http://www.wutyeefoodhouse.com/

Wutyee Food House, Yangon (2026)

26/07/2025

ထူးရှယ် ထောပတ်ထမင်း
-----------------------------
ဒီတခါတော့ အရမ်းထူးခြားကောင်းမွန် ထောပတ်ထမင်း ချက်နည်းလေးပါ။ မြန်မာထောပတ်ထမင်းက india Ghee ထမင်း နဲ့ချက်နည်း တော်တော်ဆင်ပါတယ်။ ဒါပင်မယ့် ဂီထမင်းက ဂီအရည်ရယ္်၊ မဆလာ၊ သံပရာရည်ထည့်ပြီ ချက်ကြတယ်၊ အသီးအနှံအနေနဲ့ တချို့က ခရမ်းချဥ်သီးထည့်ချက်ကြတယ်။ ဒီချက်နည်းကတော့ မြန်မာ အလျှူမင်္ဂလာပွဲတွေမှာ ချက်လေ့ရှိတဲ့ ထောပတ်ထမင်း ချက်နည်းလေးပါ။ ချက်ရတာလည်း လွယ်လွယ်ကူကူပင် လုပ်စားနိုင်သည်မို့ ထောပတ်ထမင်းကို ခုပဲ လုပ်လိုက်ကြရအောင်…
-----------------------------
ထောပတ်ထမင်းတွင် ပါဝင်ပစ္စည်းများ

ဘာစမာတီ ဆန် – နို့ဆီဘူး ၂လုံး (ရေဖြင့် ဆေးထားပေးပါ)
ဂီ (သို့)ထောပတ် – ၈၀ ဂရမ်
မုန်လာဥနီ – ၁ခွက်စာ (အတုံးလတ်များ တုံးပါ)
ပဲသီး (သို့) ဘိုစားပဲ – ၁ခွက် (အတုံးလတ်များ တုံးပါ)
စပျစ်သီးခြောက် (အမဲ) – ၁ခွက်စာ
သီဟိုဌ်စေ့ – ၁ခွက်စာ (ထက်ခြမ်းခြမ်းထားပါ)
ပြောင်းဖူးစေ့ – ခွက် ဝက်စာ (optional)
ကြက်သွန်နီ – ၂လုံး (ပါးပါးလှီးပါ)
ကလဝေရွက် – ၃ရွက်
သစ်ဂျပိုး – ၁ခု
ဖာလာစေ့ – ၄စေ့
လေညှင်းပွင့် – ၄ခု
ငရုတ်သီးစိမ်း(သို့)နီ - ၂တောင့် (ထပ်ခြမ်းခြမ်းထားပါ)
ဆား – လက်ဖက်ရည်ဇွန်း ၃ဇွန်း
ကြက်သားမှုန့် – လက်ဖက်ရည်ဇွန်း ၃ဇွန်း
ငရုတ်ကောင်းမှုန့် – လက်ဖက်ရည်ဇွန်း ၈ပုံ၁ပုံ
-----------------------------
ပြင်ဆင်နည်း

၁။ ဒယ်ထဲ ဂီ (သို့) ထောပတ် (စားပွဲတင်ဇွန်း ၁ဇွန်း)စာထည့်ပြီ ဆီပူလာလျှင် သီဟိုဌ်စေ့၊ စပျစ်ခြောက်များကို အရောင်ရသည်အထိ ၂မိနစ်ခန့် ဆီပူထိုးပေးပြီ ပြန်ဆယ်ထားပါ။

၂။ ဘာစမာတီဆန်များကို ရေဖြင့် မိနစ်၂၀ခန့် စိမ်ထားေပးပါ။
-----------------------------
ချက်ပြုတ်နည်း

၁။ ဒယ်ထဲ ဂီ (သို့) ထောပတ်များကို ထည့်ပြီ ထောပတ် အရည်ပျော်လျှင် ကြက်သွန်နီများကို ဆီပူထိုးပေးပါ။

၂။ ပြီနောက် ငရုတ်သီးနီ၊ သစ်ဂျပိုး၊ ကလဝေရွက်၊ လေညှင်း၊ ဖာလာစေ့များကို ထည့်ပြီ ၁မိနစ်ခန့် ရောမွှေပေးပါ။

၃။ ပြီမှ သီဟိုဌ်စေ့၊ မုန်လာဥနီ၊ ပဲသီး(သို့)ဘိုစားပဲ၊ ပြောင်းဖူး တို့ထည့်ပြီ နောက်ထပ် ၁မိနစ်ခန့် ဆီသပ်ထားပါ။

၄။ ထို့နောက် ဆန်ထည့်ထားသော Rice Cooker ထဲသို့ ဒယ်ထဲမှ ထောပတ်ရည်၊ မုန်လာဥနီ၊ ပဲသီး၊ ပြောင်းဖူး၊ သီဟိုဌ်စေ့၊ စပျစ်ခြောက်၊ spices တို့ကို လောင်းထည့်လိုက်ပါ။

၅။ ရေ(၃ခွက်)၊ ဆား၊ ကြက်သားမှုန့်တို့ကို ထည့်ပြီ ထမင်းရိုးရိုးချက်သလိုပဲ ချက်ပေးပါ။

၆။ ထောပတ် ထမင်းကျက်ပြီဆိုလျှင် သမအောင် ယောက်မဖြင့် ရောမွှေလိုက်ပါ။

ရ။ ထို့နောက် အရသာ အနေတော်လျှင် အရသာ ရှိသော ထောပတ်ထမင်းကို ကြက်သားဟင်း၊ ဆိတ်သားဟင်း၊ ငပိကြော်၊ ချဉ်ပေါင်ရွက် ဟင်းချို တို့ဖြင့် တွဲဖက်သုံးဆောင်နိုင်ပါပြီ…
-----------------------------
Wutyee Food House
-----------------------------

21/03/2025

ကြာဇံချက် ပူပူလေး နှင့် ရှောက်သီးသုပ်
-----------------------------------------
သင်္ကြန်ပိတ်ရက်တွင်း လုပ်စားနိုင်ဖို့ ကြာဆံချက် ပူပူလေးနဲ့ ရှောက်သီးသုပ်လေးပါ။ နေ့လည်အစာပြေ အဖြစ်ပဲဖြစ်ဖြစ်၊ ထမင်းနဲ့ တွဲဖက် ဟင်းချိုအဖြစ်လည်း တွဲဖက်သုံးဆောင်နိုင်ပါတယ်။ လုပ်ရလွယ်ပြီ စားလို့လည်း ကောင်းသည်မို့ ခုပဲ ကြာဇံချက် ပူပူလေးနဲ့ ရှောက်သီးသုပ်ကို တူတူ ချက်ကြည့်ရအောင်…
-----------------------------------------
ပါ၀င်ပစ္စည်းများ

ပဲကြာဇံ – ၁၅ကျပ်သား (၂၄၀ ဂရမ်)
ကြက်ရိုး – ၃၀ကျပ်သား(၄၈၀ ဂရမ်)
ငါးဖယ် – ၁၀ ကျပ်သား (၁၆၀ ဂရမ်) Optional
မှိုခြောက် – ၂ကျပ်သား (၃၂ ဂရမ်)

