှာ ကော်ဖီကို ပိုမှီခိုလာရတတ်ပါတယ်။ ကော်တီဆောဟော်မုန်း သဘာဝအတိုင်း ကျဆင်းသွားတဲ့အချိန်ထိ စောင့်ပြီးမှ သောက်တာက ကဖိန်းဓာတ်ကို ပိုအစွမ်းပြစေပါတယ်။
လက်တွေ့အကြံပြုချက် - အိပ်ရာထပြီး ၉၀ ကနေ ၁၂၀ မိနစ်လောက်နေမှ ပထမဆုံး ကော်ဖီတစ်ခွက်ကို သောက်ပါ။ ဒါဆိုရင် တစ်နေ့တာလုံး ပိုပြီး လန်းဆန်းနိုးကြားနေတာကို တွေ့ရပါလိမ့်မယ်။
Website:
ကျန်းမာပျော်ရွှင်တဲ့ မိသားစုတိုင်းအတွက် အာဖီယာဟ်မတ် Afiyah Mart
