15/08/2026
🌶️🥢 ဟော့ပေါ့နဲ့ အရမ်းလိုက်ဖက်တဲ့ အချဉ်ရည် ၃ မျိုး
ဟော့ပေါ့ထဲက အသား၊ ပင်လယ်စာနဲ့ အသီးအရွက်တွေကို ဆယ်ယူပြီး အချဉ်ရည်လေးနဲ့ နှစ်စားလိုက်ရင်… 🤤🔥
ဒီနေ့တော့ အိမ်မှာ လွယ်လွယ်ကူကူ လုပ်စားလို့ရတဲ့ ဟော့ပေါ့အချဉ်ရည် ၃ မျိုးရဲ့ Recipe ကို မျှဝေပေးလိုက်ပါတယ် 👇
🌶️ ၁။ ကြက်သွန်ဖြူ ငရုတ်သီး မြေပဲအချဉ်ရည်
ပါဝင်ပစ္စည်းများ
• ငရုတ်သီးအနီ — ၅–၈ တောင့်
• ကြက်သွန်ဖြူ — ၅–၆ မွှာ
• မြေပဲလှော်ထောင်း — စားပွဲတင်ဇွန်း ၂ ဇွန်း
• သံပုရာရည် — စားပွဲတင်ဇွန်း ၂ ဇွန်း
• ငါးငံပြာရည် — စားပွဲတင်ဇွန်း ၁ ဇွန်းခွဲ
• သကြား — လက်ဖက်ရည်ဇွန်း ၂ ဇွန်း
• ရေ — စားပွဲတင်ဇွန်း ၂ ဇွန်း
• နံနံပင် — စားပွဲတင်ဇွန်း ၁ ဇွန်း
ပြုလုပ်နည်း
ငရုတ်သီးနဲ့ ကြက်သွန်ဖြူကို နုပ်နုပ်စင်းပြီး ပန်းကန်ထဲထည့်ပါ။ မြေပဲထောင်း၊ သံပုရာရည်၊ ငါးငံပြာရည်၊ သကြားနဲ့ ရေထည့်ပြီး သကြားပျော်တဲ့အထိ မွှေပါ။ နောက်ဆုံး နံနံပင်ထည့်ပြီး ၁၀ မိနစ်ခန့် နှပ်ထား လိုက်ရင် ရပါပြီ။
🥜 ၂။ မြေပဲနှမ်း အနှစ်ဆော့စ်
ပါဝင်ပစ္စည်းများ
• မြေပဲထောပတ် — စားပွဲတင်ဇွန်း ၄ ဇွန်း
• နှမ်းအနှစ် (Tahini) — စားပွဲတင်ဇွန်း ၁ ဇွန်းခွဲ
• ပဲငံပြာရည် — စားပွဲတင်ဇွန်း ၁ ဇွန်းခွဲ
• နှမ်းဆီ — လက်ဖက်ရည်ဇွန်း ၁ ဇွန်း
• သကြား — လက်ဖက်ရည်ဇွန်း ၂ ဇွန်း
• ဆန်ရှာလကာရည် — စားပွဲတင်ဇွန်း ၁ ဇွန်း
• ကြက်သွန်ဖြူ — ၁ မွှာ
• ရေနွေး — စားပွဲတင်ဇွန်း ၄–၆ ဇွန်း
• ငရုတ်သီးဆီ — လက်ဖက်ရည်ဇွန်း ၁ ဇွန်း
• နှမ်းလှော် — လက်ဖက်ရည်ဇွန်း ၁ ဇွန်း
ပြုလုပ်နည်း
မြေပဲထောပတ်နဲ့ နှမ်းအနှစ်ကို အရင်ရောပါ။ ပဲငံပြာရည်၊ နှမ်းဆီ၊ သကြား၊ ရှာလကာရည်နဲ့ နုပ်နုပ်စင်းထားတဲ့ ကြက်သွန်ဖြူထည့်ပြီး မွှေပါ။ ရေနွေးကို နည်းနည်းချင်းထည့်ပြီး ချောချောမွေ့မွေ့ ဖြစ်လာတဲ့အထိ မွှေပါ။ နောက်ဆုံး ငရုတ်သီးဆီနဲ့ နှမ်းလှော် ဖြူးလိုက်ရင် ရပါပြီ။
🌶️🍋 ၃။ ပဲငံပြာရည် ငရုတ်သီး သံပုရာဆော့စ်
ပါဝင်ပစ္စည်းများ
• ပဲငံပြာရည်အကြည် — ¼ ခွက်
• သံပုရာရည် — စားပွဲတင်ဇွန်း ၃ ဇွန်း
• ငရုတ်သီးအနီ — ၃–၅ တောင့်
• ငရုတ်သီးအစိမ်း — ၂–၃ တောင့်
• ကြက်သွန်ဖြူ — ၂ မွှာ
• သကြား — လက်ဖက်ရည်ဇွန်း ၁–၂ ဇွန်း
• ရေ — စားပွဲတင်ဇွန်း ၂ ဇွန်း
• နှမ်းဆီ — လက်ဖက်ရည်ဇွန်း ½ ဇွန်း
• နံနံပင် — စားပွဲတင်ဇွန်း ၁ ဇွန်း
ပြုလုပ်နည်း
ငရုတ်သီးနဲ့ ကြက်သွန်ဖြူကို ပါးပါးလှီး/နုပ်နုပ်စင်းပါ။ ပဲငံပြာရည်၊ သံပုရာရည်၊ သကြားနဲ့ ရေကို အရင်ရောမွှေပြီး ငရုတ်သီး၊ ကြက်သွန်ဖြူ၊ နှမ်းဆီနဲ့ နံနံပင်ထည့်ပါ။ အားလုံးရောမွှေပြီး ၅–၁၀ မိနစ်ခန့် ထား လိုက်ရင် စားလို့ရပါပြီ။
🔥 ဟော့ပေါ့တစ်အိုးကို အချဉ်ရည် ၃ မျိုးထဲက ကြိုက်တဲ့ အရသာလုပ်ပြီး တွဲဖက်စားကြည့်နော်။
သင်က ဘယ်အချဉ်ရည်ကို အကြိုက်ဆုံးလဲ? 👇
#ဟော့ပေါ့ #အချဉ်ရည် #ဝါးဒီး #ဟော့ပေါ့အနှစ် ှစ်