ပဲခြောက် – ၂ကျပ်သား (၃၂ ဂရမ်)
ပန်းခြောက် – ၂ကျပ်သား (၃၂ ဂရမ်)
ငုန်းဥ – ၁၀လုံး (ရေဖြင့် ကျက်အောင် ပြုတ်ပြီ အခွံနွှာထားပေးပါ)
ကြက်သွန်နီ – ၃မွှာ (နှုတ်နှုတ်စဉ်းပါ)
ကြက်သွန်ဖြူ – ၃မွှာ (နှုတ်နှုတ်စဉ်းပါ)
နနွင်းမှုန့် – လက်ဖက်ရည်ဇွန်း တ၀က်
ငရုတ်သီး အရောင်တင်မှုန့် – စားပွဲတင်ဇွန်း ၁ဇွန်း
ဆား – စားပွဲတင်ဇွန်း ၁ဇွန်း
ငါးငံပြာရည် – စားပွဲတင်ဇွန်း ၄ဇွန်း
သကြား – စားပွဲတင်ဇွန်း ၁ဇွန်း
ဆီ – စားပွဲတင်ဇွန်း ၅ဇွန်း
-----------------------------------------
ပြင်ဆင်ရန် ပါ၀င်ပစ္စည်းများ

ကြက်သွန်နီ – ၅လုံး (ပါးပါးလှီးပါ)
နံနံပင် – စည်း၀က် (ပါးပါးလှီးပါ)
သံပရာသီး – ၄လုံး (၄စိပ်စိပ်ပါ)
ငါးငံပြာရည်
-----------------------------------------
ပြင်ဆင်နည်း

၁။ အရင်ဆုံး ပဲကြာဇံ၊ မှိုခြောက်၊ ပန်းခြောက်၊ ပဲခြောက်တို့ကို ရေဖြင့် စိမ်ထားပေးပါ။

၂။ ဒယ်အိုးထဲ ရေ(၄လီတာ)ထည့်ပြီ ကြက်ရိုးများကို ပြုတ်ထားပါ။

၃။ ရေ၃လီတာလောက်ကျန်လျှင် ကြက်ရိုးပြုတ်အိုးကို မီးပိတ်လိုက်ပြီ ကြက်ရိုးများကို ပြန်ဆယ်ကာ၊ အအေးခံပြီ ကြက်ရိုးမှ အသားများ နွှင်းပေးပါ။

၄။ ငါးဖယ်ကို (ဆား(လက်ဖက်ရည်ဇွန်း ၁ဇွန်း)၊ ကြက်သားမှုန့်(လက်ဖက်ရည်ဇွန်း ၁ဇွန်း)၊ ငရုတ်သီးမှုန့် (လက်ဖက်ရည်ဇွန်း ၁ဇွန်း)) တို့ဖြင့် သမအောင် နုယ်ပြီ ငါးဖယ်ကို အပြားလေးများ လုပ်ပေးကာ ဆီများများဖြင့် ကြောပေးပြီ ပါးပါးလှီးပေးပါ။

၅။ ဒယ်ထဲ ဆီထည့် ဆီပူလာမှ ကြက်သွန်ဖြူ၊ ကြက်သွန်နီကို ဆီသပ်ပေးပါ။

၅။ ထို့နောက် နနွင်းမှုန့်၊ အရောင်တင်မှုန့်တို့ကို ထည့်ပြီ အသားနွှင်းထားသော ကြက်သားများကို ထည့်ပေးပါ။

၆။ အရသာအတွက် ဆား(လက်ဖက်ရည်ဇွန်း ၁ဇွန်း) ထည့်ပြီ ဆီပြန်လျှင်မီးပိတ်လိုက်ပါ။

ရ။ ပန်းကန်ပြားတစ်ခုထဲ ပန်းခြောက်၊ မှိုခြောက်၊ ပဲခြောက်၊ ငုန်းဥ၊ ကြက်သားချက်၊ ငါးဖယ် တို့ကို ကြာဇံချက် ချက်ရန် အသင့်ပြင်ထားပါ။
-----------------------------------------
ချက်ပြုတ်နည်း

၁။ ကြက်ပြုတ်ရည်ကို ဆူအောင် ပြန်တည်ထားပါ။

၂။ ဆူလာလျှင် ကြက်သား၊ မှုိခြောက်၊ ပန်းခြောက်၊ ပဲခြောက်၊ ငါးဖယ်၊ ငုန်းဥ တို့ကို ထည့်ပြီ ၅မိန်ခန့် အဖုံးအုပ်ထားပါ။

၃။ အရသာအတွက် ငါးငံပြာရည်၊ ဆား၊ သကြား၊ တုိ့ကို ထည့်ပြီ ေ၇ာမွှေလိုက်ပါ။ အရသာ အနေတော်လျှင် မီးပိတ်လိုက်ပါ။

၄။ စောက်ပန်းကန်တစ်ခုထဲ ကြာဇံချက် လောင်းထည့် အပေါ်မှ ကြက်သွန်နီ၊ နံနံပင်၊ သံပရာသီး ညှစ်ထည့်ကာ ကြာဇံချက် ပူပူလေးကို သုံးဆောင်လို့ရပါပြီ…

မှတ်ချက် ။ ။ ကြာဇံချက်ကို ချက်ချင်း မသုံးဆောင်သေးလျှင် ကြာဇံကို ချက်တဲ့အခါ ထည့်မချက်ပဲ သက်သက်အိုးဖြင့် ပြုတ်ပြီ ဆယ်ထားပါ။ စားမှ ပန်းကန်ထဲ ကြာဇံကို ထည့်ပြီ ကြာဇံချက်အရည်ဖြင့် တွဲဖက် သုံးဆောင်ပါ။
-----------------------------------------
ရှောက်သီးသုပ်

ရှောက်သီး – ၂လုံး (အခွံနွာ၊ အစေ့ထုတ်ပြီ ရှောက်သီး နွှာယူပါ)
မြေပဲ – စားပွဲတင်ဇွန်း ၄ဇွန်း (မညက်တညက်ထောင်းထားပါ)
ကြက်သွန်နီ – ၆လုံး (ပါးပါးလှီးပါ)
ပုဇွန်ခြောက် – စားပွဲတင်ဇွန်း ၂ဇွန်း (ညက်အောင် ထောင်းထားပါ)
ငပိ – စားပွဲတင်ဇွန်း ၂ဇွန်း
ငရုတ်သီးစိမ်း – ၈တောင့် (ပါးပါးလှီးပါ)
ဆား – စားပွဲတင်ဇွန်း တ၀က်
သကြား – စားပွဲတင်ဇွန်း ၃ပုံ၁ပုံ
နံနံပင် – အနည်းငယ် (ပါးပါးလှီးပါ)
-----------------------------------------
ချက်ပြုတ်နည်း

၁။ အရင်ဆုံး ဇလုံထဲတွင် (ရှောက်သီး၊ ကြက်သွန်နီ၊ မြေပဲ၊ ပုဇွန်ခြောက်မှုန့်၊ ငပိ၊ ငရုတ်သီးစိမ်း၊ ဆား၊ သကြား) တို့ကို ထည့်လိုက်ပါ။

