27/07/2026
အိမ်မှာလုပ်စားဖို့ အရိုးရှင်းဆုံးနဲ့ အရသာအရှိဆုံး "သတ်သတ်လွတ် အာလူးကတ်သလိတ် ‘’
ပါဝင်ပစ္စည်းများ -
အာလူး - ၄ လုံး (ပြုတ်ပြီးသား)
ကြက်သွန်နီ - ၁ လုံး (ပါးပါးလှီးထားရန်)
ကော်မှုန့် သို့မဟုတ် တန်ပူရာမှုန့် - အနည်းငယ်
ဆား၊ ဟင်းခတ်မှုန့်၊ ငရုတ်ကောင်းမှုန့်၊ မဆလာ - အနည်းငယ်
ဆီ - ကြော်ရန်🍳
ပြုလုပ်နည်း အဆင့်ဆင့် -
ပြုတ်ထားတဲ့ အာလူးတွေကို အခွံခွာပြီး ဇလုံတစ်ခုထဲမှာ အခဲမကျန်အောင် သေချာချေပေးပါ။
ချေထားတဲ့ အာလူးထဲကို ပါးပါးလှီးထားတဲ့ ကြက်သွန်နီနဲ့ ကျန်တဲ့ အရသာမှုန့်တွေ အားလုံးထည့်ပြီး သမအောင် နယ်ပေးပါ။ (အာလူးတွေ စေးပိုင်သွားအောင် ကော်မှုန့်လေး နည်းနည်းထည့်နယ်ဖို့ မမေ့နဲ့နော်)
မိမိနှစ်သက်ရာ အလုံးလေးတွေ (သို့မဟုတ်) အပြားလေးတွေဖြစ်အောင် လှလှပပ ပုံဖော်ပေးပါ။
ဒယ်အိုးထဲမှာ ဆီပူလာပြီဆိုရင်တော့ အာလူးတုံးလေးတွေကို ထည့်ပြီး ရွှေဝါရောင်သန်းကာ ကြွပ်ရွလာတဲ့အထိ လှန်ပေးရင်း ကြော်ပေးရုံပါပဲ။
ဒီလောက်ဆိုရင်တော့ အနံ့ရော အရသာရော ပြည့်စုံတဲ့ အိမ်လုပ် အာလူးကတ်သလိတ်လေး ရပါပြီ! 🤤❤️
လိုက်လုပ်ကြည့်ပြီးရင်လည်း ဘယ်လိုအရသာရှိလဲဆိုတာ Comment မှာ ပြန်ပြောပြသွားဦးနော်! 👇
#အာလူးကတ်သလိတ် #သတ်သတ်လွတ်