၂။ သမအောင် လက်ဖြင့် ခပ်ဖွဖွ ရောနုယ်ပြီ အပေါ်မှ နံနံပင်အုပ်ကာ ကြာဇံချက်ပူပူလေး နှင့် တွဲဖက်သုံးဆောင်လို့ရပါပြီ…

”ဟင်းတွဲစားချင်သူများအတွက် ချဉ်စပ် ငါးကောင်လုံးကြော်၊ ကြာဇံချက် နှင့် ရှောက်သီးသုပ်ကို တွဲဖက်သုံးဆောင်နိုင်ပါတယ်”
--------------------------------------

21/03/2025

ကြက်သားကင် နှင့် ဟင်းရွက်စုံ အုန်းထမင်းထုပ်
-----------------------------------
အိမ်မှာလွယ်လင့်တကူနဲ့ လုပ်စားနိုင်ဖို့ ကြက်သားကင် အုန်းထမင်းထုပ်လေးပါရှင့်
-----------------------------------
အုန်းထမင်းတွင် ပါဝင်ပစ္စည်းများ
• ဘာမာတီဆန် - ၆ခွက် (ဆန်ချိန်ခွက်ဖြင့်)
• ရေ - ၉ခွက် (ဆန်ချိန်ခွက်ဖြင့်)
• အုန်းနို့ခရင်မ် - ၃၂၀ မီလီလီတာ
• ဆား - လက်ဖက်ရည်ဇွန်း ၁ဇွန်း
-----------------------------------
ကြက်သားနှပ်ထားရန် ပါဝင်ပစ္စည်းများ
• ကြက်ရင်ဗုံ၊ ပေါင် - ၈ တွဲ (၁၆ပိုင်း လှီးဖြတ်ပါ)
• ပဲငံပြာရည်(အကြည်) - စားပွဲတင်ဇွန်း
• ခရုဆီ - စားပွဲတင်ဇွန်း ၈ဇွန်း
• ခရမ်းချဉ်သီးဆော့ - စားပွဲတင်ဇွန်း ၄ဇွန်း
• ငရုတ်သီးအနှစ် - စားပွဲတင်ဇွန်း ၄ဇွန်း (ငရုတ်သီးပွပုကို အစေ့ထုတ်ပြီပြုတ်ပြီ ညက်အောင် ထောင်းပါ)
• သကြား - စားပွဲတင်ဇွန်း ၄ဇွန်း
• ကြက်သွန်ဖြူ - ၆မွှာ (ညက်အာင် ထောင်းပါ)
• ဂျင်း - လက်တဆစ် (ညက်အောင် ထောင်းပါ)
• ကြက်သွန်နီ - ၄ဥ (ညက်အောင် ထောင်းပါ)
• နှမ်းဆီ - လက်ဖက်ရည်ဇွန်း ၁ဇွန်း
• ဆား - လက်ဖက်ရည်ဇွန်း ၂ဇွန်း
• ငရုတ်ကောင်းမှုန့် - လက်ဖက်ရည်ဇွန်း တဝက်
-----------------------------------
ဟင်းရွက်ကြေ်ာတွင် ပါဝင်ပစ္စည်းများ
• မုန်လာဥနီ - ၂ခု (အတုံး လတ်များတုံးပါ)
• ဘိုစားပဲ - ၁၆၀ ဂရမ် (အတုံးလတ်များ ပိုင်းဖြတ်ပါ)
• ကော်ရိုးမုှိ - ၁၆၀ ဂရမ် (ရေစင်အောင် ဆေးပြီ ၄ခြမ်းခြမ်းပါ)
• ၾကက္သြန္နီ - ၂လံုး (ပါးပါးလွီးပါ)
• ဆား - လက်ဖက်ရည်ဇွန်း ၁ဇွန်း
• ဟင်းခတ်မှုန့် - လက်ဖက်ရည်ဇွန်း တဝက်
• ငရုတ်ကောင်းမှုန့် - လက်ဖက်ရည်ဇွန်း ၃ပုံ၁ပုံ
• ငပျောရွက် - ၁၆ရွက်
-----------------------------------
ကြက်သားကင်နည်း
၁။ အရင်ဆုံး ခွက်တစ်ခုထဲတွင် (ပဲငံပြာရည်၊ ခရုဆီ၊ ခရမ်းချဉ်သီးဆော့၊ ငရုတ်သီးနှစ်၊ သကြား၊ ကြက်သွန်ဖြူ၊ ဂျင်း၊ ကြက်သွန်နီ၊ နှမ်းဆီ၊ ဆား၊ ငရုတ်ကောင်းမှုန့်) တို့ကို သမအောင် ရောမွှေပေးပါ။
၂။ ထို့နောက် စတီဇလုံကြီးထဲတွင် ကြက်သားများဖြင့် ရောမွှေထားသော ဆော့ရည်များကို သမအောင် ရောမွှေပေးပြီ အနည်းဆုံး ၄နာရီခန့် ရေခဲသေတ္တာ (အောက်ထပ်) တွင် နှပ်ထားပေးပါ။ တညသိပ်က ပိုမို ကောင်းမွန်ပါသည်။
၃။ နှပ်ပြီသွားလျှင် Oven ၂၀၀ ဒီဂရီ (သို့) မီးကင်ပြားကို အပူပေးပြီ ဆီအနည်းငယ် သုပ်ပေးထားပါ။
၄။ ထို့နောက် ကြက်သားများ ကျက်သည်အထိ တဖက်ကို မိနစ် ၃၀နှုန်းဖြင့် ၁နာရီခန့်ကင်ပေးပါ။
-----------------------------------
အုန်းထမင်း ချက်နည်း
၁။ Rice cooker ထဲသို့ ဆန်၊ အုန်းနို့၊ ရေ၊ ဆား ထည့်ပြီ အသာရောမွှေလိုက်ပါ။
၂။ ပြီလျှင် ရိုးရိုးထမင်းချက်သလို အုန်းထမင်းကျက်သည်အထိ ချက်ပေးပါ။
-----------------------------------
ဟင်းရွက်ကြော်နည်း
၁။ အရင်ဆုံး ဒယ်ထဲ ဆီ(စားပွဲတင်ဇွန်း ၃ဇွန်း) ထည့်ပြီ ကြက်သွန်နီများ ဆီသပ်ပေးပါ။
၂။ ပြီလျှင ်မုန်လာဥနီ၊ ဘိုစားပဲ၊ မှို၊ ရေ(ခွက်တဝက်) ထည့်ပြီ ၂-၃မိနစ်ခန့် ရောမွှေပါ။
၃။ အရသာအတွက် ဆား၊ ဟင်းခတ်မှုန့် ငရုတ်ကောင်းမှုန့်များ ဖြူးပေးပါ။
-----------------------------------
အုန်းထမင်းထုပ်နည်း
၁။ အုန်းထမင်းထုပ်ဖို့အတွက် ငပျောရွက်၁ရွက်ကို ခင်း၊ ပြီလျှင် အုန်းထမင်းထည့်၊ ဟင်းရွက်ကြော်(စားပွဲတင်ဇွန်း ၂ဇွန်း) ထည့်ပါ။
၂။ အပေါ်မှ ကြက်သားကင်(၁တုံး) ထည့်ပြီ ငပျောရွက်ကို စတုဂံလုံအောင် သွားကြာထိုးတံဖြင့် ပိတ်ပေးပြီ ၁၀မိနစ်ခန့် နှပ်ထားပေးပါ။
၃။ ထို့နောက် အရသာရှိသော မလေးရှားစတိုင် ကြက်သားကင် အုန်းထမင်းထုပ်ကို သုံးဆောင်နိုင်ပါပြီ...
-----------------------------------
Wutyee Food House
-----------------------------------

20/03/2025

အသုပ်စုံ (သို့) အစုံသုပ် (၁၀ယောက်စာ)
-----------------------------------
မြန်မာရိုးရာ သင်္ကြန် အားလပ်ရပ်မှာ မိသားစုနဲ့ တူတူ လုပ်စားနိုင်ဖို့အတွက် အစုံသုပ် (သို့) အသုပ်စုံ လုပ်နည်းလေးကို မျှဝေပေးလိုက်ပါတယ်။ လုပ်ရလည်းလွယ်ပြီ စားလို့ကောင်းတာမို့ မြန်မာတွေအကြိုက် ချဉ်ငံ့စပ်လေး အစုံသုပ်လေးနဲ့ ဗူးသီးဟင်းခါးလေးကို သုံးဆောင်နိုင်ပါပြီ…
-----------------------------------
အစုံသုပ်အတွက် ပါ၀င်ပစ္စည်းများ

• ဂျုံခေါက်ဆွဲဖတ် - ၄၀ ကျပ်သား
• ပဲကြာဇံ - ၂ထုပ် (ရေနွေးပွက်ပွက်ဆူထဲ ထည့်ပြီ ၂မိနစ်ခန့် ပြုတ်ပေးထားပြီ ပြန်ဆယ်ထားပါ)
• မုန့်ဟင်းခါးဖတ် - ၄၀ကျပ်သား
• အာလူး - ၆လုံး (နူအိနေအောင် ပြုတ်ပေးထားပြီ အခွံနွှာထားပါ)
• ပဲပင်ပေါက် - ၁၀ကျပ်သား (ရေနွေးဖျော်ထားပေးပါ)
• ဂေါ်ဖီ - တစိတ် (ပါးပါးလှီးထားပါ)
• သင်္ဘောသီး - တစိတ် (ခြစ်တံဖြင့် ခြစ်ထားပေးပါ)
• ပဲပြား - ၃တုံး (၁လက်မအရှည် ပါးပါးလှီးထားပါ)
• ထမင်း(ချက်ပြီသား) - ၁လုံး
• ပုဇွန်ခြောက် - ၁ခွက်စာ (ညက်နေအောင် ထောင်းထားပါ)
• ကြက်သွန်နီ - ၅လုံး (ပါးပါးလှီးပေးပါ)
• ကြက်သွန်နီကြော် - ၁ခွက်စာ
• ပဲကပ်ကြော် - ၅ခု
• နံနံပင် - ၂စည်း (ပါးပါးလှီထားပါ)
-----------------------------------
အရသာအတွက် ပါ၀င်ပစ္စည်များ

• ငရုတ်သီးဆီချက် - ၁ခွက်စာ (ငရုတ်သီး အရောင်တင်မှုန့် ၅ဇွန်းများကို ဆီ၁ခွက်ဖြင့် ရောချက်ပေးပါ)
• ပဲမှုန့်(အကျက်မှုန့်) - ၁၅၀ ဂရမ်
• မန်ကျည်းရည် - ခွက် တ၀က်စာ (မန်ကျည်းသီး လက်တဆုပ်စာကို ရေခွက်တ၀က်ဖြင့် ရောစိမ်ထားပါ)
• ငါးငံပြာရည် - စားပွဲတင်ဇွန်း ၁၀ဇွန်း
• ဟင်းခတ်မှုန့် - စားပွဲတင်ဇွန်း ၂ဇွန်း
• ဆီချက် - ၁ခွက်စာ
• ငရုတ်သီးမှုန့် - စားပွဲတင်ဇွန်း ၂ဇွန်း (ကြိုက်နှစ်သက်က ထည့်နိုင်သည်)
-----------------------------------
ပြင်ဆင်နည်း

၁။ အရင်ဆုံး ချက်ပြီသား ထမင်း ၁လုံးကို ငရုတ်သီးအနှစ်(စားပွဲတင်ဇွန်း ၃ဇွန်း) ထည့်ပြီ သမအောင် ရောနုယ်ပေးပါ။

၂။ ပြီနောက် ထမင်းနီများကို ၁လက်မခွဲအရွယ် အလုံးလေးများ ပြုလုပ်ပေးပါ။

၃။ ပြီလျှင် ဒယ်ထဲ ဆီထည့်ပြီ ဆီပူလာလျှင် ပဲပြားများကို ရွှေညိုရောင်သန်းသည်အထိ ကြော်ပေးပါ။

၄။ ဒယ်အိုးထဲ ရေ(၅၀၀ မီလီလီတာ) ထည့်ပြီ ဆူလာလျှင် ပဲပင်ပေါက်၊ ပဲကြာဇံများကို ရေနွေးဖျော်ပေးထားပါ။
-----------------------------------
သုပ်နည်း

၁။ ပန်းကန်လုံးထဲတွင် တစ်ယောက်စာ (ခေါက်ဆွဲ၊ ပဲကြာဇံ၊ မုန့်ဟင်းခါးဖတ်၊ သဘောင်္သီး၊ ထမင်းနီ၊ ပဲပြားကြော်၊ ပဲပင်ပေါက်၊ အာလူး(လက်ဖြင့် ခြေထည့်)၊ ဂေါ်ဖီ၊ နံနံပင်၊ ပုဇွန်ခြောက်မှုန့်၊ ပဲကပ်ကြော်၊ ကြက်သွန်နီ) တို့ကို အနည်းငယ်စီ ထည့်လိုက်ပါ။

၂။ ပြီမှ အရသာအတွက် (မန်ကျည်းရည်(စားပွဲတင်ဇွန်း ၁ဇွန်း)၊ ပဲမှုန့် (စားပွဲတင်ဇွန်း ၂ဇွန်း)၊ ငရုတ်သီးဆီချက် (စားပွဲတင်ဇွန်း ၁ဇွန်းခွဲ)၊ ဆီချက်(စားပွဲတင်ဇွန်း ၂ဇွန်း)၊ ငါးငံပြာရည် (စားပွဲတင်ဇွန်း ၁ဇွန်း)၊ ဟင်းခတ်မှုန့် (လက်ဖက်ရည်ဇွန်း ၄ပုံ၁ပုံ) ထည့်ပြီ သမအောင် အစုံသုပ်ကို ရောနုယ်လိုက်ပါ။

၃။ အပေါ်မှ နံနံပင်၊ ကြက်သွန်နီကြော်၊ ငရုတ်သီးအကျက်မှုန့်(အစပ်ကြိုက်လျှင်) တို့ကို ဖြူးပေးပြီ အစုံသုပ်လေးကို အရသာရှိစွာ ဘူးသီးဟင်းခါးပူပူလေး နှင့် တွဲဖက်သုံးဆောင်နိုင်ပါပြီ....
-----------------------------------
Wutyee Food House
-----------------------------------
-----------------------------------

16/03/2025

သာခွေယိုင်
--------------------------------------
သင်္ကြန်တွင်း လုပ်စားလို့ရအောင် သခွေယိုင်ချက်နည်းလေးပါ 💕💕
--------------------------------------
ပါ၀င်ပစ္စည်းများ

၁။ ကောက်ညှင်းချိတ် (အမဲ) – နို့ဆီဗူး ၃ဗူး

၂။ ဓနိပျား – ၂ခွက်

မှတ်ချက် ။ ။ ဓနိပျားဆိုတာ ထန်းလျက်လိုမျိုးပဲ။ ဒါပေမယ့် မြိတ်မှာတော့ ဓနိရည်နဲ့ လုပ်ထားတဲ့ ထန်းလျက်ကို ဓနိပျားလို့ ခေါ်တာပါ

၃။ သကြား – ၃၀ ကျပ်သား

၄။ အုန်းသီး – ၄လုံး (အရည်ညှစ်ထားပါ)

၅။ ဆား – လက်ဖက်ရည်ဇွန်း ၃ဇွန်း
--------------------------------------
ပြုလုပ်နည်း

၁။ အရင်ဆုံး ကောက်ညှင်းချိတ်များကို ရေဖြင့် ပြဲနေအောင် ပြုတ်ပေးပါ။ ပြုတ်နေစဉ်အတွင်း အိုးမကပ်အောင် အနည်းငယ် မွှေပေးပါ။

၂။ ကောက်ညှင်းချိတ်များ ပြဲသွားမှ ဓနိပျား၊ သကြား ထည့်ပေးပါ။

မှတ်ချက် ။ ။ ကောက်ညှင်းချိတ်တွင် ဆားမထည့်ရပါ။

၃။ ထို့နောက် ညှစ်ထားသော အုန်းနို့ရည် ကို ဆားဖြင့် ရောမွှေလိုက်ပါ။

၄။ ခွက်တစ်ခုထဲ တစ်ယောက်စာ ကောက်ညှင်းချိတ်များထည့်ပြီ အပေါ်မှ အုန်းနို့ရည်များ ဆမ်းလိုက်ပါ။

၅။ သင်္ကြန်အတွင်း ချိုစိမ့်တဲ့ သာခွေယိုင်လေးကို သုံးဆောင်နိုင်ပါပြီ…
--------------------------------------
Wutyee Food House
--------------------------------------

10/03/2025

သကြင်္န်နီးလာပြီမို့ ဝတ်ရည် သကြင်္န်တွင်း လုပ်စားလို့ရမယ့် ဟင်းချက်နည်း နဲ့ မုန့်လုပ်နည်းလေးတွေ တင်ပေးမယ်နော်.. တင်ပေးစေချင်တဲ့ ချက်နည်းလေးတွေ ရှိရင်လည်း မန့်ခဲ့ပေးနော် 😘❤️❤️

03/02/2025

မြန်မာ့ရိုးရာအစားအစာဖြစ်တဲ့ မုန့်ဟင်းခါးကို ထိုင်းနိုင်ငံရဲ့ နာမည်ကြီးမီဒီယာတစ်ခုဖြစ်တဲ့ Khaosod English က Mohingarr ဆိုင်မှာ လာရောက်စားသုံးပြီး မြန်မာ့မုန့်ဟင်းခါး သတင်းရေးသားဖော်ပြသွားတဲ့အတွက် အထူးဂုဏ်ယူစွာဖြင့် သတင်းကောင်းပါးလိုက်ပါရစေ..... 🤩♥️♥️

21/01/2025

အိမ်ချက် ကြက်ဆီထမင်း
-------------------------------------------
ကြက်ဆီထမင်းကိုပဲ ၀တ်ရည်က ကြက်ပြုတ်၊ ကြက်ကင်၊ ကြက်ကြော် (၃)မျိုးနဲ့ တွဲဖက်သုံးဆောင်နိုင်အောင် ချက်ပြုတ်ထားတာပဲ ဖြစ်ပါတယ်။ အရမ်းစားကောင်းတဲ့ ထိုင်းစတိုင် ကြက်ဆီထမင်းကို ခုပဲ လုပ်စားကြည့်ရအောင်... 🥰🥰
---------------------------------------------
ကြက်ဆီထမင်းတွင်း ပါဝင်ပစ္စည်းများ

ကြက်ရင်ဗုံ (အရိုးနဲ့ အရေခွံပါ)♦ ၃ခု (၆၀၀ ဂရမ်)
ကြက်အရေခွံ ♦ ၂၀၀ ဂရမ်
ရှမ်းဆန် ♦ နို့ဆီခွက် ၃ခွက်
ဆား ♦ လက်ဖက်ရည်ဇွန်း တဝက်
ပဲငံပြာရည် အနောက် ♦ လက်ဖက်ရည်ဇွန်း တဝက်
နံနံပင် ♦ ၁စည်း (ပါးပါးလှီးပါ)
သခွာသီး ♦ ၁လုံး (အပါးအစောင်းလှီးပါ)
ရေ ♦ ရခွက်
ဂျင်း ♦ ၆ပြား (ပါးပါးလှီးပြီသား)
ကြက်သွန်ဖြူ ♦ ၇မွှာ (နှုတ်နှုတ်စဉ်းပေးပါ)
------------------------------------------------
ကြက်ဆီထမင်း အတွက် ပြင်ဆင်နည်း

၁။ အရင်ဆုံး ဒယ်ထဲ ကြက်အရေခွံများထည့်ကာ အညှိရောင်သန်းလာအထိ ကြော်ပေးပါ။

မှတ်ချက် ။ ။ ရိုးရိုးဆီနဲ့ ကြက်သွန်ဖြူဆီချက် ချက်လျှင်လည်း ရသည်။ ဝတ်ရည်က ပိုကောင်းအောင် ကြက်အရေခွံသီးသန့် ဝယ်ထားပြီ ကြော်ခြင်းဖြစ်သည်။

၂။ ပြီလျှင် ကြော်ထားတဲ့ ကြက်အရေခွံများကို ဖယ်ကာ ထိုကြက်ဆီများဖြင့် ကြက်သွန်ဖြူဆီချက် လုပ်ပေးပါ။
--------------------------------------------
ကြက်ဆီထမင်းချက်နည်း

၃။ ထို့နောက် ကြက်ရင်ဗုံကို ရေဖြင့် သန့်စင်အောင် ဆေးပြီ အခြောက်ပြန်ခံထားပါ။

၄။ ပြီနောက် ဒယ်အိုးတစ်ခုထဲသို့ ရေ(ရခွက်)ထည့်ကာ ဆူအောင်အထိ တည်ထားပေးပါ။

၅။ ပြီမှ ဆူလာလျှင် ကြက်ရင်ဗုံ၊ ဆား(စားပွဲတင်ဇွန်း ၁ဇွန်း)ထည့်ကာ မီးနည်းနည်းဖြင့် အဖုံးအုပ်၍ နူအိအောင် ၄၅မိနစ်ခန့် တည်ထားပေးပါ။

၆။ ရေမျက်နှာပြင်ပေါ် ကြက်အရေခွံမှ ထွက်လာသော ကြက်ဆီများကို ယောက်ဇွန်းဖြင့် ခပ်ပြီ ခွက်တစ်ခုထဲ ထည့်ထားပေးပါ။
ရ။ ထို့ကြက်ဆီရည် ၄ခွက်ခွဲကို အခန်းအပူချိန်နှင့် အအေးခံထားပါ။

၈။ အအေးခံပြီလျှင် ကြက်ဆီထမင်း စချက်ရန် ဆန်(၃လုံး) ရေဆေးပြီသား၊ ကြက်သွန်ဖြူဆီချက်၊ ဂျင်း(၆ပြား)၊ ကြက်ဆီရည်(၄ခွက်ခွဲ)၊ ပဲငံပြာရည်အနောက်(လက်ဖက်ရည်ဇွန်း တဝက်)၊ ဆား(လက်ဖက်ရည်ဇွန်း ၃ဇွန်း) တို့ို ထမင်းအိုးထဲထည့်ရာ ရောမွှေလိုက်ပြီ ရိုးရိုးထမင်းချက်သလို ချက်ပေးပါ။

၉။ ထမင်းချက်နေစဉ်အတွင်း ပြုတ်ထားသော ကြက်သားများကို အရှည်လိုက်ပိုးလှီးပေးထားပါ။

၁၀။ ကြက်ဆီထမင်း ကျက်ပြီဆိုလျှင် ကြက်ပြုတ်၊ ကြက်ကင်၊ ကြက်ကြော်၊ သခွာသီး၊ နံနံပင်၊ ဆော့ရည်တို့ဖြင့် တွဲဖက်သုံးဆောင်နိုင်ပါပြီ…

မှတ်ချက် ။ ။ ကျန်ကြက်ပြုတ်ရည်များကို ဆား၊ ငရုတ်ကောင်းမှုန့် အနည်းငယ်ခပ်ပြီ ဟင်းချိုအဖြစ်တွဲဖက် သုံးဆောင်နိုင်ပါသည်..
---------------------------------------------

ကြက်ကင်တွင် ပါ၀င်ပစ္စည်းများ

ကြက်ရင်ဗုံနဲ့ပေါင် တွဲယှက် ♦ ၈၀၀ ဂရမ် (၄ခု)
ပျားရည် ♦စားပွဲတင်ဇွန်း ၄ဇွန်း
ပဲငံပြာရည် (အကြည်) ♦ စားပွဲတင်ဇွန်း ၆ဇွန်း
ရှာလကာရည် ♦စားပွဲတင်ဇွန်း ၂ဇွန်း
ကြက်သွန်ဖြူ - ၃မွှာ (နှုတ်နှုတ်စဥ်းပါ)
ဆား - လက်ဖက်ရည်ဇွန်း တ၀က်
အသားမှုန့် - လက်ဖက်ရည်ဇွန်း ၁ဇွန်း
-----------------------------------------
ကြက်ကင်နည်း

၁. အရင်ဆုံး ကြက်ပေါင်များကို ဆား၊ အသားမှုန့် တို့ဖြင့် သမအောင် ရောနုယ်ပေးပါ။

၂. ပြီမှ ကြက်သားနုပ်ရန် (ပျားရည်၊ ပဲငံပြာရည်၊ ရှာလကာရည်၊ ကြက်သွန်ဖြး တို့ကိုထည့်ပေးပြီ အနည်းဆုံး ၄နာရီမှ တညသိပ်ပေးပါ။

၃။ ကြက်သားနုပ်ပြီလျှင် အကင်ပြားထဲ ကြက်သားထည့်၊ ဆီအနည်းငယ် ဖြူးပေးပြီ ၁၈၀ ဒီဂရီဖြင့် ၄၅မိနစ်ခန့် ကင်ပေးရမှာပဲ ဖြစ်ပါတယ်။

၄။ ကြက်ကင်ရပြီဆိုရင် အတုံးများ တုံးထားပေးပါ။
----------------------------------------------
ကြက်ကြော် ပါဝင်ပစ္စည်းများ

ကြက်ရင်ပုံ - ၁ခု
ဂျုံမှုန့် – ခွက်တဝက်
ကြက်ဥ – ၂လုံး (ခလောက်ထားပါ)
ပါမုန့်ခြောက် – ခွက်တဝက်
ဆား – လက်ဖက်ရည်ဇွန်း ၁ဇွန်း
ငရုတ်ကောင်းမှုန့် – လက်ဖက်ရည်ဇွန်း ၃ပုံ၁ပု

ကြက်ကြော်နည်း

၁။ အရင်ဆုံး ကြက်သားပေါ်မှ ဆား(အနည်းငယ်၊ ငရုတ်ကောင်းမှုန့် ဖြူးပေးပါ။

၂။ ကြကသားကို ကို ဂျုံမှုန့်များ ကပ်ပေးပါ။

၃။ ဂျုံကပ်ပြီလျှင် ကြက်ဥ ခွက်ထဲ ကြက်သားများကို နှစ်စိမ်ပေးပါ။

၄။ ပြီနောက် ပါမုန့်ခြောက်ခွက်ထဲ ကြက်သားများကို ထည့်ပြီ ပါမုန့်ခြောက်ကပ်ပေးပါ။

၅။ ပြီလျှင် ဒယ်ထဲ ဆီများများ ထည့်ပြီ ဆီပူလာလျှင် ကြက်သားများကို ကြွပ်ရွသည်အထိ ထည့်ကြော်ပေးပါ။

၆။ ကြက်သားကြော်များ ရပြီဆိုလျှင် ခေတ္တ အအေးခံပြီ အရှည်များ လှီးပေးထားပါ။
---------------------------------------
ဆော့တွင် ပါဝင်ပစ္စည်းများ

ပဲငံပြာရည် အကြည် ♦ စားပွဲတင်ဇွန်း ၃ဇွန်း
ပဲငံပြာရည် အနောက် ♦ လက်ဖက်ရည်ဇွန်း ၁ဇွန်း
ပဲငပိ အနှစ် ♦ စားပွဲတင်ဇွန်း ၃ဇွန်းစာ
သကြား ♦ စားပွဲတင်ဇွန်း ၁ဇွန်းခွဲ
ဗီနီကာ ♦ စားပွဲတင်ဇွန်း ၁ဇွန်းခွဲ
ကြက်သွန်ဖြူ ♦ ၃မွှာ
ငရုတ်သီးနီ(သို့)စိမ်း ♦ ၆တောင့်
-----------------------------------------------
ဆော့ပြုလုပ်နည်း

၁။ ဆော့လုပ်ရန် ကြိတ်စက်ထဲသို့ (ပဲငံပြာရည် အကြည်၊ အနောက်၊ ပဲငပိ၊ သကြား၊ ဗီနီကာ၊ ကြက်သွန်ဖြူ၊ ငရုတ်သီးစိမ်း) တို့ကို သမအောင် ရောမွှေလိုက်ပါ။

၂။ သကြားအရေပျော်ရန် မီးနည်းနည်းဖြင့် အပူပေးပြီ ခွက်တစ်ခုထဲ ဆော့ရည် ပြန်ထည့်ထားပေးပါ။
-----------------------------------------------
Wutyee Food House
---------------------------------------------

16/01/2025

မုန့်ဟင်းခါးဆိုင်ဖွင့်ပွဲသို့ တကူးတက လာရောက်တက်ရောက်ပေးကြသော မိတ်ဆွေများနှင့် အားပေးသူအပေါင်းတို့အား အထူးပင် ကျေးဇူးတင်ရှိပါသည်။

ဖွင့်ပွဲအထိမ်းအမှတ်အနေဖြင့် *Free* ဘတ် ၁၀၀ တန် ကူပွန်လက်မှတ်များကိုလည်း ၂၀ ရက်နေ့အထိ ရယူနိုင်ပါသေးကြောင်း အသိပေးအပ်ပါသည်။

ကူပွန်ရယူရန် လင့်: https://lin.ee/hMgB9f2

မိတ်ဆွေအပေါင်းတို့ခင်ဗျား - လူတိုင်းစောင့်မျှော်နေကြသော "ထူးခြား ဝက်သားတုတ်ထိုး" ကို Mohingarr စားသောက်ဆိုင်တွင် ယခုအခါ ရရှိနိုင်ပါပြီ!

🥩 ထူးခြား ဝက်သားတုတ်ထိုး အကြောင်း
- တစ်ပွဲလျှင် ၃-၄ယောက်အထိ ဝလင်စွာ သုံးဆောင်နိုင်
- စားပြီးနောက် ဆွေမျိုးတောင်မေ့လောက်သော အရသာထူးကဲ
- မိသားစု၊ မိတ်ဆွေသူငယ်ချင်းများနှင့်အတူ မျှဝေစားသုံးရန် အထူးသင့်လျော်

📍 နေရာသစ် - Phenix Pratunam Shopping Mall ၄လွှာတွင် ပြောင်းရွှေ့ဖွင့်လှစ်

🌟 မီနူးအသစ်များ
- အထူးမိတ်ဆက် အမဲရောင်မုန့်ဟင်းခါး
- Truffle ဂဏန်းသား Caviar မုန့်ဟင်းခါး
- အဆင့်မြင့် မုန့်ဟင်းခါး အမျိုးမျိုး
- နန်းကြီးသုပ်၊ စီလုံကြော်
- နို့ခေါက်ဆွဲ လက်ဖက်ရည်အေး

🍜 လူကြိုက်များ မီနူးများ
- ရိုးရိုးမုန့်ဟင်းခါး၊ အဆင့်မြင့်မုန့်ဟင်းခါး
- အကြော်စုံ မုန့်ဟင်းခါး၊ ငါးသလောက်ဥ မုန့်ဟင်းခါး
- နန်းကြီးသုပ်၊ မုန့်ဖတ်သုပ်
- စီလုံကြော်၊ မြန်မာလက်ဖက်ရည်
- အကြော်မျိုးစုံ

🍚 ထမင်းနှင့် မုန့်မျိုးစုံ
- ပဲပြုတ်ထမင်းဆီဆမ်း (ကြက်ဥကြော်/ကြက်သားကြော်)
- လက်ဖက်ထမင်း၊ ငါးထမင်းချဉ်
- အညာထမင်းသုပ် နှင့် ကြက်ဥကြော်
- ကြက်သားကြော်သုပ်
- မုန့်ပြားသုပ်
- မုန့်လင်မယား၊ ငုံးဥမုန့်လင်မယား
- မုန့်လင်မယားနှင့် ငုံးဥမုန့်လင်မယား စုံလင်စွာ

📱 လွယ်ကူစွာ မှာယူနိုင်ပါပြီ
- Lineman, Grab, Foodpanda တို့တွင် 'Mohingarr' ဟု ရှာဖွေပါ
- တိုက်ရိုက်မှာယူလိုပါက - 080-028-3250

⏰ နေ့စဉ် မနက် ၁၀နာရီမှ ညနေ ၇နာရီအထိ ဖွင့်လှစ်

🚶‍♂️ လမ်းညွှန်
- Platinum Mall မှ ၃မိနစ်သာ ကွာဝေး
- BTS Ratchathewi (သို့မဟုတ်) BTS Chitlom မှ ၁၀မိနစ် လမ်းလျှောက်ရုံသာကွာဝေး

မြန်မာ့ရိုးရာ အရသာစစ်စစ်နှင့် ခေတ်မီဆန်းသစ်သော မီနူးများကို လာရောက်သုံးဆောင်ကြပါရန် ဖိတ်ခေါ်အပ်ပါသည်။ အထူးသဖြင့် ဝတ်ရည်၏ signature dish ဖြစ်သော "ထူးခြား ဝက်သားတုတ်ထိုး" ကို လာရောက်စားသုံးကြည့်ရန် လှိုက်လှဲစွာ ဖိတ်ခေါ်အပ်ပါသည်။

16/01/2025

Taco အမဲသား ဘိုရီတို
--------------------------------------
အိမ်မှာ လုပ်စားနိုင်အောင် မက်ဆီကန်စတိုင် အမဲသား ဘိုရီတို တာဂို ချက်နည်းလေး ေ၀မျှပေးလိုက်ပါတယ်နော်။ ဂျုံပြားထဲ အမဲသားရောချက်ထားတာရယ်၊ ချိစ်၊ ထမင်း၊ ဟင်းသီးဟင်းရွက်တွေ ထည့်ပြီ ရောလိပ်ပြီ စားရတာပါ။
---------------------------------------
Taco ပါ၀င်ပစ္စည်းများ

- Taco ဂျုံပြား - ၆ပြား
- ချက်ပြီသားထမင်း - ၁ခွက်စာ
- Mozzarella ချိစ် - ၃၅၀ ဂရမ် (ခြစ်တံဖြင့် ခြစ်ထားပေးပါ)
- Chedder ချိစ် အနှစ်ဘူး - ဘူး၀က်
- ပြောင်းဖူး - ၁ဖူး (ပြုတ်ပြီ အစေ့ခြွေထားပါ)
- ခရမ်းချဥ်သီး - ၄လုံး (အစေ့ထုတ်ပြီ အတုံးသေးများတုံးထားပါ)
- ကြက်သွန်နီ - ၃လုံး (နှုတ်နှုတ်စဥ်းပေးပါ)
- ဆလတ်ရွက် - ၁စည်း (ပါပါးလှီးထားပါ)
---------------------------------------
အမဲသား စဥ်းကောအတွက် ပါ၀င်ပစ္စည်းများ

- အမဲသား (နှုတ်နှုတ်စဥ်းပြီသား) - ၃၀၀ ဂရမ်
- ငရုတ်သီး အရောင်တင်မှုန့် - စားပွဲ တင်ဇွန်း ၁ဇွန်း
- ဇီယာမှုန့် - လက်ဖက်ရည်ဇွန်း၁ဇွန်း
- ငရုတ်ကောင်းမှုန့် - လက်ဖက်ရည်ဇွန်း တ၀က်
- ဆား - လက်ဖက်ရည်ဇွန်း တ၀က်
- သံလွင်ဆီ - စားပွဲတင်ဇွန်း ၃ဇွန်း
- ကြက်သွန်နီ - ၂လုံး (နှုတ်နှုတ်စဥ်းပါ)
---------------------------------------
အမဲစဥ်းကော ချက်နည်း

၁. အရင်ဆုံး ခွက်ထဲ (ငရုတ်သီးမှုန့်၊ ဇီယာ၊ ငရုတ်ကောင်းမှုန့်၊ ဆား) တို့ကို သမအောင် ရောနုယ်ပါ။
၂. ပြီမှ ဒယ်ထဲ သံလွင်ဆီထည့်ပေးပြီ ဆီပူလာလျှင် ကြက်သွန်နီဆီသပ်ပေးရမှာပါ။
၃. ထို့နောက် အမဲစဥ်းကောများထည့်ပြီ ၂မိနစ်ခန့် လုံးချက်ပေးပါ။
၄. ပြီလျှင် ရောနုယ်ထားသော အမှုန့်များကို ထည့်ပြီ အမဲသားများဖြင့် သမအောင် ရောချက်ပေးရပါ့မယ်။
၅. ရေ ခွက်တ၀က်စာ ထည့်ပြီ အမဲသားများဆီပြန်သည်အထိ တည်ထားပါ။
၆. အမဲသားများကျက်လျှင် မီးပိတ်ပြီ ပြန်ဆယ်ထားပေးပါ။
---------------------------------------
Taco Beef Burrito ပြုလုပ်နည်း

၁. ဒယ်ပြားထဲ Taco ဂျုံဒိုးပြား ၁ခုတင်ပါ အပေါမှ mozzarella ချိစ်များဖြူးပေးပါ။
၂. ပြီ နောက် ဂျုံပြားကို ထပ်အုပ်လိုက်ပြီ မီးအသင့်တင့်ဖြင့် အထဲက ချိစ်ပျော်သည်အထိ ဂျုံဒိုးကို တဖက်ဆီ လှန်ပေးပါ။
၃. ချိစ်ပျော်လျှင် မီးပိတ်ပြီ ဂျုံဒိုးပေါမှ (အမဲစဥ်းကော၊ ထမင်း၊ ပြောင်းဖူး၊ ကြက်သွန်နီ၊ ခရမ်းချဥ်သီး၊ ဆလတ်ရွက်၊ mozzarella ချိစ်အနည်းငယ်၊ Cheddar ချိစ်ရည်များ ဆမ်းပါ)
၄. ပြီလျှင် ဂျုံဒိုးကို နှစ်ဖက် အရင်ခေါက်ပြီမှ လက်ဖြင့် အသာလိပ်သွားပါ။
၅. Taco အမဲသား ဘိုရီတို ရပြီဆိုလျှင် aluminum သတ္တုပြားဖြင့် ထုပ်ပေးပါ။ စားခါနီး ဓားဖြင့် အလယ်မှ ထပ်ခြမ်းခြမ်းပေးပါ။
၆. ထိုနည်းအတိုင်း ကျန် တာဂိုလိပ်များကို ပြုလုပ်ပေးပါ။
၇. အရသာရှိသော Taco အမဲသား borrito ကို သုံးဆောင်လို့ရပါပြီနော်။

06/01/2025

လက်ပံပြားစတိုင် ကြက်ကြော်
-----------------------------------------
ဒီနေ့ ဝတ်ရည် ချက်စားဖြစ်တဲ့ လက်ပံပြားစတိုင် ကြက်ကြော် ချက်နည်းပါ။ ဒါပင်မယ့် ဝတ်ရည် နည်းဟန်နဲ့ ချက်နည်း ပြင်ထားပါတယ်။ ကြက်ကြော်က အပြင်မှာ ကြွပ်ရွပြီ အထဲက အသားက အိနေတာပဲ အရမ်းစားကောင်းတာမို့ ချက်နည်း ပြန်ရှယ်ပေးလိုက်ပါတယ်နော်
-----------------------------------------
ပါဝင်ပစ္စည်းများ

- မြန်မာ ကြက် - တကောင် (သန့်စင်ပြီသား)
- ဂျင်း - လက်တဆစ် (မညက်တညက် ထောင်းထားပါ)
- ဆား - လက်ဖက်ရည်ဇွန်း ၁ဇွန်း
- အသားမှုန့် - လက်ဖက်ရည်ဇွန်း တဝက်
- သကြား - လက်ဖက်ရည်ဇွန်း တဝက်
- နနွင်းမှုန့် - လက်ဖက်ရည်ဇွန်း ၃ပုံ၁ပုံ
- ဆီ များများ
-----------------------------------------
ပြင်ဆင်နည်း

၁။ အရင် ကြက်ကို ထပ်ခြမ်းခြမ်းလိုက်ပါ။
၂။ ပြီလျှင် ကြက်သားကို (ဆား၊ အသားမှုန့်၊ သကြား၊ ဂျင်း၊ နနွင်းမှုန့်) တို့ဖြင့် သမအောင် ရောနုယ်ပြီ အနည်းဆုံး ၂နာရီခန့် နှပ်ထားပေးပါ။
(အချိန်ရလျှင် ရေခဲသေတ္တာအောက်ထပ်မှာ အရသာနုယ်ပြီ တညသိပ်က ပိုမိုကောင်းမွန်ပါသည်)
၃။ ထို့နောက် ပေါင်းအိုးထဲထည့်ပြီ ကြက်သားများကို ၁၀မိနစ်ခန့် ပေါင်းပေးပါ။
(တချို့က ကြက်မကြော်ခင် ပြုတ်ပါသည်၊ အရသာတွေ ပျက်မှာစိုးလို့ ပေါင်းပေးတာပါ)
-----------------------------------------
ကြက်ကြော်နည်း

၁။ ဒယ်ထဲ ဆီများများထည့်ပါ။

၂။ ဆီပူလာလျှင် ပေါင်းထားသော ကြက်သားများကို ရေစစ်ပြီ ဒယ်ထဲ ထည့်ကြော်ပေးပါ။

၃။ ကြော်တဲ့အခါ မီး အသင့်တင့်နဲ့ပဲ ကြက်သားများ ကြွပ်ရွသည်အထိ ကြော်ပေးပါ။ (မီးမပြင်းပါစေနဲ့)

၄။ ကြက်ကြော်များရပြီဆိုလျှင် ပြန်ဆယ်ပြီ ထမင်း ဆီဆမ်းလေးနဲ့ အရသာရှိစွာ သုံးဆောင်နိုင်ပါပြီ။

Wutyee Food House

26/07/2025

21/03/2025

21/03/2025

20/03/2025

16/03/2025

10/03/2025

03/02/2025

21/01/2025

16/01/2025

16/01/2025

06/01/2025

Address

Website

Alerts

Contact The Business

Shortcuts

Share

Category